BRGY. RIZAL FB PAGE

BRGY. RIZAL FB PAGE Contact information, map and directions, contact form, opening hours, services, ratings, photos, videos and announcements from BRGY. RIZAL FB PAGE, Government Organization, Brgy. Rizal, Rizal.

📢 PABATID SA MGA RESIDENTE NG BARANGAY RIZALMagandang araw po sa ating lahat!Ipinaaalam po namin na naglabas na ang Pama...
04/08/2026

📢 PABATID SA MGA RESIDENTE NG BARANGAY RIZAL

Magandang araw po sa ating lahat!

Ipinaaalam po namin na naglabas na ang Pamahalaang Panlalawigan ng Occidental Mindoro ng opisyal na listahan ng mga benepisyaryo para sa LGSF-FALGU Rice Distribution Program.

📅 Petsa ng Pamimigay: Agosto 6, 2026 (Huwebes)
🕗 Oras: 8:00 ng umaga
📍 Lugar: Pitogo Covered Court

PAALALA:

Kung ang mag-asawa ay parehong nasa listahan ng mga benepisyaryo, isa (1) lamang sa kanila ang kailangang pumunta upang kunin ang kanilang ayuda.

📌 Mga Kailangang Dalhin ng Benepisyaryo

1. Isang (1) photocopy ng valid ID na may tatlong (3) pirma.

📌 Kung Representative ang Kukuha

1. Authorization Letter mula sa benepisyaryo.
2. Isang (1) photocopy ng valid ID ng benepisyaryo na may tatlong (3) pirma.
3. Isang (1) photocopy ng valid ID ng representative na may tatlong (3) pirma.

📌 Kung May Mali sa Pangalan ng Benepisyaryo sa Masterlist

Barangay Certificate o Same Person Certificate na nagpapatunay sa tamang pagkakakilanlan ng benepisyaryo.

Inaanyayahan po ang lahat ng mga benepisyaryo na sundin ang mga nasabing alituntunin upang maging maayos, mabilis, at maayos ang pamamahagi ng bigas.

Maraming salamat po sa inyong pakikiisa at kooperasyon.

Attention po para sa ating mga mag-aaral sa kolehiyo, sa Barangay Rizal. Pakibasa na lang po ang nga detalye para sa New...
01/08/2026

Attention po para sa ating mga mag-aaral sa kolehiyo, sa Barangay Rizal.

Pakibasa na lang po ang nga detalye para sa New and renew applicant.

📢 PABATID SA MAMAMAYAN NG BARANGAY RIZAL.Magandang araw, Barangay Rizal!Ipinababatid ng Sangguniang Barangay ng Rizal na...
01/08/2026

📢 PABATID SA MAMAMAYAN NG BARANGAY RIZAL.

Magandang araw, Barangay Rizal!

Ipinababatid ng Sangguniang Barangay ng Rizal na ipagpapatuloy na ang pagsasagawa ng concreting ng natitirang bahagi ng kalsada mula Purok 3 hanggang sa pakaliwang bahagi na nakapalibot sa ating barangay, na may kabuuang haba na 120 metro.

Ang proyektong ito ay isasakatuparan sa pamamagitan ng pondong nagkakahalaga ng ₱1,000,000.00 na ipinagkaloob ng ating butihin at mapagkalingang Bayan ng Rizal, Hon. Mayor Ernesto "Sonny" Pablo . Ang proyektong ito ay naging posible dahil sa walang sawang pag-follow up at pagsisikap ng ating masisipag na Barangay Council ng Barangay Rizal, sa pangunguna ng ating Punong Barangay Nick P. Paclibar

Hinihiling po namin ang pang-unawa at kooperasyon ng lahat habang isinasagawa ang proyekto. Maaaring magkaroon ng pansamantalang abala sa pagdaan sa nasabing lugar, ngunit ito ay para sa kapakinabangan ng buong komunidad.

Patuloy pong magsisikap ang inyong Sangguniang Barangay na maipagpatuloy ang mga proyektong magpapaganda at magpapaunlad sa ating barangay, upang ang Barangay Rizal ay higit pang makilala bilang isang maunlad, maayos, at progresibong pamayanan na hindi naiiwan sa pag-unlad.

Maraming salamat po sa inyong patuloy na suporta at pakikiisa.

"Sama-sama nating itaguyod ang isang mas maunlad at mas maayos na Barangay Rizal."

UPDATE| Week Rizal.
31/07/2026

UPDATE| Week Rizal.







📢 PABATID SA MGA MAMAMAYAN NG BARANGAY RIZALUPLIFT ASSISTANCE PAYOUT 2026Magandang araw po!Ipinababatid sa lahat ng kwal...
24/07/2026

📢 PABATID SA MGA MAMAMAYAN NG BARANGAY RIZAL
UPLIFT ASSISTANCE PAYOUT 2026

Magandang araw po!

Ipinababatid sa lahat ng kwalipikadong benepisyaryo ng UPLIFT Assistance mula sa Barangay Rizal na ang inyong payout ay gaganapin sa sumusunod na iskedyul:

📅 Petsa:Hulyo 29, 2026 (Miyerkules)
🕗 Oras:8:00 ng umaga pataas
📍 Lugar:Municipal Gymnasium, Rizal

📌 Mga Kailangang Dalhin:

✅ Dalawang (2) colored photocopy ng National ID (mas mainam kung National ID) o anumang valid government-issued ID.
✅ Ang bawat photocopy ay dapat may tatlong (3) wet signatures.
✅ Magdala rin ng karagdagang photocopy kung sakaling kailanganin.
✅ I-download at magparehistro sa eGovPH App bago ang araw ng payout.

📢 Mahahalagang Paalala:

• Ang Head of the Family o ang nakatalagang benepisyaryo ang dapat na personal na dumalo at magdala ng lahat ng kinakailangang dokumento.
• Kung hindi makakadalo ang Head of the Family, maaari siyang katawanin ng isang miyembro ng immediate family na may edad na labingwalong (18) taong gulang pataas.
• Ang mga 4Ps Set 14 o graduate na sa 4Ps na kasama sa listahan ay kwalipikadong tumanggap ng UPLIFT Assistance.
• Kung kayo ay aktibong miyembro pa rin ng 4Ps o kasalukuyang benepisyaryo ng Walang Gutom Program, huwag na pong pumunta sa payout, sapagkat ang inyong UPLIFT Assistance ay ipapasok sa inyong bank account.

Hinihikayat ang lahat ng benepisyaryo na dumating sa tamang oras at dalhin ang lahat ng kinakailangang dokumento upang maging maayos at mabilis ang proseso ng payout.

Mahalagang PAALALA:
1. Kung sakaling may Mali man sa inyong mga pangalan (First Name, Middle Name, Last Name) dalahin na lamang Po Ang inyong valid ID, Birth certificate at Marriage Contract para sa malinaw na information.

2. Kung may mga question Po kayo, sa Tanggapan Ng DSWD na lang Po kayo magtanong dahil Ang barangay ay Wala pong kinalaman sa mga ibinabang mga pangalan.

Maraming salamat po sa inyong pakikiisa at kooperasyon.

PLAQUE OF RECOGNITION| Top-1 Best Performing Barangay 👏👏👏Isang taos-pusong pagbati sa buong Barangay Rizal sa natanggap ...
22/07/2026

PLAQUE OF RECOGNITION| Top-1 Best Performing Barangay 👏👏👏

Isang taos-pusong pagbati sa buong Barangay Rizal sa natanggap na Plaque of Recognition bilang Rank 1 – Best Performing Barangay para sa Unang Semestre ng CY 2026, na opisyal na iginawad ngayong ika-22 ng Hulyo 2026.

Ang parangal na ito ay bunga ng pagkakaisa, pakikilahok, kasipagan, disiplina, at paggalang ng bawat mamamayan ng Barangay Rizal. Ito ay patunay na ang sama-samang pagtutulungan ay nagbubunga ng tagumpay at pagkilala.

Isang espesyal na pagpupugay kay Barangay Secretary Wilbert Yyance , na walang sawang naglaan ng panahon, sipag, at dedikasyon upang matiyak na maisakatuparan ang mga programa at dokumentasyong naging daan sa pagkamit ng prestihiyosong pagkilalang ito.

Lubos din ang aming pasasalamat sa patuloy na suporta at mahusay na pamumuno ni Punong Barangay Nick P. Paclibar , kasama ang mga miyembro ng Sangguniang Barangay, mga Barangay Tanod, mga kawani ng barangay, at sa lahat ng mga taong nasa likod ng tagumpay na ito. Ang inyong husay, talino, dedikasyon, at malasakit sa paglilingkod ang naging inspirasyon upang maitaas ang antas ng ating barangay.

Higit sa lahat, ang parangal na ito ay para sa bawat residente ng Barangay Rizal. Nawa'y magsilbi itong inspirasyon upang lalo pa nating pagbutihin ang ating paglilingkod at patuloy na maging huwaran ng mabuting pamamahala at tunay na pagkakaisa.

📢📢📢 CONGRATULATIONS BRGY. RIZAL!Maligayang pagbati sa ating minamahal na Punong Barangay, Hon. Nick P. Paclibar , sa pag...
20/07/2026

📢📢📢 CONGRATULATIONS BRGY. RIZAL!

Maligayang pagbati sa ating minamahal na Punong Barangay, Hon. Nick P. Paclibar , sa pagkilala bilang isa sa mga pararangalan ng Climate Neutral Awards Asia and the Pacific sa ilalim ng Global Heroes Award of Impact in Advancing Progressive and Sustainable Barangay Governance.

Ang prestihiyosong pagkilalang ito ay patunay ng inyong mahusay na pamumuno, dedikasyon, at walang sawang pagsisikap na maisulong ang isang progresibo, responsable, at napapanatiling pamamahala para sa Barangay Rizal. Nawa'y magsilbi itong inspirasyon sa ating buong komunidad upang higit pang paigtingin ang pagkakaisa at malasakit sa kalikasan at sa kapakanan ng bawat mamamayan.

Ipinagmamalaki kayo ng buong Barangay Rizal. Nawa'y patuloy pa kayong pagpalain at gabayan sa inyong paglilingkod.

Mabuhay po kayo, Hon. Nick Paclibar , at mabuhay ang Barangay Rizal!🎉👏🌿






UPDATE| Week Rizal.BARANGAY ROAD CLEARING OPERATION 📢📢📢Taos-pusong pasasalamat ang aming ipinaaabot sa lahat ng naging ...
17/07/2026

UPDATE| Week Rizal.

BARANGAY ROAD CLEARING OPERATION 📢📢📢

Taos-pusong pasasalamat ang aming ipinaaabot sa lahat ng naging bahagi ng matagumpay na Barangay Road Clearing Operation sa Sitio Maguyong itong araw, Hulyo 17, 2026.

Lubos naming kinikilala ang mahusay na pamumuno ng ating Punong Barangay Nick P. Paclibar , na nanguna sa gawaing ito upang mapanatiling malinis, maayos, at ligtas ang ating mga kalsada para sa kapakanan ng buong komunidad.

Taos-puso rin kaming nagpapasalamat sa ating masisipag at masigasig na mga Kagawad at Barangay Tanod na naglaan ng kanilang oras, lakas, at dedikasyon upang maisakatuparan ang operasyong ito. Ang inyong pagtutulungan, disiplina, at malasakit ay naging susi sa tagumpay ng ating layunin.

Nawa'y magpatuloy ang ating pagkakaisa at sama-samang pagkilos sa pagpapanatili ng kaayusan, kalinisan, at kaligtasan ng ating barangay. Maraming salamat po sa inyong walang sawang paglilingkod sa ating komunidad.

"Sa pagkakaisa ng bawat isa, mas magiging maunlad, maayos, at ligtas ang ating Barangay."







📢📢📢BARANGAY RIZAL UPDATELubos po ang aming pasasalamat sa lahat ng naging bahagi ng matagumpay na pamamahagi ng Scholars...
11/07/2026

📢📢📢BARANGAY RIZAL UPDATE

Lubos po ang aming pasasalamat sa lahat ng naging bahagi ng matagumpay na pamamahagi ng Scholarship Program para sa limang (5) kwalipikadong estudyante ng Barangay Rizal sa ilalim ng PBBM "Bawat Barangay Makikinabang Program."

Ang programa ay naisakatuparan sa pamamagitan ng maayos at patas na proseso ng validation upang matiyak na ang mga benepisyaryo ay tunay na kwalipikado. Matagumpay itong isinagawa ngayong hapon, ika-11 ng Hulyo, araw ng Sabado, sa Tanggapan ng Barangay Rizal.

Kasabay rin ng programang ito ang pagkakaloob ng proyektong pangbarangay. Sa pamamagitan ng pondong inilaan, nakabili ang Barangay Rizal ng 160 pirasong monoblock chairs at dalawang (2) tent (8x8 ft)na magsisilbing karagdagang kagamitan para sa iba't ibang aktibidad at programa ng ating komunidad.

Ang taos-pusong pasasalamat ay aming ipinapaabot sa lahat ng naging katuwang sa pagsasakatuparan ng programang ito, lalo na sa administrasyon ni Pangulong Ferdinand 'Bongbong' Marcos Jr., sa mga opisyal ng pamahalaan, at sa lahat ng sumuporta upang maihatid ang mga proyektong tunay na makikinabang ang ating mga kababayan.

Patuloy po nating pagtulungan ang pagpapaunlad ng Barangay Rizal. Sama-sama nating pangalagaan at gamitin nang maayos ang mga proyektong ipinagkaloob para sa kapakinabangan ng buong komunidad.

Maraming salamat po, at mabuhay ang Barangay Rizal!

Address

Brgy. Rizal
Rizal
5103

Opening Hours

Monday 8am - 5pm
Tuesday 8am - 5pm
Wednesday 8am - 5pm
Thursday 8am - 5pm
Friday 8am - 5pm

Website

Alerts

Be the first to know and let us send you an email when BRGY. RIZAL FB PAGE posts news and promotions. Your email address will not be used for any other purpose, and you can unsubscribe at any time.

Shortcuts

Share

Category