27/01/2025
Sa paggunita ng ika-111 taong pagkakatatag ng ating mahal na bayan, inaanyayahan namin kayong lahat na maging bahagi ng isang espesyal na talakayan na pinamagatang "QUEZON: HIs STORY (Talk of the Hour)." Ito ay isang natatanging pagkakataon upang higit nating maunawaan at maipagmalaki ang makulay na kasaysayan ng ating bayan, sa pangungunani Dr. Randy Nobleza, Associate Professor mula sa Marinduque State University.
Gaganapin ito sa Quezon Municipal Training Center bukas, Enero 28, 2025 ganap na ika-9 ng umaga. Para sa mga hindi makakadalo nang personal, maaari ninyong mapanood ito nang live sa Quezon Municipal Tourism, Culture & Arts page.
Ang programang ito ay higit pa sa simpleng pagbabalik-tanaw sa nakaraan. Ito ay isang mahalagang paalala kung paano ang ating kkultura, kasaysayan, at pagkakakilanlan ang nagsisilbing ugat at pundasyon ng pag-unlad ng ating turismo. Sa pamamagitan ng pag-alala sa mga aral ng nakaraan, pagkilala sa ating mayamang kultura, at pagpapahalaga sa sining, nagiging mas matibay ang ating pagkakakilanlan bilang isang bayan.
Ang ating layunin ay hindi lamang balikan ang nakaraan kundi gawing inspirasyon ito upang patuloy na umunlad ang ating bayan sa larangan ng turismo, kultura, at sining. Ang inyong pakikiisa ay mahalaga upang mas maipagmalaki natin ang Quezon hindi lang sa bansa kundi sa buong mundo.
