Ugnayan sa Pasig

06/10/2026

𝐇𝐈𝐆𝐈𝐓 𝟏,𝟎𝟎𝟎 𝐉𝐎𝐁𝐒𝐄𝐄𝐊𝐄𝐑𝐒, 𝐋𝐔𝐌𝐀𝐇𝐎𝐊 𝐒𝐀 𝐓𝐀𝐑𝐀 𝐓𝐑𝐀𝐁𝐀𝐇𝐎, 𝐆? 𝐌𝐄𝐆𝐀 𝐉𝐎𝐁 𝐅𝐀𝐈𝐑!
Matagumpay na isinagawa ang back-to-back na Tara Trabaho, G? Mega Job Fair noong October 1-2, 2026 sa SM City East Ortigas at Robinsons Metro East, na dinaluhan ng 1,067 jobseekers na naghahanap ng bagong oportunidad sa pagtatrabaho, lokal man o sa ibang bansa.
Sa unang araw sa SM City East Ortigas, umabot sa 508 aplikante ang dumalo, kung saan 122 ang hired-on-the-spot at 100 ang near-hire, o mga aplikanteng kinakailangang magsumite ng karagdagang dokumento o sumailalim sa ikalawang interview.
Sa ikalawang araw naman sa Robinsons Metro East, 559 jobseekers ang lumahok, kung saan 172 ang hired-on-the-spot at 260 ang near-hire. Sa kabuuan, umabot naman sa 1,753 qualified job applications ang natanggap sa dalawang araw na job fair. Mas mataas ito kaysa sa kabuuang bilang ng jobseekers dahil maaaring makapag-apply ang isang aplikante sa higit sa isang posisyon o kumpanya.
Bahagi rin ng aktibidad ang one-stop shop para sa mga Pasigueñong first-time jobseeker na nangangailangan ng iba’t ibang dokumento at serbisyo para sa kanilang employment application. Kabilang dito ang libreng pagkuha ng police clearance at NBI clearance, pati na rin ang registration sa Pag-IBIG Fund, PhilHealth, at SSS.
–
Bukod sa recruitment activities at one-stop shop, bahagi rin ng job fair ang mga lecture at orientation session para mas maging handa ang mga aplikante bago sumailalim sa interview sa partner companies at agencies. Pinangunahan ng Pasig City Public Employment Service Office (PESO) ang Pre-Employment Coaching, kung saan sila nagbigay ng tips tungkol sa paghahanda para sa job interview.
Nagkaroon din ng one-on-one coaching ang PESO para mas detalyadong matukoy ang mga kailangang pagbutihin ng bawat aplikante at mabigyan sila ng mas angkop na gabay bago ang kanilang interview.
Para naman sa mga nais magtrabaho sa ibang bansa, nagsagawa ang Department of Migrant Workers ng Pre-Employment Orientation Seminar, na nagbigay ng mahahalagang impormasyon para sa mga nagpaplanong mag-abroad, kabilang ang mga paraan upang makaiwas sa illegal recruitment. Nagkaroon din ng YAKAP Orientation mula sa PhilHealth tungkol naman sa programa at mga serbisyong maaari mapakinabangan ng mga aplikante.
–
Mula sa Pamahalaang Lungsod ng Pasig, sa pangunguna ng PESO, taos-pusong pasasalamat sa mga kumpanyang nakiisa, sa opisina ni Senate President Sherwin “Win” Gatchalian, at sa mga tanggapan ng nasyonal na pamahalaan na naging katuwang sa matagumpay na pagsasagawa ng dalawang araw na job fair.
Salamat din sa lahat ng jobseekers na dumalo at nagsikap na makahanap ng trabaho at bagong oportunidad na tiyak na makakatulong upang guminhawa ang kanilang pamumuhay!
Hanggang sa susunod na mga job fair, Pasigueños! See less

06/10/2026

06/10/2026

06/10/2026

06/10/2026

𝐅𝐫𝐞𝐞 𝐁𝐢𝐤𝐞 𝐋𝐞𝐬𝐬𝐨𝐧𝐬 | 𝐎𝐜𝐭𝐨𝐛𝐞𝐫 𝟏𝟏, 𝟐𝟎𝟐𝟔
Nais matutong magbisikleta pero hindi alam kung paano magsisimula? Ito na ang sign mo!
Muling maghahandog ang Pamahalaang Lungsod ng Pasig ng libreng bike lessons para sa mga baguhan sa pagbibisikleta ngayong buwan ng October.
Gaganapin ang free bike lessons sa darating na Linggo, 𝐎𝐜𝐭𝐨𝐛𝐞𝐫 𝟏𝟏, 𝟐𝟎𝟐𝟔, 𝟎𝟕:𝟎𝟎𝐀𝐌-𝟏𝟏:𝟎𝟎𝐀𝐌, 𝐬𝐚 𝐂𝐚𝐫𝐮𝐧𝐜𝐡𝐨 𝐀𝐯𝐞𝐧𝐮𝐞, 𝐁𝐚𝐫𝐚𝐧𝐠𝐚𝐲 𝐒𝐚𝐧 𝐍𝐢𝐜𝐨𝐥𝐚𝐬.
Huwag mag-alala sa venue dahil tuwing 06:00AM - 06:00PM kapag Linggo, isinasara ang bahaging ito ng kalsada at ginagawang People’s Street upang magsilbing ligtas na espasyo para sa iba’t ibang community recreational activities gaya ng pagbibisikleta.
Kahit walang personal na bisikleta, pwedeng pwede pa ring sumali. Mayroong available na bisikleta para sa adults, pre-teens, kids below 8 years old sa registration booth ng free bike lessons.
Hanggang 70 kalahok ang maaaring makasali.
Para sa mga interesado, mag-register gamit ang QR code na nasa material o i-click ang link na ito: https://forms.gle/m8iKhduXJCN6Gvwv7

𝐁𝐮𝐤𝐚𝐬 𝐚𝐧𝐠 𝐨𝐧𝐥𝐢𝐧𝐞 𝐫𝐞𝐠𝐢𝐬𝐭𝐫𝐚𝐭𝐢𝐨𝐧 𝐟𝐨𝐫𝐦 𝐡𝐚𝐧𝐠𝐠𝐚𝐧𝐠 𝟓:𝟎𝟎 𝐏𝐌 𝐧𝐠 𝐇𝐮𝐰𝐞𝐛𝐞𝐬, 𝐎𝐜𝐭𝐨𝐛𝐞𝐫 𝟖, 𝟐𝟎𝟐𝟔. Maaari itong isara nang mas maaga kapag napuno kaagad ang slots.
Kita-kits!

𝐌𝐠𝐚 𝐏𝐚𝐚𝐥𝐚𝐥𝐚:
- Magsuot ng angkop at komportableng kasuotan
- Magdala ng extra towel at damit
- Magdala ng drinking water
- Maaaring ma kansela ang activity kung magkaroon ng malakas na pag-ulan
- Anu mang kanselasyon ay i-aanounce isang oras bago ang activity.
—
Ang programang Free Bike Lessons ng Pamahalaang Lungsod ng Pasig ay pinangungunahan ng City Transportation Development and Management Office (Pasig Transport).

06/10/2026

𝐀𝐃𝐕𝐈𝐒𝐎𝐑𝐘
𝐏𝐀𝐑𝐀 𝐒𝐀 𝐀𝐓𝐌 𝐂𝐀𝐒𝐇 𝐂𝐀𝐑𝐃 𝐇𝐎𝐋𝐃𝐄𝐑𝐒

Naipasok na po sa inyong Benefit Cash Card (ATM) ang 2026 Third Quarter (July-September) Local Senior Pension mula sa Pamahalaang Lungsod ng Pasig.

Maaari na itong ma-withdraw mula sa mga Land Bank ATM at ATM ng iba pang bangko na kabilang sa Bancnet (may minimal transaction fee).

___
Ngayong araw, October 6, 2026, ay nagaganap din ang manual payout ng Local Senior Pension para sa non-ATM cash card holders. I-check ang post na ito para sa kabuuang detalye: https://www.facebook.com/share/p/1BtrmRDWMD/

06/10/2026

𝐓𝐚𝐧𝐝𝐚𝐚𝐧, 𝐚𝐧𝐠 𝐩𝐚𝐠𝐩𝐚𝐩𝐚𝐚𝐥𝐚𝐠𝐚 𝐬𝐚 𝐚𝐧𝐚𝐤 𝐚𝐭 𝐩𝐚𝐠𝐛𝐢𝐛𝐢𝐠𝐚𝐲 𝐧𝐠 𝐬𝐮𝐩𝐨𝐫𝐭𝐚 𝐚𝐲 𝐡𝐢𝐧𝐝𝐢 𝐧𝐚𝐤𝐚𝐛𝐚𝐬𝐞 𝐥𝐚𝐧𝐠 𝐬𝐚 𝐤𝐮𝐧𝐠 𝐧𝐚𝐤𝐚𝐤𝐚𝐬𝐚𝐦𝐚 𝐨 𝐢𝐩𝐢𝐧𝐚𝐩𝐚𝐤𝐢𝐭𝐚 𝐧𝐠 𝐢𝐧𝐚 𝐨 𝐚𝐦𝐚 𝐚𝐧𝐠 𝐦𝐠𝐚 𝐛𝐚𝐭𝐚.

𝐖𝐑𝐎𝐍𝐆 𝐓𝐀𝐍𝐎𝐍𝐆 – “𝐇𝐢𝐧𝐝𝐢 𝐤𝐨 𝐧𝐚𝐦𝐚𝐧 𝐧𝐚𝐤i𝐤𝐢𝐭𝐚 𝐚𝐧𝐚𝐤 𝐤𝐨, 𝐛𝐚𝐤𝐢𝐭 𝐚𝐤𝐨 𝐦𝐚𝐠𝐛𝐢𝐛𝐢𝐠𝐚𝐲 𝐧𝐠 𝐬𝐮𝐩𝐨𝐫𝐭𝐚?” ay maaaring magpahiwatig na ang pagbibigay ng suporta ay nakadepende sa kung gaano kadalas nakikita o nakakasama ng isang magulang ang kanyang anak.

Mahalagang tandaan na ang support at visitation ay magkaibang usapin. Ang pagkakaroon o kawalan ng pagkakataong makita o makasama ang anak ay hindi dapat basta gawing dahilan upang ipagkait ang suportang legal na nararapat sa bata. Ang mga usapin tungkol sa custody, visitation, at support ay dapat harapin ayon sa naaangkop na batas at sa pinakamabuting kapakanan ng bata.

Sa ilalim ng Republic Act No. 9262 o Anti-Violence Against Women and Their Children Act of 2004, kinikilala ang deprivation o pagbabanta na pagkakait ng financial support na legally due sa babae o sa kanyang mga anak bilang isa sa mga gawi na maaaring pumasok sa Section 5(e). Saklaw din ng Section 5(i) ang denial of financial support o custody/access sa anak kapag ito ay bahagi ng mga kilos na nagdudulot ng mental o emotional anguish, public ridicule, o humiliation.

Sa halip na itanong, “Hindi mo naman nakikita ang anak mo, bakit ka magbibigay?” mas mabuting itanong: “Ano ang pangangailangan ng bata, at paano natin matitiyak na natutugunan ang mga ito?”

Dahil sa huli, ang usapin ay hindi kung sino ang mas nakikita o mas nakakasama ng bata. Ang mahalaga ay kung paano natin mapoprotektahan ang kanyang kapakanan at matutugunan ang kanyang mga pangangailangan.

Remember, parental responsibility does not begin and end with visitation. A child’s needs remain, whether or not a parent is able to see the child regularly.

Ano mang oras, saan man naroroon, .

05/10/2026

𝐌𝐚𝐥𝐢𝐠𝐚𝐲𝐚𝐧𝐠 𝐈𝐤𝐚-𝟓𝟐 𝐀𝐧𝐢𝐛𝐞𝐫𝐬𝐚𝐫𝐲𝐨, 𝐌𝐮𝐭𝐲𝐚 𝐧𝐠 𝐏𝐚𝐬𝐢𝐠 𝐌𝐞𝐠𝐚 𝐌𝐚𝐫𝐤𝐞𝐭!

Dumalo at makisaya sa 52nd Anniversary Celebration ng Mutya ng Pasig Mega Market bukas, October 6, 2026 Martes, 10:00AM, sa Fountain Area ng Mutya ng Pasig Mega Market!

Magkakaroon ng maikling programa bilang parte ng selebrasyon, kasunod ang Raffle Cash Prize Draw kung saan maaaring manalo ng hanggang PHP 50,000.00.

Sa halagang PHP 100.00 bawat ticket, may pagkakataong manalo ng:
- Grand Prize: PHP 50,000.00
- Second Prize: PHP 25,000.00
- Third Prize: PHP 15,000.00
- Consolation Prize: 15 winners ng PHP 5,000.00 bawat isa

Maaaring bumili ng raffle tickets sa ticket booth sa Fountain Area mula 01:00AM hanggang 09:00AM ng October 6, 2026. Ang mga premyo ay handog ng Mutya ng Pasig Mega Market Vendors Federation Inc. na siya ring mangangasiwa ng Raffle Draw.

Mayroon ding discounts at freebies sa piling stalls sa October 6. Hanapin lamang ang mga stall na may kaukulang palatandaan at samantalahin ang mga espesyal na alok para sa selebrasyon.

Pasigueños, tara na at makiisa sa 52nd Anniversary Celebration ng Mutya ng Pasig Mega Market! Mamili at makisaya sa mga inihanda para sa mga mamimili.

——
Regular Operating Hours ng Mutya ng Pasig Mega Market:
Monday to Sunday
01:00AM - 10:00PM

05/10/2026

𝐓𝐑𝐀𝐅𝐅𝐈𝐂 𝐀𝐃𝐕𝐈𝐒𝐎𝐑𝐘

In celebration of Araw ng Barangay Rosario, please be informed that a religious procession will be held on Wednesday, October 7, 2026, from 05:00PM onwards.

As enumerated in the material, the said activity will affect the traffic flow on various roads in Brgy. Rosario.

Motorists are advised to take alternative routes via C. Raymundo Ave. and Ortigas Ave. Ext.

Thank you for your patience.