06/07/2023
Metung kareng tune KAYAMANAN ning
kekatamung lipunan apin reng KAYANAKAN.
Pakibalwan in kekayung KARAPATAN bilang
kayanakan at sabe sabe tamung patunayan
na PAG-ASA nakatamu ning bayan.
Siualang Kayanakan mangabaldugang "tinig ng kabataan".
Metung a organisasyun a maglayung mamye bosis kareng kayanakan ning Barangay Babo Pangulo bangkanita maramdam la reng karelang opinyun patungkul kareng miyayaliwang isyung daranasan lalung lalu na kareng isyung panlipunan, pang-edukasyun, pangkalusugan, pang-isports, pangkapaligiran, at miyayaliwa pa.
Layunin na naman ning Siualang Kayanakan ing midenan pamagbayu ampong progresu king lipunan. Buri nang dinan importansya ing pakikiramdam kareng opinyun, ideya at akit ing makasalikut a talento da reng kayanakan. Ing hangarin ayni magsilbi yang KAMALAYAN kareng kayanakan para king mas ika-unlad at ika-usbong ning kekatamung pakamalang BARANGAY BABO PANGULO. Payuli na ning pamamye siuala o boses kareng kayanakan, midenang pag-asa na masolusyunan la reng suliranin a malambat da nang sasaingsing at e asabi sabi king karelang pilubluban.
Kaya naman, Siualang Kayanakan, magsilbi yang INSTRUMENTU bangkanita maramdam la reng hinaing da reng bawat kayanakan Babo Pangulo. Misyon na iti na ibuklat la reng pusu't isip da reng kayanakan na IMPORTANTI ya ing PAPIL a karelang tatalakaran uling itamu ing PAG-ASA NING BAYAN.
Maniwala at panindigan ning GRUPUNG SIUALANG KAYANAKAN na itamung anak, etamumu kabud "anak". Nune, atin tamung potensyal na makapagpabayu at makapamye progresu king lipunan a kekatamung tatalakaran.
Kaya pakatandanan tamu, importanti ya ing kekatamung SIUALA! Importanti la reng KAYANAKAN!
