Philippine Multisectoral Nutrition Project - Tagkawayan Quezon

31/08/2026

" : Lakas ng Komunidad, Suporta kay Mommy!

Mas nagiging magaan ang breastfeeding journey ni Mommy kapag may komunidad na handang umalalay. Sa tamang serbisyo, kaalaman, at suporta, mas nagiging panatag ang bawat hakbang. Paano makatutulong ang komunidad?
👨‍👩‍👧 Turuan ang mga Tatay kung paano masuportahan si Mommy sa breastfeeding journey.
🤱 Magbigay ng tamang gabay sa ligtas at masustansyang pagpapasuso at pag-aalaga sa sarili.
🏥 Hikayatin ang mga magulang na magpacheck-up at magpa-breastfeeding counseling upang mapanatiling malusog ang mag-ina.
🌱 Panatilihing abot-kamay ang mga serbisyong pangkalusugan at nutrisyon para sa bawat pamilya.

Ngayong Agosto, ipinagdiriwang ng Department of Health at Philippine Multisectoral Nutrition Project o PMNP ang . Breastfeeding for a Sustainable Start in Life: Strengthen What Works!


"

31/08/2026

"Alam niyo ba na mayroong mga batas ang Pilipinas na layon ay protektahan, suportahan, at itaguyod ang kalidad ng pagpapasuso? 🤱

🙋🏽‍♀️Ang Philippine Milk Code o Executive Order No. 51, series of 1986 ay isinabatas para dito. IPINAGBABAWAL ng Philippine Milk Code ang promotion ng mga inumin at pagkain bilang pamalit sa gatas ng ina (breast milk substitutes), at mga bote at tsupon, lalo na kung ito ay:
👩🏻‍⚕️ manggagaling sa mga health workers gaya ng mga duktor, mga nars, at mga kumadrona
🏥 nagaganap sa mga health facility at tindahan, at
💻 sa iba’t ibang anyo ng media, kasama ang mga matatagpuan gamit ang internet.

🙋🏽‍♀️Ang Republic Act 10028 naman, o ang Expanded Breastfeeding Promotion Act of 2009 ay nagtataguyod ang pagpapasuso sa mga pribado at pampublikong lugar, pagpapatatag ng batas tungkol sa rooming-in at hindi paghihiwalay ng mga nanay at bagong silang na sanggol sa mga ospital, kung walang komplikasyon, para sila ay makapag-Unang Yakap at breastfeeding initiation sa unang oras ng buhay ng sanggol.

Sama-sama nating protektahan at suportahan ang breastfeeding para sa isang mas malusog na first 1,000 days ni Mommy at Baby. Patuloy na isinusulong ng Philippine Multisectoral Nutrition Project o PMNP ang pagpapasuso bilang pundasyon ng malusog na simula para sa bawat sanggol ngayong !


"

31/08/2026

"Ang paghuhugas ng kamay gamit ang tubig at sabon bago at pagkatapos magpasuso ay isang simpleng paraan upang makatulong na maprotektahan si baby laban sa sakit. 🤱
Sundin ang mga simpleng hakbang:
💧 Basain ang mga kamay gamit ang malinis na tubig.
💧 Sabunin at kuskusin ang buong kamay.
💧 Banlawan nang mabuti hanggang maalis ang sabon.
💧 Patuyuin ang mga kamay.

Ugaliin ding maghugas ng kamay:
1. Bago at pagkatapos maghanda ng pagkain.
2. Pagkatapos magpalit ng lampin o gumamit ng palikuran.
3. Pagkatapos magtanim o magdilig ng halaman.
4. Pagkatapos humawak ng alagang hayop o pera.

Gawing bahagi ng araw-araw na pangangalaga ang tamang paghuhugas ng kamay. Kaisa ang Philippine Multisectoral Nutrition Project o PMNP sa pagdiriwang ng . Breastfeeding for a Sustainable Start in Life: Strengthen What Works!



"

31/08/2026

"Breastfeed on Demand! 🤱👶

Alamin ang mga maagang senyales ng gutom ni baby at pasusuhin siya sa oras na kailangan niya:
1️⃣ Hindi mapakali o panay ang galaw.
2️⃣ Binubuka ang bibig at ipinipihit ang ulo na tila naghahanap ng suso.
3️⃣ Inilalabas at ipinapasok ang dila.
4️⃣ Sinisipsip ang daliri, kamao, o kamay.
5️⃣ Umiiyak. (Huling senyales na ito ng gutom)

Tandaan: Mas madali ang pagpapasuso kapag maagap na natutugunan ang kanyang pangangailangan! Patuloy na isinusulong ng Philippine Multisectoral Nutrition Project o PMNP ang pagpapasuso bilang pundasyon ng malusog na simula para sa bawat sanggol ngayong !


"

24/08/2026

𝐌𝐌𝐑 𝐚𝐭 𝐌𝐑: 𝐀𝐧𝐨 𝐚𝐧𝐠 𝐏𝐢𝐧𝐚𝐠𝐤𝐚𝐢𝐛𝐚?

Alam mo ba na magkaiba ang gamit ng MMR at MR vaccines?

Ang MMR (Measles-Mumps-Rubella) ay bahagi ng routine immunization schedule at nagbibigay ng regular na proteksyon laban sa tigdas, beke, at rubella. Samantala, ang MR (Measles-Rubella) ay ginagamit sa Special Immunization Activities (SIA), lalo na kapag may outbreak o banta ng outbreak, upang mabilis na mapalawak ang proteksyon ng komunidad.

Kaya kahit nabakunahan na ng MMR ang iyong anak, maaaring kailanganin pa rin ang MR vaccination kapag may isinasagawang SIA.

Magkaiba ang gamit nila—pareho silang mahalaga sa pagbibigay ng proteksyon laban sa measles at rubella.

Para sa tamang impormasyon tungkol sa bakuna, kumonsulta sa inyong BHW, midwife, nurse, o iba pang health worker.

Piliin ang tamang impormasyon. Piliin ang proteksyon. Sama-sama nating panatilihing Ligtas ang Tigdas!

24/08/2026