Barangay Balibago, Rosario, Batangas

26/08/2026

Agosto 26, 2026

📚🎓 DISTRIBUTION OF MUNICIPAL EDUCATIONAL ASSISTANCE PROGRAM (MEAP) 🎓📚

Isang makabuluhang araw ng serbisyo at suporta para sa ating mga mag-aaral ng Balibago Elementary School sa isinagawang Distribution of Municipal Educational Assistance Program (MEAP).

Taos-pusong pasasalamat sa Municipality of Rosario, Batangas sa patuloy na pagbibigay ng tulong at pagpapahalaga sa edukasyon. Ang programang ito ay malaking ambag upang maibsan ang gastusin ng mga magulang at higit na masuportahan ang pangarap ng ating mga kabataan.

💙 Edukasyon ang susi sa mas magandang kinabukasan.
🤝 Sama-sama nating suportahan ang bawat batang nangangarap at nagsisikap.

Maraming salamat po sa inyong malasakit at serbisyong tunay na ramdam ng ating mga mag-aaral!

23/08/2026

PAGBOBOMBA/FOGGING KONTRA DENGUE 🦟🚫

Bilang tugon sa mga naiulat na kaso ng dengue, nagsagawa ng mosquito control/fogging operation sa mga lugar na kinakailangang bigyang-pansin upang makatulong na mabawasan ang populasyon ng lamok at maprotektahan ang ating mga kabataan at buong komunidad.

Patuloy nating isagawa ang 4S Kontra Dengue: Search and Destroy,
Self-Protection,
Seek Early Consultation,
Support Fogging/Spraying sa mga hotspot o outbreak areas lamang.

Hinihikayat ang lahat na panatilihing malinis ang kapaligiran at alisin ang anumang naiipunang tubig na maaaring pamugaran ng lamok.

Sama-sama tayo sa laban kontra Dengue!
Walang lamok, mas ligtas ang ating mga anak.

22/08/2026

Agosto 22, 2026

🗑️♻️ PATULOY NA PAGHAHAKOT AT PAGSASAGAWA NG WASTONG SEGREGATION NG BASURA

Patuloy ngayong araw ang pangongolekta, paghahakot at wastong pagsesegregate ng basura sa ating barangay bilang bahagi ng ating patuloy na pagpapanatili ng kalinisan, kaayusan at pangangalaga sa kapaligiran.

Hinihikayat ang lahat ng ating mga kabarangay na makiisa sa wastong paghihiwalay ng nabubulok, recyclable at residual na basura bago ito ilabas para sa koleksyon.

Ang malinis na barangay ay bunga ng disiplina, responsibilidad at pagkakaisa ng bawat mamamayan. ♻️🌿

Maraming salamat sa inyong patuloy na pakikiisa at suporta. Salamat sa masipag ntin na kawani ng brgy kon. Dante Alday Anog, kon Godofredo Alday at ating utility worker sa wlaang sawa na programa ukol sa tamang pamamahala ng basura.

18/08/2026

NO FACE-TO-FACE CLASSES (Agosto 19, 2026 | Miyerkules)


Alinsunod sa rekomendasyon ng Municipal Disaster Risk Reduction and Management Council (MDRRMC), sa pamumuno ni Mayor Kuya Leovy Morpe, at sa probisyon ng Department of Education (DepEd) Order No. 22, s. 2024, ipinagpapaliban ang face-to-face classes sa lahat ng antas sa mga pampubliko at pribadong paaralan sa Bayan ng Rosario. Sa halip, ipatutupad ang Blended Distance Learning Modality.

Ang hakbang na ito ay isinasagawa bilang pag-iingat sa patuloy na banta ng masamang panahon na dulot ng Southwest Monsoon (Habagat).

Pinapaalalahanan ang bawat isa na manatiling ligtas, mag-ingat, at subaybayan ang mga opisyal na ulat ukol sa lagay ng panahon.

18/08/2026

🦟 WALANG LAMOK, WALANG DENGUE! 🦟

🌧️ Sa patuloy na pag-ulan, mas madaling magkaroon ng mga naiiwang tubig na maaaring pamugaran ng lamok na nagdadala ng Dengue.

Hinihikayat po ang lahat ng ating mga kabarangay na makiisa sa 4T Kontra Dengue:

🔹 TAOB – Itawob ang mga lalagyan na maaaring maipunan ng tubig.
🔹 TAKTAK – Itapon ang naipong tubig.
🔹 TUYO – Panatilihing tuyo at malinis ang paligid.
🔹 TAKIP – Takpan ang mga imbakan ng tubig.

Magtulungan po tayo sa pagpapanatili ng malinis at ligtas na Barangay Balibago. Huwag nating hayaang dumami ang lamok at maging banta sa kalusugan ng ating pamilya.

❤️ Sama-sama nating sugpuin ang Dengue!

Barangay Balibago, Rosario, Batangas
🦟 Walang Lamok, Walang Dengue!

18/08/2026

🌧️ WALANG TIGIL ANG ULAN, MANATILING HANDA! 🌧️

Patuloy ang pag-ulan ngayong araw sa ating lugar. Ayon sa weather forecast, inaasahan ang mga pag-ulan at thunderstorms, kabilang ang posibilidad ng malalakas na buhos ng ulan.

Pinapaalalahanan po ang lahat ng ating mga kabarangay na mag-ingat, manatili sa ligtas na lugar at iwasan muna ang mga lugar na maaaring bahain.

☔ Huwag po nating kalimutan ang kaligtasan ng bawat isa.
Sa panahon ng ulan, ang pagiging handa ay proteksyon ng buong komunidad.

📍 Barangay Balibago, Rosario, Batangas
Mag-ingat po tayong lahat.

15/08/2026

15/08/2026

Agosto 15, 2026

💡 MALIWANAG NA DAAN, LIGTAS NA PAMAYANAN! 💡

Patuloy ang Barangay sa pagsasagawa ng pagpapalit ng mga sirang bombilya upang mapanatili ang maliwanag, maayos at ligtas na kapaligiran para sa ating mga kabarangay.

Salamat sa masipag na kagawad Dante Alday Anog at kagawad Godofredo Alday sa pagpapanatili na maliwanag at maayos ang mga ilaw sa barangay.

Maliit man na gawain, malaking tulong naman para sa kaligtasan at kapanatagan ng bawat isa. Sama-sama nating panatilihing maliwanag at ligtas ang ating Barangay! 🏘️💡

15/08/2026

Ligtas Tigdas

15/08/2026

August 15, 2026

💚 SERBISYO SA KALINISAN, WALANG HINTO!

Matapos man ang walang tigil na ulan, hindi natitigil ang ating pagsisikap para sa isang malinis at maayos na barangay.

Tuloy-tuloy ang paghahakot ng basura, kasabay ng patuloy na pakikiisa ng ating mga kabarangay sa tamang pagtatapon at pagsasaayos ng kanilang mga basura.

Maraming salamat po sa ating mga masisipag na kagawad Godofredo Alday , kagawad Dante Alday Anog, barangay workers at higit sa lahat, sa ating mga mamamayan na patuloy na nakikiisa sa maayos na pagtatapon, pagsesegregate, at pag-aayos ng kani-kanilang basura.

Sa simpleng disiplina at pagtutulungan, napapanatili nating malinis, maayos at ligtas ang ating komunidad

Maraming salamat po sa inyong disiplina at pakikiisa. Sama-sama nating alagaan ang ating barangay! 🌿♻️