BFAR SAAD Ilocos

04/06/2026

𝐍𝐞𝐰𝐬 𝐑𝐞𝐥𝐞𝐚𝐬𝐞 | Pagpapalakas ng mga samahang mangingisda, patuloy na isinusulong ng BFAR Region 1 sa ilalim ng SAAD Program

Patuloy ang pagsuporta ng BFAR Region 1 sa pagpapalakas ng kakayahan, pagkakaisa, at pamamahala ng mga samahang mangingisda sa pamamagitan ng Special Area for Agricultural Development (SAAD) Program – Social Preparation: Organizational Strengthening for Fisherfolk Association and Capacity Building.

Isinagawa ang nasabing pagsasanay noong ika-11 at 12 ng Mayo sa Dumalneg, Ilocos Norte para sa Dumalneg Farmers and Fisherfolk Association , at ika-13 at 14 ng Mayo 2026, sa Ablan, Burgos, Ilocos Norte para sa Buraan Fisherfolk Association.

Read full story: (to follow)

03/06/2026

𝐓𝐈𝐍𝐆𝐍𝐀𝐍: Isinagawa ng BFAR-RFO1 ang 2026 Midyear Assessment of Accomplishments ng Special Area for Agricultural Development (SAAD) Phase II Program sa San Ildefonso, Ilocos Sur, nung ika-1 at 2 ng Hunyo 2026.

Sa loob ng dalawang araw na aktibidad, naglahad ang bawat yunit—ang Regional Program Management Support Office (RPMSO), Provincial Program Management Support Office (PPMSO), at mga Area Coordinator (AC)—ng kanilang mga detalyadong ulat hinggil sa mga naisagawang aktibidad at programang ipinatupad sa ilalim ng SAAD Phase II.

Masusing binigyang-pansin at sinuri ni Regional SAAD Focal Person RD Remely B. Lachica, ang bawat presentasyon upang matiyak ang maayos na pagpapatupad at pagsubaybay sa programa. Layunin ng aktibidad na maipakita ang kasalukuyang kalagayan ng implementasyon ng programa, kabilang ang mga karanasan ng mga asosasyon ng mga mangingisdang benepisyaryo. Tinalakay rin ang mga estratehiya at pinakamahusay na pamamaraan, gayundin ang mga hamon at alalahanin, upang higit pang mapabuti ang paghahatid ng mga benepisyo at serbisyo ng programa.

03/06/2026

31/05/2026

𝐍𝐞𝐰𝐬 𝐑𝐞𝐥𝐞𝐚𝐬𝐞 | National Fisherfolk Director Dario Pedong Nagpahayag ng Pasasalamat sa BFAR‑SAAD

“Sa SAAD, ang mga pangako ay tinutupad—maraming salamat po.”

Ito ang taos‑pusong pahayag ng kasalukuyang National Fisherfolk Director, Mr. Dario M. Pedong, nang bumisita siya kahapon sa opisina ng Bureau of Fisheries and Aquatic Resources – Special Area for Agricultural Development (BFAR‑SAAD) upang ipahayag ang kanyang pasasalamat sa ahensya, na naging mahalagang katuwang sa kanilang paglalakbay tungo sa mas maunlad na pamumuhay.

Si Mr. Pedong ay benepisyaryo ng BFAR‑SAAD Program Phase II at kasalukuyang nagsisilbing Presidente ng Hinablan Farmers and Fishermen’s Association (HiFaFiSa) sa Central Visayas.

Noong Mayo 4, 2026, siya ay nanumpa bilang National Fisherfolk Director sa isinagawang Mangingisdang Direktor Turnover Ceremony sa BFAR Central Office, Quezon City. Ang naturang seremonya ang nagsilbing opisyal na pagbubukas ng Buwan ng Magsasaka at Mangingisda 2026.

Sa patuloy na paglalakbay ng sektor ng pangisdaan, nananatiling katuwang ang BFAR‑SAAD Program sa pagtupad ng pangako ng mas maunlad na buhay para sa mga mangingisda. Pangunahing layunin ng programa na ihatid ang mga benepisyaryong mangingisda tungo sa ganap na community‑based enterprises (CBEs).

31/05/2026

𝐌𝐞𝐧𝐬𝐚𝐡𝐞 𝐩𝐚𝐫𝐚 𝐬𝐚 𝐏𝐚𝐦𝐛𝐚𝐧𝐬𝐚𝐧𝐠 𝐀𝐫𝐚𝐰 𝐧𝐠 𝐦𝐠𝐚 𝐌𝐚𝐧𝐠𝐢𝐧𝐠𝐢𝐬𝐝𝐚

Sa araw na ito, ipinagdiriwang natin ang Pambansang Araw ng mga Mangingisda at nagbibigay-pugay sa lahat ng matatapang na humaharap sa panganib sa ating mga karagatan, ilog, at lawa upang makapagbigay ng pagkain sa buong bansa. Kayo ang pundasyon ng ating katiwasayan sa pagkain at tunay na tagapangalaga ng ating mga yamang-tubig.

Ang inyong katatagan, kasipagan, at malawak na kaalaman sa karagatan ay nagbibigay-buhay sa maraming pamilya at pamayanan. Kinikilala namin ang inyong mga sakripisyo at muling pinatitibay ang aming pangakong ipagtatanggol ang inyong mga karapatan, paunlarin ang inyong kabuhayan, at tinitiyak na walang sinuman ang maiiwan sa pag-unlad.

Sa harap ng mga hamon tulad ng pagbabago ng klima, ilegal at hindi wastong pangingisda, at pagtaas ng presyo ng mga pangangailangan, magkaisa at magtulungan tayo. Itataguyod natin ang pamamahala na nakabatay sa agham at mga patakarang unang isinasaalang-alang ang kapakanan ng mga maliliit na mangingisda.

Sa bawat mangingisda sa Rehiyon ng Ilocos at sa buong Pilipinas — Mabuhay po kayo! Nawa’y laging puno ang inyong mga lambat, ligtas ang inyong pamilya, at umunlad pa lalo ang inyong mga pamayanan.

Mabuhay ang mangingisdang Pilipino!

07/05/2026

𝗖𝗮𝘀𝘁 𝗬𝗼𝘂𝗿 𝗡𝗲𝘁𝘀 𝗙𝗼𝗿 𝗞𝗻𝗼𝘄𝗹𝗲𝗱𝗴𝗲: 𝗗𝗶𝘃𝗲 𝗶𝗻𝘁𝗼 𝗦𝗔𝗔𝗗𝗶𝘀𝘁𝗼𝗿𝘆𝗮 - 𝘄𝗵𝗲𝗿𝗲 𝗲𝘃𝗲𝗿𝘆 𝗳𝗶𝘀𝗵𝗲𝗿𝗳𝗼𝗹𝗸 𝗵𝗲𝗿𝗼 𝗵𝗮𝘀 𝗮 𝘀𝘁𝗼𝗿𝘆!

Ready to be inspired? Meet the heart and soul behind the SAAD Phase 2 program!

SAADistorya brings you closer to the invaluable journeys of our fisherfolk heroes. From the dedicated Area Coordinators on the ground guiding our beneficiaries, to the meticulous Procurement Officer working tirelessly behind the scenes, each one-page story is a powerful testament to the unwavering spirit and hard work that make this program possible.

Through their voices, we see how the SAAD program is truly transforming lives and empowering communities. It’s more than just a program, it’s a movement built on determination and shared triumphs. Their stories are waiting to uplift and inform you.

This is SAADistorya.

Join us as we set sail on a journey through our fisherfolk's stories, challenges, and triumphs.

𝘙𝘦𝘢𝘥 𝘚𝘈𝘈𝘋𝘪𝘴𝘵𝘰𝘳𝘺𝘢 𝘯𝘰𝘸!

05/05/2026

22/04/2026

𝗛𝗮𝗹𝗶𝗻𝗮’𝘁 𝗶𝗽𝗮𝗴𝗱𝗶𝘄𝗮𝗻𝗴 𝗮𝗻𝗴 𝗺𝗴𝗮 𝘂𝗻𝗮𝗻𝗴 𝗮𝗹𝗼𝗻 𝗻𝗴 𝘁𝗮𝗴𝘂𝗺𝗽𝗮𝘆 𝗻𝗴 𝗕𝗙𝗔𝗥 𝗦𝗔𝗔𝗗 𝗜𝗹𝗼𝗰𝗼𝘀 𝗻𝗴 𝘁𝗮𝗼𝗻𝗴 𝟮𝟬𝟮𝟲!
‎
‎Gaya ng mga hampas ng alon sa dalampasigan, ang BFAR SAAD Ilocos ay patuloy na nanatiling nakatuon sa pagbibigay ng serbisyo para sa ating mga bayaning mangingisda.
‎
‎Kaya halina’t panoorin kung paano ipinamalas ng mga kawani ang patuloy na pagbibigay ng gabay at suporta sa masisipag at matatag na mga mangingisda ng rehiyon sa unang kwarter ng taon.
‎
‎Maraming salamat sa inyong gabay at suporta, mga ka-SAAD!
‎
‎𝙎𝙖𝙢𝙖-𝙨𝙖𝙢𝙖 𝙣𝙖𝙩𝙞𝙣𝙜 𝙞𝙥𝙖𝙜𝙥𝙖𝙩𝙪𝙡𝙤𝙮 𝙣𝙖 𝙜𝙪𝙢𝙖𝙬𝙖 𝙣𝙜 𝙢𝙜𝙖 𝙖𝙡𝙤𝙣 𝙣𝙜 𝙥𝙖𝙜𝙗𝙖𝙗𝙖𝙜𝙤 𝙥𝙖𝙩𝙪𝙣𝙜𝙤 𝙨𝙖 𝙢𝙖𝙪𝙣𝙡𝙖𝙙 𝙣𝙖 𝙗𝙪𝙝𝙖𝙮!

𝐒𝐀𝐀𝐃, 𝐊𝐚𝐚𝐠𝐚𝐩𝐚𝐲 𝐬𝐚 𝐌𝐚𝐮𝐧𝐥𝐚𝐝 𝐧𝐚 𝐁𝐮𝐡𝐚𝐲!

10/04/2026

𝐍𝐞𝐰𝐬 𝐑𝐞𝐥𝐞𝐚𝐬𝐞 | Tilapia Growers Association kumita ng ₱96,000 sa Kadiwa ng Pangulo

Naghatid ng preskong bangus ang Tilapia Growers Association sa bayan ng Lidlidda, Ilocos Sur sa pamamagitan ng Kadiwa ng Pangulo noong Marso 26, 2026. Umabot sa ₱96,000 ang kabuuang benta mula sa 400 kilo ng bangus na naibenta sa halagang ₱240 kada kilo, na nagbigay ng dagdag kita sa mga miyembro ng asosasyon. Masaya itong tinanggap ng mga residente bilang tugon sa patuloy na pagtaas ng presyo ng bilihin.

09/04/2026

𝐍𝐞𝐰𝐬 𝐑𝐞𝐥𝐞𝐚𝐬𝐞 | BFAR‑SAAD Nagbigay ng 18,000 Pirasong Semilya ng Ulang sa Imelda Kay Ganda Fisherfolk Association

Nakatanggap ang Imelda Kay Ganda Fisherfolk Association (IKGFA) sa Burgos, La Union ng 18,000 pirasong semilya ng ulang mula sa BFAR‑SAAD Program Phase II, Ilocos bilang interbensyon sa kabuhayan. Kasabay ng pagpapatuloy ng kanilang tilapia culture na nagsimula sa ikatlong siklo noong Marso, ipinatupad nila ang polyculture system kung saan pinagsasama ang tilapia at ulang sa iisang palaisdaan. Ito ang unang pagkakataon na sila ay mag‑aalaga ng ulang, at buong tapang nilang tinanggap ang hamon bilang bagong oportunidad para sa kanilang kabuhayan.