Brgy. San Mariano, San Antonio, Nueva Ecija

Brgy. San Mariano, San Antonio, Nueva Ecija This is the Official page of Barangay San Mariano.

19/08/2026

Announcement ‼️

Pansamantalang ipagpapaliban muna ang pagkukumpuni ng mga Street Light sa ating Barangay. Nais po naming ipabatid sa lahat na pansamantalang ipinagpapaliban ang pagkukumpuni ng mga street light dahil sa patuloy na pagbuhos ng malalakas na ulan na dulot ng Habagat.

Isinagawa ang pagpapaliban upang matiyak ang kaligtasan ng mga manggagawa at maiwasan ang anumang aksidente habang masama ang panahon.

Agad na ipagpapatuloy ang pagkukumpuni kapag bumuti na ang lagay ng panahon.

Maraming salamat po sa inyong pang-unawa at pakikiisa.

19/08/2026

Magandang Gabi!

Isang paanyaya mula sa San Antonio Municipal
Health Office.

WHAT: Mobile Blood Donation

WHEN: Aug. 25, 2026 (Tuesday)

8:00AM - 2:00PM

WHERE: Dr. Jose Lapuz Salonga Gymnasium (Municipal Compound, Barangay. Poblacion, S.A.N.E.)

*ang Blood Donation na ito ay katuwang ang Local Government Unit at Central Luzon - Regional Blood Center.

*maaari din po kayo mag-invite at magsama ng iba pang nais magdonate ng dugo.

*we will be giving a token of appreciation for all successful donors.

"Alay Ng Dugo, Serbisyong Taos-Puso, Ehemplo Ng Malasakit Sa Kapwa!”

Maraming Salamat po.

From: LGU San Antonio

Patuloy ang pag-iikot at pagmomonitor ng ating Sangguniang Barangay, katuwang ang ating masisipag na kawani, sa pangungu...
19/08/2026

Patuloy ang pag-iikot at pagmomonitor ng ating Sangguniang Barangay, katuwang ang ating masisipag na kawani, sa pangunguna ng ating butihing Konsehal Arcie Cruz, upang agarang matugunan ang mga lugar na nagiging maputik at mahirap daanan, lalo na dulot ng patuloy na pag-ulan.

Isinasagawa ang kinakailangang pagtatambak at pagsasaayos ng mga daanan upang maging mas ligtas at maayos ang paglalakbay ng ating mga kabarangay. Layunin nating mabawasan ang abala at perwisyo na maaaring idulot ng maputik, madulas, at hindi maayos na mga kalsada, lalo na sa panahon ng tag-ulan.

Ginagawa po ng ating Barangay ang lahat ng ating makakaya upang matugunan ang ganitong mga suliranin. Bagama’t may mga hamon at limitasyon, patuloy tayong kikilos, mag-iikot, at makikinig sa mga pangangailangan ng ating mga kabarangay upang makapaghatid ng agarang aksyon at serbisyo.

Hangad ng ating butihing Kapitan More Javier na ang bawat isa ay ligtas, nasa maayos na kalagayan, at hindi mapabayaan, lalo na sa panahong nagdudulot ng iba't ibang pagsubok ang masamang panahon.

Maraming salamat sa pang-unawa at pakikiisa ng bawat isa. Patuloy po tayong mag-ingat, maging alerto, at magtulungan para sa ligtas, maayos, at nagkakaisang Barangay.

18/08/2026

Agarang Pagtugon sa Pagtatambak ng Lupa

Patuloy ang pagtugon ng mga kawani ng Pamahalaang Barangay sa mga lugar na madaling bahain sa pamamagitan ng maayos at responsableng pagtatambak ng lupa, upang makatulong sa pagpapanatili ng kaligtasan at kaayusan ng ating komunidad.

Ang bawat hakbang ay bahagi ng ating
sama-samang pagsisikap na mabawasan ang epekto ng pagbaha at maprotektahan ang ating mga kabarangay.

Serbisyo para sa mamamayan, aksyon para sa kaligtasan.



❤️ Give Blood. Give Hope. Save a Life. 🩸Your one act of kindness can make a life-changing difference to someone in need....
17/08/2026

❤️ Give Blood. Give Hope. Save a Life. 🩸

Your one act of kindness can make a life-changing difference to someone in need. Join us in spreading love and compassion through blood donation! Let’s come together and be a hero for someone today. ❤️

📅 August 25, 2026
⏰ 8:00 AM – 2:00 PM
📍 Dr. Jose Lapuz Salonga Gymnasium

In partnership with the LGU San Antonio Rural Health Unit and Central Luzon Regional Blood Center.

🩸 Alay ng dugo, Serbisyong Taos-Puso, Ehemplo ng Malasakit sa Kapwa!

Donate blood. Share life. Be someone’s hope. ❤️

15/08/2026

Patuloy na Pag-unlad

Patuloy na nagsusumikap ang pamunuan ng Brgy. San Mariano ang sa pagtugon sa mga pangangailangan at gawain ng ating barangay. Sa pamamagitan ng sama-samang pagkilos, pagkakaisa, at pagtutulungan, unti-unti nating nakakamit ang pagbabago at pag-unlad para sa bawat mamamayan. 🤝💚

Serbisyo para sa lahat, pagkilos para sa kaunlaran! Sama-sama nating itaguyod ang mas maunlad, maayos, at progresibong Brgy. San Mariano. 🇵🇭

Agarang pag aksyon ng Barangay San Mariano. Lubos naming pinahahalagahan ang mabilis na pagtugon sa ganitong uri ng conc...
15/08/2026

Agarang pag aksyon ng Barangay San Mariano.

Lubos naming pinahahalagahan ang mabilis na pagtugon sa ganitong uri ng concern, lalo na’t may kaugnayan ito sa kaligtasan ng mga motorista at iba pang dumaraan sa lugar.

Nagpapasalamat din kami sa mga mamamayang nagbigay-alam at nagpaabot ng kanilang concern. Sa pamamagitan ng maayos na pakikipag-ugnayan ng mamamayan at pamahalaan, mas mabilis nating natutugunan ang mga suliraning nangangailangan ng agarang aksyon. Salamat din sa ating mga concerned citizen na gumagawa ng paraan para pansamantalang mapanatiling ligtas ang mga mamamayan at motorista.

Umaasa kami na maisasagawa rin ang kinakailangang permanenteng solusyon sa lalong madaling panahon. Maraming salamat sa inyong malasakit!

11/08/2026

Announcement 📢

MRSIA SCHEDULE

August 11 (Tuesday)

📍 Purok 1 Team 2

Venue: Computer Jan-Jan/Takayuki Computer shop
Assigned BHWs: Mariane, Pen, Edith, Analie,

📍 Purok 2 Team-3

Venue: Villasan Residence
Assigned BHWs: Angie, Olet, Girlie, Wella, at Doray

📍 Purok 3 Team-4

Venue: Health Center
Assigned BHWs: Che, Eloisa, Chit, at Jona

📍 Purok 4 Team-5

Venue:Garcia Residence
Assigned BHWs: Fe, Gigi, Felicidad, Sarah,

📍 Purok 5 Team-9

Venue:Konsi Ullado Residence
Assigned BHWs: Belen, Olive,

📍 Purok 6 & 7 Team-10

Venue:lmt school
Assigned BHWs: Riza, Janet, Ramona,

Inaasahan po ang pakikiisa at kooperasyon ng lahat upang maging maayos at matagumpay ang ating MRSIA. Maraming salamat po!

Pagsasaayos sa Bubong ng Opisina ng San Mariano East Elementary SchoolIsinagawa ang pagsasaayos ng bubong ng opisina ng ...
07/08/2026

Pagsasaayos sa Bubong ng Opisina ng San Mariano East Elementary School

Isinagawa ang pagsasaayos ng bubong ng opisina ng San Mariano East Elementary School upang matugunan ang problema sa pagtagas ng tubig-ulan.

Layunin ng gawaing ito na mapanatiling maayos, ligtas, at komportable ang lugar para sa mga g**o, kawani, at iba pang gumagamit ng pasilidad ng paaralan.

Patuloy ang pagtutulungan ng barangay at ng paaralan para sa pagpapanatili at pagpapabuti ng mga pasilidad na mahalaga sa ating komunidad. 🇵🇭

🚨 PAALALA SA LAHAT! 🚨 Mga ka barangay ang baha ay hindi lamang nagdudulot ng pinsala sa ari-arian, maaari rin it...
05/08/2026

🚨 PAALALA SA LAHAT! 🚨

Mga ka barangay ang baha ay hindi lamang nagdudulot ng pinsala sa ari-arian, maaari rin itong magdala ng LEPTOSPIROSIS(Sakit na nakukuha sa ihi ng daga) . Kung ikaw ay lumusong sa baha, lalo na kung may sugat, magpatingin agad sa pinakamalapit na health center o doktor. Huwag balewalain ang mga sintomas at iwasan ang self-medication.

💙 Ang maagang pagkonsulta ay susi sa pag-iwas sa malubhang komplikasyon.

💙 Maging ligtas. Maging mapagmatyag. Protektahan ang iyong kalusugan at ang iyong buong pamilya.



Address

San Mariano
San Antonio Primero
3108

Opening Hours

Monday 9am - 5pm
Tuesday 9am - 5pm
Wednesday 9am - 5pm
Thursday 9am - 5pm
Friday 9am - 5pm
Saturday 9am - 5pm
Sunday 9am - 5pm

Website

Alerts

Be the first to know and let us send you an email when Brgy. San Mariano, San Antonio, Nueva Ecija posts news and promotions. Your email address will not be used for any other purpose, and you can unsubscribe at any time.

Shortcuts

Share

Category