DMW RO3 - Central Luzon

09/10/2026

ISANG MAHALAGANG HAKBANG PARA SA ATING MGA BAGONG BAYANI AT PILIPINONG MANGGAGAWA!

Buong-pusong nakiisa ang Department of Migrant Workers (DMW) Region III sa matagumpay na “TARA TRABAHO, G?” Mega Job Fair noong Oktubre 8, 2026 sa Bren Z. Guiao Convention Center, City of San Fernando, Pampanga. Ang malaking kaganapang ito ay inorganisa ng DOLE Region III katuwang ang Tanggapan ni Senate President Sherwin “Win” Gatchalian upang maghatid ng mabilis, ligtas, at legal na oportunidad sa pagtatrabaho lokal man o overseas.

Sa kabuuan, 3,143 job vacancies ang nabuksan—2,163 dito ay local at 980 naman ang overseas opportunities sa Japan, UK, Saudi Arabia, US, Nigeria, Qatar, New Zealand, Australia, Guam, at Taiwan.

Dumalo at nakiisa sa aktibidad ang pamunuan ng DMW Region III sa pangunguna ni Regional Director Atty. Marion S. Sevilla, Chief LEO Winnie Frida M. Palma, at Pampanga Provincial Office Head Cyndi M. Panganiban. Kasama rin sa kaganapan sina DOLE Region III Regional Director Atty. Sarah Buena S. Mirasol, ARD Alejandro Inza Cruz, Pampanga PESO Manager Luningning Vergara, at 1st District Board Members Cherry Manalo at Christian Halili.

Patuloy ang DMW Region III sa paghahatid ng tapat at agarang serbisyo upang suportahan ang pangarap ng bawat pamilyang Pilipino!

09/10/2026

PAGPAPATIBAY NG AGAPAY AT KABALIKATAN PARA SA MGA MANGGAGAWA!

Noong Oktubre 8, 2026, bumisita ang pamunuan ng DOLE Regional Office III sa tanggapan ng DMW Region III. Nagkaroon ng makabuluhang pagpupulong sina DOLE RD Atty. Sarah Buena S. Mirasol at ARD Alejandro Inza Cruz katuwang si DMW Regional Director Atty. Marion S. Sevilla upang lalo pang pagtibayin ang ugnayan at convergence ng dalawang ahensya para sa mas mabilis at direktang serbisyo sa mga Pilipinong manggagawa.

09/10/2026

PAGSASA-AYOS NG UGNAYAN PARA SA MOA: DMW REGION III AT LGU GABALDON, NUEVA ECIJA

Nagsagawa ng coordination meeting ang Department of Migrant Workers (DMW) Region III katuwang ang Pamahalaang Lokal ng Gabaldon, Nueva Ecija noong Oktubre 7, 2026 bilang paghahanda sa nakatakdang paglagda ng Memorandum of Agreement (MOA) ngayong Nobyembre 2026.

Dumalo sa nasabing pulong sina Atty. Dennis R. Manzanero, Chief Melanie M. Barnachea, Nueva Ecija Provincial Office Head John Charles Dela Cruz, at Ms. Sarah Maglalang upang talakayin ang mga probisyon ng proposed MOA, ang gampanin at responsibilidad ng bawat panig, at ang mga kailangang dokumento bago ang pormal na lagdaan. Naging pagkakataon din ito upang linawin ang mga katanungan at tiyaking magkasundo ang dalawang tanggapan sa mga susunod na hakbang.

Nagtapos ang pagpupulong nang may matibay na kasunduan na ipagpapatuloy ang koordinasyon upang masigurong handa ang lahat para sa pormal na pagpapatibay ng ugnayan ngayong darating na Nobyembre!

08/10/2026

Naresolba ang kahilingan ng dalawang indibidwal na maibalik ang kanilang mga original documents, kabilang ang kanilang mga passport, sa unang SEnA Conference na isinagawa ng Department of Migrant Workers (DMW) Pampanga Provincial Office nitong Oktubre 8, 2026.

Matapos ang pakikipag-ugnayan ng SEADO Officer sa Responding Party, napagkasunduan ang pagbabalik ng mga dokumento, kasama ang halagang Php 6,000.00 mula sa orihinal na Php 9,761.00. Ipinakita ng kasunduang ito ang patuloy na pagsusumikap ng DMW na pangalagaan ang karapatan at kapakanan ng bawat OFW.

08/10/2026

Dalawang magkahiwalay na usapin ang naresolba sa pamamagitan ng SEnA ng Department of Migrant Workers (DMW) Pampanga Provincial Office noong Oktubre 7, 2026, kabilang ang kaso ng isang OFW na nagtrabaho sa Qatar na nakatanggap ng refund ng kanyang return ticket matapos makaranas ng paglabag sa mga kondisyong nakasaad sa kanyang employment contract. Sa ilalim ng kasunduan, natanggap ng OFW ang QR 1,820.00 o Php 31,359.00, habang magsasagawa rin ang agency ng kaukulang hakbang laban sa foreign employer.

Samantala, naresolba rin ang claims ng limang complainants kaugnay ng misrepresentation at refund ng kanilang processing at medical fees. Dalawa sa mga kaso ang naayos na sa unang conference, habang ang tatlong natitira ay na-settle noong Oktubre 7. Sa kabuuan, Php 221,150.00 ang natanggap ng limang complainants. Sa bawat kasong nalulutas, patuloy na isinusulong ng DMW ang maagap na pagtugon sa mga hinaing ng mga OFWs.

08/10/2026

Nakiisa at nagpaabot ng tulong ang Department of Migrant Workers Regional Office III (DMW RO3), katuwang ang Overseas Workers Welfare Administration Regional Office III (OWWA RO3), sa pagtanggap sa labi ng isang Overseas Filipino Worker (OFW) na dumating sa Clark International Airport noong Oktubre 7, 2026.

Personal na pinangunahan nina DMW RO3 Assistant Regional Director Atty. Dennis Manzanero at Welfare and Reintegration Services Division Chief Melanie Bernachea ang pag-alalay sa naulilang pamilya ng ating kababayan. Kasabay nito, ipinagkaloob ng DMW RO3 at OWWA RO3 ang kinakailangang suporta at tulong sa pagpapadala ng labi patungo sa kanilang tahanan.

Taos-pusong pakikiramay ang ipinaaabot ng buong pamunuan ng DMW RO3 at OWWA RO3 sa pamilya at mga kaanak sa panahong ito ng dalamhati. Patuloy ang kooperasyon ng dalawang ahensya upang tiyaking maibigay ang lahat ng nakalaang assistance, benepisyo, at serbisyo para sa ating mga OFW at kanilang pamilya.

06/10/2026

06/10/2026

𝗕𝗔𝗕𝗔𝗟𝗔 𝗦𝗔 𝗣𝗨𝗕𝗟𝗜𝗞𝗢: 𝗠𝗮𝗴-𝗶𝗻𝗴𝗮𝘁 𝘀𝗮 𝗣𝗲𝗸𝗲𝗻𝗴 𝗥𝗲𝗰𝗿𝘂𝗶𝘁𝗺𝗲𝗻𝘁!

⚠️ Tandaan:
✅ Ang DMW ay HINDI manghihingi ng bayad online.
✅ Huwag agad maniwala sa mga ipinapakitang ID, certificate, job order, o license number. Madali itong peke-in.
✅ Huwag magbigay ng personal na dokumento hangga't hindi sigurado.
✅ I-verify muna sa DMW kung lisensyado ang recruitment agency at kung may valid job order para sa alok na trabaho.

🔎 Para sa listahan ng mga LICENSED RECRUITMENT AGENCIES, bisitahin ang:
https://dmw.gov.ph/inquiry/licensed-recruitment-agencies

📢 May nakita o nakaranas ng ganitong modus? Magreport sa DMW. Scan the code!

02/10/2026

𝐃𝐌𝐖 𝐑𝐎𝟑 𝐍𝐚𝐤𝐢𝐬𝐚 𝐬𝐚 𝐋𝐮𝐧𝐠 𝐌𝐨𝐧𝐭𝐡 𝐂𝐞𝐥𝐞𝐛𝐫𝐚𝐭𝐢𝐨𝐧 𝐬𝐚 𝐎𝐅𝐖 𝐇𝐨𝐬𝐩𝐢𝐭𝐚𝐥

Nakibahagi ang Department of Migrant Workers Regional Office 3 (DMW RO3) sa Lung Month Celebration ng OFW Hospital noong Setyembre 30, 2026, na may temang “Breathe Beyond Borders.” Tampok sa programa ang soft launching ng Tuberculosis (TB) Program ng ospital, na naglalayong palakasin ang mga hakbang para sa TB prevention, early diagnosis, at agarang paggamot para sa mga OFWS at kanilang pamilya.

Kasabay ng pagdiriwang ang pagpapasinaya sa bagong ayos na Radiology Department at blessing ng mga Magnetic Resonance Imaging (MRI) at Mammography machines, na magdaragdag sa kakayahan ng OFW Hospital na makapaghatid ng mas komprehensibong serbisyong medikal. Dumalo sa programa sina DMW Secretary Hans Leo J. Cacdac, DMW Undersecretary Dominique Rubia-Tutay, mga opisyal ng DMW RO3 sa pangunguna ni Regional Director Marion S. Sevilla, kasama sina Assistant Regional Director Dennis R. Manzanero, Welfare and Reintegration Services Division Chief Melanie Barnachea, at OIC ng Finance and Administrative Division Jayson De Leon, at ng mga opisyal ng OFW Hospital, OWWA RWO 3, Provincial Government of Pampanga, at PhilHealth.

Kabilang din sa mga panauhin si Miss Universe Philippines 2026 Bea Millan-Windorski na nagbibigay-suporta sa mga programa ng ahensya. Sa pagtutulungan ng DMW at mga katuwang na institusyon, patuloy na pinapalakas ang mga serbisyong pangkalusugan at iba pang suporta para sa mga OFWs.

01/10/2026

𝐍𝐀𝐏𝐀𝐍𝐎𝐎𝐃 𝐀𝐓 𝐍𝐀𝐏𝐀𝐊𝐈𝐍𝐆𝐆𝐀𝐍 𝐁𝐀 𝐍𝐈𝐍𝐘𝐎?

Muling nagbigay-linaw at nagbahagi ng mahahalagang impormasyon para sa ating mga kababayan at Overseas Filipino Workers (OFWs) sa Central Luzon si DMW RO3 Regional Director Atty. Marion Sevilla sa programang OFW Konek ng DWAR 1494 Abante Radyo!

Mga Paksang Tinalakay:
•Mga programa, at serbisyo ng DMW RO3 para sa proteksyon at kapakanan ng mga OFWs at kanilang pamilya.
•Ugnayan at mga hakbangin ng ahensya upang labanan ang illegal recruitment at mapanatili ang maayos na proseso ng pagtatrabaho sa ibang bansa.
•Pagtugon sa mga tanong at usapin ng mga kababayang OFW at kanilang mga kaanak.

Para sa mga hindi nakapanood nang LIVE o gustong muling mapanood ang talakayan, i-click lamang ang link na ito:

https://www.facebook.com/DWAR1494/videos/2296767927808545

Patuloy tayong tumutok para sa ligtas at maayos na pamamahayag at paglilingkod sa ating mga Bagong Bayani!