Department of Social Welfare and Development - DSWD

Department of Social Welfare and Development - DSWD The official account of the Department of Social Welfare and Development (DSWD) - Central Office

MINDANAO EARTHQUAKE UPDATE: Sa Barangay Tucal, Sarangani, unti-unti nang binubuo muli ng mga pamilya ang kanilang araw-a...
14/06/2026

MINDANAO EARTHQUAKE UPDATE: Sa Barangay Tucal, Sarangani, unti-unti nang binubuo muli ng mga pamilya ang kanilang araw-araw na pamumuhay matapos ang magnitude 7.8 na lindol. Kasabay nito, nakatanggap ng family food packs (FFPs) ang 100 pamilya sa nasabing barangay nitong Sabado (Hunyo 13) para makatulong sa kanilang mga pangunahing pangangailangan habang nagpapatuloy ang pagbangon ng komunidad.

Sa pagtutulungan ng DSWD Field Office (FO) 11 - Davao Region, mga augmentation personnel mula sa iba’t ibang Provincial Operations Offices at lokal na pamahalaan, agad na naipaabot ang mga food packs sa mga pamilya para magkaroon sila ng karagdagang suporta sa mga susunod na araw.

Sa direktiba ni Pangulong Ferdinand R. Marcos Jr., patuloy na pinaiigting ng pamahalaan ang paghahatid ng tulong sa mga komunidad na naapektuhan ng lindol. Habang dahan-dahang bumabangon ang ating mga kababayan, nananatiling nakaagapay ang DSWD para matiyak na may pagkain at suporta silang maaasahan sa panahon ng pangangailangan.

Para sa iba pang disaster relief operation updates ng DSWD, i-follow ang aming X account sa .

❤️


MINDANAO EARTHQUAKE UPDATE: Para matiyak na maayos at tuloy-tuloy ang paghahatid ng tulong sa mga pamilyang naapektuhan ...
14/06/2026

MINDANAO EARTHQUAKE UPDATE: Para matiyak na maayos at tuloy-tuloy ang paghahatid ng tulong sa mga pamilyang naapektuhan ng magnitude 7.8 na lindol, nagtungo sa Glan, Sarangani sina DSWD Secretary REX Gatchalian at Disaster Response Management Group (DRMG) Undersecretary Diana Rose Cajipe ngayong Linggo (Hunyo 14) para tingnan ang kasalukuyang kalagayan ng relief operations sa lugar.

Ininspeksyon nila ang Mobile Storage Unit (MSU) kung saan nakaimbak ang family food packs (FFPs) at iba pang relief supplies, ang Mobile Kitchen kung saan naghahanda ng mainit na pagkain para sa mga evacuees at ang Command Center na nagsisilbing sentro ng koordinasyon at monitoring ng mga operasyon. Layunin nitong matiyak na sapat ang suplay, maayos ang sistema at mabilis na naihahatid ang kinakailangang tulong sa mga apektadong komunidad.

Kinumusta rin ng Kalihim ang mga pamilyang pansamantalang nanunuluyan sa mga evacuation center at namahagi ng FFPs at ready-to-eat food (RTEF) boxes. Sa direktiba ni Pangulong Ferdinand R. Marcos Jr., patuloy na pinalalakas ng DSWD ang pagtugon sa mga lugar na naapektuhan ng lindol para matiyak na may pagkain, suporta at serbisyong nakakaabot sa bawat pamilyang nangangailangan.

❤️


14/06/2026

MINDANAO EARTHQUAKE UPDATE: Umabot sa 274 pamilya sa Purok 8-A, Poblacion, Malapatan, Sarangani Province ang nakatanggap ng family food packs (FFPs) ngayong Linggo (Hunyo 14) mula sa DSWD Field Office (FO) 12 - SOCCSKSARGEN bilang karagdagang tulong matapos ang magnitude 7.8 na lindol na tumama sa munisipalidad.

Layunin ng pamamahagi na matiyak na may agad na maihahain sa hapag ang mga pamilyang naapektuhan habang patuloy ang assessment at pagtukoy ng DSWD sa iba pang pangangailangan ng mga apektadong komunidad.

Alinsunod sa direktiba ni Pangulong Ferdinand R. Marcos Jr., patuloy ang mabilis na pag-abot ng tulong sa mga komunidad para matiyak na walang pamilyang napag-iiwanan sa gitna ng patuloy na relief operations.

❤️


MINDANAO EARTHQUAKE UPDATE: Muling nagsanib-puwersa ang DSWD, Philippine Air Force (PAF) at Armed Forces of the Philippi...
14/06/2026

MINDANAO EARTHQUAKE UPDATE: Muling nagsanib-puwersa ang DSWD, Philippine Air Force (PAF) at Armed Forces of the Philippines (AFP) para maihatid ang karagdagang relief supplies sa Barangay San Isidro, Jose Abad Santos, Davao Occidental—isang komunidad na nahaharap sa hamon ng limitadong access sa pangunahing serbisyo matapos ang lindol.

Sa pamamagitan ng airlift operation na isinagawa ngayong Linggo (Hunyo 14), ipinadala ang 110 family food packs (FFPs) at 44 na 6-liter gallons na inuming tubig para sa mga residenteng nangangailangan ng agarang suporta.

Bahagi ito ng direktiba ni Pangulong Ferdinand R. Marcos Jr. na tiyaking tuloy-tuloy ang paghahatid ng tulong sa mga komunidad, lalo na sa mga nasa Geographically Isolated and Disadvantaged Areas (GIDAs).

❤️


MINDANAO EARTHQUAKE UPDATE: Kasabay ng pagsikat ng araw sa Glan, Sarangani, maagang ring naghanda ang ating mga Angels i...
14/06/2026

MINDANAO EARTHQUAKE UPDATE: Kasabay ng pagsikat ng araw sa Glan, Sarangani, maagang ring naghanda ang ating mga Angels in Red Vests ng DSWD Field Office (FO) 11 - Davao Region ng mainit na almusal para sa mga pamilyang pansamantalang nananatili sa evacuation sites sa Glan Central Elementary School at Glan Municipal Plaza.

Ilang araw matapos ang magnitude 7.8 na lindol, marami pa ring pamilya ang nananatili sa mga evacuation center dahil nasira o hindi pa ligtas na matirhan ang kanilang mga bahay. Sa pamamagitan ng Mobile Kitchen, tuloy-tuloy na naihahain ang pagkain para matiyak na may sapat na lakas ang mga evacuees habang patuloy silang bumabangon mula sa epekto ng lindol.

Sa pagtutulungan ng iba’t ibang DSWD field offices, lokal na pamahalaan at mga katuwang na ahensya, hindi lamang pagkain ang naihahatid kundi pati kapanatagan na may mga handang umalalay sa bawat hakbang ng kanilang pagbangon. Alinsunod sa direktiba ni Pangulong Ferdinand R. Marcos Jr., nananatiling prayoridad ng pamahalaan na tiyaking walang pamilyang magugutom sa panahon ng sakuna.

❤️


HAPPENING NOW: Nagsagawa ng coordination meeting si DSWD Secretary REX Gatchalian kasama sina Sarangani Governor Rogelio...
14/06/2026

HAPPENING NOW: Nagsagawa ng coordination meeting si DSWD Secretary REX Gatchalian kasama sina Sarangani Governor Rogelio Pacquiao, Vice Governor Danny Martinez at mga alkalde ng lalawigan ngayong Linggo (Hunyo 14) para talakayin ang mga susunod na hakbang para sa pagbangon mga pamilyang naapektuhan ng magnitude 7.8 na lindol sa Sarangani.

Isa sa mga pangunahing tinalakay ang kalagayan ng mga pamilyang nawalan ng kita at kabuhayan dahil sa lindol kahit hindi gaanong naapektuhan ang kanilang mga tahanan. Bilang tugon, ilalatag ng DSWD ang pagpapatupad ng emergency cash transfer (ECT) program para makatulong sa mga nasabing pamilya. Pinag-usapan din ang pagpapalakas ng relief stockpile bilang paghahanda sa inaasahang epekto ng El Niño sa susunod na taon.

Kasama rin sa pulong sina Undersecretary Diana Rose Cajipe ng Disaster Response Management Group (DRMG), Assistant Secretary for Special Concerns Paul Ledesma, DSWD Field Office (FO) 11 Regional Director Rhuelo Aradanas at DSWD FO-12 Regional Director Loreto Cabaya Jr. Alinsunod sa direktiba ni Pangulong Ferdinand R. Marcos Jr., patuloy na pinalalakas ang pagtugon ng pamahalaan para matiyak na walang pamilyang maiiwan sa pagbangon mula sa sakuna.

❤️


MINDANAO EARTHQUAKE UPDATE: Sa gitna ng pananatili ng mga pamilya sa evacuation site sa Glan, Sarangani, mahalagang mati...
14/06/2026

MINDANAO EARTHQUAKE UPDATE: Sa gitna ng pananatili ng mga pamilya sa evacuation site sa Glan, Sarangani, mahalagang matiyak ang ligtas at maayos na espasyo para sa mga bata at kababaihan. Kaya naman pinalakas ng DSWD ang proteksyon at kapanatagan sa pamamagitan ng pagtatayo ng Women and Children-Friendly Tent.

Hindi lamang ito pansamantalang silungan, kundi isang ligtas na espasyo kung saan maaaring makapagpahinga ang mga bata, maglaro, at makaranas ng kahit kaunting normalidad sa kabila ng kanilang pinagdadaanan. May nakalaang mga libro, laruan, at breastfeeding area para suportahan ang pangangailangan ng mga bata at breastfeeding mothers sa evacuation site.

Bahagi ito ng patuloy na pagtugon ng pamahalaan sa ilalim ng direktiba ni Pangulong Ferdinand R. Marcos Jr. na matiyak ang agarang proteksyon at angkop na serbisyo para sa mga pinaka-apektado ng sakuna, lalo na ang mga bata at kababaihan.

❤️

MINDANAO EARTHQUAKE UPDATE: Tunay na kapag sama-samang nagtutulungan para sa kapwa, naipapadama ang pag-asa at ginhawa s...
14/06/2026

MINDANAO EARTHQUAKE UPDATE: Tunay na kapag sama-samang nagtutulungan para sa kapwa, naipapadama ang pag-asa at ginhawa sa gitna ng sakuna. Nitong Sabado (Hunyo 13), sama-samang in-unload ng ating mga Angels in Red Vest ang 1,700 family food packs (FFPs) na ipapadala sa mga komunidad ng Malita, Davao Occidental.

Ang mga nasabing food packs ay agad na ipapamahagi ng lokal na pamahalaan sa mga residenteng labis na naapektuhan ng magnitude 7.8 na lindol na tumama noong Lunes (Hunyo 8 ).

Kasabay ng mga relief distribution, patuloy ding isinasagawa ang prepositioning at pag-iimbak ng relief items para matiyak ang mabilis na pag-abot ng tulong sa mga pamilyang higit na nangangailangan, alinsunod sa direktiba ni Pangulong Ferdinand R. Marcos Jr.

❤️


MINDANAO EARTHQUAKE UPDATE: Malugod na tinanggap ng DSWD Field Office (FO) 12 - SOCCSKSARGEN ang donasyong kalabasa mula...
13/06/2026

MINDANAO EARTHQUAKE UPDATE: Malugod na tinanggap ng DSWD Field Office (FO) 12 - SOCCSKSARGEN ang donasyong kalabasa mula sa Highland Vegetable Farmers Agricultural Cooperative ng T’boli, South Cotabato. Gagamitin ang mga ito bilang sangkap sa paghahanda ng pagkain sa Mobile Kitchen na naka-deploy sa Glan, Sarangani Province.

Layunin nitong makatulong sa paghahanda ng masustansyang hot meals para sa mga pamilyang naapektuhan ng malakas na lindol. Pinaaalalahanan naman ng DSWD ang mga pribadong sektor na nais magbigay ng donasyon na makipag-ugnayan sa lokal na pamahalaan para matiyak ang maayos at patas na pamamahagi ng tulong.

Sa ilalim ng pamumuno ni Pangulong Ferdinand R. Marcos Jr., patuloy na pinaiigting ang bayanihan para mapabilis ang panunumbalik ng lakas at pag-asa sa komunidad na naapektuhan ng sakuna.

❤️


MINDANAO EARTHQUAKE UPDATE: Sa patuloy na pag-alalay sa mga pamilyang apektado ng lindol sa Mindanao, agad na nagpadala ...
13/06/2026

MINDANAO EARTHQUAKE UPDATE: Sa patuloy na pag-alalay sa mga pamilyang apektado ng lindol sa Mindanao, agad na nagpadala ang DSWD ng augmentation mula sa iba’t ibang DSWD Field Offices pati na rin sa Central Office para palawakin pa ang serbisyo natin sa mga evacuation centers at Mobile Command Center (MCC). Layunin nitong masiguro ang tuloy-tuloy na suporta at maayos na daloy ng operasyon sa mga apektadong lugar.

Naka-deploy ang Quick Response Teams (QRTs) sa mga evacuation centers sa Mindanao para umalalay sa pang-araw-araw na pangangailangan ng mga evacuees at tumulong sa maayos na pamamahala ng mga pasilidad. May mga karagdagang team din na nakatalaga sa MCCs para mapanatili ang mabilis na koordinasyon at agarang aksyon sa mga kailangang tugon sa ground.

Sa pinagsama-samang pagkilos ng mga kawani ng DSWD, patuloy na maisasagawa ang maayos, mabilis at may malasakit na pagtugon sa bawat pamilyang naapektuhan batay sa direktiba ni Pangulong Ferdinand R. Marcos Jr.

❤️


Address

DSWD Central Office, Batasan Complex, Constitution Hills
Quezon City
1126

Opening Hours

Monday 8am - 5pm
Tuesday 8am - 5pm
Wednesday 8am - 5pm
Thursday 8am - 5pm
Friday 8am - 5pm

Telephone

+63289318101

Website

Alerts

Be the first to know and let us send you an email when Department of Social Welfare and Development - DSWD posts news and promotions. Your email address will not be used for any other purpose, and you can unsubscribe at any time.

Shortcuts

Share

Category