Land Transportation Office - Abra

20/07/2026

𝐀𝐁𝐈𝐒𝐎 𝐒𝐀 𝐏𝐔𝐁𝐋𝐈𝐊𝐎

Muling ipinababatid ng Land Transportation Office (LTO) sa publiko na pansamantalang hindi magagamit ang Land Transportation Management System (LTMS) dahil sa isang technical issue na katulad ng naranasang aberya noong nakaraang linggo.

Kasalukuyang ginagawa ng LTO ang mga kinakailangang hakbang upang maibalik sa normal ang operasyon ng sistema sa lalong madaling panahon. Kasabay nito, pinag-aaralan din ang mga posibleng solusyon at isinasagawa ang mga pagpapahusay sa sistema upang mabawasan ang pagkaantala ng serbisyo at maiwasan ang mga katulad na aberya sa hinaharap.

Habang isinasagawa ang mga hakbang na ito, maaaring hindi magamit pansamantala ang mga transaksyong may kaugnayan sa LTMS. Dahil dito, pinapayuhan ang lahat ng tanggapan at mga kinauukulan na ipagpaliban muna ang mga transaksyon sa LTMS hanggang sa maglabas ng panibagong abiso.

Tinitiyak ng ahensya na prayoridad ang agarang maibalik sa normal ang operasyon ng sistema. Magbibigay ang LTO ng karagdagang abiso sa sandaling ganap nang maibalik ang serbisyo.

Lubos naming pinasasalamatan ang inyong pasensya at pang-unawa.

17/07/2026

𝐀𝐁𝐈𝐒𝐎 𝐒𝐀 𝐏𝐔𝐁𝐋𝐈𝐊𝐎

Nais ipabatid ng Land Transportation Office (LTO) na nagpapatuloy pa rin ang maintenance activity ng online system ng ahensya at nangangailangan pa ng karagdagang troubleshooting upang matiyak ang ganap nitong kaayusan.

Dahil dito, pansamantalang hindi magagamit ang online services ng LTO sa lahat ng tanggapan sa buong bansa.

Pinapayuhan ang lahat ng kliyente na huwag munang magsagawa ng anumang online transaction upang maiwasan ang mga posibleng aberya, kabilang ang hindi kumpletong pagproseso ng transaksyon at ang hindi pagkakatugma sa mga rekord gaya ng Official Receipt at iba pang kaugnay na dokumento.

Maglalabas ang LTO ng panibagong abiso sa oras na maibalik ang normal na operasyon ng sistema.

Maraming salamat sa inyong patuloy na pasensya, pang-unawa, at pakikiisa.

16/07/2026

July 16, 2026 Roadside inspection of LTO Abra headed by District Chief Erickson B. Bersamin at Palao Bangued Abra!!!

14/07/2026

Rescheduled power interruption on July 16, 2026 | 8:30am to 5:00pm

Attention!
Notice of Scheduled Power Interruption

Date: July 14, 2026
Time: 9:00am - 3:00pm

Affected areas:

• Parts of San Juan:
- Sitio Lam-agan, Brgy Cabcaborao
- Brgy Quidaoen

• Parts of Lagayan:
- Brgy Pang-ot

Reason: Conduct clearing of primary and secondary line.

14/07/2026

The Department of Transportation - Cordillera Administrative Region (DOTr-CAR) joins the 39th Cordillera Month Celebration with the theme "SMART CORDILLERA: ENABLING ENTERPRISE THROUGH DIGITAL TRANSFORMATION AND ACCELERATED REGIONAL AUTONOMY"

Happy Cordillera Month!

14/07/2026

𝐏𝐔𝐁𝐋𝐈𝐂 𝐀𝐃𝐕𝐈𝐒𝐎𝐑𝐘

Work in the DOTr-CAR Regional Office, LTO District and Extension Offices, and the Land Transportation Franchising and Regulatory Board - CAR (LTFRB-CAR) is CLOSED on Wednesday, July 15, 2026. Office work will resume on July 16, 2026, Thursday.

Malacañang Palace Proclamation No. 1334 declares July 15, 2026 as Special Non-Working Day in Cordillera Administrative Region.

10/07/2026

𝟏𝟕𝟖 𝐀𝐂𝐂𝐑𝐄𝐃𝐈𝐓𝐄𝐃 𝐌𝐎𝐓𝐎𝐑𝐂𝐘𝐂𝐋𝐄 𝐀𝐍𝐃 𝐂𝐀𝐑 𝐃𝐄𝐀𝐋𝐄𝐑𝐒, 𝐍𝐀𝐈𝐒𝐘𝐔𝐇𝐀𝐍 𝐍𝐆 𝐒𝐇𝐎𝐖 𝐂𝐀𝐔𝐒𝐄 𝐎𝐑𝐃𝐄𝐑 𝐃𝐀𝐇𝐈𝐋 𝐒𝐀 𝐌𝐆𝐀 𝐏𝐀𝐆𝐋𝐀𝐁𝐀𝐆 𝐒𝐀 𝐌𝐆𝐀 𝐔𝐌𝐈𝐈𝐑𝐀𝐋 𝐍𝐀 𝐁𝐀𝐓𝐀𝐒 𝐀𝐓 𝐑𝐄𝐆𝐔𝐋𝐀𝐒𝐘𝐎𝐍 𝐓𝐔𝐍𝐆𝐊𝐎𝐋 𝐒𝐀 𝐈𝐍𝐈𝐓𝐈𝐀𝐋 𝐑𝐄𝐆𝐈𝐒𝐓𝐑𝐀𝐓𝐈𝐎𝐍

Mula nang pamunuan ni Land Transportation Office (LTO) Chief, Assistant Secretary Markus V. Lacanilao ang LTO, sinimulan ng ahensya ang mas mahigpit na pagpapatupad ng mga regulasyon laban sa mga accredited dealers na lumalabag sa proseso ng initial registration ng mga bagong sasakyan. Bilang bahagi ng kampanyang ito, 178 accredited dealers sa buong bansa ang naisyuhan ng Show Cause Orders (SCOs) mula Enero hanggang Hunyo 2026 dahil sa iba't ibang paglabag, kabilang ang hindi pagsunod sa itinakdang processing period sa pagproseso ng Official Receipt (OR), Certificate of Registration (CR), at plaka.

Isinagawa ang hakbang kasunod ng mga reklamong natanggap ng LTO mula sa mga may-ari ng sasakyan na hindi naibibigay sa itinakdang panahon ang kanilang OR, CR, at plaka na nagiging hadlang sa legal na paggamit ng kanilang mga bagong sasakyan.

Samantala, kabilang sa mga dealer na nakapagtala ng pinakamaraming reklamong natanggap ng LTO ay ang mga sumusunod:

Motorcycle Dealers
1. Rizal Autozone, Inc.
2. Motoxpress Sales Corp.
3. Motortrade
4. Wheeltek Motor Sales Corporation
5. Keymotors Incorporated

Car Dealers
1. Shaw Automotive Resources, Inc.
2. Gateway Motors (Cebu) Inc.
3. MG Gateway Mantrade Corp.
4. Vesuvius Motor Corporation

“Panahon na upang managot ang mga dealer na patuloy na hindi tumutupad sa kanilang obligasyon. Hindi ko rin hahayaan na patuloy na maantala ang serbisyo na dapat natatanggap ng publiko, dahil pagpapahirap ito sa ating mga motorista. Hindi natin ito kukunsintihin. Ang mga dealer na hindi sumusunod sa itinakda na regulasyon ng LTO ay papatawan ko ng preventive suspension, at kung kinakailangan, papatigilin ko ang kanilang operasyon,” dagdag ni Asec. Lacanilao.

Nilinaw ng LTO na patuloy itong nag-iisyu ng SCO laban sa mga accredited dealer company na mapatutunayang lumalabag sa mga umiiral na batas at regulasyon, bilang bahagi ng mahigpit na pagpapatupad ng batas at pangangalaga sa interes ng publiko.

07/07/2026

Joint operations between LTO Abra and PNP Abra on Roadside Inspection and Law Enforcement Activities.
A daily reminder to be safe on the roads...

07/07/2026

LTO Abra joins NDRRMC together with other government agencies in celebration of National Disaster Resilience Month with the theme: NAGHAHANDA AT KUMIKILOS SA PANATAG NA BAGONG PILIPINAS!!!