Ben Patron

01/06/2026

Matagumpay na naisagawa ang ika-42 na Regular na Sesyon ng Sangguniang Bayan ng San Jose, Batangas sa pangunguna ng inyong lingkod, noong May 27, 2026.

Sa nasabing sesyon ay pinagtuunan ng pansin ng mga miyembro ng Sangguniang Bayan ang mga mahahalagang usaping pambayan at mga panukalang naglalayong isulong ang kaunlaran ng ating bayan at mapahusay ang paghahatid ng serbisyo sa ating mga mamamayan.

Lubos din po akong nagpapasalamat sa aking mga kasamahan sa Sangguniang Bayan, gayundin sa lahat ng naglaan ng oras upang magpaabot ng kanilang pagbati at mabubuting mensahe sa aking kaarawan. Ang inyong mga pagbati, panalangin, suporta, at pagpapahalaga ay taos-puso kong pinahahalagahan. Nagsisilbi itong inspirasyon at dagdag-lakas upang higit ko pang pagbutihin ang aking paglilingkod at patuloy na maglingkod nang may dedikasyon para sa kapakanan ng ating mga kababayan.

Sa diwa ng pagkakaisa at pagtutulungan, patuloy na isinusulong ng Sangguniang Bayan ang mga hakbang na naglalayong makamit ang mas maayos na pamamahala at pangmatagalang kaunlaran para sa Bayan ng San Jose.

30/05/2026

Isang taos-pusong pagbati po sa ating Office of the Municipal Accountant sa pangunguna ni Ma’am Charito M. Laroza, CPA, sa pagkamit ng Philippine Association of Local Government Accountants, Inc. (PHALGA) Excellence Award!

Ang karangalang ito ay sumasalamin sa dedikasyon, husay, integridad, at tapat na paglilingkod ng ating mga lingkod-bayan at nagpapatunay na tayo ay patuloy na naghahatid ng mahusay at maayos na serbisyo publiko.

Mabuhay po kayo at ang bayan ng San Jose!

27/05/2026

Sa pagdiriwang ng National Flag Day ngayong ika-28 ng Mayo 2026, ating binibigyang-pugay ang watawat ng Pilipinas na sumisimbolo sa tapang, kalayaan, at pagkakaisa ng bawat Pilipino.

Nawa’y manatili sa ating puso ang pagmamahal at paggalang sa ating pambansang watawat bilang pagkilala sa kabayanihan ng ating mga ninuno at inspirasyon sa patuloy na pagbangon at pag-unlad ng ating bayan.

26/05/2026

Bago matapos ang araw na ito nais ko lamang batiin ng isang maligayang kaarawan ang aking anak, Mark Patron!🎉

Isa kang malaking biyaya sa aming buhay at araw-araw akong nagpapasalamat na ikaw ang aking anak.

Nawa’y patuloy kang pagpalain ng magandang kalusugan, tagumpay, at kaligayahan. Lagi mong tandaan na nandito lang si Dade upang sumuporta at magmahal sa’yo. Mahal na mahal ka namin.

21/05/2026

Matagumpay na naisagawa ang ika-41 na Regular na Sesyon ng Sangguniang Bayan ng San Jose, Batangas sa pangunguna ng inyong lingkod, Vice Mayor Valentino “Ben” R. Patron, bilang Presiding Officer.

Sa nasabing sesyon ay naghain ang mga miyembro ng Sangguniang Bayan ng kani-kanilang mga panukalang ordinansa na siya namang masusing tinalakay at pinagtibay sa pagpupulong. Ang mga nasabing ordinansa ay nakatuon sa iba’t ibang usapin at hakbanging naglalayong higit pang mapabuti ang mga programa at serbisyong ipinagkakaloob para sa kapakanan ng bawat San Joseño.

Nakasama rin natin sa sesyon ang Shincheonji Volunteers PH kaugnay ng kanilang isasagawang tree planting activity bilang bahagi ng pagsusulong ng pangangalaga sa kalikasan at pagpapatibay ng pakikiisa ng komunidad sa mga programang makakalikasan.

Kasabay nito, inanunsyo rin ng inyong lingkod ang nakatakdang pamamahagi ng libreng notebook para sa mga mag-aaral ng pampublikong paaralan mula Kindergarten hanggang Senior High School bilang paghahanda sa pagbubukas ng klase. Ang programang ito ay personal na inisyatibo at magmumula sa sariling bulsa, at hindi gagamitan ng pondo mula sa lokal na pamahalaan.

Nagkakaisa ang Sangguniang Bayan upang maghatid ng kaayusan, kaunlaran, at mas maayos na serbisyo para sa Bayan ng San Jose.

14/05/2026

Isang mapagpalang araw po sa ating lahat.

Ngayong araw ay nagkaroon po tayo ng pagkakataon na magsagawa ng Courtesy Call kay Executive Secretary Ralph Recto kasama ang mga miyembro ng Vice Mayors’ League of the Philippines - Batangas Chapter.

Sa pangunguna ng inyong lingkod bilang Pangulo ng Vice Mayors League of the Philippines - Batangas Chapter, nagkaisa ang mga Bise Alkalde ng lalawigan ng Batangas upang maipahayag ang ating suporta at patuloy na pagsusulong ng mga programang makatutulong sa pag-unlad ng bawat bayan at mamamayan.

Lubos din po tayong nagpapasalamat kay Executive Secretary Ralph Recto sa mainit na pagtanggap at pagbibigay halaga sa sektor ng mga lokal na opisyal.

Patuloy po nating isusulong ang tapat, maayos, at makataong paglilingkod para sa bawat Batangueño.🇵🇭🤝

13/05/2026

Maligayang Kaarawan po Hon. Larry D. Perez, ABC President 🥳

Hangad po namin ang inyong mabuting kalusugan, kasiyahan, at patuloy na tagumpay sa buhay at paglilingkod. Maraming salamat po sa inyong patuloy na suporta at malasakit para sa ating bayan.

Muli, maligayang kaarawan po!

Maligayang Kaarawan po Hon. Larry D. Perez, ABC President 🥳

Hangad po namin ang inyong mabuting kalusugan, kasiyahan, at patuloy na tagumpay sa buhay at paglilingkod. Maraming salamat po sa inyong patuloy na suporta at malasakit para sa ating bayan.

Muli, maligayang kaarawan po!

13/05/2026

Isinagawa ang ika-40 na Regular na Sesyon ng Sangguniang Bayan ng San Jose, Batangas sa pangunguna ni Hon. Arnold Comia bilang Temporary Presiding Officer.

Ito ay alinsunod sa napagkasunduan ng mga miyembro ng Sangguniang Bayan na mabigyan ng pagkakataon ang bawat miyembro ng konseho na magsilbing Presiding Officer sa mga sesyon bilang bahagi ng pagpapatibay ng pagkakaisa, kooperasyon, at maayos na pamamahala sa loob ng Sangguniang Bayan.

Sa naturang sesyon ay masusing natalakay ng mga miyembro ng Sangguniang Bayan ang iba’t ibang usaping pambayan at mga hakbang na makatutulong sa pagpapaigting ng mga programa at serbisyong inihahatid sa ating mga mamamayan.

Nanatiling pangunahing layunin ng Sangguniang Bayan ang pagpapatupad ng mga makabuluhang hakbangin at patakarang magsusulong ng kaayusan, kaunlaran, at mas mahusay na paglilingkod para sa bawat San Joseño.

09/05/2026

Maligayang Araw ng mga Ina! 💐

Sa bawat sakripisyo, pagmamahal, at walang kapantay na pag-aaruga, kayo ang tunay na ilaw ng bawat tahanan. Saludo kami sa inyong lakas, tiyaga, at pusong handang magbigay ng lahat para sa pamilya.

Maraming salamat sa inyong walang sawang pagmamahal at inspirasyon. Kayo ang tunay na bayani ng ating buhay.

Mabuhay ang lahat ng ilaw ng tahanan! 💖