Pambansang Mataas na Paaralan ng Abucay

25/08/2026

🌿 KUMUSTA KA? USAP TAYO
A Safe Space for Listening, Support, and Healing

💚 You are not alone. Your feelings matter. If you're feeling stressed, anxious, overwhelmed, or simply need someone to talk to, we are here to listen.

What We Offer:
✅ Confidential conversations
✅ Emotional support and guidance
✅ Mental health awareness and wellness activities
✅ Referrals for additional support when needed

Remember:
It's okay not to be okay. Seeking help is a sign of strength, not weakness.

Talk. Listen. Heal.

Chat ka lang sa Abucay NHS Guidance Services FB Page

🌱 "Ligtas na Espasyo, Tapat na Usapan, Mas Malusog na Kaisipan."

13/08/2026

Nakiisa ang ilang mga mag-aaral ng Pambansang Mataas na Paaralan ng Abucay sa isang masayang pagtitipon ng mga kabataan bilang bahagi ng pagdiriwang ng Linggo ng Kabataan sa Bayan ng Pilar.

Taos-pusong pasasalamat ang ipinapaabot ng paaralan sa Lokal na Pamahalaang Bayan ng Pilar sa pagbibigay ng pagkakataon sa mga mag-aaral na makilahok at makabahagi sa nasabing gawain. Lubos ding nagpapasalamat ang paaralan kay Hon. Liezl Millano, Pangulo ng SPTA, sa kanyang suporta at tulong sa transportasyon ng mga mag-aaral upang matagumpay silang makadalo sa naturang pagtitipon.

13/08/2026

🏆 ABUCAY NATIONAL HIGH SCHOOL, NAGWAGI SA ONLINE COOKING DEMONSTRATION 🏆

Nasungkit ng Pambansang Mataas na Paaralan ng Abucay ang Unang Pwesto sa isinagawang Online Cooking Demonstration Contest na pinangunahan ng Municipal Nutrition Council ng Lokal na Pamahalaan ng Bayan ng Pilar.

Taos-pusong pagbati sa mga mag-aaral na sina Lean Loteriña, Alyza Abetria at Mekyla Lovendino sa kanilang ipinamalas na husay, sipag, at pagkamalikhain sa larangan ng pagluluto. Gayundin, taus-pusong pagbati sa kanilang mga tagasanay na sina Bb. Grace N. Olbes at Gng. Liezel M. Mendones sa kanilang dedikasyon at paggabay sa mga mag-aaral.

Taos-pusong pasasalamat naman ang ipinapaabot ng Pambansang Mataas na Paaralan ng Abucay, sa pangunguna ni G. Dennis A. Mataverde, at ng Kagawaran ng TLE sa pamumuno ni Gng. Shielamie L. Arel, sa lahat ng mga tumulong at nakiisa sa patimpalak. Higit sa lahat, maraming salamat sa mga nagbahagi at nagbigay ng suporta sa pamamagitan ng pag-share at pag-react sa video ng Online Cooking Demonstration.

Muli, pagbati sa ating mga nagwagi! Isa itong patunay ng husay at galing ng mga mag-aaral at g**o ng Pambansang Mataas na Paaralan ng Abucay.

06/08/2026

03/08/2026

Nakikiisa ang Pambansang Mataas na Paaralan ng Abucay sa pagdiriwang ng Buwan ng Wika 2026.

𝐁𝐮𝐰𝐚𝐧 𝐧𝐠 𝐖𝐢𝐤𝐚𝐧𝐠 𝐏𝐚𝐦𝐛𝐚𝐧𝐬𝐚 𝟐𝟎𝟐𝟔: 𝐏𝐨𝐬𝐭𝐞𝐫 𝐑𝐞𝐯𝐞𝐚𝐥!

Maaari mo nang ma-download o makakuha ng kopya ng poster ng Buwan ng Wikang Pambansa 2026 na may temang "Wikang Filipino at AI: Kasangkapan sa Pananaliksik at Tulay sa Yaman ng Impormasyon.”

Mada-download ang digital na poster at iba pang kolaterals sa: https://hostyurl.com/HB40c1

𝐇𝐢𝐧𝐠𝐠𝐢𝐥 𝐬𝐚 𝐭𝐞𝐦𝐚

Kinikilala ng tema ng Buwan ng Wika 2026 ang magkaugnay na papel ng wikang Filipino at artificial intelligence (AI) para sa makabansang gawain ng pananaliksik. Panawagan ito para sa responsableng paggamit ng AI habang tinitiyak na may makabuluhang espasyo ang Wikang Pambansa sa mga usaping may kinalaman sa mga umuusbong na teknolohiya at kaugnay na usaping pang-etika rito.

Itinuturing ang AI bilang kasangkapan para maiangat pa lalo ang kalidad ng saliksik na inihahandog ng mga Pilipino, unang-una, para sa mga kapuwa Pilipino. Habang kinakasangkapan ang AI, patuloy pa ring tinatahak ng wikang Filipino ang landas ng intelektuwalisasyon na magbubunga ng panloob at panlabas na pagbabago sa bansa. Sa ganitong paraan, kapuwa ang AI at wikang Filipino ay nagiging tulay na gagamitin ng mga Pilipino para sa kanilang pinapangarap na magandang búkas.

Ating ipagdiwang ang ating Wikang Pambansa sa Agosto 2026!

29/07/2026

Please share and react to the video. Thank you

24/07/2026

16/07/2026

Malugod naming tinatanggap sa Pambansang Mataas na Paaralan ng Abucay sina Ma'am Hersche Lofamia at Ma'am Joan Mae Logenio bilang mga bagong kasapi ng aming hanay ng mga g**o.
Ang inyong pagdating ay isang mahalagang biyaya at karagdagang lakas sa aming patuloy na adhikain na makapagbigay ng dekalidad na edukasyon. Nawa’y maging mabunga ang ating sama-samang pagkilos sa paghubog ng mga mag-aaral tungo sa kanilang ganap na pag-unlad at tagumpay.

Muli, malugod na pagbati at maligayang pagdating sa pamilya ng Pambansang Mataas na Paaralan ng Abucay. 📚✨

16/07/2026

Muling kinilala ang Pambansang Mataas na Paaralan ng Abucay ng DepEd Region V bilang isa sa mga natatanging paaralan sa Dibisyon ng Sorsogon dahil sa ipinamalas nitong kahusayan sa pagganap at matatag na dedikasyon sa paglilingkod sa publiko. Ang pagkilalang ito ay kasabay ng tagumpay ng Schools Division Office (SDO) ng Sorsogon Province na makamit ang pinakamataas na Budget Utilization Rate–Obligation Rate na 99.55% at Disbursement Rate na 97.05% para sa Taong Piskal 2025.

Taos-pusong pagbati sa Finance Department na pinamumunuan ni Sir Lowie N. Villa, Senior Bookkeeper, kasama ang kanyang masigasig na pangkat na sina Ma’am Maribeth Clemencia E. Maristela at Ma’am Sharmaine F. Lovendino, sa kanilang mahalagang ambag sa tagumpay na ito. Ang inyong sipag, dedikasyon, at patuloy na pagsusumikap para sa kahusayan ay patuloy na nagdadala ng karangalan at pagkilala sa ating paaralan at sa buong Dibisyon ng Sorsogon.

Mabuhay at pagbati sa buong pamilya ng Abucay National High School sa karapat-dapat na pagkilalang ito! 🎉🏆👏

01/07/2026

Nakikiisa ang Pambansang Mataas na Paaralan ng Abucay sa pagdiriwang ng 52nd Nutrition Month na may temang "Nutrisyon at Kalikasan, Ating Pangalagaan."

Ngayong Nutrition Month, kaisa ang Kagawaran ng Edukasyon (DepEd) sa sama-samang pagtaguyod ng wastong nutrisyon at tamang pangangalaga sa kalikasan.

Sa temang "Nutrisyon at Kalikasan ating pangalagaan," binibigyang-halaga ng pagdiriwang ngayong taon ang ugnayan ng nutrisyon at pangangalaga sa ating kalikasan.

Bahagi ng hangaring ito, patuloy na pinauunlad ng DepEd ang mga programang tulad ng School-Based Feeding Program (SBFP) at Gulayan sa Paaralan na sumusuporta sa pagbibigay ng tama at sapat na nutrisyon sa ating mga mag-aaral.