Sangguniang Barangay ng Geronimo

22/09/2026

🎓 LIMANG KABATAAN, ISANG PAGKAKATAON PARA MAKAPAGTAPOS! 🎓

LUNES | SEPTEMBER 21, 2026

Iginawad sa limang (5) kwalipikadong kabataan ng Barangay Geronimo ang kanilang ₱20,000 Finisher Fund, bilang tulong sa kanilang mga pangangailangang pang-akademiko at suporta upang maipagpatuloy at makumpleto ang kanilang pag-aaral.

Ang mga napiling benepisyaryo ay dumaan sa itinakdang proseso ng screening at pagsusuri, at napili batay sa mga kwalipikasyon at requirements ng programa. Isinaalang-alang ang mga kinakailangang dokumento at kalagayan ng bawat aplikante bago isinagawa ang pinal na pagpili.

Lubos na nagpapasalamat ang Pamahalaang Barangay Geronimo sa pagkakataong makapagbigay ng suporta sa ating mga kabataan. Nawa’y makatulong ang financial assistance na ito sa kanilang pag-aaral at maging dagdag na hakbang tungo sa pagkamit ng kanilang pangarap na makapagtapos. 💙

Limang kabataan. Limang pangarap. Isang hakbang tungo sa mas magandang kinabukasan. 🇵🇭🎓

21/09/2026

🇵🇭 FLAG RAISING CEREMONY | BARANGAY GERONIMO 🇵🇭

Isang panibagong linggo ang sinimulan ng Barangay Geronimo sa pamamagitan ng ating regular na Flag Raising Ceremony isang pagpapakita ng pagkakaisa, pagmamahal sa bayan, at dedikasyon sa paglilingkod sa ating komunidad.

Nawa’y patuloy nating isabuhay ang diwa ng pagkakaisa, disiplina, at tapat na serbisyo para sa ikabubuti ng bawat mamamayan.

Serbisyong may ngiti para sa lahat 🇵🇭

16/09/2026

Magandang araw po mga ka barangay!

Narito po ang listahan ng 5 napiling mag-aaral mula sa kolehiyo baitang apat (4yr college student) na magiging benipisyaryo ng BAGONG PILIPINAS PRESIDENTIAL SCHOLAR na "BAWAT BARANGAY MAKIKINABANG".

1. JANELLA DENICE I. PEREZ
2. SAMANTHA ANNE E. MANUEL
3. JOHN BENEDICT C. PEROLINA
4. DHAN NICKO B. MARGATE
5. SEAN CALVIN O. CRUZ

Ang mga nabanggit na estudyante ay dumaan sa masusing pag screen kung sila ba ang nararapat at karapat dapat sa mga inihain na kwalipikasyon ng pagpili na nakasaad sa programa.

Bago pa man ang pagpili, ang barangay ay nagbigay ng anunsyo sa pamamagitan ng FB page ng barangay upang ipabatid ang naturang programa, ang pagpasa ng mga dokumento at screening.

Marami pong salamat.

SERBISYONG MAY NGITI PARA SA LAHAT

12/09/2026

HAPPY BIRTHDAY, KAGAWAD EPOY! 🎂🎉
Isang maligayang pagbati para sa ating masipag at laging maaasahang Kagawad Jeffrey Francisco
Salamat sa iyong walang sawang paglilingkod, malasakit, at serbisyong may kasamang ngiti para sa ating komunidad.
Nawa’y bigyan ka pa ng Panginoon ng mahabang buhay, mabuting kalusugan, at sapat na lakas para ipagpatuloy ang iyong mabubuting adhikain para sa ating barangay.
Pagbati mula sa:
— Sangguniang Barangay ng Geronimo

10/09/2026

TAOS-PUSONG PASASALAMAT

Ang Sangguniang Barangay ng Geronimo ay taos-pusong nagpapasalamat sa Pamunuan ng Gen. Licerio Geronimo Memorial National High School, sa pangunguna ng OIC–Principal, G. Jose Catañes, sa kanilang mahalagang suporta at pakikipagtulungan na naging daan upang maisakatuparan ang authorization para sa pagpapakabit ng karagdagang water meter para sa Day Care Center 2 ng ating Barangay.

Ang pagkakaloob ng nasabing authorization ay isang mahalagang hakbang upang higit na matugunan ang pangangailangan ng ating Day Care Center at mapanatili ang isang malinis, maayos, at ligtas na kapaligiran para sa ating mga batang mag-aaral.

Lubos naming pinahahalagahan ang inyong pakikiisa at malasakit sa mga programa at serbisyong naglalayong itaguyod ang kapakanan ng ating mga kabataan at ng buong pamayanan.

Maraming salamat po sa inyong suporta, kooperasyon, at patuloy na pakikipagtulungan sa ating Barangay.

03/09/2026

📢 PAUNAWA SA PUBLIKO 📢

📋 LISTAHAN NG POTENSYAL NA BENEPISYARYO NG 4Ps

Ipinababatid po sa ating mga kabarangay na narito ang Listahan ng Registration para sa Pantawid Pamilyang Pilipino Program (4Ps).

📌 MAHALAGANG PAALALA:
Ang listahang ito ay HINDI ginawa, pinili, o binuo ng Barangay. Ang mga pangalan na nakapaloob dito ay mga POTENSYAL PA LAMANG NA BENEPISYARYO at hindi nangangahulugang awtomatikong kwalipikado o tiyak na magiging benepisyaryo ng programa.

Ang listahan ay nagmula sa mga datos na nakalap sa pamamagitan ng Community-Based Monitoring System (CBMS), na isinasagawa ng Philippine Statistics Authority (PSA), kabilang ang house-to-house validation upang matukoy ang kalagayang sosyo-ekonomiko ng mga pamilya.

📌 Walang kinalaman ang Barangay sa pagpili, pagsasama, o pagtanggal ng mga pangalan sa listahan. Ang tungkulin lamang po ng Barangay ay tumulong sa pagpapabatid at paghahanap sa mga indibidwal na nakalista upang sila ay makapaghanda ng kinakailangang dokumento at makadalo sa itinakdang registration at validation activity.

📑 MGA DOKUMENTONG MAAARING DALHIN:

Hinihikayat ang mga potensyal na benepisyaryo na magdala ng kinakailangang dokumento ng bawat miyembro ng pamilya, gaya ng:

• Birth Certificate
• Marriage Contract – para sa mga kasal
• Death Certificate – para sa mga yumaong miyembro ng pamilya
• PhilSys ID o patunay ng PhilSys Registration
• School Attendance Certificate o Valid School ID/Form 138 – para sa mga nag-aaral na bata
• Health Attendance Certificate – para sa mga buntis at batang edad 0–5 taong gulang
• PWD ID o Medical Certificate – para sa mga miyembrong may kapansanan

📅 REGISTRATION / COMMUNITY VALIDATION

📆 Petsa: September 11, 2026
🕗 Oras: 8:00 AM – 3:00 PM
📍 Lugar: Barangay Geronimo Hall

📌 Ang listahan ng mga pangalan ay ipinaskil para sa kaalaman ng mga potensyal na benepisyaryo at para sa isasagawang Community Validation.

Kung mayroon pong katanungan, reklamo, o paglilinaw tungkol sa listahan o proseso ng pagpili, hinihikayat ang mga concerned individuals na dumalo sa nasabing validation activity at makipag-ugnayan sa kinauukulang ahensya na nangangasiwa sa programa.

🙏 Hinihiling po namin ang inyong kooperasyon, pakikiisa, at pang-unawa.

Maraming salamat po!
Barangay Geronimo

29/08/2026

📌 𝐌𝐎𝐍𝐓𝐀𝐋𝐁𝐀𝐍 𝐄𝐌𝐄𝐑𝐆𝐄𝐍𝐂𝐘 𝐇𝐎𝐓𝐋𝐈𝐍𝐄𝐒:

MDRRMO - 0969 614 4825
MHO - 0938 192 3590
BFP - 0951 604 7279
PNP - 0998 598 5727
SAN ISIDRO - 0939 152 4347
SAN JOSE - 0915 188 7878
SAN RAFAEL - 0963 473 3756
BALITE - 0966 016 4529
BURGOS - 0938 495 5994
MACABUD - 0907 511 8621
MANGGAHAN - 0953 160 8071
GERONIMO - 0963 169 6173
MASCAP - 0935 066 6521
PURAY - 0910 736 6232
ROSARIO - 0956 964 6208

Keep Safe!!!

29/08/2026

Patuloy po na nagpapaalala ang Pamahalaang Barangay ng Geronimo sa ating mga ka barangay sa laylay ilog na bukas po ang ating barangay para sa mga evacuees. Tayo po ay mag evacuate na po upang sa gayun ay masiguro ang kaligtasan, at kalusugan na maaaring maging sanhi ng patuloy na ulan at paglusong sa mga baha.

Ang ating Barangay Responders ay laging naka monitor sa lagay ng tubig sa ilog at sa kapakanan ng ating mga ka barangay, sa direktiba ng ating Kap. Norman O. Tabugan.

Maging alerto at handa, tumawag lamang sa mga hotlines na naka paskil sa ating fb page sa anumang pagkakataon.

27/08/2026

27/08/2026

🇵🇭 PAGGUNITA SA IKA-171 KAARAWAN NI HENERAL LICERIO I. GERONIMO 🇵🇭

Nakikiisa ang Sangguniang Barangay ng Geronimo sa buong Bayan ng Montalban sa paggunita sa ika-171 kaarawan ni Heneral Licerio I. Geronimo, isang dakilang bayani na nag-alay ng kanyang buhay para sa bayan.

Kasabay nito, ating ginugunita ang Pambansang Araw ng mga Bayani ngayong Agosto 31, bilang pagkilala at pasasalamat sa lahat ng bayaning nagbigay ng tapang, sakripisyo at paglilingkod para sa ating kalayaan.

🇵🇭 Mabuhay ang ating mga Bayani!