One Camanacsacan

10/10/2026

SA LAHAT NG MGA RESIDENTE NG BARANGAY CAMANACSACAN:

Kayo po ay malugod na inaanyayahan na dumalo sa ating Barangay Assembly na gaganapin sa:

📅 Petsa: Ika-18 ng Oktubre, 2026 (Linggo)
⏰ Oras: 9:00 ng umaga
📍 Lugar: Barangay Multi-Purpose Hall

📝 Mga Paksa na Tatalakayin:

- Mga ulat sa pananalapi at proyekto ng barangay

- Mga programa at serbisyo para sa komunidad

- Mga alalahanin at mungkahi ng mga residente

- at iba pang mahahalagang usapin para sa ating barangay

Ang inyong presensya at pakikilahok ay napakahalaga para sa ikauunlad ng ating barangay. Magkita-kita po tayo at magtulungan para sa mas maunlad na Camanacsacan!

Maraming salamat po.

10/10/2026

Week 41 BRGY. CAMANACSACAN

06/10/2026

Week 40 BRGY. CAMANACSACAN

29/09/2026

Week 39 BRGY. CAMANACSACAN

19/09/2026

Week 38 BRGY. CAMANACSACAN

19/09/2026

PAGDIRIWANG NG PISTA NG SAN FRANCISCO DE ASISI — PET CONTEST!

Sa darating na Ika-4 ng Oktubre, 2026 (Linggo), sa ganap na Ika-10 ng Umaga, gaganapin ang ating masayang Paligsahan sa Alagang Hayop sa Barangay Camanacsacan! 🐾✨

Ito ay bilang pagpupugay kay San Francisco de Asisi, Patron ng mga Hayop at Kalikasan.

🏆 MGA KATEGORIYA NG PALIGSAHAN:
✅ Pinakamagandang Alaga/ Cutest Pet
✅ Pinakamagandang Kasuotan/ Best in Costume
✅ Pinakamagandang Ugali / Pinakakaibigang Alaga / Most Adorable Pet

May magagandang premyo na naghihintay sa mga mananalo! 🎁

Hinihikayat ang bawat pamilya na isama ang inyong mga alagang aso, pusa, ibon, at iba pa. Ipakilala natin sila nang may pagmamahal at pagmamalaki.

Tandaan: Mahalin, Alagaan, at Irespeto ang ating mga alagang hayop.

📍 Lugar: Barangay Camanacsacan Chapel
📅 Petsa: Oktubre 4, 2026
⏰ Oras: 10:00 ng Umaga

Inaasahan ang inyong masiglang pakikilahok!

Kita-kits 🥰

16/09/2026

Week 37 BRGY. CAMANACSACAN

15/09/2026

"ENHANCING GOVERNANCE FOR SUSTAINED PEACE AND DEVELOPMENT"

September 15, 2026

13/09/2026

PABATID SA PUBLIKO

PARA SA MGA RESIDENTE NG BARANGAY CAMANACSACAN:

May kaugnayan sa mga katanungan tungkol sa RICE DISTRIBUTION NG BAWAT BARANGAY MAKIKINABANG (10kilos na bigas), Rice Distribution Project sa ilalim ng Assistance to Indigent Individuals or Families – Food Assistance – Rice Distribution Project (AIIF-FA-RDP).

1. Sa kasalukuyan, WALA pang naibabang listahan o opisyal na abiso mula sa DSWD na natatanggap ang ating Tanggapan ng Punong Barangay hinggil sa nasabing ayudang bigas.

2. WALANG kinalaman o partisipasyon ang mga Barangay Opisyal, lalo na ang inyong Punong Barangay, sa pagpili, paglilista, o pamamahala ng nasabing Rice Assistance.

3. Ang sinumang indibidwal na kasalukuyang nag-aasikaso o nagpoproseso nito ay HINDI kinatawan o opisyal ng Barangay Camanacsacan.


Maraming salamat po sa inyong pang-unawa at kooperasyon.

📢 RICE DISTRIBUTION PROGRAM | CITY OF SAN JOSE🌾💚

Tulong para sa bawat San Joseño!

Pormal nang sisimulan ng City Government of San Jose, sa pangunguna ng ating City Mayor, Hon. Josel F. Violago, katuwang ang Department of Interior and Local Government (DILG Nueva Ecija, ang pagpapatupad ng Rice Distribution Project sa ilalim ng Assistance to Indigent Individuals or Families – Food Assistance – Rice Distribution Project (AIIF-FA-RDP).

Ang programang ito ay ipinatutupad sa pamamagitan ng Local Government Support Fund - Financial Assistance to Local Government Units (LGSF-FA to LGUs) sa ilalim ng FY 2026 General Appropriations Act, alinsunod sa mga umiiral na guidelines ng pamahalaan.

Layunin ng programa na makapagbigay ng food assistance sa mga kwalipikado at natukoy na pamilya upang makatulong sa pagtugon sa kanilang pang-araw-araw na pangangailangan sa pagkain.

📌 NARITO ANG MGA ISKEDYUL NG PAMAMAHAGI:

📅 SEPTEMBER 11, 2026

🌅 Morning Schedule
📍 Pagasa Gym, Brgy. Pinili
🕣 8:30 AM – 11:30 AM

🌇 Afternoon Schedule
📍 Pagasa Gym, Brgy. Kaliwanagan
🕜 1:30 PM – 5:00 PM

📅 SEPTEMBER 15 & 16, 2026

🌅 Morning Schedule
📍 E.R. Violago Pagasa Gym, Brgy. F.E. Marcos
🕣 8:30 AM – 11:30 AM

🌇 Afternoon Schedule
📍 E.R. Violago Pagasa Gym, Brgy. F.E. Marcos
🕜 1:30 PM – 5:00 PM

Ang mga iskedyul na ito ay inilaan upang matiyak ang maayos, organisado, at mabilis na pamamahagi ng rice assistance sa mga kwalipikadong benepisyaryo.

Ang programa ay nakalaan para sa 17,241 benepisyaryo mula sa 38 barangay ng Lungsod ng San Jose, na natukoy at na-validate batay sa mga itinakdang pamantayan at proseso ng City Government of San Jose, sa pamamagitan ng kaukulang assessment at validation ng City Social Welfare and Development Office.

Para sa mga kwalipikadong benepisyaryo, ang mga nakatalagang coordinator at authorized representatives ng City Government sa bawat barangay ay mangangasiwa sa pamamahagi ng mga claim stub at sa pagbibigay ng kaukulang impormasyon tungkol sa schedule ng distribution.

📌 PAALALA SA MGA BENEPISYARYO:

✅ Dalhin ang inyong Claim Stub sa araw ng distribution. No Claim Stub, No Release.
✅ Magdala ng photocopy ng isang (1) valid ID bilang bahagi ng verification requirements.
✅ Sundin ang itinakdang schedule at venue upang maging maayos at mabilis ang proseso ng pamamahagi.

Pag-asa - Mayor James Violago
Jose City, Nueva Ecija

11/09/2026

MULA SA TANGGAPAN NG PUNONG BARANGAY NG CAMANACSACAN


Sa lahat ng kabarangay!

Ipinagmamalaki at buong puso naming ipinapakilala ang limang (5) PBBM Presidential Scholars ng ating barangay. Sila ang pinili natin mula sa mga aplikanteng 4th year college students — mga kabataang determinadong makapagtapos ngunit nangangailangan ng tulong pinansyal upang makumpleto ang kanilang pag-aaral.



✅ ANG LIMANG PBBM PRESIDENTIAL SCHOLARS NG CAMANACSACAN:

1. Mary Joy Asuncion Baldovino

2. Christine Jade Balazon

3. Karylle Magtalas Monton

4. Joseph Alviz

5. Dominic Tayras


Sa inyong limang piling iskolar, binabati ko kayo ng malaking tagumpay!

Ang pagtanggap ninyo ng tulong na ito ay hindi lamang biyaya ng pamahalaan — ito ay pagkilala sa inyong sipag, tiyaga, at pangarap. Ang ₱20,000 na tulong na ito ay mula sa puso ng ating programa, upang bawasan ang inyong pasanin sa gastusin sa pag-aaral — pambayad sa tuition, project fees, thesis, allowance, at iba pang kailangan ninyo upang makapagtapos.

Ngunit higit sa halaga ng pera, ang tunay na biyaya ay ang pagkakataong makapagtapos kayo. Gaya ng sinabi ni Pangulong Marcos: "Kapag maganda ang naging edukasyon mo, napakabigat na kayamanan 'yan na nasa sa inyo — hindi puwedeng agawin, hindi puwedeng nakawin, hindi puwedeng kunin kanino man."

Kaya ang hamon ko sa inyo:


- Gamitin nang wasto at may katapatan ang tulong na ito.

- Mag-aral nang mabuti at huwag sumuko kahit mahirap.

- Makapagtapos kayo — hindi lang para sa inyong sarili, kundi para sa inyong mga magulang na nagsasakripisyo, at para sa ating barangay.

- Balik-tanawin ninyo ang inyong komunidad — balang araw, kapag kayo ay nagtagumpay na, sana ay makatulong din kayo sa iba pang kabataan ng Camanacsacan.

Kayo ang pag-asa ng ating barangay at ng ating bayan. Ang pagtitiwala namin sa inyo ay malaki. Huwag niyo kaming bibiguin.

Mabuhay kayo, mabuhay ang Camanacsacan!




Sa ating mga kabarangay, ang pagpili sa limang iskolar ay dumaan sa masusing pagsusuri at patas na proseso. Marami tayong kwalipikadong aplikante — patunay na marami tayong masisipag at matatalinong kabataan dito sa Camanacsacan. Sa mga hindi nabigyan ng pagkakataon, huwag mawalan ng pag-asa. Patuloy lang sa pag-aaral, at ang barangay ay mananatiling bukas para sa iba pang programa at tulong na maaaring dumating.

Ang tagumpay ng ating mga iskolar ay tagumpay ng buong barangay. Suportahan natin sila at ipagdasal ang kanilang pagtatapos.



Ipinagkaloob ngayong ika-11 ng Setyembre, Taong 2026

HON. Dennis Llena Pascua
Punong Barangay, Camanacsacan