14/08/2026
๐,๐๐๐ ๐ค๐ ๐๐๐ง๐๐ฉ๐ข๐ฌ๐ฒ๐๐ซ๐ฒ๐จ ๐ฌ๐ ๐๐๐ง ๐
๐ซ๐๐ง๐๐ข๐ฌ๐๐จ, ๐๐ ๐ฎ๐ฌ๐๐ง ๐๐๐ฅ ๐๐ฎ๐ซ ๐๐๐ค๐๐๐๐ฐ๐๐ญ ๐จ๐ ๐๐ฒ๐ฎ๐๐ ๐๐ข๐ค๐๐ง ๐ฌ๐ ๐๐๐๐-๐๐๐ซ๐๐ ๐
Agusto 14, 2026 | Nagpahigayon og pagpang-apod-apod sa Cash Relief Assistance (CRA) ang Department of Social Welfare and Development (DSWD) Field Office Caraga ngadto sa 2,520 ka mga benepisyaryo diha sa municipal grounds sa lungsod sa San Francisco, Agusan del Sur.
Ang matag benepisyaryo makadawat og โฑ2,000 matag bulan hangtod sa Enero ubos sa Unified Package for Livelihoods, Industry, Food, and Transport (UPLIFT) Program.
Kini na ang ikaduhang batch sa UPLIFT payout nga gipahigayon sa maong lungsod. Kahinumduman nga ang unang batch gipahigayon niadtong Hulyo 20, 2026 sa municipal gymnasium, diin 989 ka mga benepisyaryo ang nakadawat sa maong ayuda.
Sumala ni Madonna Yao, RSW, ang MSWDO Coordinator, ang mga kwalipikadong benepisyaryo nga nakadawat nahisakop sa Bucket 2. Kini nagpasabot nga sila naglakip sa mga kabos ug medyo naglisod nga mga pamilya (poor and near-poor households) nga giila pinaagi sa 2024 Community-Based Monitoring System (CBMS) sa Philippine Statistics Authority (PSA).
Hapsay ang pagpanghatag sa maong ayuda pinaagi sa maayong pagdumala sa mga personahe sa DSWD sa pagpangulo ni DSWD Regional Director Mari-Flor A. Dollaga-Libang, uban sa hugot nga koordinasyon ug suporta sa Lokal nga Kagamhanan sa San Francisco pinaagi sa Municipal Social Welfare and Development Office (MSWDO) nga gipangulohan ni Ms. Edendita N. Batiao, RSW.
