NFA Camarines Sur Branch

04/08/2026

01/08/2026

𝗣𝗔𝗔𝗟𝗔𝗟𝗔𝗡𝗚 𝗣𝗔𝗠𝗣𝗨𝗕𝗟𝗜𝗞𝗢 ⚠️

27/07/2026

𝖨𝖲𝖠𝖭𝖦 𝖬𝖨𝖲𝖸𝖮𝖭, 𝖨𝖲𝖠𝖭𝖦 𝖣𝖨𝖶𝖠, 𝖨𝖲𝖠𝖭𝖦 𝖯𝖴𝖲𝖮 𝖯𝖠𝖱𝖠 𝖲𝖠 𝖬𝖦𝖠 𝖬𝖠𝖦𝖲𝖠𝖲𝖠𝖪𝖠! 🌾

Not once, not twice, but th-RICE! Sa ikatlong pagkakataon, ipinamalas ng NFA Camarines Sur Branch sa pamamagitan ng mga kawani ng NFA Daet Satellite Office ang kanilang patuloy na pakikiisa sa misyong bigyang-pugay at pagpapahalaga ang ating mga magsasaka—ang mga katuwang sa pagtataguyod ng seguridad sa pagkain ng bansa.

Sa kanilang pakikibahagi, higit na naipakita ang diwa ng pagkakaisa, malasakit, at pag-unawa sa buhay at sakripisyo ng ating mga magsasaka. Ang bawat hakbang tungo sa pakikiisa ay patunay ng hangarin ng NFA na manatiling malapit, makinig, at tumugon sa pangangailangan ng sektor ng agrikultura.

Patuloy nating isinasabuhay ang iisang misyon, iisang diwa, at iisang puso para sa mga magsasaka. 🌾

23/07/2026

🌱ᴍᴜʟᴀ ꜱᴀ ᴘᴀʟᴀʏᴀɴ, ᴛᴜɴɢᴏ ꜱᴀ ᴋᴀɢᴜʙᴀᴛᴀɴ: ɪꜱᴀɴɢ ʟᴀʏᴜɴɪɴ, ɪꜱᴀɴɢ ᴘᴀɢʟɪʟɪɴɢᴋᴏᴅ. 🌳

Matapos ang makabuluhang Rice Planting Immersion, ipinagpatuloy ng mga kawani ng NFA Camarines Sur Branch ang kanilang araw ng paglilingkod sa pamamagitan ng Tree Planting Activity sa Bicol Natural Park, na matatagpuan sa hangganan ng Camarines Sur at Camarines Norte.

Kung ang pagtatanim ng palay ay simbolo ng pagtitiyak sa seguridad sa pagkain, ang pagtatanim naman ng puno ay isang pamumuhunan para sa kinabukasan ng ating kalikasan. Ang dalawang gawaing ito ay magkaugnay—sapagkat ang masaganang ani ay nagsisimula sa isang malusog at balanseng kapaligiran.

Sa bawat punlang naitanim, hindi lamang puno ang iniiwan kundi isang pangakong pangalagaan ang ating likas na yaman para sa susunod na henerasyon. Patunay ito na ang tunay na paglilingkod ay hindi nagtatapos sa pagtupad ng mandato, kundi umaabot sa sama-samang pagkilos para sa isang mas luntian, mas matatag, at mas napapanatiling kinabukasan.

Dahil ang bawat punong itinatanim ngayon ay magiging pamana ng pag-asa para sa bukas. 🌿

22/07/2026

𝗧𝗮𝗻𝗶𝗺 𝗣𝗮𝗹𝗮𝘆, 𝗧𝗮𝗻𝗶𝗺 𝗠𝗮𝗹𝗮𝘀𝗮𝗸𝗶𝘁: 𝗡𝗙𝗔 𝗖𝗮𝗺 𝗦𝘂𝗿 𝗡𝗮𝗸𝗶𝘀𝗮𝗺𝗮 𝘀𝗮 𝗕𝘂𝗸𝗶𝗱!

Hindi lamang isang aktibidad ang rice planting immersion—isa itong makabuluhang karanasan na nagbigay-daan upang personal na maranasan ng mga empleyado ng NFA Camarines Sur Branch ang buhay at araw-araw na pagsisikap ng ating mga magsasaka.

Sa dalawang magkasunod na immersion na isinagawa sa Magarao at Libmanan, Camarines Sur, naranasan ng ating mga kawani ang pagtatanim sa ilalim ng araw, ang paglusong sa maputik na bukirin, at ang tiyaga at dedikasyong kinakailangan upang makapagpatubo ng bawat butil ng palay. Sa bawat punlang naitanim, mas lalong tumimo ang pag-unawa na ang bawat butil ng bigas na dumarating sa ating hapag ay bunga ng walang sawang pagsisikap at sakripisyo ng ating mga magsasaka.

Ang karanasang ito ay nagsilbing paalala na ang mandato ng NFA ay hindi lamang tungkol sa pagbili, pag-iimbak, at pamamahagi ng palay at bigas. Higit sa lahat, ito ay tungkol sa pagkilala, pagpapahalaga, at patuloy na pagsuporta sa mga magsasakang siyang tunay na pundasyon ng ating seguridad sa pagkain.

Sa pagtatapos ng dalawang immersion, hindi lamang putik ang kanilang naiuwi, kundi mas malalim na paggalang sa ating mga magsasaka, mas matibay na malasakit sa kanilang kabuhayan, at panibagong inspirasyon na gampanan ang kanilang tungkulin nang may puso, integridad, at layuning maglingkod.

Sapagkat sa bawat butil ng bigas ay may kuwento ng pawis, pag-asa, at buhay ng bawat magsasakang Pilipino.

17/07/2026

🌾 𝗕𝗔𝗟𝗔𝗧𝗔𝗡, 𝗕𝗘𝗡𝗧𝗘𝗡𝗚 𝗕𝗜𝗚𝗔𝗦, 𝗠𝗘𝗥𝗢𝗡 𝗡𝗔! 🌾

Isa na namang mahalagang hakbang tungo sa mas abot-kayang bigas para sa bawat pamilyang Pilipino ang naitala sa lalawigan ng Camarines Sur sa matagumpay na paglulunsad ng Benteng Bigas, Meron Na! sa Bayan ng Balatan. Bilang ikatlong lokal na pamahalaan sa lalawigan na nagpapatupad ng programa, pinagtitibay ng LGU Balatan ang kanilang suporta sa layunin ng pamahalaan na tiyaking may de-kalidad at abot-kayang bigas na maaabot ng mga mamamayan, lalo na ng mga kabilang sa mga prayoridad na sektor.

Naging posible ang programang ito sa pamamagitan ng matibay na ugnayan ng Lokal na Pamahalaan ng Balatan, Food Terminal Inc. (FTI), Department of Agriculture (DA), at National Food Authority (NFA)—mga ahensyang nagkakaisa upang maisulong ang seguridad sa pagkain at mapagaan ang gastusin ng mga pamilyang Pilipino.







📸 | Nico Gaminde

15/07/2026

𝐁𝐄𝐍𝐓𝐄𝐍𝐆 𝐁𝐈𝐆𝐀𝐒, 𝐓𝐀𝐆𝐔𝐌𝐏𝐀𝐘 𝐍𝐀 𝐋𝐔𝐌𝐀𝐋𝐀𝐊𝐀𝐒!

Patuloy na lumalawak ang abot ng Benteng Bigas, Meron Na! program. Mula Hunyo 22 hanggang 30, kabuuang 3,574 sako ng tig-50 kilong bigas ang na-withdraw ng mga akreditadong katuwang ng programa—3,008 sako sa Camarines Sur at 566 sako sa Camarines Norte—na nakapagbigay ng abot-kayang bigas sa 17,870 benepisyaryo.

Samantala, mula Hulyo 1 hanggang 14, umabot naman sa 9,870 sako ng tig-50 kilong bigas ang na-withdraw, na nakinabang ang 49,350 benepisyaryo sa dalawang lalawigan.

15/07/2026

𝗙𝗧𝗜 𝗩𝗣 𝗳𝗼𝗿 𝗢𝗽𝗲𝗿𝗮𝘁𝗶𝗼𝗻𝘀, 𝗕𝘂𝗺𝗶𝘀𝗶𝘁𝗮 𝘀𝗮 𝗡𝗙𝗔 𝗖𝗮𝗺𝗮𝗿𝗶𝗻𝗲𝘀 𝗦𝘂𝗿

Sa layuning matiyak ang maayos na pagpapatupad ng programang Benteng Bigas, bumisita si Atty. Mark Christopher A. Babor, Vice President for Operations ng Food Terminal Incorporated (FTI) sa NFA Camarines Sur, ang Redemption Site ng Benteng Bigas, Meron na! sa probinsya.

Ang pagbisitang ito ay higit na pagpapatibay ng ugnayan at pagtutulungan ng DA, FTI, at ng NFA sa pagbibigay ng abot-kaya at de-kalidad na bigas para sa bawat pamilyang Pilipino.