Barangay Silangan - Cubao

01/06/2026

30/05/2026

𝙈𝙖𝙮 29 & 30, 2026 // 𝙁𝙍𝙀𝙀 𝘼𝙄 𝙏𝙍𝘼𝙄𝙉𝙄𝙉𝙂 𝙗𝙮 𝙃𝘼𝙋𝙄𝙉𝙊𝙔

Matagumpay na naisagawa ang 2-Day Free AI Training hatid ng HAPINOY, at malaking pasasalamat sa mga dumalo na kawani ng barangay noong May 29, 2026 at sa mga residente ngayong May 30, 2026.

Sa pamamagitan ng pagsasanay na ito, nadagdagan ang kaalaman at kasanayan ng mga participants sa paggamit ng Artificial Intelligence (AI) bilang makabagong kasangkapan sa komunikasyon, produktibidad, at pang-araw-araw na gawain.

Patunay ito ng patuloy na pagsuporta sa digital learning at pagbibigay ng mga oportunidad na makasabay ang komunidad sa makabagong teknolohiya.

30/05/2026

𝙈𝙖𝙮 23, 2026 // 20𝙩𝙝 𝙒𝙀𝙀𝙆 𝙊𝙁 𝘽𝘼𝙍𝘼𝙉𝙂𝘼𝙔 𝘾𝙇𝙀𝘼𝙉 𝙐𝙋 𝘿𝘼𝙔

Matagumpay na isinagawa ang 20th Week of Barangay Clean-Up Day sa kahabaan ng La Salle Street at Buwaya Creek bilang bahagi ng patuloy na programa ng barangay para sa kalinisan at pangangalaga sa kapaligiran.

Sa pagtutulungan ng mga kawani ng Barangay ay naisagawa ang paglilinis ng mga pampublikong lugar, pag-aalis ng mga basura, at pagpapanatili ng kaayusan sa paligid ng creek upang makatulong sa pag-iwas sa pagbaha at mga sakit na dulot ng maruming kapaligiran.

Patuloy nating isabuhay ang disiplina at bayanihan para sa isang mas malinis, mas ligtas, at mas maayos na komunidad.

30/05/2026

𝙈𝙖𝙮 18, 2026 // 10𝙩𝙝 𝙍𝙀𝙂𝙐𝙇𝘼𝙍 𝘾𝙊𝙐𝙉𝘾𝙄𝙇 𝙈𝙀𝙀𝙏𝙄𝙉𝙂

Matagumpay na naisagawa ang 10th Regular Council Meeting ng Barangay Silangan kung saan tinalakay ang mga mahahalagang bagay na may kaugnayan sa pamamahala, mga proyekto, at mga serbisyong direktang makikinabang ang ating mga kabarangay.

Patunay ito ng patuloy na dedikasyon ng pamunuan na maglatag ng mga makabuluhang plano para sa isang mas maayos at mas maunlad na Barangay Silangan.

30/05/2026

𝙈𝙖𝙮 18, 2026 // 𝙌𝘾 𝙔𝙊𝙐𝙏𝙃 𝙀𝙉𝙂𝘼𝙂𝙀𝙈𝙀𝙉𝙏 𝘼𝙉𝘿 𝘿𝙀𝙑𝙀𝙇𝙊𝙋𝙈𝙀𝙉𝙏 𝙎𝙀𝙈𝙄𝙉𝘼𝙍

Bilang bahagi ng patuloy na pagsusulong ng makabuluhang partisipasyon ng kabataan sa pamayanan, matagumpay na nakilahok ang mga kinatawan ng Barangay Silangan sa Quezon City Youth Engagement and Development Seminar na ginanap ngayong Mayo 18, 2026 sa Aberdeen Court.

Dumalo sa nasabing seminar sina BCPC Child Representative Denice Pangilinan at BSCA Member Santa Clara Bautista, kasama si Kagawad April Dorado, na patuloy na nagsisilbing inspirasyon at katuwang ng kabataan sa pagtataguyod ng aktibong pakikilahok, responsableng pamumuno, at makabuluhang paglilingkod sa komunidad.

Naging daan din ang seminar upang makabuo ng bagong pagkakaibigan, makipag-ugnayan sa kapwa kabataang lider mula sa iba't ibang barangay, at maipahayag nang may kumpiyansa ang kanilang mga saloobin, mungkahi, at adhikain para sa mas progresibo at youth-friendly na komunidad.

Sa pamamagitan ng mga ganitong programa, higit na napapalakas ang boses ng kabataan at nabibigyan sila ng pagkakataong maging aktibong katuwang sa paghubog ng mas maunlad, inklusibo, at makabagong kinabukasan para sa lahat.

Patunay ito na ang kabataan ay hindi lamang mga lider ng hinaharap kundi mga mahalagang katuwang sa paglikha ng positibong pagbabago sa kasalukuyan.

Kabataan ang pag-asa ng bayan, at sa Barangay Silangan, ang kanilang boses ay patuloy na pinakikinggan at pinahahalagahan.

https://www.facebook.com/share/p/1CfpcQ2Mx8/

30/05/2026

𝙈𝙖𝙮 16, 2026 // 𝙎𝘼𝙂𝘼𝙇𝘼 𝙎𝘼 𝘽𝘼𝙍𝘼𝙉𝙂𝘼𝙔 𝙎𝙄𝙇𝘼𝙉𝙂𝘼𝙉 2026

𝗩𝗜𝗕𝗥𝗔𝗡𝗧 𝗧𝗥𝗔𝗗𝗜𝗧𝗜𝗢𝗡, 𝗧𝗜𝗠𝗘𝗟𝗘𝗦𝗦 𝗕𝗘𝗔𝗨𝗧𝗬: 𝗠𝗔𝗧𝗔𝗚𝗨𝗠𝗣𝗔𝗬 𝗡𝗔 𝗦𝗘𝗡𝗜𝗢𝗥𝗦 𝗠𝗔𝗡’ 𝗠𝗘 𝗦𝗔𝗡𝗧𝗔𝗖𝗥𝗨𝗭𝗔𝗡 𝗗𝗜𝗡 – 𝗦𝗔𝗚𝗔𝗟𝗔 𝗦𝗔 𝗕𝗔𝗥𝗔𝗡𝗚𝗔𝗬 𝗦𝗜𝗟𝗔𝗡𝗚𝗔𝗡 𝟮𝟬𝟮𝟲

Muling nagningning ang diwa ng pananampalataya, kultura, at pagkakaisa sa Barangay Silangan sa matagumpay na pagdaraos ng “Seniors Man’ Me Santacruzan Din – Sagala sa Barangay Silangan 2026” na ginanap noong Mayo 16, 2026 sa Barangay Social Hall.

Pinatunayan ng ating mga minamahal na senior citizens na ang kagandahan, dignidad, at biyaya ay hindi nasusukat sa edad. Buong galak silang nagmartsa sa mga lansangan ng Silangan mula sa Carag Area patungo sa pangunahing entablado, habang ipinamalas ang makukulay na kasuotan na kumakatawan sa mga tauhan sa Bibliya at iba't ibang titulo ni Mahal na Birheng Maria.

Nasaksihan ng buong komunidad ang isang makabuluhan at makasaysayang pagdiriwang na nagbigay-pugay sa ating mayamang pananampalataya at tradisyon.

Taos-pusong pasasalamat sa Barangay Silangan sa pangunguna ni Punong Barangay B**g Villarba and Council, maging sa Senior Citizens Association of Barangay Silangan sa pamumuno ni President Romy Alvarez para sa matagumpay na pagsasakatuparan ng proyektong ito.

Pinasasalamatan din si Barangay Treasurer Jomer Sotto, na nagsilbing Master of Ceremonies, gayundin ang mga masisipag na organizers, volunteers, at mga pamilyang nagbigay ng kanilang buong suporta sa ating mga sagala.

Narito ang mga nagwagi sa Seniors Man’ Me Santacruzan Din – Sagala Queen 2026:

👑 Sagala Queen 2026: Mrs. Emily Baldonado (Emperatriz)
👑 1st Place: Mrs. Rosie Ong Veloso (Reyna de las Flores)
👑 2nd Place: Mrs. Pilar Raralio (Reyna Elena II)

Binabati rin ang lahat ng mga kalahok na naging bahagi ng makulay at makabuluhang pagdiriwang na ito. Ang inyong kagandahan, kumpiyansa, at pagmamahal sa tradisyon ay tunay na kahanga-hanga.

Mabuhay ang Mahal na Birheng Maria! Mabuhay ang Santacruzan! Mabuhay ang Barangay Silangan! ❤️

29/05/2026

𝙈𝙖𝙮 16, 2026 // 19𝙩𝙝 𝙒𝙀𝙀𝙆 𝙊𝙁 𝘽𝘼𝙍𝘼𝙉𝙂𝘼𝙔 𝘾𝙇𝙀𝘼𝙉 𝙐𝙋 𝘿𝘼𝙔

Nagsagawa ng ika-19 linggo ng Barangay Clean Up Day noong Mayo 16, 2026 sa Pittsburgh Street kasama ang mga barangay personnel at residenteng nakiisa sa paglilinis ng paligid.

Nilinis ang mga kalsada upang makatulong sa pagpapanatili ng maayos, malinis, at ligtas na kapaligiran. Patuloy ang panawagan ng barangay sa bawat mamamayan na makiisa sa mga programang pangkalinisan para sa ikabubuti ng komunidad.

26/05/2026

𝗣𝗔𝗔𝗡𝗬𝗔𝗬𝗔 𝗦𝗔 𝗟𝗜𝗕𝗥𝗘𝗡𝗚 𝗔𝗜 𝗧𝗥𝗔𝗜𝗡𝗜𝗡𝗚

Inaanyayahan ang lahat ng sari-sari store owners, microentrepreneurs, CSO's/NGO's at kabataang 18 years old pataas na makiisa sa aming FREE face-to-face AI Training na may temang: “Practical AI Skills for Microentrepreneurs, Work, and Employment” sa darating na:

📅 MAY 30, 2026 • 9:00 ng umaga
📍 BRGY. SILANGAN SOCIAL HALL

𝗠𝗔𝗬 𝗙𝗥𝗘𝗘 𝗦𝗡𝗔𝗖𝗞𝗦, 𝗖𝗘𝗥𝗧𝗜𝗙𝗜𝗖𝗔𝗧𝗜𝗢𝗡𝗦 𝗣𝗔𝗥𝗔 𝗦𝗔 𝗠𝗚𝗔 𝗣𝗔𝗥𝗧𝗜𝗖𝗜𝗣𝗔𝗡𝗧𝗦 𝗮𝘁 𝗠𝗔𝗡𝗔𝗟𝗢 𝗡𝗚 𝗘𝗫𝗖𝗜𝗧𝗜𝗡𝗚 𝗣𝗥𝗜𝗭𝗘𝗦!

Huwag palampasin ang pagkakataong matuto, mag-enjoy, at manalo! Tara na at maging bahagi ng makabagong teknolohiya para sa mas maunlad na kinabukasan.

15/05/2026

BRGY. SILANGAN ADVISORY: Parking rotation reminder.

Strictly observe the Alternating One-Lane Parking (Ord. SP-3060). 1st-15th of the month: LEFT SIDE parking. 16th-31st: RIGHT SIDE parking (facing Aurora Blvd from Ermin Garcia St).

Vehicles must switch sides exactly at 12:00 Midnight of the transition dates.

No parking anytime on Columbia, Ermin Garcia, & 15th Ave. Keep our roads clear!

Magtulungan po tayo para sa maayos na daloy ng trapiko.

Maraming salamat po.