District 2 Action Office

03/08/2026

Makisaya sa pagdiriwang ng International Cat Day at dalhin ang inyong mga alaga sa LIBRENG Walk-In Veterinary Services ng Quezon City Veterinary Department! 🐱

📅 Agosto 7, 2026 (Biyernes)
🕙 10:00 AM – 3:00 PM
📍 Main Atrium, Lower Ground Floor, Robinsons Galleria

Libreng Serbisyo:
💉 Anti-Rabies Vaccination
🏷️ Microchipping
💊 Deworming
🩺 Veterinary Consultation

🏡 May Adoption Program din! Kilalanin ang aming mga rescued aspins at puspins na naghihintay ng kanilang forever home. ❤️

⚡ Para sa mas mabilis na proseso, magparehistro muna bago pumunta sa event:

1️⃣ PAWNEC – Para maiugnay ang medical records ng inyong alaga sa kanyang microchip.
🔗 https://pawnec.com/register?city=Quezon%20City

2️⃣ QC E-Services – Para mairehistro ang inyong alaga sa opisyal na Quezon City Animal Registry.
🔗 https://bit.ly/4hFH2LD?r=qr

📱 Ipakita lamang ang inyong registration confirmation sa Express Entry Desk pagdating sa venue.

🐱⚠️ PAALALA: Para sa kaligtasan at kaginhawaan ng inyong alaga, dalhin ang inyong pusa sa isang secure at maayos ang bentilasyong pet carrier. Maaari ring lagyan ng manipis na tela ang carrier upang makatulong na mapanatiling kalmado ang inyong alaga habang nasa venue.

Kita-kits sa August 7! 🐾

03/08/2026

Good news, QCITIZENS!

Bukas na muli ang TINDAHAN NI ATE JOY – Year 14! 🎉

Kung ikaw ay unemployed solo parent, ito na ang pagkakataon upang makapagsimula ng sariling kabuhayan at magkaroon ng karagdagang mapagkakakitaan para sa iyong pamilya.

📌Apply now at sama-sama nating buuin ang mas matatag at mas maunlad na kinabukasan para sa inyong pamilya.

Para sa mga katanungan, tumawag lang sa tanggapan ng Gender and Developmnet (GAD) Council Office - (02)89884242 loc. 8739

29/07/2026

📘 Alamin ang plano ng Quezon City para sa mas maunlad, mas matatag, at mas inklusibong kinabukasan.

Maaari nang basahin at i-download ang Quezon City Economic Development and Investment Plan (EDIP) 2025–2028.

Ang EDIP ang roadmap ng lungsod para sa pagpapaunlad ng ekonomiya sa susunod na tatlong taon. Inilalatag nito ang mga prayoridad, programa, at estratehiyang magpapalago ng mga negosyo, lilikha ng mas maraming trabaho, magpapahusay ng imprastraktura, at magbubukas ng mas maraming oportunidad para sa bawat QCitizen.

Nakatuon ang plano sa tatlong pangunahing layunin:
✔️ Paunlarin ang mga growth hub ng lungsod
✔️ Gawing pangunahing destinasyon ng mga negosyo at pamumuhunan ang Quezon City
✔️ Lumikha ng mas maraming trabaho sa mas maraming negosyo

Inaanyayahan ang lahat ng QCitizen na basahin ang EDIP 2025–2028 at alamin kung paano nito isinusulong ang isang mas progresibo, matatag, at handang Quezon City para sa lahat.

📖 I-download ang Quezon City Economic Development and Investment Plan (EDIP) 2025–2028 dito:
https://quezoncity.gov.ph/qc-profile/economic-development-and-investment-plan-2025-2028-2/

29/07/2026

29/07/2026

FREE LEGAL CONSULTATION sa DISTRITO DOS!

Bilang bahagi ng patuloy na paghahatid ng serbisyong legal sa ating DOStrito, magkakaroon ng Libreng Legal Consultation bukas, July 30, 2026 mula 9:00 AM hanggang 12:00 NN, sa District 2 Action Center, SB Park, IBP Road, Brgy. Batasan Hills.

Mayroon ding Libreng Notary Public para sa mga affidavit upang higit na makatulong sa mga residente na nangangailangan ng agarang serbisyong legal at dokumentasyon.

Ang programang ito ay handog ng Office of the Vice Mayor na handang magbigay ng malinaw, maayos, at payong legal para sa kapakanan ng bawat QCitizens

28/07/2026

Inaanyayahan ang mga Ka-DOStrito na sumali sa 3-Day Virtual Caravan ng Quezon City Department of the Building Official (DBO)!

Alamin ang tamang proseso sa paggamit ng QC e-Services, Green Building Code Compliance, at Solar Net Metering sa online orientation.

🗓️ July 31, August 4 & 5, 2026
🕗 8:00 AM–12:00 NN
💻 Via Zoom

📲 I-scan ang QR code para mag-register at matanggap ang Zoom meeting details.

Limitado ang slots, kaya magparehistro na!

The Quezon City Department of the Building Official (QCDBO) is delighted to invite you to join our 3-Day Virtual Caravan.

📅 Day 1 – July 31, 2026
Theme: Empowering Stakeholders Through Accessible and Efficient Digital Public Services
Topic: Back to Basics: How to Apply for a Permit/Certificate Using QC e-Services

📅 Day 2 – August 4, 2026
Theme: Learning the New Quezon City Green Building Code: A Guide for All Stakeholders
Topic: Green Building Code Compliance Certificate (GBCC) Orientation

📅 Day 3 – August 5, 2026
Theme: Empowering Stakeholders Through Accessible and Efficient Renewable Energy Services
Topic: Net Metering and Energization (Solar) Permit Orientation

🕗 Time: 8:00 AM – 12:00 NN
💻 Venue: Virtual via Zoom

📲Scan the QR code for the session you want to join and register to receive the Zoom meeting details.

⚠️ Limited slots only. Register now!

26/07/2026

ADVISORY

Kaugnay ng State of the Nation Address (SONA) na gaganapin bukas, July 27, 2026, at sa ipatutupad na mahigpit na seguridad at traffic management sa paligid ng House of Representatives at mga karatig na lugar, ang District Action Center ay magpapatupad ng skeletal workforce.

Magpapatuloy pa rin ang pagbibigay ng serbisyo para sa mga emergency at agarang transaksyon.

Hinihiling po namin sa mga mamamayang walang agarang o time-sensitive na transaksyon na, kung maaari, ay ipagpaliban ang kanilang pagpunta at gawin na lamang ito sa Martes, July 28, 2026, kung kailan babalik na sa normal na operasyon ang District Action Center.

Maraming salamat po sa inyong pang-unawa at pakikiisa.

23/07/2026

Walang pasok sa lahat ng antas sa mga pampubliko at pribadong paaralan sa Quezon City sa July 27, 2026, alinsunod sa Executive Order No. 23 S. 2026.

Layon nitong hikayatin ang lahat na makinig sa State of the Nation Address (SONA) ni Pangulong Ferdinand Marcos Jr. at maiwasang maipit ang publiko sa trapiko.

MAHALAGANG ANUNSYO

Walang pasok sa lahat ng antas sa mga pampubliko at pribadong paaralan sa Quezon City sa July 27, 2026, alinsunod sa Executive Order No. 23 S. 2026.

Layon nitong hikayatin ang lahat na makinig sa State of the Nation Address (SONA) ni Pangulong Ferdinand Marcos Jr. at maiwasang maipit ang publiko sa trapiko.

Tingnan ang buong detalye sa link: https://quezoncity.gov.ph/public-notice/executive-order-no-23-series-of-2026-an-order-implementing-public-and-private-school-class-suspensions-in-quezon-city-on-july-27-2026-in-view-of-the-state-of-the-nation-address-sona-of-presi/

22/07/2026

FREE LEGAL CONSULTATION sa DISTRITO DOS!

Bilang bahagi ng patuloy na paghahatid ng serbisyong legal sa ating DOStrito, magkakaroon ng Libreng Legal Consultation bukas, July 23, 2026 mula 9:00 AM hanggang 12:00 NN, sa District 2 Action Center, SB Park, IBP Road, Brgy. Batasan Hills.

Mayroon ding Libreng Notary Public para sa mga affidavit upang higit na makatulong sa mga residente na nangangailangan ng agarang serbisyong legal at dokumentasyon.

Ang programang ito ay handog ng Office of the Vice Mayor na handang magbigay ng malinaw, maayos, at payong legal para sa kapakanan ng bawat QCitizens

11/07/2026

𝐃𝐈𝐒𝐓𝐑𝐈𝐓𝐎 𝐃𝐎𝐒 𝐔𝐏𝐃𝐀𝐓𝐄 | Pinaigting na Kahandaan para sa Bagyong Inday

Bilang bahagi ng patuloy na paghahanda sa banta ng Bagyong Inday, nakahanda na ang mga itinalagang evacuation center sa ating distrito upang matiyak ang maayos na pagpapatupad ng kasalukuyang isinasagawang pre-emptive evacuation ng mga residenteng nasa mga lugar na may mataas na panganib ng pagbaha.

Kasabay nito, nakahanda na rin ang Staging Area sa SB Park, Brgy. Batasan Hills para sa prepositioning ng mga responder, kagamitan, at iba pang emergency response assets na pinangungunahan ng Quezon City Disaster Risk Reduction and Management Office (QCDRRMO), katuwang ang iba't ibang partner agencies. Layunin nitong higit pang mapalakas ang kahandaan at matiyak ang maagap, maayos, at koordinadong pagtugon sa anumang insidenteng maaaring idulot ng bagyo.

Patuloy na hinihikayat ang lahat ng QCitizen na manatiling mapagmatyag, sumunod sa mga abiso ng lokal na pamahalaan, at makipagtulungan sa mga awtoridad upang matiyak ang kaligtasan ng bawat isa.