Local Economic Development and Investment Promotions Office-LEDIPO Sablayan

21/04/2026

📢 PABATID SA LAHAT!

Pinangunahan ng tanggapan ng 𝗟𝗼𝗰𝗮𝗹 𝗘𝗰𝗼𝗻𝗼𝗺𝗶𝗰 𝗗𝗲𝘃𝗲𝗹𝗼𝗽𝗺𝗲𝗻𝘁 𝗮𝗻𝗱 𝗜𝗻𝘃𝗲𝘀𝘁𝗺𝗲𝗻𝘁 𝗣𝗿𝗼𝗺𝗼𝘁𝗶𝗼𝗻𝘀 𝗢𝗳𝗳𝗶𝗰𝗲 (𝗟𝗘𝗗𝗜𝗣𝗢) – 𝗦𝗮𝗯𝗹𝗮𝘆𝗮𝗻 katuwang ang tanggapan ng MDRRMO Sablayan at Sablayan Municipal Police Station ang pagsasagawa ng 𝘮𝘰𝘯𝘪𝘵𝘰𝘳𝘪𝘯𝘨/𝘴𝘶𝘳𝘷𝘦𝘺 sa lahat ng mga nagnenegosyo ng 𝗳𝘂𝗲𝗹 𝘀𝘁𝗮𝘁𝗶𝗼𝗻𝘀 𝗮𝘁 𝗟𝗣𝗚 upang mangalap ng datos ukol sa nararanasang 𝘧𝘶𝘦𝘭 𝘤𝘳𝘪𝘴𝘪𝘴.

📌 Sa mga may ganitong uri ng negosyo, kayo po ay inaanyayahang makiisa at makatulong sa aming isinagawang monitoring sa pamamagitan ng pagsagot sa survey sa link na ito:
🔗 https://docs.google.com/forms/d/e/1FAIpQLSeFWvYrcDeBycIeCwB2nVXWkRaj0ODZY0882TseRbxhFMR58w/viewform

Ang inyong pakikiisa ay mahalaga sa pagbuo ng mga polisiya na makatutulong upang mapagaan ang kasalukuyang sitwasyon.

📍 Para sa iba pang katanungan, maaari po kayong magtungo sa aming tanggapan sa 𝟭𝘀𝘁 𝗙𝗹𝗼𝗼𝗿, 𝗠𝘂𝗻𝗶𝗰𝗶𝗽𝗮𝗹 𝗕𝘂𝗶𝗹𝗱𝗶𝗻𝗴, o makipag-ugnayan sa:

📞 Telepono: 043-457-0340
📧 Email: [email protected]

📝 Paalala: Sa huling bahagi ng Google Form, pakilagay ang sumusunod na detalye:

• Pangalan ng Nagsurvey: 𝘑𝘦𝘯𝘪𝘦𝘭𝘺𝘯 𝘛. 𝘝𝘪𝘭𝘭𝘢𝘴
• Numero: 0905-741-7601
• Opisina: 𝘓𝘌𝘋𝘐𝘗𝘖
• Gmail: 𝘭𝘦𝘪𝘱𝘰𝘴𝘢𝘣𝘭𝘢𝘺𝘢𝘯@𝘨𝘮𝘢𝘪𝘭.𝘤𝘰𝘮

Maraming salamat po sa inyong pakikiisa!

31/03/2026

📢 PAALALA SA PUBLIKO

Ipinababatid ng tanggapan ng Local Economic Development and Investment Promotions Office (LEDIPO) – Sablayan katuwang ang pamunuan ng Sablayan Grand Terminal ang iskedyul ng mga biyahe ng van at bus na bumibiyahe mula sa ating terminal.

Ang iskedyul na ito ay magsisilbing gabay sa inyong paglalakbay ngayong darating na Semana Santa.

❗ Paalala:
Wala pong nakatakdang biyahe sa araw ng Biyernes (April 3) alinsunod sa abiso ng ating mga transport group.

🙏 Hangad po namin ang inyong kaligtasan sa inyong pagbiyahe. Hinihikayat po ang lahat na mag-ingat at magplano ng maayos ng inyong mga lakad.

📩 Para sa mga katanungan at karagdagang impormasyon, maaari po kayong makipag-ugnayan sa aming page o sa aming email account.

Maraming salamat at ligtas na biyahe po sa ating lahat .

30/03/2026

📢 ANUNSYO

Kaugnay ng operasyon ng pagkakatay sa Sablayan Municipal Slaughterhouse ngayong darating na mga Mahal na Araw, ipinaaalam po namin na hindi muna tatanggap ng anumang hayop na ipakakatay sa Huwebes (Abril 2) para sa operasyon ng katay sa Biyernes (Abril 3).

Ito ay upang mabigyang-daan ang isasagawang General Cleaning at Preventive Maintenance para sa pagpapanatili ng kalinisan at kaayusan ng ating pasilidad.

✅ Magpapatuloy ang operasyon at pagtanggap ng mga hayop sa Biyernes ng hapon (Abril 3) para sa katayan sa Sabado (Abril 4).

Lubos po kaming humihingi ng inyong pang-unawa at patuloy na suporta. Paumanhin po sa anumang abalang maidudulot nito.

Maraming salamat po! 🙏

28/03/2026

https://www.facebook.com/share/p/18QPUZUBWJ/

May DTI registration ka na ba?

Mas maraming opportunities kapag registered ang negosyo mo!

✨ With a registered Business Name, you can:
✔ Join trade fairs & market events
✔ Access market linkages
✔ Apply for loans & financing
✔ Build consumer trust & credibility

Mas legit. Mas trusted. Mas maraming chance to grow!

Don’t miss out —
Register your Business Name today at bnrs.dti.gov.ph

27/03/2026

https://www.facebook.com/share/p/175HVGQvaW/

27/03/2026

https://www.facebook.com/share/1E8Y9oMPkq/

Unlock BMBE Incentives for Your Business!

May negosyo ka na ba?

Mag-register as Barangay Micro Business Enterprise (BMBE) and enjoy special benefits!

🎉 With BMBE, you can get:
✔ Income tax exemption
✔ Access to loans & financial assistance
✔ Priority in training programs
✔ Government support services

Mas tipid. Mas supportado. Mas ready mag-grow!

Apply for BMBE today —
https://bmbe.dti.gov.ph

11/02/2026

𝑆𝑎𝑏𝑙𝑎𝑦𝑎𝑛 𝑆𝑙𝑎𝑢𝑔ℎ𝑡𝑒𝑟ℎ𝑜𝑢𝑠𝑒, 𝐺𝑖𝑛𝑎𝑤𝑎𝑟𝑎𝑛 𝑛𝑔 𝐼𝑛𝑖𝑡𝑖𝑎𝑙 𝐿𝑖𝑐𝑒𝑛𝑠𝑒 𝑡𝑜 𝑂𝑝𝑒𝑟𝑎𝑡𝑒 𝑏𝑖𝑙𝑎𝑛𝑔 𝐷𝑜𝑢𝑏𝑙𝑒 𝐴𝐴 𝑛𝑔 𝑁𝑎𝑡𝑖𝑜𝑛𝑎𝑙 𝑀𝑒𝑎𝑡 𝐼𝑛𝑠𝑝𝑒𝑐𝑡𝑖𝑜𝑛 𝑆𝑒𝑟𝑣𝑖𝑐𝑒.

Isang makabuluhang tagumpay ang nakamit ng Sablayan Slaughterhouse matapos itong gawaran ng Initial License to Operate bilang isang Double AA Slaughterhouse ng National Meat Inspection Service (NMIS).

Ang naturang pagkilala ay ipinagkaloob kasunod ng isinagawang masusing inspeksyon at laboratory sampling noong Pebrero 22, 2026 ng NMIS–RTOC MIMAROPA sa pangunguna ni Dra. Jasmin Ala. Matagumpay na nakapasa ang pasilidad sa itinakdang pamantayan ng ahensya, na nagbigay-daan sa pagkakaloob ng nasabing lisensya.

Ang pagkakaroon ng Double AA classification ay patunay ng pagsunod ng Sablayan Slaughterhouse sa umiiral na mga pamantayan sa kalinisan, kaligtasan, at kalidad ng karne. Dahil dito, higit na masisiguro ang proteksyon ng kalusugan ng mamamayan, gayundin ang pagpapalawak ng distribusyon ng mga produktong karne sa mga karatig-lalawigan.

Ang tagumpay na ito ay bunga ng sama-samang pagsisikap at suporta ng Lokal na Pamahalaan ng Sablayan sa pangunguna ng Punong Bayan, Kgg. Walter B. Marquez, katuwang ang Tanggapan ng Local Economic Development and Investment Promotions Office (LEDIPO) na pinamumunuan ni Gng. Erminda V. Candor, kasama ang mga kawani ng Sablayan Slaughterhouse.

Hangad ng pamahalaang lokal na mapanatili at higit pang mapaunlad ang antas ng operasyon ng pasilidad upang makamit ang permanenteng pagiging Double AA Slaughterhouse. Patuloy na hinihikayat ang suporta ng mga mamamayan upang maisakatuparan ang layuning ito.

10/02/2026

AtingAlaMeat || The National Meat Inspection Service (NMIS) established the Meat Safety and Quality Assurance (MSQA) Program as a core regulatory mechanism to protect public health by ensuring that meat and meat by-products are safe, wholesome, and fit for human consumption.

To operationalize the program, NMIS maintains a pool of trained MSQA Auditors who assess Meat Establishments’ (MEs) compliance with Good Operating Practices (GOP), Good Manufacturing Practices (GMP), Sanitation Standards Operating Procedure (SSOP), and Hazard Analysis and Critical Control Points (HACCP) systems. Through MSQA audits, compliance with sanitation and hygiene standards, food safety requirements, and meat inspection protocols is systematically validated across all stages of operation.

29/01/2026

𝐿𝐸𝐷𝐼𝑃𝑂 𝑆𝑎𝑏𝑙𝑎𝑦𝑎𝑛 𝑎𝑡 𝑂𝑀𝑆𝐶–𝑇𝐵𝐼𝐷, 𝑁𝑎𝑔𝑑𝑎𝑜𝑠 𝑛𝑔 𝑃𝑎𝑟𝑡𝑛𝑒𝑟𝑠ℎ𝑖𝑝 𝑀𝑒𝑒𝑡𝑖𝑛𝑔 𝑝𝑎𝑟𝑎 𝑠𝑎 𝑃𝑎𝑔𝑝𝑎𝑝𝑎𝑢𝑛𝑙𝑎𝑑 𝑛𝑔 𝑀𝑆𝑀𝐸𝑠

SABLAYAN, Occidental Mindoro | Enero 29, 2026 — Matagumpay na isinagawa ngayong araw sa Mylits Resto Bar, Barangay Buenavista, Sablayan ang pagpupulong sa pagitan ng tanggapan ng Local Economic Development and Investment Promotions (LEDIPO) ng Pamahalaang Bayan ng Sablayan at ng mga kinatawan ng Occidental Mindoro State College (OMSC) – Technology Business Incubation and Development (TBID), kasama ang ilang micro-entrepreneurs mula sa bayan.

Layunin ng nasabing pagpupulong na talakayin ang mga programang pangkaunlaran, estratehiya, at mga planong aktibidad na magbibigay ng suporta sa mga Micro, Small, and Medium Enterprises (MSMEs), partikular sa aspeto ng product development, negosyo, at pagpapalakas ng kanilang kakayahang makipagkumpitensya sa merkado.

Sa pamamagitan ng kolaborasyong ito, inaasahang mapalalakas ang ugnayan ng akademya, lokal na pamahalaan, at sektor ng mga negosyante upang makapaghatid ng mas epektibong teknikal na tulong, pagsasanay, at inobasyon para sa mga lokal na produkto at serbisyo sa bayan ng Sablayan.

Patuloy na isinusulong ng LEDIPO, katuwang ang Pamahalaang Bayan ng Sablayan at iba’t ibang institusyon, ang mga programang naglalayong paunlarin ang lokal na ekonomiya at palakasin ang kabuhayan ng mga mamamayan sa pamamagitan ng responsableng pamumuhunan at sustenableng pagnenegosyo.

22/01/2026

Just in!

Kasalukuyang nagaganap ang Regional Loan Application Roadshow sa Pink Gymnasium, Brgy. Sto. Niño, Sablayan.

Magandang balita sa ating mga kanegosyo — tumatanggap na ng PayMaya at GOtyme accounts bilang alternatibo sa ATM o bank account para sa loan application.

Tara na at mag-apply na! 💼💰

19/01/2026

𝐇𝐚𝐥𝐢𝐧𝐚’𝐭 𝐬𝐮𝐛𝐮𝐤𝐚𝐧 𝐚𝐭 𝐭𝐢𝐤𝐦𝐚𝐧 𝐚𝐧𝐠 𝐦𝐠𝐚 𝐩𝐫𝐨𝐝𝐮𝐤𝐭𝐨𝐧𝐠 𝐠𝐚𝐰𝐚𝐧𝐠 𝐒𝐚𝐛𝐥𝐚𝐲𝐚𝐧!

Bilang bahagi ng pagdiriwang ng ika-124 na Founding Anniversary ng Bayan ng Sablayan, inaanyayahan ang lahat sa Agri-Tourism Trade Fair 2026.🌾

📆Enero 20, 2026
📍Ditas Property, tapat ng Venture Motorcycle Sales Corporation

Suportahan natin ang mga lokal na prodyuser at ipagmalaki ang sariling atin.
👉Kita-kits!

16/01/2026

𝐷𝑎𝑔𝑑𝑎𝑔 𝑝𝑢ℎ𝑢𝑛𝑎𝑛 𝑝𝑎𝑟𝑎 𝑠𝑎 𝑚𝑔𝑎 𝑛𝑒𝑔𝑜𝑠𝑦𝑎𝑛𝑡𝑒𝑛𝑔 𝑆𝑎𝑏𝑙𝑎𝑦𝑒𝑛̃𝑜, ℎ𝑎𝑛𝑑𝑜𝑔 𝑛𝑔 𝑇𝑎𝑛𝑔𝑔𝑎𝑝𝑎𝑛 𝑛𝑔 𝐷𝑒𝑝𝑎𝑟𝑡𝑚𝑒𝑛𝑡 𝑜𝑓 𝑇𝑟𝑎𝑑𝑒 𝑎𝑛𝑑 𝐼𝑛𝑑𝑢𝑠𝑡𝑟𝑦 (𝐷𝑇𝐼) - 𝑆𝑚𝑎𝑙𝑙 𝐵𝑢𝑠𝑖𝑛𝑒𝑠𝑠 𝐶𝑜𝑟𝑝𝑜𝑟𝑎𝑡𝑖𝑜𝑛 (𝑆𝐵 𝐶𝑜𝑟𝑝.) 𝑘𝑎𝑡𝑢𝑤𝑎𝑛𝑔 𝑎𝑛𝑔 𝐿𝑜𝑘𝑎𝑙 𝑛𝑎 𝑃𝑎𝑚𝑎ℎ𝑎𝑙𝑎𝑎𝑛 𝑛𝑔 𝑆𝑎𝑏𝑙𝑎𝑦𝑎𝑛.

Bilang bahagi ng ng pagdiriwang ng 124th Founding Anniversary ng bayan ng Sablayan ay magkakaroon ng 2026 Regional Loan Application Roadshow dito sa bayan ng Sablayan na pangungunahan ng Tanggapan ng Department of Trade and Industry (DTI) - Small Business Corporation (SB Corp.) sa pakikipagtulungan sa Lokal na Pamahalaan sa pangunguna ng Ama ng Bayan Kgg. Walter “Bong” Marquez.

Layon ng nasabing programa na mapahiram ng dagdag puhunan ang mga negosyanteng Sablayeño ng may pinakamababang interes para sa pagpapalago ng kanilang mga negosyo.

Magaganap ang nasabing aktibidad sa Pink Gymnasium, Barangay Sto. Niño, Sablayan sa ika-22 ng Enero taong kasalukuyan.

Para sa iba pang karagdagang impormasyon o katanungan, maaari kayong magtungo sa Tanggapan ng Local Economic Development and Investment Promotions Office (LEDIPO), 1st Floor, LGU Main Building o tumawag sa numerong 043-4570340.

Kaya ano pang hinihintay ninyo? Huwag na palampasin ang pagkakataong ito at magkita-kita tayo sa magaganap na 2026 Regional Loan Application Roadshow Caravan! See you there, mga ka-Sablayeño!