20/05/2026
OPISYAL NA PAHAYAG
Hindi ito ang unang pagkakataon na ang Barangay ay nadawit sa isang kontrobersya, bagamat ang ating pamahalaang barangay ay hindi nakatoon sa kung ano man ang negatibong sinasabi para dito, Kundi sa kung paano susolusyonan ang mga suliraning matagal nang iniinda ng barangay.
Marahil napakagandang pagkakataon ito upang ipahayag ang saloobin ng Barangay Macabud.
Ang ating Pamahalaang Barangay ay may kabuuang humigit-kumulang 16,000 populasyon sa magkakalayong sitio. Ang ating Barangay ay may dalawang aktibong ambulansya na tumutugon dito, minsan ay nagagamit pati ang hillux at pati mga tricycle ng barangay sa medical na atensyon ng ating kabarangay.
Ang pamahalaang Barangay ay nakatirik sa isa sa mga bundok na matatagpuan sa Pagitan ng San Jose del Monte Bulacan at Montalban, Rizal, ang ilan sa mga residente ng Barangay Macabud ay mas pinipili sa Bulacan at Caloocan na magpa-konsulta dahil sa maayos at mabilis na serbisyong pang medical dito.
Ang ating BDRRMC ay binigyang importansya ng ating Punong Barangay upang maitatag ang quick response team, sa ating unang taon ay binuo agad ito na kung saan may araw-araw na duty simula lunes hanggang linggo at 24 hours ito, pagkakataon upang bigyan ng pagkilala ang ating masisipag at masisigasig na BDRRMO.
Malaking parte ng Licao-licao ay matagal ng pinag-iwanan at pinupulitika dahil sa residency, ngayon kinakalinga ito ng dapat na barangay kung saan ito nakapaloob na ipinagpapasalamat natin sapagkat marami sa residente nito ay kinikilala na ang ating barangay, at dapat lamang na maging patas ang ating pagtingin sa ating mga ka-barangay.
At Pinakamahalaga, matagal na nating nilalaban na magkaroon ng Jeepney transportation sa ating Barangay, isa ito sa naging prayoridad ng ating Punong Barangay na magkaroon ng abot-kaya at consistent na transportasyon. Ngunit marami sa atin ang hindi ayon dito, marami na ang mga estudyanteng tumigil sa pag-aaral dala ng bigat ng pagsubok lalo sa transportasyon, panawagan natin ito sa ating kinauukulan na bigyang importansya, marahil makakatulong ito upang mabawasan ang suliranin ng pamahalaang barangay, gayun din mas maraming estudyante ang magtatapos, mas maraming turismo ang papasok.
Bukas ang pamahalaang barangay sa anumang pakikipag-ugnayan sa kahit sino o sangay ng gobyerno sa pagsisiyasat.
Sa huli, marami ang mga ka-barangay natin na naging saksi ng pagsisikap ng ating barangay at mga kawani sa paghahatid at pagsusundo sa kanila na hindi tumitingin sa anumang pulitikal, lugar ng paninirahan o kulay, SAPAGKAT ANG PAGTULONG AY WALA DAPAT MUKHA, ITO AY PARA SA LAHAT.
