04/10/2026
Marajaw na buntag sa tanan...
Kahapon na adlaw Oct. 3, 2026, grabe nato ka blessed kay gawas sa Turn Over nan ato Floating Cottage o Game Fishing Platform may ato Medical Mission na tag budgetan gajud nan ato Congressman Atty. Lalo Matugas. Whole day man gajud sila diri kahapon ni Maam Sol Matugas sanan ni Cong Lalo naka tutuk sa ato Lungsod. Amo ini tag laong ko tinuod na gugma. Nag care gajud sa ato mga Pilarnons. Salamat gajud karajaw Cong tag daya nimo an tibuok SIMC diri mismo sa amo Lungsod. An si Maam Sol very supportive gajud sa mga programa. Nag daya pa sija nan mga bugas na gikan sa Silongan Foundation para pa premyo sa mga nagpa check up.
Pagka hapon didto kami sa Conference room nag meeting iban ana ato mga Kapitanis sanan mga Konsehal. Nag review kami sa mga request na project nan ato mga Kapitan labi na gajud sa mga Barangay hall nila na mga guba na sanan gagmay karajaw bagan dili maka hingas ni waya man gani opisina nan Kapitan, ni wayay session hall. Ato ini tanan tag duso kay Cong kay amoy gajud ako nakita everytime mo bisita ako sa mga Barangay sukad nan Bise Mayor pa ako, ako na daan ini tag timan-an. Laong pako, unhon man pagka gana mo suyod sa opisina na pag suyod mo sa Barangay hall diritso na tanan. 😂 Apil isab an mga Covered Court na waya pa mangahuman an atup. Amo ra jaon anay an amo tag duso kay kabayo man ta na pila man ka Barangay inin Isla. Bahin bahinon raman sab intawon jaon ni Cong an ija makuha na pundo didto sa kauluhan.
Pagkahuman nan amo meeting ni suroy sila anay sa Caridad kay lagi ato tag share saila na pwede gajud karajaw an Caridad sa Surfing, plus magana pa na beach gajud, malapad sanan hataas. Gwapo isab na bayud did-on. Secret spot gani ini namo sauna kay dili kami gusto mahibaw-an nan hamok kay lagi mga sirok man nan bayud sauna an panahon na surfer pa an ijo Mayor. Koman ato sija tabangan na makilaya an Caridad ugsa tag share ko gajud saila ni Cong para matabangan kita dakan mo lambo gajud an ato mga Caridadnon. Amo isab an sa Maasin Mountain View ako tag share saila an ako vision ugsa next week anhi an structural engineer nan DPWH para tabangan ako nila na ma porma an design. Apil an Boulevard na pangandoy nako para sa mga Pilarnons sanan Public Market na gwapo and mga new design nan mga kan-anan sa Magpupungko. Ako pa sab ini sila meetingon para tabangan sila na mo gwapa gajud an ila mga kan-anan. Mangita kita nan tabang para ma fundingan dakan ma new look maka panhambog gajud an mga Pilarnons. Kay para sa ako an LGU Pilar partner gajud nan katawhan hilabi na kon mag hisgot kita nan kalambuan.
Finally pagka 4pm ato na gajud na saksihan an turn over and blessing nan ato floating cottage kahapon. Grabe gajud nako na pasalamat sa ato former Congressman saija paningkamot na ma punduhan para mahibalik pag ligdok na malig-on an ato iconic na game fishing platform o floating cottage. Pagka hibayo ko gajud na jaoy pundo na baja, unabis gajud dajon tagpa trabaho ko an papil sa ato mga involve na head of office labi na gajud kay Maam Trexy Polvorosa an ato MENRO. Ugsa salamat gajud karajaw. Dili ini ma ligdok kon ako ra. Tungod sa pag tinabangay, posible gajud sija kay para sa ako wayay imposible kon mo hingas lamang kita.
Amo ini an ato adlaw nan Sabado kahapon. Koman domingo, padajon an ato duwa nan basketball tournament sa Gym. Kita kita ta nijo. Again, marajaw na buntag sa tanan! Amping always Pilarnons!
