https://www.facebook.com/1044475462088002/

WAW Poblacion, Legleg (Poblacion), Quirino (2026)

22/04/2026

Scheduled power interruption in Mountain Province and parts of Quirino & Cervantes, Ilocos Sur on Friday, 24 April 2026

Time: 7:00AM-5:00PM

Affected: MOPRECO

Reason: Corrective maintenance along Mankayan-Sagada 69kV Line Segment of La Trinidad-Sagada 69kV Line

Specific areas affected are determined by the electric cooperative. NGCP will exert all efforts to restore power earlier or as scheduled.

22/04/2026

𝐀𝐖𝐈𝐒 𝐓𝐈 𝐏𝐀𝐍𝐍𝐀𝐊𝐈𝐏𝐀𝐒𝐄𝐓📣
(CALL FOR PARTICIPANTS)

Mangrugi inton Abril 26 (1:00 pm, Dominggo) ti Turayan Group, maysa a cultural group iti sidong ti Youth Catalysts Organization (YCO), ket mangipapaay iti LIBRE a panangisuro iti gangsa ken dadduma pay nga indigenous instruments, kasta met iti LIBRE a panangisuro iti nadumaduma a kultural a sala.

Gapu ti agdama a bakasyon dagiti ub-ubbing ken agtutubo ita a summer, nangipataud ti organisasion iti maysa nga aktibidad a mangted tulong tapno mabawasan ti oras a panagusar da kadagiti gadgets, kas iti selpon. Imbes nga adado ti oras a busbusen da iti sangwanan ti gadgets, pakaykayat mi ida a makipagpaset iti daytoy nga aktibidad, a saan laeng a mangpabaknang iti pannakaammo da iti kultura, no di ket mangitag-ay met iti nasalun-at ken aktibo a panagbiag bayat ti panagbakasyon da.

Kumadwa kayo kanyami idiay Old Barangay Hall (Abong) tunggal Lunes, Miyerkoles, ken Biernes manipud alas 3:00–5:00 iti malem, ken tunggal Domingo manipud ala 1:00–5:00 iti malem. Daytoy a programa ket silulukat kadagiti amin a bumaranggay ti Legleg (Poblacion), Quirino, Ilocos Sur.

Adda met LIBRE a meryenda kadagiti napili laeng nga aldaw.

18/04/2026

𝐋𝐮𝐧𝐜𝐡-𝐅𝐨𝐫-𝐀𝐥𝐥 & 𝐂𝐨𝐨𝐤𝐢𝐧𝐠 𝐂𝐨𝐧𝐭𝐞𝐬𝐭 | Tilapia Fishtival 2026

Abril 1 – Nasurok 350 kilo a tilapia ti napagraranudan dagiti bumaranggay, bisbisita, ken sangaili iti “lunch-for-all” a paset ti Tilapia Fishtival 2026.

Manipud iti pakadagupan na, 40 kilo ti inpaay ti Barangay Council, ken ti dadduma ket naggapu kadagiti kontribusion manipud ti 138 a bumaranggay. Naidaya dagiti nadumaduma a luto ti tilapia nga insagana dagiti opisyal ken trabahador ti barangay. Naipatungpal daytoy a panagpabingay ti makan kas panangipakita ti panagyaman iti nawadwad a tilapia kadagiti karkarayan iti panawen ti Semana.

Sakbay ti pangaldaw, naangay met ti maysa a cooking contest a nangiparang kadagiti nadumaduma a resipe ti tilapia iti sango dagiti husgado. Ni Domingga Dumawa manipud Poblacion South ti nakagun-od ti umuna a puwesto, sinaruno ni Betty Garcia manipud Middle Poblacion iti maikadua, ken ti grupo dagiti nagapu Dagman ti nakagun-od iti maikatlo.

Ti lunch-for-all ti maudi a paset iti programa ti agsapa sakbay a nagtultuloy manen ti selebrasion iti sumagmamano nga oras.

📸: John Leonell Lagadan

16/04/2026

“𝐋𝐢𝐛𝐫𝐞𝐧𝐠 𝐆𝐮𝐩𝐢𝐭” — 𝐈𝐲𝐚𝐦𝐚𝐧! | Tilapia Fishtival 2026

Abril 1 – Nakipaset dagiti personnel ti Regional Mobile Force Battalion 1 (RMFB1), 102nd Maneuver Company RMFB1, iti panangidaulo ni PCPT Oliver L. Gaspar, iti maikapat a Tilapia Fishtival babaen iti panangipaay da iti “Libreng Gupit” para kadagiti bumaranggay.

Naiturong daytoy a community outreach activity da para kadagiti ubbing ken dadduma pay a residente ti barangay, kas maysa a pammati da ti panagserbi iti komunidad.

Malaksid iti dayta, nangipaay da met iti seguridad tapno masigurado ti natalged ken naurnos a pannakaidaulo ti okasion manipud iti panangrugi agingga iti pannakaileppas na.

📸: John Leonell Lagadan

16/04/2026

𝐂𝐨𝐦𝐦𝐮𝐧𝐢𝐭𝐲 𝐃𝐚𝐧𝐜𝐞𝐬 | Tilapia Fishtival 2026

Abril 1 – Kas kaugalian, nirambakan dagiti bumaranggay iti pannakaileppas ti programa iti paset ti agsapa babaen kadagiti nadumaduma a community dances. Naurnos ken napintas a naiparang dagiti kultural a panagsala a nangipakita iti kinabaknang ti kultura ken panagkaykaysa ti komunidad. Nakidanggay dagiti umili, opisyales, ken bisbisita iti panagsala kas panagyaman iti naballigi a pannakaselebrar ti Tilapia Fishtival.

Adda met a tinmabuno ni Municipal Mayor, Atty. Jemarose Gomintong, kadwa na da SBM Evelyn El-i, ken Municipal Tourism Office-Designate, Margie Farol. Kalpasan ti panangited na iti mensahe ken suporta na iti programa, nakikadua met isuna kadagiti umili iti panagsala, a nangnayon iti kinapigsa ken kinapateg ti selebrasion.

📸: John Leonell Lagadan

16/04/2026

𝐀𝐰𝐚𝐫𝐝𝐢𝐧𝐠 𝐂𝐞𝐫𝐞𝐦𝐨𝐧𝐲 | Tilapia Fishtival 2026

Abril 1 - Naragsak a naileppas ti nadumaduma a pasalip iti maikapat a Tilapia Fishtival babaen iti maysa nga awarding ceremony a nangbigbig kadagiti nagballigi iti Ground Demonstration, Kurong-Kurong Float, Poblacion Got Talent, Cooking Contest, ken Bike Race.

Dagitoy dagiti nagballigi iti nadumaduma a pasalip:

𝙂𝙧𝙤𝙪𝙣𝙙 𝘿𝙚𝙢𝙤𝙣𝙨𝙩𝙧𝙖𝙩𝙞𝙤𝙣
Champion - Middle Poblacion
2nd - Sitio Saoil
3rd - Sitio Dagman
4th - Poblacion North
5th - Poblacion South

𝙆𝙪𝙧𝙤𝙣𝙜-𝙆𝙪𝙧𝙤𝙣𝙜 𝙁𝙡𝙤𝙖𝙩
Champion - Poblacion South
2nd - Middle Poblacion
3rd - Sitio Dagman
4th - Poblacion North
5th - Sitio Saoil

𝙋𝙤𝙗𝙡𝙖𝙘𝙞𝙤𝙣 𝙂𝙤𝙩 𝙏𝙖𝙡𝙚𝙣𝙩
(GROUP)
Champion - Sitio Dagman
2nd - Middle Poblacion
3rd - Poblacion South
(SOLO)
Champion - Poblacion North
2nd - Poblacion South
3rd - Middle Poblacion
4th - Sitio Dagman

𝘾𝙤𝙤𝙠𝙞𝙣𝙜 𝘾𝙤𝙣𝙩𝙚𝙨𝙩
Champion - Domingga Dumawa (Poblacion South)
2nd - Betty Garcia (Middle Poblacion)
3rd - Sitio Dagman

𝘽𝙞𝙠𝙚 𝙍𝙖𝙘𝙚
Champion - Ryan Galangco (Sitio Saoil)
2nd - Jester Lagadan (Middle Poblacion)
3rd - Bryle Padao (Poblacion South)
4th - Justin Frio (Poblacion North)

📸: John Leonell Lagadan

15/04/2026

[𝐏𝐚𝐫𝐭 𝟐] 𝐆𝐫𝐨𝐮𝐧𝐝 𝐃𝐞𝐦𝐨𝐧𝐬𝐭𝐫𝐚𝐭𝐢𝐨𝐧 | Tilapia Fishtival 2026

Abril 1 – Nagragsak a nangselebrar dagiti umindeg ti Legleg iti maikapat a Tilapia Fishtival babaen iti maysa a Ground Demonstration, a nangiparang-ay iti tema ti fiesta babaen kadagiti agkakamayat a sala.

Nangrugi ti programa iti mensahe manipud kenni Barangay Chairman, John Lagadan Jr., a nangiyebkas iti panagyaman na kadagiti bumaranggay gapu iti aktibo a partisipasyon ken suporta da a nangted iti balligi iti daytoy a fishtival. Kalpasan na, nangibingay iti Quirino Central School Dance Troupe ti maysa a pabuya a nangted liwliwa kadagiti inmay dinmanggay.

Kalpasan dagiti sumagmamano a presentasyon, ti naawis a keynote speaker a ni Engr. Ashley Joy Reynante ket nangited met iti mensahe na para kadagiti bumaranggay. Nagbalin a maysa isuna kadagiti hurado iti naaramid a Ground Demonstration.

Sakbay a nalpas ti programa, nabalinan ni Mayor Jemarose Gomintong ti inmay tinmabuno ket nangibingay met ti maysa a mensahe para kadagiti umili.

Iti pannakalpas ti programa, ti Middle Poblacion ti nagbalin a champion, sinaruno ti Sitio Saoil iti maikadua (2nd) ken ti Sitio Dagman iti maikatlo (3rd). Ti Poblacion North ket nagun-od da met iti maikapat (4th) a puwesto, ken ti Poblacion South iti maikalima (5th).

📸: John Leonell Lagadan

15/04/2026

[𝐏𝐚𝐫𝐭 𝟏] 𝐆𝐫𝐨𝐮𝐧𝐝 𝐃𝐞𝐦𝐨𝐧𝐬𝐭𝐫𝐚𝐭𝐢𝐨𝐧 | Tilapia Fishtival 2026

Abril 1 – Nagragsak a nangselebrar dagiti umindeg ti Legleg iti maikapat a Tilapia Fishtival babaen iti maysa a Ground Demonstration, a nangiparang-ay iti tema ti fiesta babaen kadagiti agkakamayat a sala.

Nangrugi ti programa iti mensahe manipud kenni Barangay Chairman, John Lagadan Jr., a nangiyebkas iti panagyaman na kadagiti bumaranggay gapu iti aktibo a partisipasyon ken suporta da a nangted iti balligi iti daytoy a fishtival. Kalpasan na, nangibingay iti Quirino Central School Dance Troupe ti maysa a pabuya a nangted liwliwa kadagiti inmay dinmanggay.

Kalpasan dagiti sumagmamano a presentasyon, ti naawis a keynote speaker a ni Engr. Ashley Joy Reynante ket nangited met iti mensahe na para kadagiti bumaranggay. Nagbalin a maysa isuna kadagiti hurado iti naaramid a Ground Demonstration.

Sakbay a nalpas ti programa, nabalinan ni Mayor Jemarose Gomintong ti inmay tinmabuno ket nangibingay met ti maysa a mensahe para kadagiti umili.

Iti pannakalpas ti programa, ti Middle Poblacion ti nagbalin a champion, sinaruno ti Sitio Saoil iti maikadua (2nd) ken ti Sitio Dagman iti maikatlo (3rd). Ti Poblacion North ket nagun-od da met iti maikapat (4th) a puwesto, ken ti Poblacion South iti maikalima (5th).

📸: John Leonell Lagadan

14/04/2026

𝐏𝐨𝐬𝐭-𝐩𝐚𝐫𝐚𝐝𝐞 𝐀𝐬𝐬𝐞𝐦𝐛𝐥𝐲 & 𝐁𝐢𝐠𝐠𝐞𝐬𝐭 𝐓𝐢𝐥𝐚𝐩𝐢𝐚 𝐂𝐚𝐭𝐜𝐡 𝟐𝟎𝟐𝟔 | Tilapia Fishtival 2026

Abril 1 – Kalpasan ti parada, naguurnong dagiti bumaranggay para iti opening program a nangrugi iti panangkanta ti National Anthem ken Quirino Hymn.

Di nagbayag, nagtalinaed da a nakatakder bayat iti pananguray da ti panagsangpet dagiti bike racers. Ni Ryan Galangco manipud Sitio Saoil ti nakagun-od ti umuna a puwesto, sinaruno ni Jester Lagadan manipud Middle Poblacion iti maikadua, ni Bryle Padao manipud Poblacion South iti maikatlo, ken ni Justin Frio manipud Poblacion North iti maikapat.

📸: John Leonell Lagadan

12/04/2026

[Part 3] 𝐆𝐞𝐧𝐞𝐫𝐚𝐥 𝐚𝐧𝐝 𝐊𝐮𝐫𝐨𝐧𝐠-𝐤𝐮𝐫𝐨𝐧𝐠 𝐅𝐥𝐨𝐚𝐭 𝐏𝐚𝐫𝐚𝐝𝐞 | Tilapia Fishtival 2026

Abril 1 – Nagrugi ti kaaldawan ti maika-Uppat a Tilapia Fishtival iti maysa a parada a nangipakita kadagiti kurong-kurong float nga addaan tema a “sagut-sagoy” manipud kadagiti nadumaduma a purok ken sitio ti barangay.

Nagrugi ti parada iti alas-7:30 ti bigat, nga inatendaran dagiti color guards manipud PNP ken BFP, ti QCS ken QNHS marching band, dagiti opisiales ken trabahador ti Barangay, dagiti opisiales ti SK, dagiti kandidata ti Tilapia Fishtival Queen 2026, ken dagiti umili manipud iti Sitio Saoil, Sitio Dagman, Poblacion North, Poblacion South, ken Middle Poblacion.

Nagrugi ti ruta ti parada iti sango ti Tikeng Covered Court ken nagtuloy agingga iti Barangay Covered Court idiay Kindabdab, Legleg (Poblacion), Quirino, Ilocos Sur.

📸: John Leonell Lagadan

WAW Poblacion

22/04/2026

22/04/2026

18/04/2026

16/04/2026

16/04/2026

16/04/2026

15/04/2026

15/04/2026

14/04/2026

12/04/2026

Address

Website

Alerts

Shortcuts

Share

Category