Mayor Gazo Galvez

30/08/2026

WALANG TIGIL ANG ULAN DULOT NG HABAGAT.. 🌧️

Nauunawaan ko ang inyong pangamba at mga pagsubok dulot ng masamang panahon. Kaya patuloy po nating mino-monitor ang sitwasyon sa iba’t ibang bahagi ng ating bayan upang agad na makapagbigay ng kinakailangang pangangailangan at responde, sa pamamagitan po yan nila sir Kieron at mga kawani ng MDRRMO, ating mga kapulisan at BFP.

Kasalukuyan din pong naghahanda ang mga kawani ng Pamahalaang Lokal, kasama ang Municipal Social Welfare and Development Office (MSWDO) sa pangunguna ni Ma’am Fely Esguerra, para sa pamamahagi ng pansamantalang tulong sa ating mga kababayang lubhang naapektuhan ng walang tigil na pag-uulan.

Sa oras po ng sakuna at pagsubok, higit nating kailangan ang pagkakaisa, pagdadamayan, at malasakit sa isa’t isa.

Mag-ingat po tayong lahat. 🙏

29/08/2026

Dalawang Puso, Isang Pangarap: Arvie and Paula Luayon Wedding

Nawa’y maging tahanan ninyo ang isa’t isa—kung saan laging may pag-unawa, respeto, suporta, at pagmamahal. Sa bawat pangarap na inyong bubuuin, nawa’y lagi ninyong piliing magkasama.

Hangad ko ang inyong isang matatag, masaya, mapayapa, at panghabambuhay na pagsasama.

Congratulations at best wishes!

28/08/2026

Isang Bagong Simula, Isang Habambuhay na Pagmamahalan: Niel and Marimar Villamor Wedding

Sa bawat hamon na inyong haharapin, nawa’y lagi ninyong piliing magkapit-bisig at magtulungan. Tandaan ninyo na ang isang matatag na pagsasama ay hindi lamang nasusukat sa mga masasayang araw, kundi higit sa lahat sa pananatiling magkasama sa panahon ng pagsubok.

Congratulations at best wishes!

28/08/2026

Dugong Alay, Handog ay Buhay!

Inaanyayahan po ang ating mga kababayan na makiisa sa Blood Donation Program sa darating na September 1, 2026, 8:00 AM sa One San Ildefonso Mall.

Ito ay sa pagtutulungan ng Pamahalaang Lokal, Office of the Municipal Health Officer, at ng Bulacan Provincial Blood Center. Ang pag-aalay ng dugo ay hindi lamang donasyon, ito ay regalong hindi matutumbasan, pag-asa sa may sakit, at bagong simula para sa nangangailangan. Kaya tara at maging bayani sa simpleng paraan. Magbigay ng dugo, magbigay ng buhay.

28/08/2026

CLASSES AND GOVERNMENT WORK SUSPENDED STARTING 1:00 PM

JUST IN: Work, classes are suspended in NCR, 16 provinces starting at 1 PM today, August 28, 2026, Malacañang announced. | via Ivan Mayrina/GMA News

Visit gmanetwork.com/news for more updates.

28/08/2026

Isang taos-pusong pagbati sa ating mga 2026 B.E.S.T. Barangay Awardees! 🎉 Ang inyo pong pagkilala ay bunga ng mahusay na pamamahala, mahusay na serbisyo, transparency, at higit sa lahat, malasakit sa bawat mamamayan 💜💛

Kaya patuloy po ninyong gawin ang inyong best para sa B.E.S.T. (Building Excellence in Service and Transparency); tungo sa mas maayos, mas mabilis, at mas responsableng serbisyo para sa ating bayan.

Mabuhay ang bawat barangay at ang mga lingkod-bayang patuloy na kumikilos para sa kapakanan ng ating mga kababayan!

27/08/2026

Maligayang Kaarawan po, Cong. Mark Cholo I. Violago - Nagsisilbing Ama ng Ikatlong Distrito 💙💛💜

Sa espesyal na araw na ito, nais kong iparating ang aking pagbati at pasasalamat sa iyong patuloy na paglilingkod at malasakit sa aking mga kababayan. Nawa’y patuloy kayong pagkalooban ng Panginoon ng mabuting kalusugan, karunungan, lakas at mahabang buhay upang higit pa ninyong mapaglingkuran ang ating mga nasasakupan.

Bilang inyong kapwa lingkod-bayan, hangad ko po ang inyong patuloy na tagumpay sa bawat adhikaing nakatuon sa kapakanan at pag-unlad ng ating mga kababayan.

Muli, mula po sa akin at sa Pamahalaang Bayan ng San Ildefonso, isang masaya at mapagpalang kaarawan po, Cong. Cholo 🫡🎉

27/08/2026

WALANG PASOK | Agosto 28, 2026

Dahil sa patuloy na pag-ulan at para sa kaligtasan ng ating mga mag-aaral, suspendido po ang face-to-face classes sa lahat ng antas, pribado man o pampubliko, ngayong araw. Hinihikayat ang mga paaralan na ayusin ang pacing ng mga aralin at iwasan ang pagbibigay ng labis na mabibigat na gawain sa mga mag-aaral.

Para po sa mga magulang, mga g**o, at mga mag-aaral: Humihingi rin po kami ng paumanhin dahil sa pagkaantala ng paglalabas ng anunsiyong ito. Marahil po ang iba ay nakaalis na o nakapasok na. Nauunawaan po namin ang inyong pangangailangan na makatanggap agad ng malinaw at napapanahong impormasyon. Pasensya na po. 🙏

Mag-ingat po tayong lahat

27/08/2026

Maligayang Kaarawan, Mam Leilani C. Bondoc! 🎉🎂

Bilang Municipal Civil Registrar, mahalaga ang inyong tungkulin sa pangangalaga ng mga rekord at serbisyong sibil na mahalaga sa bawat pamilya dito sa ating bayan.

Nawa’y patuloy kayong pagpalain ng mabuting kalusugan, saya, at lakas upang maipagpatuloy ang inyong makabuluhang paglilingkod. Hangad ko ang inyong tagumpay at mas marami pang biyaya para sa inyo at sa inyong pamilya.

Muli, maligayang kaarawan, Mam Lanie!

27/08/2026

LIBRENG MOBILE GAMUTAN 💊🩺

𝐇𝐚𝐧𝐝𝐨𝐠 𝐧𝐠 𝐩𝐚𝐦𝐚𝐡𝐚𝐥𝐚𝐚𝐧𝐠 𝐥𝐨𝐤𝐚𝐥 𝐬𝐚 pangunguna ni Mayor Gazo Galvez.

Date: 28 August 2026
Barangay Poblacion
Venue: BSAU Sports Arena, Poblacion SIB

Aking mga kababayan sa nasabing mga barangay, mula po sa pagnanais namin na maibaba sa inyong mga barangay ang iba’t-ibang serbisyo publiko at mailapit mismo sa inyo ang mga LIBRENG SERBISYO MEDIKAL, handog po namin sa inyo ang LIBRENG MOBILE GAMUTAN sa barangay. Katuwang ang Pambayang Tanggapan sa Kalusugan na pinamumunuan ni Dr. Reginell Nuñez at ang ating Pambayang Tanggapan ng Nutrisyon sa pamumuno ni Ms. Ma. Eunice Vanguardia.