Barangay Central Quezon City

29/07/2026

17/07/2026

IPINAGDIRIWANG, LINGGO NG KAMALAYAN SA DIYABETES

Ipinagdiriwang ang Kamalayan sa Diyabetes tuwing ika-apat na linggo ng Hulyo,
At ang pagdiriwang ay sumasaklaw sa tatlong linggong aktibidad sa mga pampublikong lugar at pasilidad ng pangangalaga sa kalusugan upang mapalaki ang pakikilahok ng publiko.

Karaniwang mga aktibidad ay kinabibilangan ng pagpo-promote ng edukasyon tungkol sa diyabetes, screening, at mga programang pangkalusugan.

Sa ating barangay Central, malugod na tinatanggap ni PB Rosa D. Magpayo ang NKTI Team sa pangunguna ni Dra. Angelica E. Kuhn, Internal Medicine-Endocrinology, Training Core Committee member ng NKTI Division of Internal Medicine, na nagsagawa ng edukasyon tungkol sa diyabete at blood glucose screening.

15/07/2026

2ND QUARTER SOCPEN PAY-OUT IPAPAMAHAGI SA JULY 21, 2026

Inilabas na ng DSWD ang mga listahan ng mga tatanggap ng Social Pension (SOCPEN) para sa 2nd quarter ng taong 2026.

Gaganapin ang pamamahagi ng SOCPEN sa July 21, 2026, sa UP Village Covered Court, mula sa 8:00am-3:00PM

Mangyari lamang po na makipag-ugnayan sa ating Barangay Senior Citizen Focal Person na si Zelda Lipio, sa Multi-Purpose building sa Quezon Avenue, July 17, 2026, biyernes, mula 9:00 ng umaga, para sa validation ng mga dokumento at upang mag-fill-up ng DSWD Form para sa SOCPEN.

10/07/2026

PAMAMAHAGI NG CASH GIFT SA MGA BENEPISYARYO NG EXPANDED CENTENARIAN ACT

Pinapaalam po na ang pamamahagi ng cash gift para sa mga benepisyaryo ng Expanded Centenarian Act ay gaganapin sa Hulyo 16, 2026 (Huwebes) sa Risen Garden, Quezon City Hall, mula 8:00 AM hanggang 3:00 PM. Ayon sa National Commission of Senior Citizens (NCSC), kinakailangang ipakita ng mga benepisyaryo ang mga sumusunod na dokumento:

1) Para sa mga buhay na benepisyaryo:
• Kopya ng PhilSys/National ID o Valid Passport o OSCA ID na may tatlong (3) lagda o tatak ng hinlalaki

2) Para sa mga pag-claim sa pamamagitan ng awtorisadong kinatawan:
• Kopya ng kahit anong valid ID ng benepisyaryo na may tatlong (3) tunay na lagda o tatak ng hinlalaki;
• Kopya ng kahit anong valid government-issued ID ng awtorisadong kinatawan na may tatlong (3) tunay na lagda;
• Orihinal na pinirmahang Authorization Letter (Annex G), malinaw na nagsasaad ng relasyon ng awtorisadong kinatawan at ang tiyak na dahilan ng pagkawala ng benepisyaryo, na naitala ng may-katuturang tauhan ng LGU;
• Patunay ng buhay na binubuo ng litrato ng buong katawan o kalahating itaas na bahagi ng katawan ng benepisyaryo at ng awtorisadong kinatawan na hawak ang pinirmahang sulat ng awtorisasyon.

** Para sa mga benepisyaryo na hindi makakapirma o makakapagdikit ng thumbmark dahil sa nakakahawang sakit, kailangang isumite ang maayos na napunan na LGU Certification (Annex H).

3) Para sa mga yumaong benepisyaryo:
• Anumang valid ID ng yumaong benepisyaryo;
• Orihinal na Death Certificate na inisyu ng PSA o Local Civil Registrar (LCR);
• Valid government-issued ID ng buhay na kamag-anak;
• Patunay ng relasyon sa pamamagitan ng PSA o LCR-issued Birth Certificate, Marriage Certificate, o Baptismal Certificate;
• Maayos na napunan na Warranty and Release from Liability (Annex D).

4) Para sa mga yumaong benepisyaryo na walang kilalang kamag-anak:
• Maaaring tanggapin ang mga claim mula sa caregivers o representante ng residential care facilities o institusyon, kung walang legal na makikilalang pamilya, ngunit kailangan munang beripikahin at kumpirmahin ng kaukulang LGU gamit ang Annex F (Certification for Deceased Beneficiary Without Next-of-Kin);
• Mangyari lang po magsadya sa barangay para sa pag beripika o pagkompirma
• Ang tagapag-alaga o pamunuan ng pasilidad ay dapat magsumite ng patunay na nakapagbigay sila ng pangangalaga, tirahan, at iba pang mahahalagang suporta, kasama na ang pagbabayad ng medikal at kaugnay na gastos para sa benepisyaryo.

EXPANDED CENTENARIAN DISTRICT 4
BARANGAY CENTRAL

YEAR NO. FULL NAME ADDRESS
2024 604 ALEJANDRINO, LUCIANA A 7D MASIGLA ST.
2024 605 CARBONEL, SALUD A 13-I MABUHAY ST
2024 606 CARIÑO, MARIANO G. JR 41 MAGINOO ST.
2024 607 DOMINGO, PRISCILLA D. 93C, MAGINOO ST.,
2024 608 LOPEZ, ELOISA D. 102 MATATAG ST.,
2024 609 OBIÑA, RAYMUNDA Q. 121 MATATAG ST.
2024 610 TOLIBAS, FILEMON G. 199 AGHAM ROAD
2024 1476 ARCAYA, FRANCISCA D 81 KALAYAAN AVE.
2025 477 BELARMINO, LUCRECIA D 90 MANIGO ST.
2025 1478 COCJIN, DOLORES C. 87 KALAYAAN AVE.
2025 1479 DAIT, SIMPLICIO A. 04 MAPARAAN ST.
2025 1480 ENTRAMPAS, CEFERINA F. 260 ILANG ILANG ST.
2025 1481 FRANCISCO, FLORA P 260 ILANG ILANG ST.
2025 1482 GRIÑO, EDITHA F. 29 MATIAGA ST.
2025 1483 LEDESMA, MARGARITA C 221 SAMPAGUITA ST.
2025 1484 PASCUAL, ORLANDO V. 121 SAMPAGUITA ST.
2025 1485 RUSTIA, VERONICA D. 121 MATATAG ST.
2025 486 TAN, ZENAIDA L. 6 MAARALIN ST.
2025 1487 VALERA, SALVACION D. 33 ROSE ST.

03/07/2026

FLOURIDE APPLICATION PARA SA MALUSOG AT MATIBAY NA NGIPIN AT TUBERCULIN SKIN TESTING SA FORESTRY AT BOTANICAL DAY CARE CENTER

Nagsagawa ng “fluoride application” upang maging malusog at matibay ang mga ngipin ng mga bata ganundin ng “tuberculin skin testing”, upang sa maagang pagtuklas ng tuberculosis sa mga bata sa day care ng Forestry at Botanical sa ating barangay.

Pinangunahan ni Dr. Manet Kiunisala Pajara mula sa Quezon City Health Department na nakatalaga sa Pinyahan Health Center, kaagapay sina Tin Avenido, registered nurse at Amor Atienza, City Health Worker (CHW).

Mula naman sa team ng Barangay Central, ay pinangunahan ni Kagawad Tita Umali, Pangalawang Tagapangulo ng Health Committee ng barangay, kaagapay sina nurse Mary Jean Banares, Barangay Health Worker (BHW) at Charina Flores, barangay health staff #

01/07/2026

IDADAIT 2026, IPINAGDIWANG SA BARANGAY CENTRAL
Ipinagdiriwang ang International Day Against Drug Abuse and Illicit Trafficking (IDADAIT) o Ang Pandaigdigang Araw Laban sa Pag-abuso ng Droga at Ilegal na Pagpapalaganap ng Droga, taon-taon tuwing buwan ng June.

Ang tema sa taong 2026 ay “Ang Pandaigdigang Suliranin sa Droga: Patuloy na Mga Isyu, Bagong Hamon, Mga Inobatibong Tugon.”

Sa Barangay Central, nagkaroon ng “Zumba activity” bilang bahagi ng pagdiriwang. Ipinakita ng “zumba activity” ang kahalagahan ng pagtanggap ng positibo at malusog na pamumuhay bilang mabisang paraan para maiwasan ang paggamit ng droga at suportahan ang kampanya ng gobyerno laban sa iligal na droga.

Ang nasabing activity ay pinangunahan ng Kamuning Police Station 10 personnel sa pangangasiwa at pamumuno ni PLtCol Aljun B. Belista, Station Commander ng PS10 at sinuportahan ni PB Rosa D. Magpayo.

Pinagtibay din ang commitment ng Philippine National Police sa pagsusulong ng wellness at paghikayat sa aktibong partisipasyon ng komunidad para makabuo ng isang mas ligtas at walang droga na lipunan.

Parte ng tema ang mas malawak na kampanya upang palakasin ang pangako ng gobyerno na protektahan ang mga komunidad mula sa masamang epekto ng pang-aabuso at pagbebenta ng droga.

29/06/2026

PERIMETER FENCE SA MEDICAL ARTS BUILDING SA PHILIPPINE HEART CENTER, SISIMULAN NA

Ipinaalam na Philippine Heart Center (PHC) management sa mga opisyales ng Barangay Central ang pagsisimula ng "perimeter fence" sa Medical Arts Building (MAB) sa parte ng Matalino St., sa isang pagpupulong ngayong araw, June 29, 2026.

Dumalo sa pagpupulong sina PB Rosa D. Magpayo, kasama ang 3 Kagawad na sina Susan Dimalanta, Sharon I. Bon, Dennis An, mga kinatawan ng Barangay Central TODA at kinatawan ng Market Development and Administration Department: (MDAD)

Hiniling ng PHC Management na mag assist ang barangay team at MDAD sa pagsasaayos sa paglulugaran ng mga TODA at ambulant vendors habang on-going ang construction ng nasabing perimeter fence.

27/06/2026

“LOVEL4BAN PRIDE PH FESTIVAL 2026

Naging matagumpay at masigla ang pagdiriwang ng “Ang LoveL4ban Pride PH Festival 2026”.

Dumalo ang LGBTQIA+ Central Pride organisasyon sa festival, sa pangunguna ni Kgd Sharon I. Bon, GAD Focal Person ng Barangay Central, SK Chair Issa Thea Felices at Franswa Libot, pangulo ng nasabing organisasyon

Inorganisa ng pamahalaan ng Lungsod Quezon, Pride PH Coalition, at UP Diliman, ngayong Hunyo 27, 2026, sa University of the Philippines Diliman at Maginhawa Pride Village.

Ang festival ay nagkaroon ng Pride Expo, Pride March, Pride Night, at iba’t ibang Pride Villages.

Ang Pride Night naman ay nagkaroon ng mga konsiyerto, drag performances, runway shows, at iba pang libangan.

Layunin ng festival na pag-isahin ang mga miyembro ng LGBTQIA+ community, mga kaalyado, at mga partner na organisasyon para na isa sa pinakamalalaking pagdiriwang ng Pride Month sa bansa.

26/06/2026

MR SIA IPINATUPAD SA BARANGAY CENTRAL

Nagsimula na ang Measles-Rubella Vaccine at Supplemental Imunization Activity o ang tinatawag na MR SIA sa ating barangay.

Layunin ng kampanya na maiwasan ang paglaganap ng mga sakit na kayang pigilan ng bakuna at upang mapataas ang resistensya ng mga bata na maaaring nakaligtaan ng karaniwang pagbabakuna.

MR SIA Team na ngsagawa sa ating barangay ay pinangunahan ni Dr. Manet Kiunisala Pajara, mula sa Quezon City Health Department, nakatalaga sa Pinyahan Health Center kasama sina Maria Teresa Arellano, Tin Avenido, Joie Ladanga, Rhino Reyes, mga City Healty Workers (CHW), Barangay Nutrition Scholars, (BNS) at Barangay Health Workers (BHW).

Ang Team naman mula sa Barangay Central ay pinangunahan ni Kgd Tita Umali, pangalawang tagapangulo ng Komite ng Kalusugan ng Barangay Council, Nurse MaryJean Banares, Franswa Libot at Charina Flores.

Sinuportahan ni PB Rosa D. Magpayo ganundin nang buong konseho ng ating Barangay Central ang kampanyang ito para sa kalusugan na ating mga kabataan #