https://www.facebook.com/101868504917566/

Mayor Muhyryn Sultan-Casi, Municipal Hall, Pikit (2026)

27/10/2026

DAILY MORESTIVATION

“Someone else's success is not your failure. Learn to clap for others while continuing to pursue your own dreams.”
- D. Sultan-Casi

27/10/2026

𝗨𝗡𝗗𝗔𝗦 𝟮𝟬𝟮𝟲 𝗔𝗗𝗩𝗜𝗦𝗢𝗥𝗬
𝗚𝗨𝗡𝗜𝗧𝗔𝗜𝗡 𝗔𝗡𝗚 𝗨𝗡𝗗𝗔𝗦 𝗡𝗔𝗡𝗚 𝗟𝗜𝗚𝗧𝗔𝗦, 𝗠𝗔𝗔𝗬𝗢𝗦, 𝗔𝗧 𝗠𝗔𝗬 𝗗𝗜𝗦𝗜𝗣𝗟𝗜𝗡𝗔!!!

𝗠𝗴𝗮 𝗣𝗮𝗮𝗹𝗮𝗹𝗮 𝗽𝗮𝗿𝗮 𝘀𝗮 𝗣𝗮𝘆𝗮𝗽𝗮 𝗮𝘁 𝗟𝗶𝗴𝘁𝗮𝘀 𝗻𝗮 𝗨𝗻𝗱𝗮𝘀:

Mahigpit na ipinagbabawal ng mga awtoridad ang pagdadala ng mga sumusunod na bagay sa loob ng ating sementeryo:

• Mga Armas at Matutulis na Bagay:

Mga patalim, kutsilyo at iba pang kagamitang maaaring magdulot ng pinsala.

• Mga Ipinagbabawal na Bagay at Inuming Makalalasing:

Mga inuming nakalalasing, ilegal na droga at mga kagamitang ginagamit sa pagsusugal.

• Mga Kagamitan sa Libangan at Sound System:
Mga malalakas na speaker, karaoke machine at mga bagay na madaling magliyab tulad ng pintura at mga ilegal na paputok.

𝗣𝗮𝗿𝗮 𝘀𝗮 𝗞𝗮𝗹𝗶𝗴𝘁𝗮𝘀𝗮𝗻 𝗻𝗴 𝗣𝘂𝗯𝗹𝗶𝗸𝗼 𝗮𝘁 𝗦𝗮𝗿𝗶𝗹𝗶𝗻𝗴 𝗦𝗲𝗴𝘂𝗿𝗶𝗱𝗮𝗱

• Pangangalaga sa mga Mahahalagang Gamit:
Iwasang magsuot ng mamahaling alahas, magdala ng malaking halaga ng pera at maglagay ng cellphone sa bulsa sa likuran upang maiwasan ang pagnanakaw.

• Pag-iingat sa mga Bulnerableng Indibidwal:
Bantayang mabuti at huwag pabayaang mahiwalay sa kasama ang mga nakatatanda, buntis at maliliit na bata, lalo na sa mga lugar na siksikan ang mga tao.

• Seguridad sa Tahanan:
Bago umalis ng bahay, tiyaking nakakandado ang lahat ng pinto at bintana, tanggalin sa saksakan ang mga de-koryenteng kagamitan at ipagbigay-alam sa mga pinagkakatiwalaang kapitbahay o opisyal ng barangay ang inyong pag-alis.

• Paghingi ng Tulong sa Pulisya at mga Awtoridad:
Alamin kung saan matatagpuan ang pinakamalapit na Police Assistance Desk/ MDRRMO Rescue/ Medic Team na nakatalaga sa paligid ng mga sementeryo upang agad na makahingi ng tulong o makapag-ulat ng mga kahina-hinalang indibidwal.

"𝗠𝗔𝗡𝗔𝗧𝗜𝗟𝗜𝗡𝗚 𝗟𝗜𝗚𝗧𝗔𝗦 𝗦𝗔 𝗔𝗥𝗔𝗪 𝗡𝗚 𝗨𝗡𝗗𝗔𝗦."

EMERGENCY HOTLINES:
MDRRMO – 0948-357-5081
MHO/RHU – 0961-038-2210
PIKIT MPS – 0938-312-5225
BFP – 0921 968-9515

Serbisyo publiko sa pakikipagtulungan ng LGU-Pikit, Pikit MPS, Pikit-BFP, 1203rd MC RMFB 12 at 40IB PA.

26/10/2026

𝗠𝗮𝘆𝗼𝗿𝗮 𝗠𝘂𝗵𝘆𝗿𝘆𝗻, 𝗮𝗸𝘁𝗶𝗯𝗼𝗻𝗴 𝗻𝗮𝗸𝗶𝗶𝘀𝗮 𝘀𝗮 𝟭𝘀𝘁 𝗖𝗼𝗻𝗴𝗿𝗲𝘀𝘀𝗺𝗮𝗻 𝗘𝗱𝘄𝗶𝗻 𝗖𝗿𝘂𝘇𝗮𝗱𝗼 𝗣𝗶𝗰𝗸𝗹𝗲𝗯𝗮𝗹𝗹 𝗧𝗼𝘂𝗿𝗻𝗮𝗺𝗲𝗻𝘁

Aktibong nakiisa ang butihing D. Sultan-Casi sa isinagawang 1st Congressman Edwin Cruzado Pickleball Tournament sa Midsayap, Cotabato nitong October 24, 2026.

Daynamikong naglaro sa alkalde sa kategoryang “beginner”, na nagpakita ng suporta sa mga programang nagtataguyod ng sports development, aktibong pamumuhay, at pagkakaisa ng komunidad sa pangunguna ni First Congressional District Representative Hon. Edwin L. Cruzado.

Naging pagkakataon din ito upang makasama ang iba pang mga opisyal, kalahok, at sports enthusiasts sa isang makabuluhang aktibidad na naglalayong palakasin ang interes ng publiko sa larangan ng palakasan.

26/10/2026

𝗠𝗮𝘆𝗼𝗿𝗮 𝗠𝘂𝗵𝘆𝗿𝘆𝗻, 𝗻𝗮𝗸𝗶𝗶𝘀𝗮 𝘀𝗮 𝟳𝟮𝘁𝗵 𝗙𝗼𝘂𝗻𝗱𝗶𝗻𝗴 𝗔𝗻𝗻𝗶𝘃𝗲𝗿𝘀𝗮𝗿𝘆 𝗻𝗴 𝗕𝗮𝗿𝗮𝗻𝗴𝗮𝘆 𝗜𝗻𝘂𝗴-𝘂𝗴

October 26, 2026 | Inug-ug, Pikit, Cotabato

Nakiisa si D. Sultan-Casi sa pagdiriwang ng ika-72 na Founding Anniversary ng Barangay Inug-ug, bilang pagpapakita ng kanyang patuloy na suporta at pakikiisa sa mga programa at gawaing nagtataguyod ng pagkakaisa, pag-unlad, at kapakanan ng bawat barangay sa bayan ng Pikit.

Naging pagkakataon din ang pagdiriwang upang kilalanin ang makulay na kasaysayan, mga natamong tagumpay, at mahalagang ambag ng komunidad sa patuloy na pag-unlad ng munisipalidad.

Sa kanyang pakikiisa, muling pinagtibay ni ang kahalagahan ng pagkakaisa, pagtutulungan, at aktibong pakikilahok ng bawat mamamayan sa pagsusulong ng isang mapayapa, maunlad, matatag, at inklusibong Pikit. Binigyang-diin din ng pagdiriwang na ang tunay na pag-unlad ng isang barangay ay nakasalalay sa pagkakaisa ng mga mamamayan at sa sama-samang pagsisikap tungo sa mas maliwanag na kinabukasan.

Nagpasalamat naman si Punong Barangay Hon. Mohamad Datumanong sa ngalan ng buong Barangay sa pagdalo at presensiya ng butihing alkalde.

26/10/2026

CONGRATULATIONS, BGEN EDGAR L. CATU, PA!

The Municipal Government of Pikit, led by D. Sultan-Casi, extends its warmest congratulations to Brigadier General Edgar L. Catu, PA, on his installation as the newly appointed Commander of the 6th Infantry “Kampilan” Division, Philippine Army.

We look forward to strengthening our partnership with the Philippine Army in advancing peace, security, and stability in our communities. May your leadership bring renewed commitment to protecting our people, fostering unity, and sustaining the gains of peace in the region.

Wishing you success as you take on this important responsibility. May your service continue to inspire confidence, cooperation, and lasting peace among the communities you serve.

Congratulations!

26/10/2026

𝗠𝘂𝗻𝗶𝗰𝗶𝗽𝗮𝗹 𝗕𝘂𝗱𝗴𝗲𝘁 𝗢𝗳𝗳𝗶𝗰𝗲, 𝗽𝗶𝗻𝗮𝗻𝗴𝗮𝘀𝗶𝘄𝗮𝗮𝗻 𝗮𝗻𝗴 𝗿𝗲𝗴𝘂𝗹𝗮𝗿 𝗳𝗹𝗮𝗴 𝗿𝗮𝗶𝘀𝗶𝗻𝗴 𝗰𝗲𝗿𝗲𝗺𝗼𝗻𝘆 𝗻𝗴 𝗟𝗚𝗨-𝗣𝗶𝗸𝗶𝘁

October 26, 2026 | Pikit, Cotabato

Matagumpay na pinangasiwaan ng Municipal Budget Office, sa pangunguna ni Municipal Budget Officer Celia Andong, ang regular na Flag Raising Ceremony ng Lokal na Pamahalaan ng Pikit, na dinaluhan ng mga opisyal, department heads, mga kawani ng munisipyo at mga katuwang na hanay ng men in uniform.

Nagsilbing pagkakataon ang pagtitipon upang muling pagtibayin ang diwa ng disiplina, pagkakaisa, at malasakit sa paglilingkod-bayan, kasabay ng pagbibigay-pugay sa watawat ng Pilipinas at pagpapaalala sa tungkulin ng bawat lingkod-bayan na maghatid ng tapat at mahusay na serbisyo sa mamamayan ng Pikit.

Sa pamamagitan ng mga ganitong pagtitipon, patuloy na pinagtitibay ng LGU-Pikit ang kultura ng pagkakaisa, pananagutan, at propesyonalismo sa hanay ng mga kawani sa ilalim ng pamumuno ni D. Sultan-Casi.

Sa mensahe ni HRMO Charien Mae Amil, binigyang-diin din ang kahalagahan ng sama-samang pagkilos at dedikasyon sa pagtupad ng mga responsibilidad upang maisulong ang mga programa at serbisyong naglalayong makamit ang isang mas mapayapa, maunlad, matatag, at inklusibong bayan ng Pikit.

26/10/2026

DAILY MORESTIVATION

“You do not have to earn your worth through constant achievement. Your value exists long before your accomplishments do.”
- D. Sultan-Casi

24/10/2026

Tuklasin ang iba’t ibang produkto na ipinagmamalaki ng ating bayan, kasama ang mga natatanging OTOP products mula sa iba’t ibang lugar. Sa bawat pagbili, suportado natin ang lokal na kabuhayan at turismo.

Bisitahin na ang Pikit Pasalubong Center at tangkilikin ang sariling atin! 💚

23/10/2026

𝟰𝟵 𝗢𝗖𝗧𝗢𝗚𝗘𝗡𝗔𝗥𝗜𝗔𝗡𝗦 𝗔𝗧 𝗡𝗢𝗡𝗔𝗚𝗘𝗡𝗔𝗥𝗜𝗔𝗡𝗦 𝗦𝗔 𝗣𝗜𝗞𝗜𝗧, 𝗧𝗨𝗠𝗔𝗡𝗚𝗚𝗔𝗣 𝗡𝗚 𝗖𝗔𝗦𝗛 𝗚𝗥𝗔𝗡𝗧𝗦

TINGNAN- Matagumpay na naipamahagi ang cash grants para sa ating mga minamahal na Octogenarians at Nonagenarians sa Bayan ng Pikit, kung saan 49 na benepisyaryo ang tumanggap ng tig-₱10,000 bawat isa, sa pamamagitan ng suporta ng National Commission of Senior Citizens (NCSC).

Ang programang ito ay isang makabuluhang pagkilala sa ating mga nakatatanda na umabot na sa edad na 80 hanggang 99 taong gulang. Sila ay mga haligi ng ating mga pamilya at komunidad na nagbahagi ng kanilang karanasan, sakripisyo, at karunungan sa mga susunod na henerasyon.

Taos-pusong nagpapasalamat ang Lokal na Pamahalaan ng Pikit, sa pangunguna ni Mayora Muhyryn D. Sultan-Casi, sa National Commission of Senior Citizens (NCSC) sa patuloy na pagsuporta sa mga programang naglalayong pangalagaan ang kapakanan at kilalanin ang mahalagang papel ng ating mga senior citizen.

Patuloy na isinusulong ng LGU Pikit ang serbisyong may malasakit, paggalang, at pagpapahalaga sa bawat mamamayan, lalo na sa ating mga nakatatanda na karapat-dapat sa kalinga, dignidad, at pagkilala.

Sa ating mga lolo at lola, maraming salamat sa inyong mga naging sakripisyo at ambag sa ating lipunan. Nawa’y patuloy kayong pagkalooban ng Allah ng mabuting kalusugan, lakas, at mahabang buhay.

22/10/2026

MENSAHE SA IKA-35 ANIBERSARYO NG LOCAL GOVERNMENT CODE OF 1991

Sa paggunita natin sa ika-35 anibersaryo ng Local Government Code of 1991 o Republic Act No. 7160, kinikilala natin ang mahalagang papel ng batas na ito sa pagpapalakas ng lokal na awtonomiya at pagbibigay sa mga lokal na pamahalaan ng higit na kakayahang tumugon sa pangangailangan ng kanilang mga nasasakupan.

Ang tunay na diwa ng batas na ito ay ang pagkakaroon ng pamahalaang mas malapit sa mamamayan—pamahalaang marunong makinig, bukas sa pakikilahok, at handang kumilos batay sa tunay na kalagayan ng komunidad. Sa pamamagitan ng desentralisasyon, mas naiaangkop natin ang mga programa at serbisyo sa mga pangangailangan ng ating mga kababayan. Sa ilalim ng probisyon nito sa paghahatid ng mga pangunahing serbisyo, malinaw na ang kapangyarihan ng lokal na pamahalaan ay kaakibat ng tungkuling pangalagaan ang kapakanan, kaligtasan, at pag-unlad ng mamamayan.

Gayunman, ang lokal na awtonomiya ay may kaakibat na pananagutan. Ang kapangyarihang ipinagkatiwala sa atin ay dapat gamitin nang may integridad, transparency, at malasakit. Mahalaga ring kilalanin ang mamamayan bilang katuwang sa pamamahala—sa pakikinig sa kanilang mga hinaing, pagbibigay-halaga sa kanilang mga mungkahi, at paglikha ng mga pagkakataong makilahok sila sa mga desisyong nakaaapekto sa kanilang buhay.

Sa Pamahalaang Bayan ng Pikit, ito ang prinsipyong patuloy kong isusulong: isang pamahalaang nakikinig, tumutugon, at naglilingkod nang walang iniiwan. Naniniwala ako na ang pag-unlad ay nagiging mas makabuluhan kapag ang bawat barangay, sektor, at mamamayan ay may puwang sa paghubog ng kinabukasan ng ating bayan.

Sa diwa ng One Pikit, One Direction, inaanyayahan ko ang bawat Pikiteño at lahat ng ating katuwang na magkaisa sa pagsusulong ng isang mas mapayapa, makatarungan, at maunlad na Pikit. Ang tunay na tagumpay ng lokal na pamamahala ay nasusukat sa serbisyong nararamdaman ng mamamayan, sa tiwalang ating napangangalagaan, at sa mga pagbabagong sama-sama nating naisasakatuparan.

Sama-sama nating isabuhay ang diwa ng Local Government Code—isang pamahalaang para sa mamamayan, kasama ang mamamayan, at laging kumikilos para sa kapakanan ng lahat.

Mabuhay ang lokal na pamamahala! Mabuhay ang Bayan ng Pikit!

MUHYRYN D. SULTAN-CASI
Municipal Mayor

Mayor Muhyryn Sultan-Casi

27/10/2026

27/10/2026

26/10/2026

26/10/2026

26/10/2026

26/10/2026

26/10/2026

24/10/2026

23/10/2026

22/10/2026

Address

Website

Alerts

Contact The Organization

Shortcuts

Share

Category

Listing takedown request