31/05/2026
'KAOGMACHELLA': BINI AT 153K BLOOMS, NIYANIG ANG KAOGMA FESTIVAL 2026
Literal na niyanig ng Nation’s Girl Group na BINI at ng tinatayang 153,000 na manonood ang CamSur Uptown noong May 30 para sa Day 5 ng Kaogma Festival 2026.
Ang itinuturing na "Kaogmachella" ay ang unang major performance ng P-pop sensation sa bansa matapos ang kanilang makasaysayang Coachella stint. Todo-rampa ang mga Blooms sa kanilang Coachella-inspired outfits, at "Pantropiko" ang init ng salubong nang kantahin ng grupo ang kanilang mga hit songs gaya ng "Salamin, Salamin," "Unang Kilig," "Blush," at "Bikini" na nagpayanig sa buong Cam Sur.
Bukod sa BINI, naging solid din ang gabi dahil sa world-class performance ng New:ID, sa pambansang sing-along kasama ang Six Part Invention, at sa mainit na debut ng homegrown group na CamSur Pop para sa Dance Revo.
Ito ay isang full-house at legendary night na nagpakita sa buong bansa kung paano magsaya ang probinsya. Napatunayan ng makasaysayang gabing ito na walang kapantay ang energy ng CamSur kapag nagsama na ang musika at kultura.
Dahil sa tindi ng hiyawan, mas maliwanag na mga ilaw, at bilyun-bilyong emosyon, opisyal nang pumasok sa kasaysayan ng festival ang gabing ito bilang isa sa pinakamalaki at pinaka dinagsang free concert ng Kaogma.
Lubos naman ang pasasalamat ng pamunuan ng lalawigan ng CamSur sa lahat ng nakiisa, naging disiplinado, at nagpanatili ng mataas na energy mula simula hanggang dulo. Ang tagumpay ng Day 5 ay hindi lamang tagumpay para sa P-pop kundi isang patunay ng nagkakaisang puso at kultura ng mga Bicolano.
