Lray Villafuerte

03/09/2026

03/09/2026

GUSTO NILA KAYONG TAKUTIN. HUWAG PAPALOKO.

Sa congressional budget hearing, sinabi ni NEA Administrator Almeda na kapag hindi raw na-renew ang franchise ng CASURECO III, MAWAWALAN NG KURYENTE ang Iriga at Rinconada.

FALSE. Walang basehan sa batas. Scare tactic lang.

Basahin natin ang batas na dapat ay kabisado ng NEA Administrator mismo:

⚡ Section 4-B, PD 269, as amended by RA 10531 — “The NEA SHALL IMMEDIATELY STEP-IN and take over the operations of any ailing electric cooperative.” Hindi option — UTOS ng batas. Ang NEA mismo ang mag-o-operate para tuloy ang serbisyo.

⚡ Ang ERC certificate ng CASURECO III ay nananatiling valid. Hindi namamatay ang authority to operate dahil lang hindi pumasa ang isang bill sa Kongreso.

⚡ Nangyari na ito — sa CASURECO III mismo. Noong February 2017, kinuha ng NEA ang management ng CASURECO III dahil sa ₱1.2 BILLION na utang. Namatay ba ang ilaw sa Rinconada? HINDI. Ang tanging pagkakataon na nagdilim ang Rinconada — 2013 at 2015 — ay dahil ang CASURECO III mismo ang hindi nagbayad sa suppliers nila.

⚡ Iloilo (PECO→MORE Power), Albay (ALECO), Bacolod (CENECO) — lahat nagpalit ng operator nang WALANG brownout na dulot ng transition. Sa Iloilo pa nga, bumaba ang rates at bumuti ang serbisyo.

Kaya ang tanong: bakit ganito ang testimonya ng NEA Administrator sa harap ng Kongreso? Ang pagbibigay ng maling impormasyon sa isang congressional hearing ay hindi biro. May pananagutan iyan.

At heto pa ang mas nakakagulat: Tinanong si Administrator Almeda kung bibigyan niya ng franchise ang CASURECO III — at sumagot siya ng OO.

Paalala lang po: ANG KONGRESO LANG ANG NAGBIBIGAY NG LEGISLATIVE FRANCHISE. Hindi ang NEA. Hindi ang Administrator. Iyan ay plenary power ng Congress sa ilalim ng Konstitusyon. Isang abogado at incumbent congressman ang nagtanong niyan, at ang NEA Administrator ang umoo. Kayo na po ang humusga.

At sa mga congressmen na pursigidong itulak ang franchise ng CASURECO III: Ang Iriga at Rinconada ay HINDI ninyo district. Ang CASURECO II at CASURECO IV — ang mga kooperatiba sa SARILI ninyong mga distrito — ay puno ng problemang hanggang ngayon ay hindi ninyo naaayos. Ayusin muna ang sariling bakuran bago makialam sa amin.

AT HABANG NAKIKIALAM SILA SA CASURECO III, ISANG BAGAY ANG HINDI NILA KAILANMAN BINABANGGIT: May utang ang CASURECO III kay IRIGA CITY. Desidido na ito — hanggang SUPREME COURT (City of Iriga v. CASURECO III, G.R. No. 192945, 2012): liable ang CASURECO III sa franchise tax sa Iriga City para sa BUONG Rinconada coverage nito — aabot sa humigit-kumulang ₱125.5 MILYON per BLGF computation. Bakit gustong-gusto nina Cong. Legacion at Cong. Fuentebella na bigyan ng 25-taong franchise ang isang kooperatibang may Supreme Court-decided na utang sa siyudad na mismong sineserbisyuhan nito — nang hindi man lang hinihinging bayaran muna ito? Pabor kanino ang ipinaglalaban nila?

AT KAY CONG. LEGACION, ISANG TANONG PA: Bilang dating Mayor ng Naga, nanalo ang siyudad sa kaso — inutusan ng korte ang CASURECO II na bayaran ang Naga City ng TAMANG franchise tax sa buo nitong coverage area. Ang tanong: NASINGIL NA BA? Magkano na ang nabayaran? Nasaan ang accounting? Bakit minamadali mo ang 25-taong franchise ng CASURECO II nang hindi mo muna pinapabayaran ang utang nito sa sarili mong siyudad? At heto pa: sa ilalim ng ruling na iyan, ang siyam na bayan sa coverage ng CASURECO II — kasama ang Bombon, Calabanga, Canaman, at Magarao na SARILI MONG DISTRITO — ay WALANG natatanggap na kahit isang piso ng franchise tax. Nasa Kongreso ka na. Bakit hindi mo isinisingit sa bill ang pro-rata sharing para sa sarili mong mga bayan? Kanino ka ba talaga naglilingkod — sa constituents mo, o sa kooperatiba?

Ang pinaglalaban natin ay simple: HUWAG GANTIMPALAAN ng 25-taong franchise ang rekord ng ₱1.2 bilyong utang, brownouts, disconnections, at hindi pa nababayarang utang sa mga siyudad. Ang mga consumer ng Rinconada — at ang mga bayan sa coverage ng CASURECO II — ay karapat-dapat sa mas mabuti.

Hindi tayo natatakot sa scare tactics. Batas, hindi drama. Resulta, hindi salita.

AKSYON, HINDI SALITA. TATAK CAMSUR. ⚡

Serbisyong Ka Fuerte✌️

🙏

30/08/2026

🕯️ Happy Birthday, Papa.

Kahapon, August 29, ipinagdiwang natin ang kaarawan ng aking ama — ang yumaong Hon. Luis Robredo Villafuerte Sr., “LRV” sa marami — the longest-serving Governor of Camarines Sur, three-term Congressman, and a statesman whose vision shaped not just our province, but our nation.

Para sa mga kabataang Camarinense na hindi na siya naabutan, gusto kong ikwento kung sino siya. Kasi ang totoo, araw-araw ninyong nararamdaman ang gawa niya — hindi n’yo lang alam.

🌳 APAT NA HENERASYON NG PAGLILINGKOD
Ang kanyang ama, si Gov. Mariano Villafuerte, ay Gobernador din ng CamSur at miyembro ng National Assembly noong panahon ng Commonwealth. Naulila si Papa sa murang edad noong giyera — pero mula sa pagkawalang iyon, pinili niyang magsilbi. Mariano. Luis Sr. Kami. At ngayon, sina Migz at Luigi. Four generations, one promise: CamSur first.

📚 AMA NG PRE-SCHOOL EDUCATION SA PILIPINAS
Through his pioneering Headstart Pre-School Program, dinala niya ang early childhood education sa mga public elementary school ng CamSur. Later, as Congressman, he became the principal author of Republic Act 10157 — the Kindergarten Education Act of 2012 — making kindergarten mandatory for EVERY Filipino child. Kung nag-kinder ka sa public school, bahagi ka ng legacy niya.

🏛️ LONGEST-SERVING GOVERNOR OF CAMSUR
Five times elected, 15 years of service. Siya ang nagsimula ng Kaogma Festival — ang selebrasyong ngayon ay tanda ng pagkakaisa at saya ng buong lalawigan — at dinala ito sa Pili. Sinuportahan niya ang organic farming at ang mga magsasakang Camarinense nang hindi pa ito uso.

🎶 TAGAPAGTANGGOL NG KULTURANG BIKOLNON
Founder of the Bicol Heritage Foundation, at siya ang nagbukas ng kauna-unahang Bicol Music Festival noong 1982 — para hindi mawala ang ating awit, wika, at pagka-Bikolano.

🇵🇭 STATESMAN NA PINAGKATIWALAAN NG DALAWANG PANGULO
Assemblyman ng Batasang Pambansa (1978–1986). Minister of Trade sa ilalim ni Pangulong Marcos Sr. Secretary of Government Reorganization sa ilalim ni Pangulong Cory Aquino. Two administrations, one constant: his service.

🏅 KINILALA BAGO PA MAN PUMASOK SA POLITIKA
Bago pa siya naging opisyal, kinilala na siya ng bansa bilang isa sa mga pinakamahusay sa private sector — recipient of the President Ramon Magsaysay Gold Medal Award, the President Carlos P. Garcia Gold Medallion, the President Diosdado Macapagal Presidential Citation, and the Ten Outstanding Young Men (TOYM) award. Isang UP Law graduate na naging investment banker at business leader bago ialay ang buhay sa bayan.

🤝 PRIME MOVER NG LOCAL AUTONOMY
Noong unang tumakbo si Papa bilang Gobernador noong 1986, ito ang sinabi niya mismo: walang Internal Revenue Allotment ang mga LGU, walang local autonomy, walang Local Government Code. Lahat ng desisyon at pondo, nasa Maynila.
Kaya noong 1988, itinatag niya ang League of Provinces of the Philippines at naging Founding President nito — para sa unang pagkakataon, may iisang tinig ang lahat ng gobernador ng bansa. At ang tinig na iyon ang tumulak, kasama ni Sen. Nene Pimentel, para maipasa ang Local Government Code of 1991 — ang batas na nagbigay ng kapangyarihan, pondo, at kalayaan sa bawat probinsya, lungsod, bayan, at barangay na magdesisyon para sa sarili nila.
Bawat IRA na natatanggap ng LGU mo ngayon, bawat serbisyong nadadala ng gobyerno malapit sa iyo — may kamay si Papa diyan. Muli siyang naging National Chairman ng League mula 1998 hanggang 2004.
At si Luigi, bilang Gobernador, ay naging Vice President din ng League. Tatlong henerasyon, iisang laban: mas malakas na lokal na pamahalaan para sa mga tao.

✍️ 67 LAWS AS CONGRESSMAN
Nine years in Congress (2004–2013), authoring measures that still stand today.
👨‍👦 MAG-AMA, IISANG LANDAS
Hindi ko ito sinasabi para magyabang. Sinasabi ko ito para ipakita kung gaano kalalim ang marka ng isang ama sa buhay ng anak.
Pareho kaming Ten Outstanding Young Men (TOYM) awardees — siya noong kabataan niya, ako pagkalipas ng ilang dekada. Pareho kaming naging multi-awarded businessmen bago pumasok sa politika — kasi tinuro niya sa akin na kailangan mo munang matutong bumuo bago ka magsilbi. Siya ang Founding President ng League of Provinces; ako ay naging National Chairman nito. At pareho kaming naging Chairman ng Bicol Regional Development Council — ang kauna-unahang mag-ama sa kasaysayan na nakaupo sa posisyong iyon.
Hindi iyan coincidence. Iyan ay isang amang nagtanim, at isang anak na sumunod sa mga yapak.
Pero higit sa lahat ng titulo, siya ang aking ama.
Ang aking mentor. Ang aking idolo. Ang inspirasyon ko.
Naniwala siya sa akin noong wala pang naniniwala. Nakita niya ang potensyal ko bago ko pa ito nakita sa sarili ko. Hindi ako makakarating kung nasaan ako ngayon kung wala siya. Hanggang ngayon, ang kanyang mga salita, payo, at karunungan ay patuloy naming isinasabuhay — hindi lang sa salita, kundi sa aksyon.
Kasama ang aking mga anak at kanyang mga apo — Cong. Migz at Cong. Luigi — nangangako kami sa inyo: itutuloy namin ang kanyang legacy at bisyon para sa CamSur at para sa bayan.
Papa, ang bawat batang nagsisimula sa kinder, ang bawat magsasakang umaasenso, ang bawat Camarinenseng naabot mo — ikaw ang nagsimula. Kami ang magtutuloy.
Happy birthday, Papa. Salamat sa lahat. Mahal na mahal ka namin.

— LRay


Serbisyong Ka Fuerte✌️
always 🙏

28/08/2026

Isang karangalan na ma-welcome sa Bicol ang aking longtime friend at schoolmate, DILG Sec. Jonvic Remulla, para sa turnover ng Unified 911 Emergency Response Motorcycles at ang ating RPOC V 3rd Quarter Meeting.

One number. 911. Kahit saan ka man sa Bicol, kahit anong oras — help is on the way. At soon, magkakaroon na ng sariling Unified 911 Satellite Command Center dito mismo sa CamSur. 📍

Salamat sa PNP PRO 5, 9th Infantry Division, at sa lahat ng ating kapwa governors at LGUs. Ang peace and order, teamwork ’yan. Walang solo.

Ligtas na Bicol = maunlad na Bicol. ’Yan ang deal.

Aksyon, Hindi Salita. Tatak CamSur. 💪


Serbisyong Ka Fuertee✌️
🙏

24/08/2026

📍 DEL GALLEGO, CAMARINES SUR 💚📚

Tuloy-tuloy ang ating School Visitation Program! This time, kasama natin ang mga students and teachers of Del Gallego. 🙌

Para sa akin, ang pagbisita sa ating mga paaralan is more than just showing up. Gusto nating personal na makita, makausap at maramdaman kung ano talaga ang kailangan ng ating students at teachers.

At gaya ng ating commitment, patuloy tayong nagbibigay ng financial assistance sa LAHAT ng enrolled students, pati sa ating hardworking teachers. 🎓❤️

Because when we support a student, we invest in a dream.
When we support a teacher, we strengthen the future of an entire generation.

Kasabay nito, patuloy din nating tinitingnan kung paano pa natin mapapaganda at ma-uupgrade ang ating school facilities, classrooms, technology at equipment. Hindi sapat na makapag-aral lang ang ating mga kabataan—we want them to learn in an environment that is safe, modern, inspiring and ready for the future. 💻🏫✨

Ang goal natin: walang estudyanteng mapag-iiwanan, walang g**ong makakalimutan, at bawat paaralan sa CamSur ay patuloy na aangat.

Sa mga students ng Del Gallego: Dream big. Study hard. Enjoy the journey. Nandito ang Provincial Government para suportahan kayo. 💚

Sa ating teachers: Maraming salamat for believing in our young people and helping shape the future of CamSur. 🙏

School by school.
Barangay by barangay.
Student by student.

We keep showing up. We keep investing. We keep building a better future.

Para sa kabataan. Para sa edukasyon. Para sa mas maunlad na CamSur. 💚💙


Serbisyong Ka Fuerte✌️
🙏

18/08/2026

Bawat barangay, may kwento. Bawat pagbisita, may pagkakataong makinig, tumulong, at maghatid ng saya. ❤️

Masaya kaming nakabisita sa Barangay Poblacion, Tigaon—pero para sa amin, hindi sapat ang basta bumisita lang. Sa bawat lugar na pinupuntahan natin, sinisikap nating may dalang tunay na tulong at malasakit para sa ating mga kababayan.

Iba ang saya kapag nakikita natin ang mga ngiti ng mga bata, mga magulang, at buong komunidad. 😊 Ang simpleng kwentuhan, tawanan, at pagsasama-sama ay nagpapaalala sa atin kung bakit napakasarap maglingkod.

Hindi lang tayo pupunta sa mga barangay para makita sila. Pupunta tayo para makasama sila. Makinig sa kanila. At iparamdam na kasama nila ang Provincial Government ng CamSur.

Maraming salamat, Barangay Poblacion, Tigaon, sa napakainit na pagtanggap! ❤️

Barangay to barangay. Tao sa tao. Serbisyong may malasakit.

Patuloy tayong iikot. Patuloy tayong tutulong. At saan man tayo makarating, sana makapag-iwan tayo ng kaunting saya at pag-asa. 💚

Para sa bawat barangay. Para sa bawat CamSureno. Para sa CamSur.


Serbisyong Ka Fuerte ✌️
✌️
🙏

12/08/2026

Kasinungalingan , libelous , malicious mga pinapakalat ng CASURECO 3 headed by Gm Bucsit at ng Appointed hinde elected , hinde taga Rinconada na si Ana Alsisto na gusto ko daw at ng Bicol Light & power na I -privatize and CASURECO 3 . Never ito intention ng Bicol light , wala sa dokumento submitted by Bicol light na gusto nila I privatize ang baon sa utang na CASURECO 3 .

HINDI PO “PRIVATIZATION” ANG BICOL LIGHT. ITO PO AY KOMPETISYON. AT ALAM NILA IYAN.

Nakita ko po ang mga bagong linya ng CASURECO III at ng kanilang mga tagapagtanggol: “Ayaw daw naming ayusin ang kooperatiba — gusto daw naming i-privitize “

Linawin po natin, dahil ito ay maling impormasyon at black propaganda !

UNA — WALANG KINUKUHA, WALANG BINIBILI, WALANG PINA-PRIVATIZE. Ang Bicol Light franchise ay isang panibagong prangkisa — magtatayo ito ng sarili nitong linya, sariling poste, sariling puhunan. Hindi nito kukunin ang ari-arian ng CASURECO III. Hindi nito bubuwagin ang kooperatiba. Mananatili ang prangkisa ng CASURECO III hanggang 2029. Ang mangyayari lamang: magkakaroon ng CHOICE ang konsyumer. Iyan ang kinatatakutan nila — hindi ang “privatization,” kundi ang pagpipilian ng taumbayan.

PANGALAWA — SINO NAMAN PO ANG GUSTONG “KUMUHA” NG CASURECO III? Isipin niyo po: mahigit ₱600 MILYON ang utang — sila mismo ang umamin. ₱66.28 MILYON na Universal Charge na kinolekta sa konsyumer pero hindi ni-remit sa PSALM — number one sa buong Pilipinas ayon sa Department of Finance. ₱125.5 MILYON na franchise tax na hindi binabayad sa Iriga kahit may desisyon na ang Korte Suprema. Sino po ang matinong tao na gugustuhing “angkinin” iyan? Walang gustong kumuha ng CASURECO III. Ang gusto lang ng taumbayan: kuryenteng dumarating at presyong makatarungan.

PANGATLO — “AYUSIN, AUDITIN, REPORMAHIN” DAW. Sang-ayon po ako! Pero saan po sila noong panahon ng pag-aayos? 2013 — dalawang beses dineskonekta sa grid. 2015 — ang SARILI NILANG General Assembly — ang kanilang mga miyembro mismo — ang bumoto para sa privatization, dahil sawang-sawa na. 2017 — kinailangang kunin ng NEA ang management. 2019 — inirekomenda mismo ng DOE ang kanselasyon ng prangkisa. Apat na dekada po silang binigyan ng pagkakataong mag-ayos. Ang resulta ngayong 2026: 907 minutes ng dilim kada konsyumer, 64% nakasalalay sa spot market, at 36% pagtaas ng singil. Hindi po kami ang nag-imbento niyan — nasa sarili nilang datos iyan.

PANG-APAT — “ANG KURYENTE AY SERBISYO, HINDI NEGOSYO” DAW. Tama po iyan. Kaya nga po itanong natin: kung serbisyo ang layunin — bakit hindi ni-remit ang pera ng konsyumer sa gobyerno? Bakit hindi binabayaran ang buwis na pondo sana ng mga barangay? At bakit ang pondo at official page ng kooperatiba ay ginagamit sa pampulitikang kampanya imbes na sa pag-aayos ng nag-iisang 69kV line na dahilan kung bakit buong Rinconada ang nagdidilim?

PANGLIMA — ANG PINAKASIMPLENG PATUNAY. Kung kumpiyansa po sila na ayaw ng taumbayan ang Bicol Light — bakit sila takot sa plebisito? Hiniling na natin sa Kongreso: hayaan ang NEA na magsagawa ng boto ng mga member-consumers mismo, tulad ng ginawa sa Negros. Kung totoo ang kanilang sinasabi, mananalo sila. Ang taong may katotohanan, hindi takot sa boto.

Ako po ay halal na opisyal — bawat tatlong taon, humaharap ako sa inyo para husgahan. Ang mga nagkakalat ng “privatization” na kasinungalingan — kailan po sila huling humarap sa botante?

Hindi po ninyo ako mapapatahimik sa pamamagitan ng pagbabaluktot ng isyu. Ang mga tanong ay nakatayo pa rin: ang ₱66M, ang ₱125M, ang ₱600M utang, ang 907 minutes ng dilim. Sagutin po ninyo iyan — hindi ang mga bagay na hindi namin sinabi.

Sa issue ng personal interest , hinde ba ang Meron personal interest ay ang mga tao nakikinabang sa CASURECO 3 ?!

Si GM Bucsit , si alsisto hinde ba and nagbabayad Sainyo ng mga sweldo nyo , allowances nyo , per diems , travel and other expenses charges nyo ay ang CASURECO 3 , na ang nagbabayad mga consumer?!

Si Cong Legacion ang tumutulak ng grant ng franchise sa CASURECO 3 , habang ang asawa nya na si atty mars o Marion ay legal consultant ba ng CASURECO 3 ! Hinde ba malinaw na conflict of interest yan ! Hinde ba personal interest ito ? P**i sagot ! P**i Linaw mga issue . Sagutin nyo mga issues , wag gamitin pondo ng CASURECO 3 , wag lokohin mga employees ng CASURECO 3 para lokohin mga member / consumers na gusto daw namin I - privitize and CASURECO 3 , na ulit ito ay kasinungalingan ng mga opisyal ng CASURECO 3 na malinaw ang personal interest nila ay manatili sa kanilang mga pwesto!

Ang katotohanan, laging mananaig. Facts over lies. Truth over misinformation. 💡

11/08/2026

Attn: CASURECO 3

ANG TOTOO, HINDI TAKOT SA TANONG.

Nakita ko po ang mga post ng CASURECO III laban sa Bicol Light franchise at sa mga nagsusulong nito. Hindi po ako magagalit sa kanilang kampanya. Pero bilang inyong Governor — at bilang isang member-consumer din ng CASURECO III — may mga tanong po ako na hindi nila sinasagot sa kanilang mga poster:

UNA. Noong 2019, ang PSALM mismo — ahensya ng gobyerno — ang nagsabi na ang CASURECO III ang NUMBER ONE sa buong Pilipinas sa hindi na-remit na Universal Charge collections: ₱66.28 MILLION na kinolekta sa atin, sa mga konsyumer, pero hindi naipasa sa gobyerno. Nakapangalan ang demand letter sa kanilang Chairperson Alsisto . Nasa website ng Department of Finance. Bakit hindi ito nababanggit sa kanilang mga poster?

PANGALAWA. May desisyon ang Korte Suprema noong 2012 na dapat magbayad ang CASURECO III ng franchise tax sa Iriga. Ang computation ng Bureau of Local Government Finance — na sila mismo ang humiling: ₱125.5 MILLION ang kulang. Pera po iyan ng mga barangay, health centers, at serbisyo ng Iriga. Hanggang ngayon, ayaw bayaran. Sino ang tunay na nagpapahirap sa Rinconada?

PANGATLO. 2013 — dalawang beses tayong dineskonekta sa grid dahil sa utang. 2015 — muli. 2017 — kinuha ng NEA ang management dahil lugmok na. 2024 — bumagsak sa WESM spot market, at umabot sa 125% ang taas ng singil sa atin noong June hanggang September. Hindi po iyan gawa-gawa ko. Nasa record ng ERC, NEA, at ng inyong mga bayarin.

AT NARITO PO ANG PINAKAMALAKING PAGKAKAIBA:

Ako po ay halal na opisyal. Bawat tatlong taon, humaharap ako sa taumbayan. Kayo po ang huhusga kung karapat-dapat akong manatili sa puwesto. Direktang mananagot ako sa inyo — sa botohan, sa plaza, sa bawat barangay.

Ang mga umaatake sa akin gamit ang official page ng kooperatiba? Si Chairperson Ana Sylvia Alsisto — hindi po siya inihalal ng taumbayan ng Rinconada. Appointed lamang po. Ang General Manager ng CASURECO III — hindi rin po halal. Appointed din lamang. Kailan po sila huling humarap sa botante? Kailan sila huling nanindigan sa harap ng taumbayan para husgahan ang kanilang serbisyo?

Iyan po ang kaibahan ng accountability. Ako, pwede niyo akong tanggalin sa susunod na eleksyon kung palpak ako. Sila — sino ang makakapagtanggal sa kanila, kung ang sistema mismo ng kanilang halalan ay kinukuwestiyon na?

AT NGAYON, MGA TANONG NA DAPAT SAGUTIN:

❓Tama po ba na ang pondo at official page ng kooperatiba — na galing sa bayad ng mga miyembro — ay ginagamit sa pampulitikang kampanya imbes na sa pag-aayos ng serbisyo?

❓Ilang electric cooperative po ang pinagkukunan ng per diems at allowances ng inyong mga opisyal? Lalo na si Alsisto? Ilang taon na po sa puwesto? Kailan po huling totoong halalan? Ang mga tanong na ito ay nakahain na po sa NEA — at hinihintay natin ang sagot.

❓At sa mga nagtutulak ng grant of franchise sa Kongreso: may kamag-anak po ba kayong tumatanggap ng retainer, allowances, o per diems mula sa CASURECO III? Kung wala, madali lang pong sabihin. Kung meron — conflict of interest po ang tawag diyan.

Hindi po nila kailangan sagutin ako. Sagutin nila ang 92,000 member-consumers na nagbabayad ng 97.86% on time — pero 907 minutes ang dilim bawat taon.

Hindi po ito laban ng pulitika. Laban po ito para sa kuryenteng maaasahan, presyong makatarungan, at kooperatibang may pananagutan.

Ang katotohanan, laging mananaig. Facts over lies. Truth over misinformation. 💡

11/08/2026

HISTORY FOR OUR TEACHERS! 🎉📚

5,354 teachers and school heads ng Camarines Sur — PROMOTED. ✊

Sa isang araw, sa isang ceremony, mahigit limang libong pamilya ang may dahilan para magdiwang. Hindi ito basta promotion — ito ang matagal nang utang na pinagbayaran sa ating mga g**o.

Sa mga teacher na unang dumarating sa school at huling umaalis… sa mga gumagastos ng sariling pera para lang may chalk at bond paper… sa mga sumusulong sa baha at bagyo para maturuan ang ating mga kabataan — KAYO ANG TUNAY NA BAYANI. Deserve niyo ’to. 🙏❤️

Maraming salamat kay Pangulong Ferdinand Marcos Jr. sa Expanded Career Progression (ECP) program.

At special thanks sa aking good friend, DepEd Secretary Sonny Angara, na personal na pumunta sa CamSur para pangunahan ang oath-taking ng ating mga g**o. Sa ilalim ng kanyang liderato, nakamit ng DepEd ang pinakamalaking budget sa kasaysayan ng bansa — mahigit ₱1 TRILLION para sa edukasyon — at mahigit 82,000 teachers na ang na-promote sa buong Pilipinas. Salamat, Sec. Sonny — under your leadership, the DepEd is in good hands. 🇵🇭🤝

At hindi pa tapos ang laban! Committed sina Cong Migz Villafuerte at Cong. Luigi Villafuerte at Bicol Saro partylist na itulak sa Kongreso ang pagdodoble ng pondo ng ECP — mula ₱6 BILLION ngayong taon, gagawing ₱12 BILLION — para mas marami pang teachers ang ma-promote sa susunod na taon. Mas maraming g**o, mas maraming pamilya ang aangat. 📈

Ang investment sa teacher ay investment sa kinabukasan ng bawat batang Bicolano.

Aksyon, Hindi Salita. Tatak CamSur. 💪


Serbisyong Ka Fuerte✌️

🙏