Municipality of San Ildefonso

01/09/2026

PAGPUPUGAY SA WATAWAT NG PILIPINAS 🇵🇭🫡 | 1 Setyembre 2026

𝑺𝒂 𝒑𝒂𝒈𝒃𝒖𝒃𝒖𝒌𝒂𝒔 𝒏𝒈 𝒑𝒂𝒏𝒊𝒃𝒂𝒈𝒐𝒏𝒈 𝒍𝒊𝒏𝒈𝒈𝒐, 𝒉𝒊𝒏𝒊𝒌𝒂𝒚𝒂𝒕 𝒏𝒈 𝒂𝒕𝒊𝒏𝒈 𝒑𝒂𝒏𝒈𝒂𝒍𝒂𝒘𝒂𝒏𝒈 𝒑𝒖𝒏𝒐𝒏𝒈 𝒃𝒂𝒚𝒂𝒏, 𝑰𝒈𝒈. 𝑪𝒉𝒂𝒓𝒊𝒛 𝑮𝒂𝒍𝒗𝒆𝒛-𝑪𝒂𝒃𝒂𝒏𝒅𝒆 𝒏𝒂 𝒉𝒖𝒘𝒂𝒈 𝒏𝒂𝒕𝒊𝒏 𝒚𝒂𝒌𝒂𝒑𝒊𝒏 𝒂𝒏𝒈 𝒂𝒕𝒊𝒏𝒈 𝒑𝒐𝒔𝒊𝒔𝒚𝒐𝒏 𝒔𝒂 𝒑𝒂𝒎𝒂𝒉𝒂𝒍𝒂𝒂𝒏, 𝒃𝒂𝒈𝒌𝒖𝒔, 𝒎𝒂𝒉𝒂𝒍𝒊𝒏 𝒏𝒂𝒕𝒊𝒏 𝒂𝒏𝒈 𝒅𝒂𝒉𝒊𝒍𝒂𝒏 𝒌𝒖𝒏𝒈 𝒃𝒂𝒌𝒊𝒕 𝒕𝒂𝒚𝒐 𝒏𝒂𝒓𝒊𝒕𝒐 𝒂𝒕 𝒏𝒂𝒈𝒍𝒊𝒍𝒊𝒏𝒈𝒌𝒐𝒅 𝒑𝒂𝒓𝒂 𝒔𝒂 𝒃𝒂𝒚𝒂𝒏.

Ngayong Martes, pinangunahan ng mga kawani ng Tanggapan ng Punong Bayan ang lingguhang pagbibigay pugay sa Watawat ng Pilipinas. Dumalo rin dito ang mga miyembro ng Sangguniang Bayan. Kasabay nito ang pagbati ng SIGEA Officers sa mga kawani na nagdiwang ng kanilang kaarawan.

24/08/2026

𝐒𝐀 𝐈𝐋𝐀𝐋𝐈𝐌 𝐍𝐆 𝐈𝐈𝐒𝐀𝐍𝐆 𝐖𝐀𝐓𝐀𝐖𝐀𝐓: 𝐏𝐀𝐍𝐀𝐓𝐀 𝐒𝐀 𝐁𝐀𝐘𝐀𝐍, 𝐏𝐀𝐍𝐀𝐓𝐀 𝐒𝐀 𝐌𝐀𝐌𝐀𝐌𝐀𝐘𝐀𝐍

Ngayong araw, pinangunahan ng mga kawani ng Tanggapan ng Pambayang Tagapangasiwa, na pinamumunuan ni G. Roberto A. Valdizno, ang lingguhang pagbibigay pugay sa Watawat ng Pilipinas.

Kasabay nito ang pagtanggap ng BFP San Ildefonso ng bagong fire truck mula sa pamahalaang nasyunal. Nakiisa sa pagturn-over at pagbabasbas nito si FSSUPT Jose Raymund B. Manimbo, Provincial Fire Marshal - BFP Bulacan. Binasbasan din ang bagong Patrol Vehicle ng PNP San Ildefonso.

Dinaluhan din ito ng ating butihing konsehal, Igg. Nongnong Bautista. Nagbigay rin ng mensahe ang ating punong bayan, Mayor Gazo Galvez para sa pagbubukas ng panibagong linggo ng

"...tandaan po natin, kapag minahal natin ang ating trabaho, hindi lamang tayo nagtatrabaho para hintayin ang ala-singko. Nagtatrabaho po tayo dahil may taong umaasa. May pamilyang nangangailangan. May kababayang naghihintay ng ating mahalagang serbisyo."

17/08/2026

BAGONG LINGGO, BAGONG SAN ILDEFONSO 🫡

Pinangunahan ni PNP Chief Gilmore A. Wasin at ng ating mga mahuhusay na kapulisan ang pagsasagawa ng pagtitipon para sa Watawat, kasama ang mga kawani ng bahay pamahalaan.


Ang pag-awit ng “Bagong Pilipinas” at pagsasambit ng panunumpa nito ay higit pa sa simpleng salita. Ito ay paalala sa bawat kawani na ang pagiging lingkod-bayan ay may kaakibat na pananagutan, integridad, disiplina, at malasakit sa kapwa.

Bagong Pilipinas—hindi lamang inaawit, kundi isinasabuhay sa serbisyo publiko. 🇵🇭

03/08/2026

𝐋𝐈𝐍𝐆𝐆𝐔𝐇𝐀𝐍𝐆 𝐏𝐀𝐆𝐓𝐀𝐓𝐀𝐀𝐒 𝐍𝐆 𝐖𝐀𝐓𝐀𝐖𝐀𝐓
"𝐌𝐚𝐫𝐚𝐦𝐢 𝐧𝐚 𝐭𝐚𝐲𝐨𝐧𝐠 𝐧𝐚𝐬𝐢𝐦𝐮𝐥𝐚𝐧, 𝐦𝐚𝐫𝐚𝐦𝐢 𝐧𝐚 𝐭𝐚𝐲𝐨𝐧𝐠 𝐧𝐚𝐠𝐚𝐰𝐚, 𝐧𝐠𝐮𝐧𝐢𝐭 𝐦𝐚𝐬 𝐦𝐚𝐫𝐚𝐦𝐢 𝐩𝐚 𝐭𝐚𝐲𝐨𝐧𝐠 𝐤𝐚𝐢𝐥𝐚𝐧𝐠𝐚𝐧𝐠 𝐭𝐚𝐩𝐮𝐬𝐢𝐧."

Ngayong linggo, ang ating Lingguhang Pagtataas ng Watawat ng Pilipinas ay pinangunahan ng Office of the Municipal Business Permits and Licensing Office (OMBPLO) sa pamumuno ni Sir Alvin V. Cruz, kasama ang mga kawani ng Pamahalaang Bayan, mga Punong Barangay, kapulisan at Bureau of Fire Protection (BFP).

Kasabay nito ang pagkilala sa ilan sa ating mga kapulisan bilang pagpapahalaga sa kanilang paglilingkod, gayundin ang pagkilala sa Municipal Disaster Risk Reduction and Management Office (MDRRMO) para sa kanilang pakikilahok sa ginanap na Rescuelympics.

Narito ang ilan sa mga nilalaman ng mensahe ng punong bayan:

"Isang taon ng mga pagsubok, desisyon at pagkilos — ngunit higit sa lahat, isang taon ng buong-pusong paglilingkod sa bayan ng San Ildefonso.

Sa ating patuloy na paglilingkod, malinaw ang ating paninindigan: “Public Office is a Public Trust.” Kaya ang bawat programa, proyekto at serbisyong ating isinasagawa ay dapat may tunay na epekto sa buhay ng ating mga kababayan.

Mula sa mahigit 5,000 Iskolar ng Bayan, pagpapalawak ng serbisyong pangkalusugan at panlipunan, suporta sa ating mga magsasaka at kabuhayan, pangangalaga sa kapaligiran, paghahanda sa kalamidad, pagpapaunlad ng imprastraktura, hanggang sa pagbibigay ng mas maraming oportunidad sa ating kabataan—patuloy nating isinusulong ang isang mas maunlad, ligtas, malusog at mapagkalingang bahay pamahalaan.

𝐍𝐠𝐮𝐧𝐢𝐭 𝐡𝐢𝐠𝐢𝐭 𝐬𝐚 𝐦𝐠𝐚 𝐧𝐮𝐦𝐞𝐫𝐨 𝐚𝐭 𝐚𝐜𝐜𝐨𝐦𝐩𝐥𝐢𝐬𝐡𝐦𝐞𝐧𝐭, 𝐚𝐧𝐠 𝐛𝐚𝐰𝐚𝐭 𝐭𝐚𝐨𝐧𝐠 𝐚𝐭𝐢𝐧𝐠 𝐧𝐚𝐩𝐚𝐠𝐥𝐢𝐥𝐢𝐧𝐠𝐤𝐮𝐫𝐚𝐧 𝐚𝐲 𝐦𝐚𝐲 𝐩𝐚𝐧𝐠𝐚𝐥𝐚𝐧, 𝐩𝐚𝐦𝐢𝐥𝐲𝐚, 𝐤𝐮𝐰𝐞𝐧𝐭𝐨 𝐚𝐭 𝐩𝐚𝐧𝐠𝐚𝐫𝐚𝐩. 𝐒𝐢𝐥𝐚 𝐚𝐧𝐠 𝐭𝐮𝐧𝐚𝐲 𝐧𝐚 𝐝𝐚𝐡𝐢𝐥𝐚𝐧 𝐤𝐮𝐧𝐠 𝐛𝐚𝐤𝐢𝐭 𝐭𝐚𝐲𝐨 𝐩𝐚𝐭𝐮𝐥𝐨𝐲 𝐧𝐚 𝐤𝐮𝐦𝐢𝐤𝐢𝐥𝐨𝐬."

𝐌𝐚𝐫𝐚𝐦𝐢 𝐧𝐚 𝐭𝐚𝐲𝐨𝐧𝐠 𝐧𝐚𝐬𝐢𝐦𝐮𝐥𝐚𝐧, 𝐦𝐚𝐫𝐚𝐦𝐢 𝐧𝐚 𝐭𝐚𝐲𝐨𝐧𝐠 𝐧𝐚𝐠𝐚𝐰𝐚, 𝐧𝐠𝐮𝐧𝐢𝐭 𝐦𝐚𝐬 𝐦𝐚𝐫𝐚𝐦𝐢 𝐩𝐚 𝐭𝐚𝐲𝐨𝐧𝐠 𝐤𝐚𝐢𝐥𝐚𝐧𝐠𝐚𝐧𝐠 𝐭𝐚𝐩𝐮𝐬𝐢𝐧. Hindi tayo titigil. Patuloy nating ilalapit ang serbisyo, bubuksan ang oportunidad, at sisikaping maramdaman ng bawat mamamayan na sa San Ildefonso, walang maliit na pangarap, walang maliit na mamamayan, at walang serbisyong dapat mapagkaitan."

29/07/2026

ISKOLAR NG BAYAN 📚 🎓

Ang Educational Assistance Distribution ay gaganapin po sa Agosto 1, 2026 (Sabado) sa New Municipal Hall, Brgy. Anyatam, SIB.

🕗 College: 8:00 AM – 12:00 NN
🕐 High School: 1:00 PM – 4:00 PM

Patuloy ang Pamahalaang Bayan ng San Ildefonso, sa pangunguna ni Mayor Gazo Galvez, sa pagbibigay ng suporta sa edukasyon upang mas maraming kabataan ang mabigyan ng pagkakataong maabot ang kanilang mga pangarap.

PAALALA: Hinihikayat po ang lahat ng benepisyaryo na dumating sa itinakdang oras at dalhin ang lahat ng kinakailangang dokumento.
❗️Dalhin po ang stub at magdala po ng ID at Ballpen (Black)

Ating itaguyod ang edukasyon para sa mas maliwanag na kinabukasan! 💛💜

27/07/2026

ISKOLAR NG BAYAN | DEADLINE EXTENDED! 🎓

Mas pinalawig po ang panahon ng pagsusumite ng requirements hanggang Hulyo 29, 2026.

Patuloy ang Pamahalaang Bayan ng San Ildefonso sa pagbibigay-suporta sa edukasyon at sa pag-abot ng pangarap ng bawat kabataan ng ating inang bayan.

27/07/2026

“𝐌𝐎𝐍𝐃𝐀𝐘 𝐍𝐀 𝐔𝐋𝐈𝐓?” 💛
Flag Ceremony 🇵🇭 | 27 July 2026

Pinangunahan ng mga Tanggapan ng Turismo (Headed by: Ms. Denniesse Hernandez) at Nutrisyon (Headed by: Ms. Eunice F. Vanguardia), ang lingguhang Flag Raising Ceremony na dinaluhan ng Punong Bayan Mayor Gazo Galvez, Konsehal Nongnong Bautista, at mga kawani ng Pamahalaang Bayan ng San Ildefonso.

Sa programa, kinilala ng BFP San Ildefonso, (Headed by: Fire Marshal Noel Bernardo), ang mga natatanging kawani nito. Nagbigay rin ng oryentasyon si Ma’am Eunice hinggil sa EO No. 51 (Milk Code) at RA No. 10028 (Expanded Breastfeeding Promotion Act), at binigyang-diin ang kahalagahan ng Lactation Facility ng munisipyo bilang patunay ng pagsunod sa batas at pangangalaga sa kapakanan ng mga kawani.

Samantala, nakatanggap naman ng Special Citation ang Office of the Municipal Agriculturist (Headed by: MA Victorio Joson, Jr.) para sa mahusay na pagpapatupad ng Rice Competitiveness Enhancement Fund - Seed and Extension Programs for the 2025 wet season and 2026 dry season under the Large-Scale category. At pinangunahan ng SIGEA, (Headed by: sir Paolo Bautista) ang pagbati at pamamahagi ng cake para sa mga celebrants ng buwan.

At sa mensahe ng Punong bayan, hinikayat ni Mayor Gazo Galvez ang bawat kawani na ipagpatuloy ang mahusay, bukas, at walang kapagurang paglilingkod sa mamamayan, sapagkat ang bawat isa ay may mahalagang ambag sa mga tagumpay at pagkilalang natatanggap ng ating bayan.

𝐎𝐏𝐎, 𝐌𝐎𝐍𝐃𝐀𝐘 𝐍𝐀 𝐏𝐎 𝐔𝐋𝐈𝐓 🥰 𝐀𝐘𝐀𝐖 𝐍𝐈𝐘𝐎 𝐏𝐀? 𝐁𝐀𝐍𝐆𝐎𝐍 𝐍𝐀. 💛 P.S. Until Wednesday po ang submission ng requirements para sa Iskolar ng Bayan. Magpost po kami ng separate announcement patungkol po rito. Narito po ang list ng qualified students: https://drive.google.com/drive/folders/1sDasG0wYjT2GxqFx9OA5r7FD4uoUCrHb?usp=share_link

23/07/2026

20/07/2026

𝗜𝘀𝗸𝗼𝗹𝗮𝗿 𝗻𝗴 𝗕𝗮𝘆𝗮𝗻
SUBMISSION OF REQUIREMENTS

Sa mga Iskolar ng Bayan ng San Ildefonso, gaganapin ang pagpapasa ng mga requirements sa ating Pamahalaang Bayan sa darating na JULY 25 para sa mga Highschool at JULY 26 para sa mga Kolehiyo, mula 8:00 AM - 4:00 PM, gaganapin sa New Municipal Hall, Anyatam, San Ildefonso, Bulacan.

🏅REQUIREMENTS
1. ORIGINAL & 2 PHOTOCOPIES - CERTIFICATE OF ENROLLMENT (2nd Semester S.Y 2025-2026)
2. ORIGINAL & 2 PHOTOCOPIES - REPORT OF GRADES
✔️ High School (S.Y. 2025-2026)
✔️ College (2nd Semester - S.Y. 2025-2026)
3. ORIGINAL & 2 PHOTOCOPIES - SCHOOL ID (S.Y. 2025-2026) with three (3) specimen signatures
4. ORIGINAL (DRY SEALEAD) & 2 PHOTOCOPIES - UPDATED BARANGAY INDIGENCY

𝗣𝗮𝗿𝗮 𝘀𝗮 𝗹𝗶𝘀𝘁𝗮𝗵𝗮𝗻 𝗻𝗴 𝗺𝗴𝗮 𝗜𝘀𝗸𝗼𝗹𝗮𝗿, 𝗻𝗮𝗿𝗶𝘁𝗼 𝗮𝗻𝗴 𝗹𝗶𝗻𝗸:
https://drive.google.com/drive/folders/1sDasG0wYjT2GxqFx9OA5r7FD4uoUCrHb?usp=share_link

Matapos makumpleto ang inyong mga requirements, magkakaroon kayo ng STUB na inyong dadalhin sa araw o schedule ng Allowance Distribution. Maraming salamat po!