APEC Partylist

08/10/2026

Isang mahalagang hakbang para sa ating mga electric cooperatives ang naisulong ni APEC Party-List Rep. Sergio Dagooc matapos aprubahan ang kanyang proposed amendments para sa House General Appropriations Bill (HGAB) 2027, kahapon, October 07.

Kabilang sa mga aprubadong probisyon ay ang paglipat ng pondo para sa pole relocation ng Department of Public Works and Highways (DPWH) sa National Electrification Administration (NEA) upang mapabilis ang paglilipat ng mga poste na nakaaapekto sa pagseserbisyo ng mga electric cooperatives. Layunin nitong maiwasan ang matagal na delays at mas mapabilis ang paghahatid ng serbisyo sa mga komunidad.

Bukod dito, inaprubahan din ang probisyon para sa expanded sitio electrification activities, na magbibigay-daan sa NEA na gamitin ang pondo para hindi lamang sa line extension, kundi pati sa rehabilitation, upgrading, installation, at replacement ng distribution facilities at equipment upang makatulong sa pagpapababa ng system losses at pagpapataas ng reliability at efficiency ng distribution systems ng ating mga kooperatiba.

07/10/2026

𝗪𝗘𝗟𝗖𝗢𝗠𝗘 𝗧𝗢 𝗧𝗛𝗘 𝗛𝗢𝗨𝗦𝗘 𝗢𝗙 𝗧𝗛𝗘 𝗣𝗘𝗢𝗣𝗟𝗘, 𝗦𝗜𝗔𝗥𝗘𝗟𝗖𝗢!

Malugod nating tinatanggap sa House of Representatives ang mga magigiting na opisyal at kinatawan ng Siargao Electric Cooperative, Inc. (SIARELCO ), kasama ang kanilang Board President na si Mrs. Elmee Redoble.

Maraming salamat sa inyong pagbisita at sa inyong patuloy na dedikasyon sa paglilingkod sa ating sambayanan. Sa tulong po ninyo, sama-sama nating isusulong ang mas maliwanag at abot-kayang kinabukasan para sa bawat Pilipino.

06/10/2026

Dumalo tayo ngayong araw sa pagdinig ng House Committee on Agriculture and Food at nakilahok sa mahalagang talakayan tungkol sa food production at sa mga hakbang ng ating pamahalaan upang matiyak ang sapat na produksyon at abot-kayang suplay ng pagkain.

Sa bawat polisiya na may epekto sa ating mga konsyumer, mahalagang tiyakin na ang mga benepisyo ay tunay na naipapatupad nang maayos. Dapat itong maramdaman hanggang sa pamilihan at hapag-kainan ng bawat pamilyang Pilipino.

Dahil ang tunay na sukatan ng isang mabuting polisiya ay hindi lamang kung ano ang nilalaman nito, kundi kung ano ang nagiging epekto nito sa buhay ng ating mga kababayan.

06/10/2026

Sa naging pagdinig ng House Committee on Agriculture and Food ngayong araw, binigyang-diin ni APEC Party-List Rep. Sergio C. Dagooc na hindi dapat magtapos sa pagbaba ng taripa ang benepisyo ng pagtaas ng Minimum Access Volume (MAV) ng mais.

Igiinit ni Rep. Dagooc sa Department of Trade and Industry (DTI) na dapat itong magsumite ng malinaw na mekanismo para matiyak na ang foregone revenue dahil sa tariff reduction ay maisalin at maramdaman sa Suggested Retail Price (SRP) ng mga produktong maaapektuhan.

Sa huli, kung may pagbabawas sa buwis, dapat may pagbabawas din sa presyo ng mga bilihin. Ang anumang hakbang para mapababa ang gastos sa produksyon ay dapat umabot hanggang sa hapag-kainan ng bawat pamilyang Pilipino.

05/10/2026

Sa isinagawang public hearing noong Oktubre 03, binigyang-diin ni APEC Party-List Rep. Sergio C. Dagooc ang ilang mga rekomendasyon na dapat pagtuunan ng Department of Energy para maibsan ang problema sa paulit-ulit na brownout at mapigilan ang patuloy na pagtaas ng singil sa kuryente sa Visayas at Mindanao grids.

Para kay Rep. Dagooc, nagsisimula ang tamang solusyon sa tamang diagnosis. Kailangang malinaw kung saan talaga nagmumula ang problema: generation ang pangunahing hamon, na may bahagi ring transmission at hindi distribution.

Aniya, kung distribution ang pangunahing problema, dapat ay limitado ang epekto nito sa isang partikular na lugar o service area. Ngunit kung ang power interruptions ay umaabot sa malawak na bahagi ng Visayas at maging sa Mindanao, malinaw na kailangang tingnan ang mas malawak na kondisyon ng ating generation at transmission system, gayundin ang mga umiiral na polisiya at regulasyong maaaring kailangan nang amyendahan upang matugunan ang mga ugat ng problema.

02/10/2026

Naglatag si APEC Party-List Rep. Sergio C. Dagooc ng ilang mga indibidwal na amendments para sa panukalang batas na naglalayong palakasin ang Philippine Coast Guard (PCG), na nakatuon sa mas makatarungang retirement benefits, mas flexible na pagpapatupad ng development plans, pagkilala sa updated compensation ng ating mga uniformed personnel, at ang agarang pagpapatupad ng naturang reporma, September 30.

Para kay Rep. Dagooc, ang pagpapalakas sa PCG ay hindi lamang tungkol sa mga barko, kagamitan, at pasilidad. Kasama rito ang pagprotekta sa kapakanan ng mga Coast Guard personnel, pagkilala sa kanilang serbisyo, at pagtitiyak na may sapat at napapanahong kakayahan ang ahensya upang gampanan ang tungkulin nito sa maritime safety, security, at environmental protection.

04/09/2026

Iminungkahi ni APEC Party-List Rep. Sergio Dagooc ang isang special provision upang bigyang-daan ang National Electrification Administration (NEA) na gumamit ng makabagong teknolohiya sa sitio electrification.

Sa halip na awtomatikong magtayo ng mahahabang distribution lines, maaaring mag-install ang NEA ng solar panels at battery storage systems sa mga sitio kung mapapatunayang mas matipid at teknikal na angkop ito kaysa sa tradisyunal na line extension.

Para kay Rep. Dagooc, maaaring makatulong ito sa pagbawas ng technical systems loss, lalo na sa mga malalayong lugar kung saan mahahabang linya ang kinakailangang itayo upang maihatid ang kuryente. Sa pamamagitan ng localized power generation at energy storage, maaaring mabawasan ang distansyang kailangang pagdaluyan ng kuryente at, kasabay nito, ang enerhiyang nawawala sa transmission at distribution.

03/09/2026

Sa kanyang interpellation sa Energy Regulatory Commission (ERC), iginiit ni APEC Party-List Rep. Sergio Dagooc ang pangangailangan para sa malinaw na accountability at transparency ng mga back-up power plants na nagbibigay ng ancillary services.

Binigyang-diin niya na mahalagang bahagi ng seguridad at katatagan ng ating power system ang ancillary services. Kaya naman, kailangang matiyak na tumutupad ang mga plantang ito sa kanilang mga obligasyon at aktwal na gumagana kapag kinakailangan.

Para kay Rep. Dagooc, hindi sapat na may mga planta na nakatalaga bilang back-up. Kailangang malinaw kung handa at gumagana ba talaga ang mga ito sa oras na kailangan ng grid lalo na't binabayaran ito ng ating mga konsyumer.

03/09/2026

Nakikiisa ang APEC Party-List sa isinasagawang hakbang ng Bureau of Internal Revenue (BIR) para sa pagtanggal ng VAT sa electricity system loss charges.

Matagal nang isinusulong ni APEC Party-List Rep. Sergio Dagooc at ng Power Bloc ang repormang ito. Paulit-ulit nating binigyang-diin na hindi dapat nadadagdagan ang pasanin ng mga konsyumer dahil sa VAT na ipinapataw sa system loss, lalo na’t bahagi ito ng operational cost sa paghahatid ng kuryente at hindi direktang konsumo ng bawat konsyumer.

Ang matagal nang panawagan ay unti-unti nang nagiging konkretong hakbang. Patuloy tayong magsusulong ng mga repormang tunay na makapagpapagaan sa singil sa kuryente at makapaglilingkod sa kapakanan ng bawat Pilipinong konsyumer.

The BIR is preparing a memorandum to remove value-added tax (VAT) on electricity system loss charges, a move expected to lower the tax burden included in consumers’ power bills.

Link to full story in the comments section.

02/09/2026

Kasalukuyan tayong nakatutok sa budget hearing ng House Committee on Appropriations para sa panukalang FY 2027 budget ng Department of Energy (DOE) at Energy Regulatory Commission (ERC), ngayong araw.

Sa unang round ng pagtatanong, binigyang-diin natin ang pangangailangang magkaroon ng mas malinaw at uniform na template para sa mga Collective Bargaining Agreements (CBA) ng mga electric cooperatives. Iginiit natin na dapat itong pagtulungan ng ating mga ECs, DOLE, at NEA upang matiyak na ang mga probisyon ng CBA ay makatarungan para sa mga manggagawa habang isinasaalang-alang ang cash operating budget at working capital requirements ng mga electric cooperatives.

Bukod dito, itinanong din natin sa ERC ang status at proseso ng pagrerefund ng Lifeline Rate subsidy sa mga electric cooperatives. Binigyang-diin natin na ang matagal na paghihintay sa reimbursement ay maaaring makaapekto sa kanilang working capital. Kaya naman, hiniling natin na mapabilis ang proseso para rito ng sa ganon ay hindi maantala ang tuloy-tuloy na operasyon, maintenance, at maaasahang serbisyo ng kuryente sa kanilang mga consumers.