Tantan Del Rosario

Tantan Del Rosario HATID AY SERBISYONG MAY NGITI PARA SA BARANGAY TATALON 💙

18/08/2026

Isang taos-pusong pagsaludo at pasasalamat sa ating mga Almighty Fire And Rescue Volunteer , Barangay Tatalon Responders, at lahat ng katuwang ng ating pamahalaang barangay na walang pagod na kumilos sa panahon ng malakas na ulan at pagbaha.

Mula sa pagre-rescue na mga na stranded nating mga kabarangay, pag-aasikaso sa mga evacuees, hanggang sa pagpapa-flushing ng mga daanan, pagtanggal ng mga bara sa ating mga drainage at kanal, ipinakita ninyo ang tunay na kahulugan ng malasakit, serbisyo at bayanihan.

Sa ilalim ng direktiba ng ating Punong Barangay KAP KIKO DEL MUNDO naging organisado at matagumpay ang ating pagtugon sa kabila ng hamon ng panahon. Ang bawat isa ay nagbigay ng oras, lakas at sakripisyo upang matiyak ang kaligtasan at kapakanan ng ating mga kabarangay.
Walang unos o kalamidad na magiging mabigat basta't tayo ay nagkakaisa, nagtutulungan at sama-samang kumikilos. 🤝❤️

Nawa'y magsilbi ring aral sa ating lahat ang nangyari—ang kalinisan ng ating kapaligiran ay responsibilidad ng bawat isa. Panatilihin nating malinis ang ating mga kalsada, kanal at drainage. Huwag magtapon ng basura kung saan-saan upang maiwasan ang pagbabara na maaaring magpalala ng pagbaha lalo na sa panahon ng malakas at tuloy-tuloy na pag-ulan.

Patuloy tayong magbayanihan, magmalasakit at maging handa sa anumang hamon.

Muli, maraming salamat sa lahat ng volunteers, responders at kabarangay na naging bahagi ng matagumpay na pagtugon. Saludo kami sa inyong lahat!

Bayanihan. Kahandaan. Serbisyo. Kaligtasan! 🇵🇭💪🚒❤️

09/08/2026

Tuloy tuloy na hatid serbisyo para sa ating mga kabarangay nasalanta ng Bagyong MayMay.

08-08-2026Patuloy ang ginagawang 24/7 monitoring ng Pamunuan ng Barangay sa direktiba ng ating Punong Barangay KAP KIKO ...
08/08/2026

08-08-2026
Patuloy ang ginagawang 24/7 monitoring ng Pamunuan ng Barangay sa direktiba ng ating Punong Barangay KAP KIKO DEL MUNDO kasama ang inyong lingkod, Committee Chairperson on Disaster Risk Reduction Management Jonathan Del Rosario, sa iba’t ibang mabababang lugar sa ating barangay bilang paghahanda sa posibleng pagtaas ng tubig dulot ng Bagyong MAYMAY na nagdadala ng malakas na hangin at pag-ulan.

Kabilang sa patuloy na minomonitor ang mga sumusunod na lugar:
📍 Kaliraya Bridge
📍 Araneta–Victory
📍 E. Rodriguez
📍 People’s Park
📍 630 at 70C G. Araneta
at iba pang lugar na maaaring maapektuhan ng pagbaha.
Hinihikayat ang lahat ng ating mga kabarangay, lalo na ang mga nakatira sa mababang lugar at mga flood-prone areas, na manatiling alerto, mapagmatyag, at handang lumikas kung kinakailangan.

Unahin natin ang kaligtasan ng bawat isa. Makinig sa mga abiso ng ating Barangay at ng mga kinauukulang ahensya. Iwasan ang pagtawid o pagdaan sa mga lugar na binabaha at siguraduhing ligtas ang ating mga anak, matatanda, at iba pang nangangailangan ng karagdagang atensyon.

🤝 Patuloy ang inyong lingkod kasama ang pamunuang barangay at ang Almighty Fire And Rescue Volunteer na nakaantabay at handang tumugon sa anumang sitwasyon.

Mag-ingat po tayong lahat. Ang kaligtasan ng bawat residente ang ating pangunahing prayoridad.

— Jonathan Del Rosario
Committee Chairperson on Disaster Risk Reduction Management

16/07/2026

Ang Pamunuan ng Barangay Tatalon sa pangunguna ng ating kapitan KAP KIKO DEL MUNDO ay patuloy na nagsasagawa ng iba't ibang programa at hakbang upang mapanatili ang kalinisan, kaayusan, at kaaya-ayang kapaligiran sa ating komunidad. Gayunpaman, ang tunay na pagbabago ay nagsisimula sa bawat isa sa atin. Ang disiplina at pagmamalasakit sa ating kapaligiran ay hindi lamang responsibilidad ng pamahalaan kundi tungkulin ng bawat mamamayan.

Mahalagang panatilihing malinis ang lahat ng pampublikong lugar, lalo na ang loob at labas ng ating mga paaralan, mga parke, lansangan, at iba pang lugar na araw-araw nating ginagamit. Ang simpleng pagtatapon ng basura sa tamang lalagyan, pag-iwas sa pagdudumi ng paligid, at pagiging responsableng mamamayan ay malaking ambag sa pagkakaroon ng isang ligtas, malinis, at maayos na komunidad.

Sama-sama nating isabuhay ang disiplina, malasakit, at pakikiisa. Sa pagtutulungan ng bawat residente, mas mapapanatili nating malinis, ligtas, at maipagmamalaki ang ating barangay para sa kasalukuyan at sa mga susunod pang henerasyon.


29/06/2026

06-28-26 | ODL for PRIDE MONTH CELEBRATION 🏳️‍🌈

Ang inyong lingkod po ay naimbitahan sa isang ONE DAY VOLLEYBALL LEAGUE na isang selebrasyon na nagpupugay sa pagkakapantay-pantay, at pagmamahal para sa ating LGBTQIA+ Community na kasapi ng ating barangay.

Ito ay naisakatuparan unang una sa pinuno ng Tatalon Volleyfriends na si Manay Nick at sa kanilang buong grupo, sa YES-TAYO team sa pangunguna ni SK KGD SHANCAI BACANI at ng kanyang miyembro, kasama din po ang aking mga kasamahan sa konseho Kgd Jalyn Tabas, Kgd Marciana Manalo, Kgd Noel Estrella, ang administrador ng Brgy Kuya Rj Bituin, sa ating kaibigan Benjo Lobo at ang organisasyong patuloy na nagmamalasakit sa ating barangay ang APN sa pamumuno ni Kuya Alex Navarro, ito din po ay naging posible dahil sa suporta ng ating maaasahang Punong Barangay KIKO DEL MUNDO ☺️💙

Ang selebrasyong ito ay nagsisilbing paalala na ang bawat isa ay may karapatang mahalin, igalang, at tanggapin anuman ang kanilang kasarian, pagkakakilanlan, o oryentasyon. 🦋

Patuloy nating itaguyod ang isang lipunang inklusibo, mapagmahal, at walang diskriminasyon. Sama-samanating ipagdiwang ang pagkakaiba-iba na nagbibigay kulay at lakas sa ating komunidad.

CONGRATULATIONS SA MGA NANALONG GRUPO nawa’y patuloy nating isabuhay ang Pagmamahal, paggalang, at pagkakapantay-pantay para sa lahat. ❤️🧡💛💚💙💜🏳️‍🌈🏳️‍⚧️

HAPPY PRIDE!!!! 🌈🏳️‍🌈

27/06/2026

Isang taos-pusong pagpupugay at pagbati sa ating kagalang-galang na Punong Barangay EMMANUEL “KIKO” DEL MUNDO sa pagkakamit ng prestihiyosong 2026 Philippine Leaders Award. Ang karangalang ito ay patunay ng inyong mahusay na pamumuno, walang sawang paglilingkod, at tunay na malasakit sa kapakanan ng inyong nasasakupan.

Ang inyong dedikasyon at pagsisikap ay nagsisilbing inspirasyon hindi lamang sa ating barangay kundi maging sa iba pang mga lingkod-bayan. Nawa’y patuloy kayong pagpalain ng mabuting kalusugan, karunungan, at lakas upang maipagpatuloy ang inyong adhikain para sa mas maunlad at mas maayos na komunidad.

Muli, taus-pusong pagbati sa inyong natatanging tagumpay. Tunay kayong ipinagmamalaki ng ating barangay at ng buong pamayanan.

Bilang bahagi ng inyong konseho, saludo po kami sa inyong tagumpay! 🫡💙

21/06/2026

Patuloy na mag ingat po ang lahat dahil sa pabugso bugsong sama ng panahon 🙏

Anuman ang iyong katayuan sa buhay at anumang sektor ng lipunan ang iyong kinabibilangan, wala pa ring hihigit sa sakrip...
21/06/2026

Anuman ang iyong katayuan sa buhay at anumang sektor ng lipunan ang iyong kinabibilangan, wala pa ring hihigit sa sakripisyo, dedikasyon, at walang kapantay na pagmamahal ng isang ama na nagsisilbing haligi ng bawat tahanan at pamilya.

Sa lahat ng mga amang patuloy na nagsisikap, nagsasakripisyo, at nagsisilbing gabay at inspirasyon sa kanilang mga anak, taos-puso akong sumasaludo sa inyo.

Maligayang Araw ng mga Dakilang Ama!

Isang taos-pusong pagbati mula sa isang ama para sa kapwa mga ama.

Address

Quezon City

Website

Alerts

Be the first to know and let us send you an email when Tantan Del Rosario posts news and promotions. Your email address will not be used for any other purpose, and you can unsubscribe at any time.

Shortcuts

Share

Category