02/06/2026
๐ช๐๐๐ข (๐ด) ๐๐ ๐๐๐ฃ๐๐ฆ๐ก๐ข๐ก ๐ก๐๐ ๐ก๐๐๐ฃ๐๐๐จ๐๐ข๐ก๐ ๐ฆ๐ ๐ง๐๐๐๐ง๐๐ฃ๐๐ก ๐ก๐ ๐๐ข๐ฉ๐๐ฅ๐ก๐ข๐ฅ ๐๐๐ฆ๐ง๐ฅ๐ข, ๐๐๐๐๐ฌ๐ข๐ก ๐ก๐๐ ๐ก๐๐๐-๐๐ ๐๐๐ง ๐ฆ๐๐ก๐ ๐๐จ๐๐๐ ๐ฃ๐๐ก๐๐ก๐ฆ๐ฌ๐๐
Sa wala untat nga pagtatap sa ikaayong lawas sang mga Capisnon, walo ka mga pumuluyo nga nagpadulong sa talatapan ni ๐๐ผ๐๐ฒ๐ฟ๐ป๐ผ๐ฟ ๐๐ฟ๐ฒ๐ฑ๐ฒ๐ป๐ถ๐น ๐. ๐๐ฎ๐๐๐ฟ๐ผ, subong nga adlaw, Hunyo 2, 2026, ang gilayon nga naka-ambit sang bulig pinansyal para sa mga balayaran sa ospital sang ila mga pamilya.
Isa diri amo si Junifer Berber, 51 anyos sang Brgy. Mianay, Sigma, nga nahatagan sang bulig pinansyal sa pagpabulong sa iya asawa nga si Jovie Berber, 43 anyos, nga may masakit sa tiyan.
Sunod nga nahatagan si Raquel Mercurio, 47 anyos sang Brgy. Tuburan, Maayon, para sa balayaran sa ospital sang iya amay nga si Cornelio Mercurio, 77 anyos nga may hapo.
Amo man nga naka-ambit sang bulig pinansyal si Cedenia Reyes, 37 anyos sang Brgy. Parian, Sigma, para sa balayaran sa ospital sang iya live-in partner nga si Alexander Opaรฑo, 43 anyos nga nakuryente.
Daku man ang kalipay ni Romeo Martin, 36 anyos nga taga Brgy. Culasi, syudad sang Roxas, nga masolbar ang balayaran sa ospital sang iya bag-ong bun-ag nga gumangkon nga si Mark Geo Martin Buena.
Subong man nga nahatagan si Ma. Rica Rodriguez, 49 anyos sang Brgy. Loctugan, Roxas City, para sa pagpabulong sang bata nga si Leo Rodriguez, 16 anyos, nga may pagnubo sang dugo kag tubig sa lawas.
Nahatagan man sang bulig pinansyal sa pagpalubong sang ila mga himata sanday, Analie Alosado, 20 anyos sang Brgy. Sublangon, Pontevedra, para sa iya nagtaliwan nga bata nga si Jun Marko Fuentes; Pia Ballete, 58 anyos sang Brgy. Milan, Jamindan para sa iya iloy nga si Mercedez Fabiano, nga nagtaliwan sa edad nga 85 anyos; kag si Reynaldo Barogo, 42 anyos sang Brgy. Cogon, Panitan, para man sa iya amay nga si Victor Barogo, nga nagtaliwan sa edad nga 69 anyos.
Sa pagpanikasog sang Gobyerno Probinsyal sang Capiz sa mga prayoridad nga programa sa ikaayong lawas, padayon nga bukas ang talatapan ni Governor Castro sa paghatag sang bulig pinansyal sa mga pumuluyo nga nagakinahanglan agud mas mapaayo kag mapa-uswag ang ila kahimtangan.
#๐ช๐ผ๐๐ข๐ป๐ฒ๐๐ฎ๐ฝ๐ถ๐
#๐ฆ๐ฎ๐๐๐ด๐บ๐ฎ๐ก๐ถ๐๐ฎ๐๐๐ฟ๐ผ๐ ๐ฎ๐๐ฌ๐๐ต๐๐บ๐๐ฎ๐ด๐๐ฎ๐น๐ฎ๐๐๐ฎ๐ด๐ผ๐ป
