10/05/2022
Una sa lahat ang pasasalamat sa lahat ng nagpabatid ng suporta, tulong at pagmamahal na walang hiniling na kapalit.
Pinagdarasal ko na hindi man sa aking kaparaanan maibalik ang pasasalamat ay ang Diyos ang nakakaalam at sya mismo ang magbabalik ng siksik, liglig at umaapaw na gantimpala.
Para sa isang kagaya ko na bata, baguhan sa larangang ito hindi ko maikakaila na naging mahirap ang paglalakbay pero babaunin ko ang lahat ng pangaral at pagpapahalaga na binigay nyo sakin all the days of my life. Peksman.
Dito ko napatunayan na ang taong nagmamahal/nagmamalasakit sayo ay may kusa para akayin ka at hindi iwan sa gitna ng iyong landas. May mga tao din na ibibigay ang Diyos sayo para ipakita ang kanyang pagpapala, walang sinisino mahirap man o mayaman tutulungan ka talaga. Hindi ko kayo makakalimutan.
Hindi biro ang kabuuang bilang na 12,770 casted votes na pinagkatiwala nyo sa akin. Hindi ko man hilingin na ako ay inyong suportahan, nasaksihan nyo ho ang sinsero kong layunin para sa ating bayan. Mabuhay po kayo!
Sa isang labanan, alam natin na may mananalo at matatalo kung kaya’t I HUMBLY ACCEPT the judgment of the people of the Municipality of Plaridel.
Hindi ako nagsisisi na ako ay tumindig para sa minamahal nating bayan. Lumaban ng may integridad na dala at baon parin hanggang matapos ang laban na ito. Masaya ang puso ko na kayo ay aking nakilala.
Pero sabi nga, LIFE MUST GO ON. Magbabalik bilang isang ordinaryong mamamayan pero patuloy na makikilahok at susuporta sa usapang pang komunidad.
Muli po, ako po si ANGELICA JANE “AJ” SAN PEDRO GATUZ. Isang kabataang nanindigan ng layunin para sa bayan ng Plaridel.
Maraming maraming salamat po!
to IbaNaman2025???🤔🤔🤔😂
