Barangay Gaya-Gaya City of San Jose Del Monte Bulacan

04/09/2026

NANDITO NA SI CHITO, SI CHITO MIRANDA! MAGRARAKRAKAN DITO IN 5, 4, 3, 2… 🔥

CONFIRMED, MAY HAHABOL SA TANGLAWAN FESTIVAL 2026! 🫵🏼

Mapupuno ang langit ng bituin at sabay-sabay tayong kikiligin sa haranang handog ng iconic OPM rock band na Parokya ni Edgar, BUKAS NA sa City College Grounds! 🎸🎶

04/09/2026

Simula na ng BAGONG DEKADA ng Tanglawan Festival at BAGONG KASAYSAYAN para sa The Rising City of San Jose del Monte!

Hudyat na ito ng bagong pahina ng mas maningning na tagumpay, dobleng saya, at mas progresibong lungsod na patuloy na umaangat at tumatatak sa madla.

Abangan ang lahat ng kaganapan at iba pang mahahalagang balita at impormasyon sa Balitang San Jose N’yo, 11th Tanglawan Festival, Best of 2026 and 26th Cityhood Anniversary Special Coverage hatid ng buong pwersa ng Public Information Office!

04/09/2026

Tanglaw Konsiyerto para sa Pamilyang San Joseño | CONCERT GUIDELINES
September 5, 2026 | 5:00 PM
City College of San Jose del Monte Open Grounds, Brgy. Minuyan Proper

𝗖𝗢𝗡𝗖𝗘𝗥𝗧 𝗚𝗨𝗜𝗗𝗘𝗟𝗜𝗡𝗘𝗦
1. Entrance Gate is located at City College of San Jose del Monte and will open at 4:00 PM. Show starts at 7:00 PM.
2. The Concert is OPEN FOR ALL! Expect thousands of attendees so make sure to be there early. General admission is FIRST COME FIRST SERVED.
3. This is a standing concert, strictly no reservation.
4. Senior Citizens, Pregnant Women, and PWDs are DISCOURAGED to attend the concert.
5. Bringing of large bags are highly discouraged.
6. Bringing of umbrellas will not be allowed. San Joseño Concert goers are encouraged to bring their own raincoats.
7. Please be mindful of your belongings during the concert.
8. Dress appropriately.
9. Lastly, ENJOY THE CONCERT!

PROHIBITED ITEMS / ACTIVITIES
- Smoking/Vaping
- Sharp/Pointed Objects
- Noise Makers
- Flammable/Lighters
- Bottled Waters/Drinks
- Alcoholic Beverages
- Children below 15 years old

𝗗𝗘𝗦𝗜𝗚𝗡𝗔𝗧𝗘𝗗 𝗣𝗔𝗥𝗞𝗜𝗡𝗚 𝗔𝗥𝗘𝗔𝗦
Please note that parking spaces in the area are limited and allocated on a first-come, first-served basis.

- In front of City Sports Complex (please see graphics for reference)

Sama-sama tayong mag-enjoy sa konsiyerto nang may disiplina at malasakit bilang isang responsableng San Joseño!

See you there!

04/09/2026

PABATID mula sa Metro Pacific Bulacan Water

Magsasagawa ang MPBW ng mapping activity sa mga sumusunod na lugar ngayong Biyernes, September 4.

Layunin ng aktibidad na ma-verify ang lokasyon ng metro ng mga active at inactive consumers, kumuha ng litrato at iba pang kinakailangang detalye, at matukoy kung residential o commercial ang kategorya ng linya.

Paalala sa mga consumer na makipagtulungan at magbigay lamang ng impormasyon sa mga awtorisadong personnel na nakasuot ng uniporme at may dalang valid ID ng USI. Hinihikayat ang lahat na tiyaking tama at lehitimo ang pagkakakilanlan ng mga magsasagawa ng mapping activity.

Ano po ba ang Mapping Activity:

1. Beripikasyon ng lokasyon ng metro ng active at inactive consumers
2. Kukuhanan ng litrato at iba pang detalye
3. Susuriin ang kategorya ng inyong linya kung residential o commercial ba ito.

Paalala lang po na magtiwala at magbigay lamang po ng impormasyon sa mga naka-uniporme na may kasamang ID ng USI personnel para dito.

04/09/2026

TINGNAN

GAWAD GALING BARANGAY BULACAN - FINALIST

Isang karangalan para sa Pamahalaang Barangay ng Gaya-Gaya ang pagkilala sa ating butihing Punong Barangay, Enry “Ryan” Santos bilang finalist sa kategoryang Natatanging Punong Barangay ng Gawad Galing Barangay Bulacan 2026.

Bilang bahagi ng susunod na yugto ng kompetisyon, inaasahang dadalo ang ating Punong Barangay sa Briefing of Finalists, at Final Interview sa Hiyas ng Bulacan Convention Center, City of Malolos, Bulacan.

Ang pagkilalang ito ay patunay ng patuloy na pagsusumikap at paglilingkod para sa ating mga kababayan.

04/09/2026

PASASALAMAT SA MGA DONORS SA PANAHON NG MALAKAS NA PAG-ULAN DULOT NG HABAGAT

Taos-puso ang pasasalamat ng Pamahalaang Barangay Gaya-Gaya sa lahat ng indibidwal, grupo, at organisasyon na nagpaabot ng tulong sa ating mga residenteng naapektuhan ng malakas na pag-ulan dulot ng Habagat noong nakaraang linggo.

Kabilang sa mga ipinagkaloob na donasyon ang pagkain, inuming tubig, damit, newborn clothes, at iba pang pangunahing pangangailangan ng ating mga evacuees.

Kapansin-pansin din ang ipinakitang malasakit at pagkukusa ng ating mga kabataan, partikular ng mga estudyante, na hindi nag-atubiling makiisa sa mga relief efforts. Ang kanilang inisyatibo ay patunay na ang diwa ng bayanihan ay patuloy na namamayani sa ating komunidad.

Lubos ang aming paghanga at pasasalamat sa lahat ng naglaan ng kanilang oras, resources, at tulong para sa ating mga kabarangay. Sa panahon ng pangangailangan, ang inyong malasakit ay naging malaking bahagi ng pagtugon at pagbangon ng ating komunidad.

Lalo’t higit sa ating butihing Punong Lungsod, Mayor Ate Rida Robes, at sa ating minamahal na Congressman Arthur Robes, na palaging nauunang tumugon at hindi nag-aatubiling magpaabot ng tulong sa oras ng pangangailangan. Ang kanilang agarang pagkilos at malasakit ay malaking bahagi ng ating sama-samang pagtugon sa pangangailangan ng ating mga kabarangay, lalo na ng ating mga evacuees.

Mula sa ating butihing Punong Barangay, Enry Ryan Santos, kasama ang Sangguniang Barangay at mga kawani ng Barangay Gaya-Gaya, maraming salamat po sa inyong walang sawang suporta at pakikiisa.

Sa bawat donasyon, bawat pagkukusa, at bawat pagtulong—nananatiling buhay ang tunay na diwa ng bayanihan sa Barangay Gaya-Gaya.

03/09/2026

IBOTO NATIN ANG CLUSTER 9!

Gayanos, oras na para ipakita ang ating buong suporta sa Cluster 9, na kinabibilangan ng ating minamahal na Barangay Gaya-Gaya, sa Tanglawan Festival 2026 – Arya-Aryahan: Sayaw ng Kultura, Indak ng Pagkakaisa!

Isang boto mo, malaking ambag sa ating mga kabarangay na buong puso at husay na kumakatawan sa ating lugar!

BUMOTO DITO:
https://www.facebook.com/share/1HgQRnVGk1/

Huwag nang magpatumpik-tumpik—boto na at hikayatin ang iba!

03/09/2026

ALTERNATIVE LEARNING MODES FOR SCHOOLS ON SEPTEMBER 4

Pursuant to Memorandum Circular No. 134, alternative learning modes and learning continuity measures shall be implemented at all levels in public and private educational institutions in the National Capital Region and the following provinces on September 4, 2026, unless their respective Local Chief Executives direct the cancellation or suspension of classes:

📍 National Capital Region (NCR)
📍 Ilocos Norte
📍 Ilocos Sur
📍 La Union
📍 Pangasinan
📍 Abra
📍 Benguet
📍 Zambales
📍 Bataan
📍 Bulacan
📍 Tarlac
📍 Pampanga
📍 Cavite
📍 Laguna
📍 Batangas
📍 Occidental Mindoro

The measure is in view of the anticipated continued heavy rainfall associated with the enhanced Southwest Monsoon (Habagat) and poor air quality in the NCR caused by haze from severe forest and peatland fires in Kalimantan and Sumatra, Indonesia.

Localized cancellation or suspension of classes in other areas may be implemented by their respective Local Chief Executives.

02/09/2026

MALIGAYANG KAARAWAN!

Isang taos-pusong pagbati ng Maligayang Kaarawan sa ating masipag, maalaga, at maaasahang Barangay Health Worker (BHW), Ate Flora Tianzon!

Maraming salamat po sa inyong tapat na paglilingkod, malasakit, at walang sawang pag-aalaga sa kalusugan at kapakanan ng ating mga kabarangay. Ang inyong pagiging handang tumulong at magbigay-serbisyo sa bawat nangangailangan ay tunay na nagpapakita ng inyong puso para sa komunidad.

Nawa'y patuloy kayong pagpalain ng Poong Maykapal ng mabuting kalusugan, sapat na lakas, mahabang buhay, at maraming biyaya upang patuloy ninyong maibahagi ang inyong kabutihan at malasakit sa ating mga kabarangay.

Hangad namin ang isang masaya, makabuluhan, at pinagpalang pagdiriwang ng inyong kaarawan kasama ang inyong mga mahal sa buhay. 💐

Maligayang Kaarawan po, Ate Flora Tianzon!
Nawa'y maging kasingganda ng inyong pusong mapaglingkod ang bawat araw ng inyong buhay.

Mula sa ating butihing Punong Barangay, Enry “Ryan” Santos, Sangguniang Barangay, at mga Kawani ng Barangay Gaya-Gaya.

02/09/2026

PAKIKIRAMAY MULA SA PAMAHALAANG BARANGAY NG GAYA-GAYA

Ang Pamahalaang Barangay ng Gaya-Gaya, sa pangunguna ng ating butihing Punong Barangay Enry Ryan Santos, kasama ang lahat ng mga opisyal at kawani nito, ay taos-pusong nakikiramay sa pagpanaw ng ating minamahal na kasamahan, Barangay Tanod na si Ronald Belir Repedro, na mas kilala ng marami bilang “TL” o “Bogs.”

Ang aming kasamahang si Ka Ronald ay naglaan ng bahagi ng kanyang buhay sa tapat at dedikadong paglilingkod bilang Barangay Tanod ng Barangay Gaya-Gaya.

Sa tungkuling kanyang ginampanan, ipinamalas niya ang kanyang kasipagan, pagiging responsable at dedikasyon. Bilang Barangay Tanod, hindi biro ang kanyang naging tungkulin. Sa bawat oras ng pagbabantay, pagresponde at pagtulong sa mga pangangailangan ng komunidad, naging bahagi siya ng serbisyong mahalaga sa pagpapanatili ng kaayusan at kaligtasan ng ating mga kabarangay.

Bagama't siya ay namaalam na, ang kanyang mga naiambag, mabuting pakikitungo, at mga taon ng paglilingkod ay mananatiling bahagi ng alaala ng mga taong kanyang nakasama at napaglingkuran.

Sa ngalan ng buong Pamahalaang Barangay ng Gaya-Gaya, ipinapaabot namin ang aming taos-pusong pakikiramay sa kanyang asawa, sa kanyang mga anak, mga kaanak, kaibigan, mga kasamahan, at lahat ng kanyang mga mahal sa buhay. Nawa'y pagkalooban kayo ng Poong Maykapal ng lakas, at kapanatagan ng loob sa gitna ng inyong pagdadalamhati.

Maraming salamat, Kuya Ronald, sa iyong naging serbisyo sa ating barangay.

Ang iyong tahimik ngunit tapat na paglilingkod, dedikasyon sa tungkulin, at malasakit sa kapwa ay mananatiling bahagi ng alaala ng ating komunidad. Ang mga taon na iyong inilaan sa paglilingkod bilang Barangay Tanod ay isang mahalagang ambag na nararapat kilalanin at pahalagahan.

Para sa mga nagnanais pong makiramay sa pamilya ni Ka Ronald Belir Repedro, ang kanyang labi ay nakaburol sa:

Lamay: Towerville 6B, Multi-purpose Hall.
Libing: Septemeber 5, 2026 | 2PM | St. Joseph Cemetery

RONALD “TL” “BOGS” REPEDRO
Hunyo 29, 1969 – Agosto 22, 2026

Maraming salamat sa iyong serbisyo.
Paalam, TL

‎
‎
‎
‎