06/11/2025
Noong Ika-4 hanggang ika-5 ng Nobyembre ay nagsagawa kami ng training tungkol sa "Soil Health Restoration / Adaptive Balanced Fertilization Strategy" sa tulong ng DA-Bureau of Soils and Water Management kung saan magalak na dinaluhan ng ating mga magsasaka sa Barangay Malatgao. Sa training na ito, tinuruan natin ang ating mga magsasaka sa tamang pagtetest ng lupa gamit ang Soil Testing Kit ng BSWM upang malaman ang iba't ibang nutrients na meron ito. Mula sa datos tulad ng Acidity Level, Nitrogen content, Potassium at Phosphorus ay makukuha na agad ng mga magsasaka ang saktong klase at dami ng abono na kailangan natin i-aplay sa ating mga palayan sa ibat ibang stage ng paglaki.
Puno ng pasasalamat ang ating mga magsasaka na lumahok sa training dahil sa wakas hindi na sila manghuhula sa dami at klase ng pagaaplay ng abono. Napakalaki raw ng tulong nito upang mas makatipid sa inputs dahil saktong dami nalang ng abono ang ilalagay nila ngayon base sa nutrient content ng kanilang mga lupa.
Asahan pa natin mga ka-MABEO na marami pang mga training ang gagawin natin sa susunod upang wakasan ang mga maling practices na ginagawa parin ng ilang mga magsasaka. Ang mga training na gagawin pa natin sa susunod ay iyong mga talagang may malaking impact sa kabuhayan ng ating mga magsasaka at napapanahon.
Kaya tara na! Sumabay na sa pagunlad ng kaalaman sa Makabagong Agrikultura!
