23/04/2026
Ang buhatan sa Prosperidad Water District nagpahibalo nga ang submersible pump sa atong Water Treatment Plant nadaot niadtong Abril 20, 2026, nga maoy hinungdan sa emergency shutdown. Kini nga pump usa ka kritikal nga bahin sa atong operasyon sa pagproseso sa tubig. Tungod niini, naapektuhan ang suplay sa tubig sa Poblacion, labi na sa mga high-level nga lugar.
Base sa among assessment, ang motor winding sa unit nasunog ug dili na ma-repair, busa nagkinahanglan kini og dayon nga pag-ilis sa submersible pump.
Isip dayon nga solusyon, nakapalit na kami og 30HP nga submersible pump, nga karon ginakuha sa among mga personnel sa Laguna, Philippines, ug gilauman nga moabot karon nga semana. Samtang naghulat, magpabilin nga limitado ang suplay sa tubig.
Ang Prosperidad Water District magpatuman og temporaryong iskedyul sa water rationing sa mga high-level nga lugar aron sa pag-apod-apod sa tubig ngadto sa mga naapektuhan nga konsumador.
Nangayo kami og pasaylo sa abala nga inyong nasinati ug naghangyo sa inyong pagsabot ug pasensya samtang nagpaningkamot kami sa pagpasig-uli sa normal nga suplay sa tubig sa labing dali nga panahon.
