City Veterinary Office of San Carlos Pangasinan

05/08/2026

𝘽𝙡𝙤𝙤𝙙 𝘾𝙤𝙡𝙡𝙚𝙘𝙩𝙞𝙤𝙣 𝙛𝙤𝙧 𝘼𝙛𝙧𝙞𝙘𝙖𝙣 𝙎𝙬𝙞𝙣𝙚 𝙁𝙚𝙫𝙚𝙧 𝙎𝙪𝙧𝙫𝙚𝙞𝙡𝙡𝙖𝙣𝙘𝙚

Nagsagawa ang National Meat Inspection Service RTOC I ng blood collection para sa African Swine Fever surveillance sa mga baboy na kinakatay sa Slaughterhouse, San Pedro, San Carlos City, Pangasinan.

Ang aktibidad na ito ay bahagi ng surprise surveillance program ng NMIS na isinasagawa sa iba't ibang slaughterhouse upang masubaybayan ang kalagayan ng kalusugan ng mga hayop at matiyak na ang mga karneng inilalabas sa pamilihan ay ligtas, malinis, at walang sakit.

Batay sa isinagawang laboratory examination, lahat ng blood samples na nakolekta mula sa mga kinatay na baboy ay nagresultang 𝗡𝗘𝗚𝗔𝗧𝗜𝗩𝗘 𝘀𝗮 𝗔𝗳𝗿𝗶𝗰𝗮𝗻 𝗦𝘄𝗶𝗻𝗲 𝗙𝗲𝘃𝗲𝗿. Ipinapakita nito na ang mga hayop na sumailalim sa pagsusuri ay walang indikasyon ng ASF, na nagbibigay ng dagdag na kumpiyansa sa kaligtasan ng karne na inilalabas mula sa Slaughterhouse.

Ang regular na surveillance at laboratory testing ay mahalagang bahagi ng pagpigil sa pagkalat ng ASF at pagpapanatili ng mataas na pamantayan sa meat safety. Patuloy ang pakikipagtulungan ng City Veterinary Office at NMIS sa pagpapatupad ng mga programang nagtitiyak na ang bawat karneng inihahain sa hapag ng bawat pamilyang Pilipino ay dumaan sa mahigpit na inspeksyon at sumusunod sa itinakdang pamantayan ng kaligtasan at kalidad.

Ligtas na karne, ligtas na mamimili. Sama-sama nating pangalagaan ang kalusugan ng ating komunidad. 🐖🥩

30/07/2026

𝙐𝙢𝙪𝙡𝙖𝙣 𝙢𝙖𝙣 𝙤 𝙪𝙢𝙖𝙧𝙖𝙬, 𝙩𝙪𝙡𝙤𝙮 𝙩𝙪𝙡𝙤𝙮 𝙖𝙣𝙜 𝙨𝙚𝙧𝙗𝙞𝙨𝙮𝙤 𝙣𝙜 𝘾𝙞𝙩𝙮 𝙑𝙚𝙩𝙚𝙧𝙞𝙣𝙖𝙧𝙮 𝙊𝙛𝙛𝙞𝙘𝙚 🌧️☀️

Isinagawa ang Libreng Anti-Rabies Vaccination sa 𝐁𝐫𝐠𝐲. 𝐓𝐞𝐛𝐚𝐠 bilang bahagi ng ating patuloy na kampanya upang maprotektahan ang ating mga alagang a*o at pusa laban sa rabies.

Ang pagbabakuna ay mahalaga upang:

✔️Maprotektahan ang inyong mga alagang hayop laban sa nakamamatay na sakit na rabies.
✔️Maiwasan ang pagkalat ng rabies sa ating komunidad.
✔️Mapanatiling ligtas ang bawat pamilya at mamamayan

💉 Hindi nakadalo sa barangay vaccination? Walang problema!
Maaari kayong magtungo sa City Veterinary Office para sa LIBRENG Anti-Rabies Vaccination.

📍 Lokasyon: City Veterinary Office, Slaughterhouse, Brgy. San Pedro, San Carlos City, Pangasinan

🕗 Oras: Lunes hanggang Biyernes | 8:00 AM – 5:00 PM

Sama-sama nating panatilihing rabies free ang San Carlos City. Bakunahan ang inyong mga alagang a*o at pusa! 🐾

30/07/2026

Salamat ka ayuda 🫡

29/07/2026

𝙎𝙚𝙧𝙗𝙞𝙨𝙮𝙤𝙣𝙜 𝙈𝙖𝙮 𝙋𝙪𝙨𝙤 𝙥𝙖𝙧𝙖 𝙨𝙖 𝘽𝙖𝙬𝙖𝙩 𝙇𝙞𝙫𝙚𝙨𝙩𝙤𝙘𝙠 𝙁𝙖𝙧𝙢𝙚𝙧𝙨 🐮🐐

Ang City Veterinary Office ng San Carlos City, Pangasinan ay patuloy na naghahatid ng libreng serbisyong beterinaryo para sa ating mga livestock farmers. Isinagawa sa 𝐁𝐫𝐠𝐲. 𝐂𝐚𝐥𝐨𝐦𝐛𝐨𝐲𝐚𝐧, San Carlos City, Pangasinan ang Hemosep Vaccination, Deworming, at Vitamins Supplementation para sa mga baka at kambing bilang bahagi ng patuloy na pangangalaga sa kalusugan ng ating mga alagang hayop.

Layunin ng programang ito na mapanatiling malusog at produktibo ang mga alagang hayop na nagsisilbing mahalagang pinagkukunan ng kabuhayan ng ating mga magsasaka. Sa gitna ng pabago-bagong panahon, mahalagang mapalakas ang resistensya ng mga hayop upang maiwasan ang pagkakasakit at mapanatili ang kanilang magandang kondisyon.

Ang mga benepisyo ng Hemosep Vaccination ay kinabibilangan ng:

✔️Tumulong sa pag iwas sa Hemorrhagic Septicemia (Hemosep), isang mapanganib at maaaring ikamatay na sakit ng mga baka at kalabaw.
✔️Pinapalakas ang resistensya ng mga hayop laban sa impeksyon.
✔️Nakababawas sa pagkamatay at pagkalugi ng mga livestock raisers.
✔️Nakatutulong sa pagpapanatili ng mataas na produksyon at mas magandang kalusugan ng mga alagang hayop.

Samantala, ang deworming ay nakatutulong sa pag-alis ng mga internal parasites upang mas mahusay ang paglaki at pagtaas ng timbang ng mga hayop, habang ang vitamins supplementation ay nagbibigay ng karagdagang lakas at suporta sa kanilang immune system.

Ang City Veterinary Office ay nananatiling katuwang ng ating mga livestock farmers sa pangangalaga ng kalusugan ng kanilang mga alagang hayop, tungo sa mas ligtas, mas produktibo, at mas maunlad na sektor ng paghahayupan sa San Carlos City. 🐄🐐

29/07/2026

𝙐𝙢𝙪𝙡𝙖𝙣 𝙢𝙖𝙣 𝙤 𝙪𝙢𝙖𝙧𝙖𝙬, 𝙩𝙪𝙡𝙤𝙮 𝙩𝙪𝙡𝙤𝙮 𝙖𝙣𝙜 𝙨𝙚𝙧𝙗𝙞𝙨𝙮𝙤 𝙣𝙜 𝘾𝙞𝙩𝙮 𝙑𝙚𝙩𝙚𝙧𝙞𝙣𝙖𝙧𝙮 𝙊𝙛𝙛𝙞𝙘𝙚 🌧️☀️

Isinagawa ang Libreng Anti-Rabies Vaccination sa 𝐁𝐫𝐠𝐲. 𝐁𝐨𝐧𝐢𝐟𝐚𝐜𝐢𝐨 bilang bahagi ng ating patuloy na kampanya upang maprotektahan ang ating mga alagang a*o at pusa laban sa rabies.

Ang pagbabakuna ay mahalaga upang:

✔️Maprotektahan ang inyong mga alagang hayop laban sa nakamamatay na sakit na rabies.
✔️Maiwasan ang pagkalat ng rabies sa ating komunidad.
✔️Mapanatiling ligtas ang bawat pamilya at mamamayan

💉 Hindi nakadalo sa barangay vaccination? Walang problema!
Maaari kayong magtungo sa City Veterinary Office para sa LIBRENG Anti-Rabies Vaccination.

📍 Lokasyon: City Veterinary Office, Slaughterhouse, Brgy. San Pedro, San Carlos City, Pangasinan

🕗 Oras: Lunes hanggang Biyernes | 8:00 AM – 5:00 PM

Sama-sama nating panatilihing rabies free ang San Carlos City. Bakunahan ang inyong mga alagang a*o at pusa! 🐾

28/07/2026

𝗠𝗮𝘀 𝗣𝗶𝗻𝗮𝗵𝘂𝘀𝗮𝘆 𝗻𝗮 𝗟𝗮𝗵𝗶 𝗻𝗴 𝗕𝗮𝗸𝗮, 𝗠𝗮𝘀 𝗠𝗮𝘂𝗻𝗹𝗮𝗱 𝗻𝗮 𝗞𝗮𝗯𝘂𝗵𝗮𝘆𝗮𝗻 🐂🌾

Sa patuloy na pagsusulong ng mas maunlad na sektor ng agrikultura matagumpay na namahagi ang City Veterinary Office of San Carlos City, Pangasinan, sa pangunguna ni Dr. Solomon T. Gabuyan ng apat na breeding bulls.

Ang programang ito ay karugtong ng naunang pamamahagi ng dalawampu't tatlong babaeng baka noong nakaraang taon. Layunin nitong mapahusay ang lahi ng mga baka, mapalakas ang food security, mapataas ang produksyon ng hayop, at makapagbigay ng karagdagang kabuhayan sa ating mga magsasaka.

Ang inisyatibong ito ay bahagi ng patuloy na suporta ng Pamahalaang Lungsod sa ilalim ng pamumuno nina City Mayor Hon. Julier "Ayoy" C. Resuello at Vice Mayor Hon. Joseres "Bogs" S. Resuello, na patuloy na nagsusulong ng mga programang nagbibigay ng pangmatagalang benepisyo sa ating mga livestock raisers at sa buong komunidad.

Mas matatag na lahi, mas masaganang ani, at mas maunlad na kabuhayan para sa ating mga San Carleñians!

27/07/2026

📢 LIBRENG ANTI-RABIES VACCINATION 🐶🐱

Mas pinaigting ng City Veterinary Office ng San Carlos, Pangasinan ang libreng pagbabakuna kontra Rabies para sa mga alagang a*o at pusa.
Narito ang mga barangay na kanilang pupuntahan.

Ihanda po ang inyong mga alagang a*o at pusa upang sila ay mabakunahan at mapanatiling ligtas ang ating komunidad at ang ating pamilya laban sa Rabies.

Sabay-sabay nating pangalagaan ang kalusugan ng ating mga alaga at ng buong komunidad. San Carlos Maunlad at Maayos!

23/07/2026

𝗣𝗔𝗚𝗣𝗔𝗣𝗔𝗟𝗔𝗞𝗔𝗦 𝗡𝗚 𝗞𝗔𝗔𝗟𝗔𝗠𝗔𝗡 𝗦𝗔 𝗙𝗥𝗘𝗘 𝗥𝗔𝗡𝗚𝗘 𝗣𝗢𝗨𝗟𝗧𝗥𝗬 𝗥𝗔𝗜𝗦𝗜𝗡𝗚 𝗣𝗔𝗥𝗔 𝗦𝗔 𝗠𝗔𝗦 𝗠𝗔𝗧𝗔𝗧𝗔𝗚 𝗡𝗔 𝗞𝗔𝗕𝗨𝗛𝗔𝗬𝗔𝗡!

Isinagawa ng City Veterinary Office ng San Carlos City ang 𝙁𝙧𝙚𝙚 𝙍𝙖𝙣𝙜𝙚 𝘾𝙝𝙞𝙘𝙠𝙚𝙣 𝙎𝙚𝙢𝙞𝙣𝙖𝙧 na dinaluhan ng humigit kumulang 211 poultry raisers mula sa iba't ibang barangay ng lungsod.

Layunin ng seminar na palawakin ang kaalaman ng ating mga magmamanok sa tamang pag aalaga, tamang pagpapakain, biosecurity, at wastong pagaalaga ng free range na manok upang mapataas ang produksyon at maiwasan ang pagkalat ng sakit sa mga alagang manok.

Sa pamamagitan ng mga ganitong programa, patuloy na isinusulong ng ating tanggapan ang food security, pagpapalakas ng lokal na produksyon ng pagkain, at pagbibigay ng mas maraming oportunidad sa kabuhayan para sa ating mga kababayan sa San Carlos City.

Maraming salamat sa lahat ng poultry raisers na nakiisa at patuloy na nakikipagtulungan sa ating mga programa. Sama-sama nating palaguin ang industriya ng manukan at bumuo ng isang mas ligtas, masagana, at matatag na San Carlos City.

15/07/2026