12th Sangguniang Bayan ng Samal Bataan

20/05/2026

Ang 𝐂𝐨𝐦𝐦𝐢𝐭𝐭𝐞𝐞 𝐨𝐧 𝐀𝐠𝐫𝐢𝐜𝐮𝐥𝐭𝐮𝐫𝐞 na pinamumunuan ni 𝐈𝐠𝐠. 𝐄𝐝𝐠𝐚𝐫 𝐈. 𝐃𝐞 𝐋𝐞𝐨𝐧 at ay nagsagawa ng Pampublikong Pagdinig (Public Hearing) ngayong ika-20 ng Mayo 2026 sa 2nd Floor Conference Room ng Municipal Hall.

20/05/2026

Ang 𝐂𝐨𝐦𝐦𝐢𝐭𝐭𝐞𝐞 𝐨𝐧 𝐇𝐞𝐚𝐥𝐭𝐡 na pinamumunuan ni 𝐈𝐠𝐠. 𝐄𝐫𝐯𝐚𝐥 𝐕. 𝐅𝐥𝐨𝐫𝐞𝐬 at ay nagsagawa ng Pampublikong Pagdinig (Public Hearing) ngayong ika-20 ng Mayo 2026 sa 2nd Floor Conference Room ng Municipal Hall.

18/05/2026

Naging makabuluhan at produktibo ang isinagawang ika-45 Pangkaraniwang Pulong ng Sangguniang Bayan ng Samal, Bataan ngayong ika-18 ng Mayo na pinangunahan ni Pansamantalang Tagapangulo, Igg. Marjun Q. Bantay, kung saan muling tinalakay ng mga miyembro ng konseho ang iba’t ibang usaping may malaking epekto sa kapakanan ng bawat Samaleño.

Isa sa mga mahahalagang resolusyong naipasa sa naturang pulong ay ang pagbibigay pahintulot kay Hon. Alexander C. Acuzar, Punong Bayan ng Samal, na lumagda sa isang Memorandum of Agreement kasama ang Walk and Talk Therapy Center na kinakatawan ni Ms. Anna Patricia Talavera. Layunin nitong mas mapalawak ang serbisyo para sa referral, assessment, at treatment ng mga batang may espesyal na pangangailangan o Children with Special Needs (CWSNs) sa ating bayan.

Bukod dito, masusing tinalakay ng konseho ang ordinansang naglalayong kilalanin at mabigyan ng attendance allowance ang mga miyembro ng Local People’s Council (LPC) bilang suporta sa kanilang aktibong pakikilahok sa mga opisyal na pagpupulong, seminar, pagsasanay, at iba pang gawaing pangkomunidad.

Pinag-usapan din sa pulong ang panukalang ordinansa ukol sa pagtatatalaga ng mga tamang paradahan ng mga bangka sa kahabaan ng Ilog San Juan, kasama ang kaukulang parusa para sa mga lalabag, upang mapanatili ang kaayusan at kaligtasan sa nasabing lugar.

Samantala, isa rin sa mga naging sentro ng talakayan ang panukalang pagtatatag ng Animal Bite Treatment Center sa ilalim ng Municipal Health Office, kabilang ang paglalaan ng kinakailangang pondo upang mas mapalapit ang serbisyong pangkalusugan sa mamamayan.

Sa pamamagitan ng mga hakbang at programang ito, patuloy na isinusulong ng Sangguniang Bayan ang mga polisiyang nakatuon sa mas maayos, ligtas, at inklusibong serbisyo para sa bawat Samaleño.

12/05/2026

Pinangunahan ni Vice Mayor Ronnie M. Ortiguerra ang ika-44 na Regular na Session ng Sangguniang Bayan ng Samal kung saan muling tinalakay ang iba’t ibang ordinansa at resolusyon na naglalayong mapabuti ang serbisyo at kapakanan ng bawat mamamayan ng bayan.

Isa sa mga naging tampok na usapin sa sesyon ay ang:

“𝗔𝗻 𝗢𝗿𝗱𝗶𝗻𝗮𝗻𝗰𝗲 𝗘𝘀𝘁𝗮𝗯𝗹𝗶𝘀𝗵𝗶𝗻𝗴 𝗮𝗻 𝗔𝗻𝗶𝗺𝗮𝗹 𝗕𝗶𝘁𝗲 𝗧𝗿𝗲𝗮𝘁𝗺𝗲𝗻𝘁 𝗖𝗲𝗻𝘁𝗲𝗿 𝘂𝗻𝗱𝗲𝗿 𝘁𝗵𝗲 𝗠𝘂𝗻𝗶𝗰𝗶𝗽𝗮𝗹 𝗛𝗲𝗮𝗹𝘁𝗵 𝗢𝗳𝗳𝗶𝗰𝗲, 𝘄𝗶𝘁𝗵 𝘁𝗵𝗲 𝗰𝗼𝗿𝗿𝗲𝘀𝗽𝗼𝗻𝗱𝗶𝗻𝗴 𝗽𝗿𝗼𝘃𝗶𝘀𝗶𝗼𝗻 𝗼𝗳 𝗳𝘂𝗻𝗱𝘀.”

Ang nasabing panukala ay dadalhin na sa ikalawang pagbasa bilang bahagi ng masusing proseso upang matiyak ang maayos at epektibong pagpapatupad nito para sa kapakinabangan ng publiko, lalo na sa usaping pangkalusugan at agarang lunas sa mga kaso ng animal bite.

Patuloy ding sinusuri at pinag-aaralan ng kapulungan ang iba pang mga ordinansa at resolusyon upang masiguro na ang bawat panukala ay naaayon sa pangangailangan at kapakanan ng mga Samaleño.

Ang Sangguniang Bayan ng Samal ay nananatiling katuwang ng mamamayan sa pagsusulong ng mga programang may malasakit, responsableng pamamahala, at serbisyong tunay na para sa bayan.

06/05/2026

Isinagawa ang ika-43 Pangkaraniwang Pulong ng 12th Sangguniang Bayan ng Samal noong Mayo 4, 2026 sa Bulwagang Pulungan ng Sangguniang Bayan, sa pamumuno ni Vice Mayor Ronnie M. Ortiguerra bilang Tagapangulo.

Sa nasabing pulong, masusing sinuri at tinalakay ng mga miyembro ng kapulungan ang ilang panukalang resolusyon at ordinansa na naglalayong palakasin ang mga programa at polisiya para sa mas maayos na serbisyo at masiglang kabuhayan na nakatugon at nakasuporta sa mga hangarin ng ating Punong Bayan, Alexander C. Acuzar tungo sa patuloy na pag-asenso ng bawat Samaleño.

29/04/2026

Sa Pangunguna ni Vice Mayor Ronald M. Ortiguerra, katuwang ang ating Mayor Alex C. Acuzar, pormal na naipasa sa Ika-42 Regular na Sesyon ng Ika-12 Sangguniang Bayan ng Samal ang dalawang mahahalagang ordinansa na naglalayong palakasin ang kapakanan ng komunidad:

Komite sa Edukasyon at Komite sa Social Welfare and Development

Isang ordinansa na nag-uutos sa lahat ng Child Development Centers/Learning Centers sa Bayan ng Samal, Bataan na nag-aalok ng early childhood programs para sa mga batang edad 0–4 na taon na magparehistro at sumailalim sa evaluation process. Ito ay para sa pag-isyu ng permit at pagkilala alinsunod sa mga pamantayang itinakda ng ECCD Council. Layunin nitong tiyakin ang kalidad, kaligtasan, at wastong pag-unlad ng ating mga kabataan.

Komite sa Elderly at Komite sa Social Welfare and Development

Isang ordinansa na nagtatatag ng Lokal na Mekanismo para sa Pagtugon sa mga Reklamo ng mga Senior Citizens at Persons with Disabilities (PWDs).
Pinatitibay nito ang sistema ng suporta at tinitiyak na ang boses ng mga sektor na nangangailangan ay napakikinggan at nabibigyan ng agarang aksyon.

Patunay ang mga ordinansang ito na committed ang lokal na pamahalaan sa inklusibong pag-unlad, kalidad na edukasyon, at mabilis na serbisyong panlipunan para sa lahat ng Samaleño.

23/04/2026

Maligayang Kaarawan, Hon. Geraldine B. Roman!

Nawa’y patuloy kayong pagkalooban ng mabuting kalusugan at lakas upang maipagpatuloy ang inyong makabuluhang paglilingkod sa bayan. Ang inyong dedikasyon bilang dating kinatawan ng Unang Distrito ay patuloy na nagsisilbing inspirasyon sa marami.

Pagbati mula sa ika-12 Sangguniang Bayan ng Samal, sa pamumuno ni Vice Mayor Ronnie M. Ortiguerra, kasama ang mga kawani. Taos-puso po naming ipinapaabot ang aming pagbati.

23/04/2026

Inaprubahan sa ginanap na ika-41 Regular Session ng 12th Sangguniang Bayan sa pangunguna ni Vice Mayor Ronald M. Ortiguerra, katuwang ang ating Mayor Alexander C. Acuzar sa mga hakbang na mas magpapaganda ng serbisyo at pasilidad sa bayan ng Samal.

-𝐄𝐱𝐩𝐚𝐧𝐬𝐢𝐨𝐧 𝐧𝐠 𝐒𝐚𝐢𝐧𝐭 𝐂𝐚𝐭𝐡𝐞𝐫𝐢𝐧𝐞 𝐨𝐟 𝐒𝐢𝐞𝐧𝐚 𝐀𝐜𝐚𝐝𝐞𝐦𝐲
Binigyan ng awtoridad si Mayor Alex Acuzar na makipag-usap para sa pagpapalawak ng pasilidad ng nasabing paaralan sa Brgy. San Roque, Samal, Bataan. Layunin nito na makapagbigay ng mas maayos at de-kalidad na kapaligiran para sa pag-aaral ng ating mga kabataan.

-𝐏𝐚𝐦𝐩𝐮𝐛𝐥𝐢𝐤𝐨𝐧𝐠 𝐏𝐚𝐫𝐤𝐞 𝐬𝐚 𝐁𝐫𝐠𝐲. 𝐓𝐚𝐛𝐢𝐧𝐠 𝐈𝐥𝐨𝐠
Inaprubahan ang kasunduan sa pagitan ng Munisipyo at ng Barangay Tabing Ilog para sa pagsasasayos ng "Open Space" sa Sta. Catalina Homes II. Magkakaroon ng bagong pampublikong parke at palaruan na mapapakinabangan ng mga pamilya at mga kabataan.

-𝐊𝐚𝐫𝐚𝐠𝐝𝐚𝐠𝐚𝐧𝐠 𝐏𝐨𝐧𝐝𝐨 𝐩𝐚𝐫𝐚 𝐬𝐚 𝐬𝐞𝐜𝐭𝐨𝐫 𝐧𝐠 𝐭𝐫𝐚𝐧𝐩𝐨𝐫𝐭𝐚𝐬𝐲𝐨𝐧
Bilang tugon sa problema ng walang tigil na pagtaas ng presyo ng langis. Inaprubahan ang Supplemental Budget No. 2 para sa taong 2026, ito ay gagamitin para pondohan ang fuel subsidy assistance na ipamamahagi sa mga tricycle drivers (valid franchise holders) upang mabawasan ang bigat ng kanilang mga gastusin sa araw araw.

Ang mga programa at proyektong ito ay bunga ng matatag na pagtutulungan ng ating punong bayan at ng Sangguniang Bayan upang matiyak na ang bawat piso at bawat proyekto ay para sa ikabubuti ng bawat Samaleño.

21/04/2026