Ang Aking mga Obra

30/03/2025

Seguro Naman ay nagising na
Seguro Naman ay naranasan na
Ng bawat Isa Ang pinagkaiba
Kapag Ang ating boto ay binayaran nila

Hindi ba kau nagtataka
Mga proyektong galing pa sa mga nauna
Ano Naman ba Ang bagong nagawa
Kundi Ang magpa-cute sa social Media

Gising kabayan , gising!
Piliin Ang tatangkilikin
Huwag Ang halos makibeso-beso Ang piliin
Ang Puso at isipan natin Ang pairalin

Madaling magkunwari sa social Media
Yaong kunwari nagmamalasakit at makamasa
Ngunit kung Ang katutuhanan ay dadaing ka
PalusotDOTcom kahit halos magmakaawa ka na

Hindi lang nakikita o Ramdam natin
Ano na nga ba Ang nagawa sa Buhay natin
Sila ba ay totoong naglingkod sa ating bayan?
O sumasahod lang ng perang galing sa buwis ng bayan

Huwag magpalinlang sa pagbabakat-kayo
Pupuntahan Kang karamay kapag mayroong lalamayan sa Inyo
Dahil batid nilang mahuhuli Ang puso ninyo
Kapag sa Oras na Ikaw ay namatay Saka lang magaastang nakikidalamhati

Batobato sa langit Ang tamaan ay huwag Magalit
Itanong nawa nila sa sarili kung Sila nga ba ay karapat-dapat
May kakayahan ba silang maging tapat
Sa ating bayan na naghihikahos at salat

Iboto natin Ang kandedato
Na subok na lalo sa pagkatao
Yaong inuuna Ang KALUSUGAN ng MAMAMAYAN
At Hindi yaong makikita mo lang sa LAMAYAN

゚

abdullaharoldDOTcom

25/09/2023

Michael Angelo Prudente

MATATAMO ANG TAGUMPAY

Matakot kay Allah (Subhana wa taala)
Wag nang ipagpaliban pa
Kahit kamalian ay itago pa
Batid NIYA ano man ang gawa

Kaya’t ano nga ba ang dapat
O alin ba ang nararapat
Kaisipan ba ay di sapat
Upang magbalik loob at maging matapat

Atin ngayong tunghayan
Bilang matibay na sandigan
Ang talata sa Banal na Qur’An
Na siyang panghuling KAPAHAYAGAN

O Kayong nagsisisampalataya!
Pangambahan ninyo si Allah
at mangusap kayo ng mga salita
na may karampatang Katarungan.

(Sa gayon), Kanyang babaguhin
para sa inyo ang inyong mga gawa
at patatawarin (Niya)
ang inyong mga kasalanan.

At sinumang sumunod
kay Allah at sa Kanyang Sugo
ay katiyakang nakapagtamo
ng malaking tagumpay.
(Al Ahzab 33:70-71)


By:AbdullaharoldSesaldo

19/05/2023

19/05/2023

29/11/2022

"Inggit"
ni: Jalil D
Category: Tagalog
ID:

Di lahat ng tao'y puspos ng kabaitan,
na wari'y sa kapwa hangad ay kabutihan,
May ilang pag sa estado sila’y nalamangan,
pilit kang ibababa kahit pa ika'y siraan,

Lahat ng paraa'y kanilang gagawin,
Kasaganaan ng iba'y sisikaping puksain,
at dahil di kayang tumbasan tiyagang inihain,
Pagbagsak ng kapwa ay siyang hangarin,

Kung kayo'y nakaranas na laitin ng iba,
huwag ikalumbay bagkus ay ikasaya,
ang inggit sa puso'y mapupukaw talaga,
kapag napagtantong ika’y di nila kaya.

Bago manlait sa iba aba'y tingin sa salamin,
Kaginhawaan ng iba’y pinagsikapan din,
kung anong nais sa sarili sa iba ay siyang gawin,
at huwag hayaang sa inggit ika’y tuluyang makain!

Sa halip na ang kapwa ay iyong pabagsakin,
Bakit di magtiyaga at umahon ay sikapin?
Mabubuti mong gawa ay huwag hayaang tupukin,
At puso sa kainggita’y huwag magpa-alipin.

Ang inggit sa kapwa ay tuluyang iwanan,
At sarili mong buhay ay siyang iyong pagduruhan,
Ang inggit kilanma’y walang mabibigay na kabutihan,
Bagkus kabaliktaran at iyan ang katotohanan!
___________________________
Islam in Poetry

19/07/2022

Ugaling Pinoy!!!

Ugaling Pinoy, ito ang Paksa
At magiging laman,nitong aking tula
Maaring marami sa atin ang aangal bigla
Maaring magalit at maaring matawa

Ating umpisahan sa mga kadalasan
Na matutunghayan,kahit sa lansangan
Kahit sa tindahan ni kabise na utangan
Laganap ito maging sa kalalakihan

Ang tsismis kapatid na siyang libangan
Nang mga walang magawa,kundi ang kapwa ay siraan
Di maiwasan, ito ay nakasanayan
Nang ibang may bahay at maging si Juan.

Ang pumapangalawa sa listahan ko kaka
Ay ang kawalan nang tinatawag na desiplina
Di ko nilalahat ngunit nakikita
Bawal magtapon nang basura,pag nalingat ay ayan nah.

Bawal umihi dito ang nakasulat sa pasilyo
Bawal magtapon nang upos nang sigarilyo
Bawal tumawid, pero kahit hinarangan mo
Sapagkat short-cut daw,lulusot pa rin ito

Ang isa pang kaugalian ay ang ningas kugon
Uumpisahan sandal, pero hihinto sa maglaon
Ni hindi pa nga natapos,sa iba na naman matutuon
Tuloy walang matatatapos sa inumpisahan tiyong.

Racism ang kasunod o pamamahiya sa kapwa
Na tila baga ito ay ginawa nang komedya
Kaya nga sumisikat, itong mga bakla
Na matatabil ang dila gaya nang joke ni vice ganda

Ang Colonial mentality, isa pa sa paksa
Na ugaling pinoy, kahit saan man ay dala
At ang Filipino time, na nakakabanas maghintay
Ang pagtitipong itinakda, tatlong oras bago mag-umpisa

Ang labis kong ikinahihiya
Kung saan-saan naglilipana
Ang ihi at dura
at minsan nga ay plema

at ang pagsutsot sa listahay di mawawala
na ugali na nang pinoy na lubhang nakakahawa
maging sigarilyo at stork na kanilang ibenibenta
sa mga sasakyan ay,sutsot lang,alam mo na.

ngunit ang maganda ay iyong tinatawag nila
na short term memory sa salitang banyaga
napakadaling magpatawad lalo na sa kapwa
at agarang kinakalimutan ang di magandang nagawa

at ito pa ang isa na Motto nang batugan
sa mahilig humilata at magpalaki nang katawan
hahayaan si kumara, na pumalaot sa kung saan
gagawing alila na dapat si pare ang andiyan

ang aalagaan,ay anak ng amo
samantalang sariling anak,ay dina mapaamo
samantalang si pare, tumutungga nang migelito
sikat sa tropa, kay misis ay suportado.

Ngunit ang masakit at di lubos maisip
Na pag-uugaling,nais ko sanay maalis
Ang CRAB MENTALITY na ugaling nakakainis
Imbis na magsikap, hilahin ka ang nais…

Ito ay sakit na labis kung kumalat
Dumi nang puso na inggit ang siyang ugat
Imbis na ang ingit ang gamiting panukat
Upang magsikap ay tila ba mailap

Kapag gumanda nang kunti ang buhay ni kaka
Pag-iisipan na, agad ito nang masama
Imbis na mabuti at gawing halimbawa
Upang magsikap rin at hindi humilata.


[email protected]
abdullaharold.com