08/09/2026
𝗛𝗔𝗡𝗗𝗨𝗠 𝗡𝗚𝗔 𝗠𝗨𝗟𝗧𝗜-𝗣𝗨𝗥𝗣𝗢𝗦𝗘 𝗕𝗨𝗜𝗟𝗗𝗜𝗡𝗚 𝗦𝗔𝗡𝗚 𝗠𝗚𝗔 𝗣𝗨𝗠𝗨𝗟𝗨𝗬𝗢 𝗦𝗔 𝗕𝗔𝗥𝗔𝗡𝗚𝗔𝗬 𝗟𝗜𝗢𝗡𝗚, 𝗡𝗔𝗨𝗠𝗣𝗜𝗦𝗔𝗛𝗔𝗡 𝗡𝗔
Ang handum sang mga pumuluyo nga may isa ka espasyo para sa paghiusa, pagserbisyo kag pag-uswag sang katawhan, malapit na mahuman matapos maumpisahan ang isa ka proyekto sang Gobyerno Probinsyal sang Capiz sa idalum sang proaktibo nga Liderato ni 𝗚𝗼𝘃𝗲𝗿𝗻𝗼𝗿 𝗙𝗿𝗲𝗱𝗲𝗻𝗶𝗹 𝗛. 𝗖𝗮𝘀𝘁𝗿𝗼, ang isa ka Multi-Purpose Building sa Barangay Liong, Roxas City, nga tinutuyo nga makahatag sang lugar para sa mga aktibidad, programa, kag pagtililipon sang komunidad nga importante sa adlaw-adlaw nga pangabuhi sang mga pumuluyo
Paagi sa padayun nga pagpatindog sang imprastruktura, may mas hapos kag mas angay nga lugar ang mga pumuluyo para sa mga pagsinapol sang mga organisasyon kag barangay, asambleya sang komunidad, mga programa para sa kabataan kag senior citizens, kag iban pa nga serbisyo publiko. Makahatag man ini sang mas organisado kag komportable nga lugar para sa mga pamaagi nga makabulig sa pagpalig-on sang pagbinuligay kag paghiusa sang mga pumuluyo.
Ang proyekto ginpondohan paagi sa Local Government Support Fund- Financial Assistance to Local Government Unit (LGSF-FALGU), nga nagasuporta sa pagpauswag sang mga pasilidad sa lokal nga komunidad. Ini isa ka tikang sang Gobyerno Probinsyal sang Capiz nga tinutuyo ang paghatag sang imprastruktura nga may direkta kag malawig nga benepisyo para sa mga Capisnon.
#𝗪𝗼𝘄𝗢𝗻𝗲𝗖𝗮𝗽𝗶𝘇
#𝗦𝗮𝗚𝘂𝗴𝗺𝗮𝗡𝗶𝗖𝗮𝘀𝘁𝗿𝗼𝗠𝗮𝘆𝗬𝘂𝗵𝘂𝗺𝗞𝗮𝗴𝗕𝗮𝗹𝗮𝘁𝘆𝗮𝗴𝗼𝗻
