09/07/2026
๐๐ ๐ช ๐ฅ๐ข๐ฏ ๐ก๐ฎ๐ธ๐ถ๐น๐ฎ๐ต๐ผ๐ธ ๐๐ฎ ๐ฎ๐ฌ๐ฎ๐ฒ ๐๐ฎ๐ฝ๐ฎ๐ฐ๐ถ๐๐ ๐๐๐๐ฒ๐๐๐บ๐ฒ๐ป๐ ๐ฎ๐ป๐ฑ ๐๐ฒ๐๐ฒ๐น๐ผ๐ฝ๐บ๐ฒ๐ป๐ ๐ง๐ฟ๐ฎ๐ถ๐ป๐ถ๐ป๐ด ๐ป๐ด ๐บ๐ด๐ฎ ๐ฃ๐๐ฆ๐ข ๐ ๐ฎ๐ป๐ฎ๐ด๐ฒ๐ฟ๐ ๐ฎ๐ ๐ฆ๐๐ฎ๐ณ๐ณ ๐ง๐ ๐ญ๐ฎ๐บ๐ฏ๐ฎ๐น๐ฒ๐
Noong Hulyo 8, 2026, nakiisa ang Department of Migrant Workers Regional Office III (DMW RO3) sa 2026 Capacity Assessment and Development Training para sa mga Public Employment Service Office (PESO) Managers at Staff ng lalawigan ng Zambales na ginanap sa Prime Asia Hotel, Angeles City, Pampanga. Layunin ng aktibidad na higit pang palakasin ang kakayahan ng mga PESO personnel bilang pangunahing tagapaghatid ng impormasyon at serbisyo sa kanilang mga komunidad, kabilang ang tamang paggabay sa mga nagnanais magtrabaho sa ibang bansa.
Nagbahagi ng mahahalagang programa at serbisyo ng DMW ang mga kinatawan ng tanggapan na sina Raymond R. Gueco mula sa Protection Division, Sharmagne C. Toledo mula sa Welfare and Reintegration Services Division, at Jose Virgilio Oliver P. Lising mula sa Processing Division. Tinalakay nila ang mga mekanismo ng DMW sa pangangalaga sa kapakanan ng mga OFW at aspiring OFWs, mula sa mga serbisyong pang-proteksyon at reintegrasyon hanggang sa tamang proseso ng dokumentasyon at ligtas na pagpasok sa overseas employment.
Ang aktibidad ay pinangunahan nina Mor O. Lim, Manager ng PESO Zambales Provincial Office, at Mario Esquillo, Pangulo ng Zambales Association of PESO Managers, Inc. Sa pamamagitan ng patuloy na pagbabahagi ng kaalaman at pagpapalakas ng ugnayan sa mga PESO, patuloy na isinusulong ng DMW ang mas epektibong paghahatid ng serbisyo at ang pagpapalawak ng akses ng mga Pilipino sa lehitimo, ligtas, at responsableng oportunidad sa ibayong dagat.
