ITRMC - Center For Public Health & Primary Health Care

03/09/2026

Ang leptospirosis ay isang sakit na maaaring makuha matapos lumusong o ma-expose sa baha o tubig na kontaminado ng ihi ng infected na hayop.

Pag hindi naagapan, maaari itong humantong sa malubhang komplikasyon tulad ng pagkasira ng bato at atay, komplikasyon sa puso at baga, pamamaga ng utak dulot sa meningitis o encephalitis, at maaari ring ikamatay.

Kung ikaw ay lumusong sa baha, magpakonsulta agad sa pinakamalapit na health facility o YAKAP Clinic, sa loob ng 24–72 oras, para sa tamang pagsusuri at gabay ng doktor.

03/09/2026

Ang obesity ay isang kondisyon kung saan may labis na taba sa katawan na maaaring magpataas ng panganib sa iba’t ibang sakit tulad ng altapresyon, sakit sa puso, Type 2 diabetes, at stroke.

Piliin ang malusog na gawain araw-araw!

Ang pagpapanatili ng tamang timbang ay mahalagang hakbang tungo sa mas malusog na katawan at mas mahabang buhay.

03/09/2026

03/09/2026

Pag lumusong sa baha, kahit na walang sugat, maaari pa ring makakuha ng Leptospirosis at iba pang mga waterborne diseases. Kumonsulta agad sa doktor o sa pinakamalapit na health center o YAKAP Clinic para sa tamang payo at reseta ng prophylaxis na Doxycycline.

Bantayan ang mga sintomas ng Leptospirosis na maaaring lumabas hanggang 14 na araw pagkatapos lumusong sa baha.

01/09/2026

Kung may banta ng pagbaha, lumikas nang maaga at sumunod sa abiso ng inyong barangay o lokal na pamahalaan. Wag hayaang maglaro ang mga bata sa baha, kanal, sapa, o ilog. Iwasang tumawid, magmaneho, o maglakad malapit sa rumaragasang baha, lalo na sa gilid ng ilog o sapa.

Pag lumusong sa baha, pumunta agad sa pinakamalapit na health center o YAKAP Clinic para sa tamang gabay kontra sa Leptospirosis.

Kung may nakitang nalulunod, tumawag agad sa National Emergency Hotline 911 o sa local emergency hotlines. Gawin ang hands-only CPR habang hinihintay ang tulong kung ligtas itong gawin.

01/09/2026

Habang nasa evacuation center, panatilihin ang ang kaligtasan at kalusugan ng bawat isa.

Panatilihing malinis ang kapaligiran, katawan, at ang mga pinagkukunan ng tubig sa evacuation centers para makaiwas sa mga nakakahawang sakit.

Patuloy na maging alerto at makinig sa abiso ng lokal na pamahalaan at ng mga nangangasiwa sa mga evacuation center.

01/09/2026

Ang sintomas ng Leptospirosis ay maaaring lumabas hanggang 14 na araw pagkatapos lumusong sa baha. Magpakonsulta agad sa pinakamalapit na ospital o YAKAP Clinic.

Tandaan ang mga sumusunod para maprotektahan ang sarili laban sa sakit:

🔴Lumusong sa baha (may sugat man o wala): Magpatingin agad sa pinakamalapit na health center o YAKAP Clinic para sa pagpapa-reseta at tamang gabay sa pag-inom ng antibiotic.

🟡 Hindi lumusong pero may sugat: Iwasan ang paglusong sa baha at takpan ang sugat ng waterproof bandage.

🟢 Hindi lumusong at walang sugat: Iwasan ang pagsulong sa baha hangga’t maaari. Kung hindi maiiwasan, magsuot ng bota.

⚠️ Mahalagang paalala: Kailangan ang tamang reseta ng doktor upang makakuha ng gamot para sa Leptospirosis.

Patuloy na mag-ingat ngayong tag-ulan.

01/09/2026