APEC Partylist

04/06/2026

Matagumpay na naaprubahan sa plenaryo kahapon ang amyenda ni APEC Party-List Rep. Sergio Dagooc para sa House Bill No. 9584 o ang Revised Cooperative Code. Sa kanyang amyenda, tiniyak ni Rep. Dagooc na ang pagpaparehistro ng mga electric cooperative sa Cooperative Development Authority (CDA) ay hindi makaaapekto sa umiiral na supervisory at regulatory functions ng National Electrification Administration (NEA) sa ating mga kooperatiba.

Binigyang-diin niya na mahalagang mapanatili ang malinaw na pangangasiwa ng NEA upang masiguro ang tuloy-tuloy, maayos, at episyenteng operasyon ng mga electric cooperative sa buong bansa. Kasabay nito, pinangangalagaan din ng amyendang ito ang maayos na implementasyon ng Rural Electrification Program para hindi maantala ang pagpapailaw sa mas marami pang komunidad lalo na sa kanayunan.

03/06/2026

𝗪𝗔𝗧𝗖𝗛: Matagumpay na itinulak ni APEC Party-List Rep. Sergio Dagooc ang ilang mahahalagang amyenda sa plenaryo kahapon kaugnay ng panukalang Philippine Nuclear Liability Act. Binigyang-diin ni Rep. Dagooc ang kahalagahan ng isang siyentipiko, teknikal, at responsableng balangkas sa pagtatakda ng nuclear liability sa bansa.

Kabilang sa kanyang mga amyenda ang pag-aalis ng mga probisyong maaaring maglimita sa kakayahan ng Philippine Atomic Energy Regulatory Authority (PhilATOM) na magsagawa ng risk-based at science-based regulation, gayundin ang pagtanggal ng mga redundant na probisyon na saklaw na ng umiiral na mga batas. Para kay Rep. Dagooc, dapat malinaw ang mandato ng bawat ahensya lalong-lalo na ang PhilATOM upang matiyak ang epektibong regulasyon, maayos na proteksyon ng publiko, at pagsunod sa mga pandaigdigang pamantayan sa nuclear safety at liability.

03/06/2026

𝗛𝗔𝗣𝗣𝗘𝗡𝗜𝗡𝗚 𝗡𝗢𝗪: Mahigpit na tinututukan nina PhilRECA Partylist Rep. Presley De Jesus at APEC Party-List Rep. Sergio Dagooc, ngayong araw, ang pagdinig ng Committee on Legislative Franchises upang matiyak ang agarang pag-apruba ng siyam (9) na prangkisa ng ating mga electric cooperative.

02/06/2026

Welcome to the House of Representatives, sa mga magigiting na opisyal at kinatawan ng Sultan Kudarat Electric Cooperative, Inc. (SUKELCO). Maraming salamat sa inyong pagbisita at sa inyong patuloy na dedikasyon sa paglilingkod sa ating sambayanan. Sa tulong po ninyo, sama-sama nating isusulong ang mas maliwanag at abot-kayang kinabukasan para sa bawat Pilipino.

02/06/2026

𝗟𝗢𝗢𝗞: Binigyang-diin ni APEC Party-List Rep. Sergio Dagooc ang ilang usapin tungkol sa renewable energy farms, recoverable cost ng mga energy facilities at technical oversight sa ating power grid. Bahagi ito ng mas malawak na diskusyon tungkol sa power reliability, presyo ng kuryente, renewable energy integration, at transparency sa energy sector.

02/06/2026

Habang patuloy nating isinusulong ang renewable energy para sa mas malinis na kinabukasan, mahalagang tiyakin na hindi nito madaragdagan ang pasanin ng mga konsyumer sa kanilang buwanang singil sa kuryente.

Ayon kay APEC Party-List Rep. Sergio Dagooc, isa sa mga pangunahing hamon ng renewable energy ay ang intermittency o ang hindi tuloy-tuloy na produksyon ng kuryente mula sa mga pinagkukunan tulad ng solar at hangin. Upang matugunan ito at mapanatili ang katatagan ng grid, kinakailangan ng karagdagang ancillary services at reserve capacity na kinokontrata ng NGCP at mga distribution utilities—mga gastusing kalaunan ay maaaring maipasa rin sa mga konsyumer. Kaya naman mahalaga ang maingat na pagpaplano, tamang polisiya, at sapat na technical oversight upang makamit natin ang balanse sa pagitan ng energy transition, grid reliability, at abot-kayang presyo ng kuryente para sa bawat Pilipino.

01/06/2026

Malinaw ang naging panawagan ni APEC Party-List Rep. Sergio Dagooc – ituon muna ang imbestigasyon sa technical, regulatory, at financial issues na nakaapekto sa power sector bago maghanap ng masisisi.

Dapat repasuhin na ang mga panuntunan ng Department of Energy (DOE) at Energy Regulatory Commission (ERC) para matugunan ang mga kasalukuyang hamon sa generation, transmission, regulation, at market operations.

𝐈𝐋𝐀𝐍𝐆 𝐌𝐀𝐌𝐁𝐀𝐁𝐀𝐓𝐀𝐒, 𝐍𝐀𝐍𝐀𝐖𝐀𝐆𝐀𝐍 𝐍𝐀 𝐈𝐓𝐔𝐎𝐍 𝐌𝐔𝐍𝐀 𝐀𝐍𝐆 𝐋𝐄𝐆𝐈𝐒𝐋𝐀𝐓𝐈𝐕𝐄 𝐈𝐍𝐐𝐔𝐈𝐑𝐘 𝐒𝐀 𝐔𝐆𝐀𝐓 𝐍𝐆 𝐏𝐑𝐎𝐁𝐋𝐄𝐌𝐀 𝐒𝐀 𝐏𝐎𝐖𝐄𝐑 𝐒𝐄𝐂𝐓𝐎𝐑

Suportado ni Palawan 2nd District Rep. Jose Alvarez ang panawagan ni APEC Party-list Rep. Sergio Dagooc sa mga mambabatas na ituon muna ang imbestigasyon sa technical, regulatory, at financial issues na nakaapekto sa power sector bago maghanap ng masisisi. | ulat ni Melany Valdoz-Reyes

Basahin ang buong ulat sa comment section.

01/06/2026

𝗜𝗖𝗬𝗠𝗜: Sa kanyang interpelasyon, binigyang-diin ni APEC Party-List Rep. Sergio Dagooc ang mga mahahalagang usapin kaugnay ng incident report ng NGCP, kabilang ang dokumentasyon ng mga nasirang transmission lines at ang kasalukuyang polisiya kung saan iisang entidad ang nagsisilbing operator at builder ng ating mga transmission facilities.

Para kay Rep. Dagooc, mahalagang mapalakas ang transparency, accountability, at independent oversight upang matiyak ang maaasahang serbisyo ng kuryente at maiwasan ang mga insidenteng nagdudulot ng red at yellow alerts na nakaaapekto sa milyun-milyong Pilipino.

01/06/2026

𝗦𝗢𝗟𝗜𝗗𝗔𝗥𝗜𝗧𝗬 𝗠𝗘𝗦𝗦𝗔𝗚𝗘 𝗙𝗢𝗥 𝗝𝗨𝗡𝗘 𝟮𝟬𝟮𝟲
𝗛𝗼𝗻. 𝗦𝗲𝗿𝗴𝗶𝗼 𝗖. 𝗗𝗮𝗴𝗼𝗼𝗰

Ngayong buwan ng Hunyo, ginugunita natin ang Araw ng Kalayaan—isang paalala na ang tunay na kalayaan ay hindi lamang nasusukat sa ating kasaysayan, kundi sa ating patuloy na pagsisikap na mabigyan ang bawat Pilipino ng mas maayos na pamumuhay, abot-kayang serbisyo, at makatarungang oportunidad.

Sa nalalapit na Sine Die adjournment ng Kongreso, nananatiling matatag ang paninindigan ng APEC Party-List na isulong ang mga repormang magpapabuti sa ating sektor ng enerhiya. Sa harap ng mga red at yellow alerts na naranasan natin sa Luzon at Visayas, malinaw na kailangan ang mas matibay na technical oversight, masusing pagrerepaso ng mga umiiral na polisiya, at mga konkretong hakbang na magtitiyak ng sapat, maaasahan, at abot-kayang suplay ng kuryente para sa lahat.

Sa huli, patuloy nating isusulong ang mga kinakailangang legislative measures at policy reforms upang mapababa ang gastos sa kuryente, mapalakas ang ating power sector, at maprotektahan ang kapakanan ng bawat konsyumer. Sa diwa ng kalayaan at pagkakaisa, sama-sama nating itaguyod ang isang mas maliwanag, mas matatag, at mas abot-kayang enerhiya para sa sambayanang Pilipino.

08/05/2026

“𝗪𝗶𝗻𝗱𝗳𝗮𝗹𝗹𝘀 𝘀𝗵𝗼𝘂𝗹𝗱 𝗻𝗼𝘁 𝗯𝘂𝗿𝗱𝗲𝗻 𝘁𝗵𝗲 𝗽𝗲𝗼𝗽𝗹𝗲 𝗳𝘂𝗿𝘁𝗵𝗲𝗿.”

Ito ang naging panawagan ni APEC Party-List Rep. Sergio Dagooc sa kanyang privilege speech, kung saan isinusulong niya ang 𝗘𝗺𝗲𝗿𝗴𝗲𝗻𝗰𝘆 𝗩𝗔𝗧 𝗦𝘁𝗮𝗯𝗶𝗹𝗶𝘇𝗮𝘁𝗶𝗼𝗻 𝗠𝗲𝗰𝗵𝗮𝗻𝗶𝘀𝗺 upang mapigilan ang sobrang pagbubuwis sa gitna ng krisis at tuluy-tuloy na pagtaas ng presyo ng langis at krudo.

Binigyang-diin niya na hindi nito pinapahina ang revenue program ng pamahalaan, kundi nililimitahan lamang ang 𝘄𝗶𝗻𝗱𝗳𝗮𝗹𝗹 𝘁𝗮𝘅𝗮𝘁𝗶𝗼𝗻 na lalo pang nagpapabigat sa ating mga kababayan. Para kay Rep. Dagooc, 𝗵𝗶𝗻𝗱𝗶 𝗱𝗮𝗽𝗮𝘁 𝗶𝗽𝗮𝘀𝗮 𝘀𝗮 𝘁𝗮𝘂𝗺𝗯𝗮𝘆𝗮𝗻 ang dagdag-kitang nalilikom ng gobyerno mula sa abnormal na pagtaas ng presyo ng langis sa panahon ng krisis.