DA - SAAD Central Luzon

27/05/2026

₱𝟮𝗠 𝗻𝗮 𝗠𝗮𝗸𝗶𝗻𝗮𝗿𝘆𝗮𝗻𝗴 𝗣𝗮𝗻𝗴-𝗮𝗴𝗿𝗶𝗸𝘂𝗹𝘁𝘂𝗿𝗮, 𝗜𝗴𝗶𝗻𝗮𝘄𝗮𝗱 𝗻𝗴 𝗦𝗔𝗔𝗗 𝘀𝗮 𝗣𝗶𝘁𝗼𝗻𝗴 𝗙𝗮𝗿𝗺𝗲𝗿 𝗔𝘀𝘀𝗼𝗰𝗶𝗮𝘁𝗶𝗼𝗻𝘀 𝘀𝗮 𝗚𝗶𝘁𝗻𝗮𝗻𝗴 𝗟𝘂𝘇𝗼𝗻

Bilang bahagi ng pagdiriwang ng Farmers and Fisherfolks Month (FFM) 2026, nagkaloob ang Department of Agriculture – Special Area for Agricultural Development (DA-SAAD) ng mga corn seeder at fertilizer applicator na nagkakahalaga ng halos ₱2 milyon sa pitong farmers associations (FAs) sa ilalim ng programang SAAD ngayong araw ika-27 ng Mayo.

Isinagawa ang pamamahagi ng mga makinaryan bilang bahagi ng patuloy na suporta ng kagawaran upang mapalakas ang produksyon at mapabuti ang pagsasaka ng mga asosasyong benepisyaryo ng SAAD Program sa rehiyon.

Ang mga nasabing corn seeder at fertilizer applicator ay nagkakahalaga ng 298,000 bawat isa. Kabilang sa mga nabigyan ang Cabawangan Corn Farmers Association mula sa Nampicuan, Nueva Ecija; Campos-West Corn Production Farmers Association, Casili Anao Corn Grower Association, Pagdangggayan Ti Mannalon Bantog Farmers Association, at Rizal Livelihood Farmers Association mula sa Anao, Tarlac; Nagkaisang Magsasaka Ng Barangay Toledo at Samahang Magsasaka Ng Brgy. Coral naman mula sa Ramos, Tarlac na pawang mga mais ang pangunahing pananim.

Inaasahang makatutulong ang mga ipinagkaloob na kagamitan upang mapabilis at mapadali ang pagtatanim ng mais at paglalagay ng pataba.

Naging tampok din sa nasabing gawain ang pagkilala sa mahalagang ambag ng mga magsasaka at mangingisda sa pagpapanatili ng seguridad sa pagkain at pagpapaunlad ng sektor ng agrikultura sa bansa. Isa rin itong paraan ng pagpapakita ng pasasalamat sa kanilang sipag at dedikasyon sa kabila ng mga hamong kinakaharap ng sektor.

Sa pamamagitan ng pagdiriwang ng Farmers and Fisherfolks Month, patuloy na kinikilala at pinahahalagahan ang malaking papel ng mga magsasaka at mangingisda tungo sa mas maunlad at matatag na sektor ng agrikultura.

15/05/2026

𝗙𝗲𝗿𝗺𝗲𝗻𝘁𝗲𝗱 𝗖𝗼𝗿𝗻 𝗖𝗼𝗯 𝗯𝗶𝗹𝗮𝗻𝗴 𝗔𝗹𝘁𝗲𝗿𝗻𝗮𝘁𝗶𝗯𝗼𝗻𝗴 𝗣𝗮𝗸𝗮𝗶𝗻 𝘀𝗮 𝗛𝗮𝘆𝗼𝗽, 𝗜𝘁𝗶𝗻𝘂𝗿𝗼 𝘀𝗮 𝗺𝗴𝗮 𝗠𝗮𝗴𝘀𝗮𝘀𝗮𝗸𝗮

Upang higit na mapalawak ang kaalaman ang mga magsasaka sa paggawa ng organikong pagkain ng alagang hayop, nagsagawa ng isang pagsasanay at hands-on workshop ang Deparment of Agriculture - Special Area for Agricultural Development (DA-SAAD) kahapon ika-14 ng Mayo sa Nampicuan, Nueva Ecija.

Layunin ng aktibidad na mapalakas ang kakayahan ng Cabawangan Corn Farmers Association (CCFA) sa pag gawa ng alternatibong at natural na pagkain ng mga alagang hayop bilang karagdagang pagkakakitaan at kabuhayan ng kanilang asosasyon.

Pinangunahan ng SAAD MAED Lead na si Rogie G. Castañeda ang naturang pagsasanay. Binigyang diin niya ang mahalagang papel ng wastong nutrisyon sa pagpapataas ng produksyon at kalusugan ng mga alagang hayop. Tinalakay rin niya ang kahalagahan ng paggamit ng mas mura, sustenable, at alternatibong pagkain para sa mga ito.

Sa isinagawang hands-on workshop, itinuro ni Castañeda ang sunod-sunod na proseso ng paggawa ng fermented o binurong corn cob. Ipinaliwanag din niya ang pag gamit ng ubod ng mais bilang pagkain ay isang epektibong paraan upang mabawasa ang farm waste habang napapakinabangan ito bilang pagkain ng mga manok, kambing, at baka.

Dinaluhan ang pagsasanay ng kabuuang 34 na miyembro ng CCFA. Kung saan 13 ay kalalakihan at 21 naman ang kababaihan. Labintatlo rin sa mga dumalo ay kabilang sa hanay nga mga senior citizen.

Patuloy ang inisyatibo ng DA-SAAD Central Luzon sa pagpapalakas ng kaalaman at kakayahan ng mga magsasaka sa pamamagitan ng mga makabuluhang pagsasanay na naglalayong mapabuti ang kanilang produksyon, mapalawak ang kabuhayan, at mapaunlad ang sektor ng agrikultura. Inaasahan ding maipagpatuloy ang ganitong uri ng pagsasanay sa iba pang asosayon sa ilalim ng programang SAAD sa rehiyon.

08/05/2026

Maaaring magkakaiba ang paraan ng bawat henerasyon sa pagpapahayag sa social media, ngunit nananatiling iisa ang ating pagpapahalaga sa mga poultry raisers na patuloy na nagsisikap upang matiyak ang sapat at kalidad na pagkain sa hapag ng bawat Pilipino.

07/05/2026

𝗠𝗮𝘀 𝗣𝗶𝗻𝗮𝘁𝗶𝗯𝗮𝘆 𝗻𝗮 𝗔𝗴𝗿𝗶𝗸𝘂𝗹𝘁𝘂𝗿𝗮 𝗮𝘁 𝗞𝗮𝗯𝘂𝗵𝗮𝘆𝗮𝗻, 𝗟𝗮𝘆𝘂𝗻𝗶𝗻 𝗻𝗴 𝗙𝗣𝗟 𝗥𝗼𝗹𝗹𝗼𝘂𝘁 𝘀𝗮 𝗡𝗮𝗺𝗽𝗶𝗰𝘂𝗮𝗻

Matagumpay na isinagawa ang Food Production and Livelihood (FPL) rollout sa bayan ng Nampicuan, Nueva Ecija sa ilalim ng Special Area for Agricultural Development (SAAD) Program, kahapon, ika-6 ng Mayo.

Sa ilalim ng SAAD Program, ang Food Production and Livelihood (FPL) component ay nakatuon sa pagbibigay ng mga proyektong pangkabuhayan sa agrikultura batay sa pangangailangan ng mga benepisyaryo na itinukoy sa Social Preparation (SP). Nagsisilbi rin itong pundasyon ng Marketing Assistance and Enterprise Development (MAED) bilang bahagi ng kabuuang agribusiness development.

Layunin ng aktibidad na ito na mapalakas ang produksyon ng mga pananim at livestock sa Central Luzon, gayundin ang pagtukoy ng angkop na solusyon gamit ang makabagong teknolohiya sa mga suliraning kinakaharap ng mga magsasakang benepisyaryo.

Bukod dito, nagsisilbi rin itong teknikal na evaluation ng mga ipinatutupad na proyekto upang matiyak ang maayos at epektibo na implementasyon ng programa.

Dumalo sa nasabing aktibidad ang mga kinatawan mula sa National Program Management Office (NPMO) na sina Meljun A. Florence, FPL Sub-unit Lead; Ricky L. Motita, NPMO Focal; at Arjay L. Polistico, OPBME Staff. Samantala, pinangunahan naman nina Roselyn Bumanlag at Leonard Suarez Jr. ang pagsasagawa ng Focus Group Discussion (FGD).

Sa pamamagitan ng SAAD Program, patuloy ang pagsisikap ng Kagawaran ng Agrikultura na mapabuti ang kabuhayan ng mga magsasaka. Sa ganitong paraan, nabibigyang daan ang layunin na magkaroon ng isang food secure na bansa.

01/05/2026

Maligayang Araw ng Manggagawa! Saludo kami sa sipag, tiyaga, at dedikasyon ng bawat manggagawang Pilipino.

Isang pagbati mula sa SAAD Central Luzon.

30/04/2026

𝐍𝐞𝐰𝐬 𝐑𝐞𝐥𝐞𝐚𝐬𝐞 | SAAD Central Luzon reports P14.6M obligated, P2.69M disbursed in Q1 Regional Assessment

The Department of Agriculture – Special Area for Agricultural Development (DA-SAAD) conducted its FY 2026 1st Quarter Assessment in Orani, Bataan on April 13–15, 2026 to review the progress of Phase 2 implementation in Central Luzon.

The activity gathered the SAAD Central Luzon workforce to present unit-level accomplishments, assess first quarter performance, and identify gaps affecting implementation. It also served as a venue to align strategies and guide upcoming activities and capacity-building interventions.

Full story: https://saad.da.gov.ph/saad-central-luzon-reports-p14-6m-obligated-p2-69m-disbursed-in-q1-regional-assessment/

30/04/2026

𝐍𝐞𝐰𝐬 𝐑𝐞𝐥𝐞𝐚𝐬𝐞 | Tarlac farmers trained on leadership, teamwork, and enterprise development

To strengthen farmers’ competencies in leadership and organizational management under Phase 2 implementation, the Department of Agriculture – Special Area for Agricultural Development (DA-SAAD) in Central Luzon conducted a Team Building and Values Formation Training for Farmers last April 6, 2026, in Anao, Tarlac.

Full story: https://saad.da.gov.ph/tarlac-farmers-trained-on-leadership-teamwork-and-enterprise-development/







Department of Agriculture - Philippines

29/04/2026

Maligayang Kaarawan po, Director! 🫶🏻 🎂

Maligayang Kaarawan po, Director Ulysses J. Lustria Jr.! 🎉🎊

From your SAAD family.

17/04/2026

𝟯𝟰 𝗡𝗔 𝗠𝗔𝗚𝗦𝗔𝗦𝗔𝗞𝗔, 𝗗𝗨𝗠𝗔𝗟𝗢 𝗦𝗔 𝗜𝗦𝗜𝗡𝗔𝗚𝗔𝗪𝗔𝗡𝗚 𝗧𝗘𝗔𝗠 𝗕𝗨𝗜𝗟𝗗𝗜𝗡𝗚 𝗔𝗡𝗗 𝗩𝗔𝗟𝗨𝗘𝗦 𝗙𝗢𝗥𝗠𝗔𝗧𝗜𝗢𝗡 𝗧𝗥𝗔𝗜𝗡𝗜𝗡𝗚 𝗦𝗔 𝗔𝗡𝗔𝗢 𝗧𝗔𝗥𝗟𝗔𝗖

Matagumpay na dinaos ang Team Building and Values Formation Training for Farmers sa Anao, Tarlac, kahapon ika-16 ng Abril. May 34 na aktibong magsasaka ang nagsipagdalo sa nasabing pagsasanay.

Patuloy na isinasagawa ng Special Area for Agricultural Development (SAAD) ang ganitong klase ng pagsasanay upang palakasin ang kaalaman ng mga magsasaka sa pamumuno.

Naging makabuluhan din ito lalo na para sa mga bagong miyembro ng Brgy. Casili Integrated Farmers Association Incorporated sapagkat nabigyan sila ng pagkakataong mapaunlad ang kanilang kaalaman, kasanayan, at samahan sa loob ng organisasyon.

17/04/2026

𝗠𝗚𝗔 𝗔𝗞𝗧𝗜𝗕𝗜𝗗𝗔𝗗 𝗔𝗧 𝗣𝗥𝗢𝗚𝗥𝗘𝗦𝗢 𝗡𝗚 𝗦𝗔𝗔𝗗 𝗖𝗘𝗡𝗧𝗥𝗔𝗟 𝗟𝗨𝗭𝗢𝗡, 𝗧𝗜𝗡𝗔𝗟𝗔𝗞𝗔𝗬 𝗦𝗔 𝟭𝗦𝗧 𝗤𝗨𝗔𝗥𝗧𝗘𝗥 𝗔𝗦𝗦𝗘𝗦𝗦𝗠𝗘𝗡𝗧

Upang suriin ang progreso at mga naisiagawang aktibidad sa unang tatlong buwan ng taon, nagdaos ng First Quarter Assessment ang Special Area for Agricultural Development (DA-SAAD) sa Orani, Bataan noong Abril 13-15, 2026.

Layunin ng aktibidad na talakayin ang progreso sa bawat yunit ng SAAD upang masiguro ang organisadong implementasyon ng programa sa Central Luzon. Tinalakay rin ang mga susunod na mga planong pagsasanay at iba pang aktibidad para sa hinaharap.

10/04/2026

𝗦𝗘𝗥𝗬𝗘 𝗡𝗚 𝗧𝗘𝗔𝗠 𝗕𝗨𝗜𝗟𝗗𝗜𝗡𝗚 𝗔𝗡𝗗 𝗩𝗔𝗟𝗨𝗘𝗦 𝗙𝗢𝗥𝗠𝗔𝗧𝗜𝗢𝗡 𝗧𝗥𝗔𝗜𝗡𝗜𝗡𝗚, 𝗜𝗣𝗜𝗡𝗔𝗚𝗣𝗔𝗧𝗨𝗟𝗢𝗬 𝗡𝗚 𝗗𝗔-𝗦𝗔𝗔𝗗 𝗖𝗘𝗡𝗧𝗥𝗔𝗟 𝗟𝗨𝗭𝗢𝗡

Patuloy na nagsasagawa ang Department of Agriculture-Special Area for Agricultural Development (DA-SAAD) ng isang pagsasanay na pinamagatang “Team Building and Values Formation Training for Farmers” para sa mga magsasakang benepisyaryo ng SAAD sa Gitnang Luzon.

Idinaos ang naturang pagsasanay sa Anao, Tarlac kasama ang 28 na miyembro ng Pagkakaisa ng mga Magsasaka ng Brgy. Bantog Association Incorporated nong Abril 6, 2026.

Layunin nito paigtingin ang kalaaman ng mga magsasaka ukol sa leadership at pamamahala ng isang samahan. Kasama rin sa tinalakay ang pagkakaisa at pagtutulungan ng isang matagumpay na samahan.