https://www.facebook.com/1078871821972390/

PIO - Occidental Mindoro Police Provincial Office, Camp Winston S Ebersole, Brgy. San Roque, San Jose (2026)

29/03/2026

𝐎𝐍𝐆𝐎𝐈𝐍𝐆 𝐀𝐑𝐌𝐄𝐃 𝐄𝐍𝐂𝐎𝐔𝐍𝐓𝐄𝐑 𝐒𝐀 𝐒𝐈𝐓𝐈𝐎 𝐒𝐀𝐋𝐀𝐏𝐀𝐘, 𝐁𝐀𝐑𝐀𝐍𝐆𝐀𝐘 𝐌𝐎𝐍𝐓𝐄𝐂𝐋𝐀𝐑𝐎, 𝐒𝐀𝐍 𝐉𝐎𝐒𝐄, 𝐎𝐂𝐂𝐈𝐃𝐄𝐍𝐓𝐀𝐋 𝐌𝐈𝐍𝐃𝐎𝐑𝐎

Nakatanggap ng impormasyon ang San Jose Municipal Police Station mula sa intelligence operatives ng 68th Infantry Battalion, Philippine Army hinggil sa nagaganap na armadong engkuwentro sa pagitan ng tropa ng pamahalaan at hindi pa matukoy na bilang ng hinihinalang miyembro ng Communist Terrorist Group (CTG).

Ang insidente ay naganap bandang 2:20 ng hapon, Marso 29, 2026 sa Sitio Salapay, Barangay Monteclaro, San Jose, Occidental Mindoro.

Agad na kumilos ang Occidental Mindoro Police Provincial Office sa pamamagitan ng pagpapatupad ng SEAL-OFF Plan upang maiwasan ang paglawak ng insidente, masiguro ang kaligtasan ng publiko at upang kaagad na maharang ang mga tumakas na miyembro ng Communist Terrorist Group. Inatasan din ang mga patrollers na magsagawa ng inspeksyon sa mga ospital upang matukoy kung may mga sugatang indibidwal na sangkot sa engkuwentro.

Nakipag-ugnayan na rin ang Occidental Mindoro PPO sa 405th Regional Mobile Force Battalion (RMFB) at 102nd Special Action Company (SAC) ng Special Action Force (SAF) para sa mas pinaigting na operasyon at pagpapatibay ng SEAL-OFF Plan sa nasabing lugar.

Sa kasalukuyan, patuloy ang isinasagawang intelligence monitoring at koordinasyon ng mga awtoridad upang matiyak ang agarang pagresponde at pagpapanatili ng kapayapaan at kaayusan sa komunidad.

Pinapayuhan ang publiko na umiwas muna sa lugar ng insidente at manatiling mapagmatyag. Hinihikayat din ang lahat na agad iulat sa pinakamalapit na himpilan ng pulisya ang anumang kahina-hinalang kilos o impormasyon na may kaugnayan sa insidente.

28/03/2026

𝐃𝐀𝐋𝐀𝐖𝐀𝐍𝐆 𝐈𝐍𝐃𝐈𝐁𝐈𝐃𝐖𝐀𝐋, 𝐀𝐑𝐄𝐒𝐓𝐀𝐃𝐎 𝐒𝐀 𝐁𝐔𝐘-𝐁𝐔𝐒𝐓 𝐎𝐏𝐄𝐑𝐀𝐓𝐈𝐎𝐍 𝐒𝐀 𝐒𝐀𝐁𝐋𝐀𝐘𝐀𝐍, 𝐎𝐂𝐂𝐈𝐃𝐄𝐍𝐓𝐀𝐋 𝐌𝐈𝐍𝐃𝐎𝐑𝐎

Naaresto ang dalawang indibidwal sa isinagawang buy-bust operation ng mga awtoridad sa Barangay Sta. Lucia, Sablayan, Occidental Mindoro bandang 12:20 ng tanghali noong Marso 27, 2026, dahil sa paglabag sa Republic Act 9165 o ang Comprehensive Dangerous Drugs Act of 2002.

Kinilala ang mga suspek na sina alyas “Toteng,” 25 taong gulang, residente ng Brgy. Buenavista, Sablayan, Occidental Mindoro, na kabilang sa kategoryang Street Level Individual (SLI); at si alyas “Rap”, 28 taong gulang, residente ng Poblacion, Sablayan, Occidental Mindoro, na isang newly identified drug personality.

Ang operasyon ay pinangunahan ng Sablayan Municipal Police Station bilang lead unit, katuwang ang Provincial Drug Enforcement Unit (PDEU) ng Occidental Mindoro Police Provincial Office, at sa koordinasyon ng Philippine Drug Enforcement Agency (PDEA) Regional Office MIMAROPA.

Sa isinagawang operasyon, matagumpay na nakabili ang poseur buyer ng isang (1) sachet ng hinihinalang shabu na may tinatayang bigat na 0.3 gramo mula sa mga suspek kapalit ng halagang limang daang piso. Matapos ang transaksyon, agad na inaresto ang mga suspek.

Nakumpiska mula kay alyas “Rap” ang marked money na limang daang piso. Samantala, mula kay Vitorres ay narekober ang isang (1) sachet ng hinihinalang shabu na may tinatayang bigat na 0.8 gramo na may tinatayang street value na isang libong piso.

Ang operasyon ay alinsunod sa Enhanced ALERTO Strategic Framework na itinakda ni PRO MIMAROPA Regional Director PBGEN JOVENCIO S. BADUA JR., na nagsisilbing gabay sa lahat ng yunit para sa patuloy na pinaninindigan ng Bagong PNP para sa serbisyong mabilis, tapat, at nararamdaman.

Patuloy na pinaigting na kampanya laban sa ilegal na droga sa lalawigan, ayon sa direktiba ni PCOL TIMOTEO L ESPIRITU, JR, Provincial Director ng Occidental Mindoro Police Provincial Office, upang mapanatili ang maayos, ligtas, at payapang komunidad para sa patuloy na pag-unlad ng .

27/03/2026

𝐍𝐀𝐆𝐁𝐀𝐁𝐀𝐋𝐀 𝐀𝐍𝐆 𝐎𝐂𝐂𝐌𝐈𝐍 𝐏𝐏𝐎 𝐋𝐀𝐁𝐀𝐍 𝐒𝐀 𝐌𝐆𝐀 𝐎𝐍𝐋𝐈𝐍𝐄 𝐑𝐄𝐍𝐓𝐀𝐋 𝐒𝐂𝐀𝐌 𝐍𝐆𝐀𝐘𝐎𝐍𝐆 𝐒𝐔𝐌𝐌𝐄𝐑 𝐕𝐀𝐂𝐀𝐓𝐈𝐎𝐍

Bilang paghahanda sa SUMMER VACATION 2026, pinaaalalahanan ng Occidental Mindoro Police Provincial Office ang publiko na maging mapagmatyag laban sa dumaraming kaso ng online rental at booking scams na target ang mga nagbabalak magbakasyon.

Sa pagdami ng mga nagbu-book ng matutuluyan online, sinasamantala ito ng mga scammer sa pamamagitan ng pag-post ng mga pekeng listing, pag-aalok ng mga presyong “sobrang mura,” at pagpilit sa mga biktima na agad magbayad sa labas ng mga lehitimong booking platforms.

Narito ang mga karaniwang palatandaan ng rental scam:

• 𝐏𝐚𝐲𝐦𝐞𝐧𝐭 𝐓𝐫𝐚𝐩 – Humihingi ng bayad sa pamamagitan ng direct bank transfer, wire transfer, o cryptocurrency sa halip na gumamit ng secure booking platforms.
• 𝐌𝐚𝐬𝐲𝐚𝐝𝐨𝐧𝐠 𝐌𝐚𝐠𝐚𝐧𝐝𝐚𝐧𝐠 𝐏𝐫𝐞𝐬𝐲𝐨 – Nag-aalok ng marangyang accommodation sa napakababang halaga upang makahikayat ng biktima.
• 𝐎𝐟𝐟-𝐏𝐥𝐚𝐭𝐟𝐨𝐫𝐦 𝐓𝐫𝐚𝐧𝐬𝐚𝐜𝐭𝐢𝐨𝐧𝐬 – Pinipilit ang komunikasyon at bayaran na gawin sa labas ng opisyal na booking sites.
• 𝐀𝐠𝐚𝐫𝐚𝐧𝐠 𝐏𝐚𝐠𝐦𝐚𝐦𝐚𝐝𝐚𝐥𝐢 (𝐔𝐫𝐠𝐞𝐧𝐜𝐲) – Pinipilit ang biktima na magbayad agad upang “hindi maunahan” o “ma-secure” ang booking.

Upang maiwasan ang pagiging biktima, pinapayuhan ang publiko na:

• 𝗕𝗮𝘀𝗮𝗵𝗶𝗻 𝗮𝗻𝗴 𝗺𝗴𝗮 𝗿𝗲𝘃𝗶𝗲𝘄 𝗮𝘁 𝘁𝗶𝘆𝗮𝗸𝗶𝗻𝗴 𝗹𝗲𝗵𝗶𝘁𝗶𝗺𝗼 𝗮𝗻𝗴 𝗹𝗶𝘀𝘁𝗶𝗻𝗴
• 𝗜-𝘃𝗲𝗿𝗶𝗳𝘆 𝗮𝗻𝗴 𝗹𝗼𝗸𝗮𝘀𝘆𝗼𝗻 𝗮𝘁 𝘀𝗶𝗴𝘂𝗿𝗮𝗱𝘂𝗵𝗶𝗻𝗴 𝘂𝗺𝗶𝗶𝗿𝗮𝗹 𝗮𝗻𝗴 𝗽𝗿𝗼𝗽𝗲𝗿𝘁𝘆
• 𝗚𝘂𝗺𝗮𝗺𝗶𝘁 𝗹𝗮𝗺𝗮𝗻𝗴 𝗻𝗴 𝗼𝗳𝗳𝗶𝗰𝗶𝗮𝗹 𝗯𝗼𝗼𝗸𝗶𝗻𝗴 𝗽𝗹𝗮𝘁𝗳𝗼𝗿𝗺𝘀 𝗮𝘁 𝘀𝗲𝗰𝘂𝗿𝗲 𝗻𝗮 𝗽𝗮𝗿𝗮𝗮𝗻 𝗻𝗴 𝗽𝗮𝗴𝗯𝗮𝗯𝗮𝘆𝗮𝗱

Patuloy ang aming kampanya laban sa cybercrime at hinihikayat namin ang publiko na agad i-report sa pinakamalapit na himpilan ng pulisya o sa PNP Anti-Cybercrime Group ang anumang kahina-hinalang online transaksyon.

“Manatiling mapanuri at tiyaking beripikado ang inyong mga transaksyon bago mag-book. Ang inyong kaligtasan ay aming prayoridad.”

25/03/2026

𝐎𝐂𝐂𝐌𝐈𝐍 𝐏𝐍𝐏, 𝐍𝐀𝐆𝐁𝐀𝐁𝐀𝐋𝐀 𝐒𝐀 𝐃𝐔𝐌𝐀𝐑𝐀𝐌𝐈𝐍𝐆 𝐊𝐀𝐒𝐎 𝐍𝐆 𝐅𝐈𝐍𝐀𝐍𝐂𝐈𝐀𝐋 𝐒𝐂𝐀𝐌𝐒 𝐎𝐍𝐋𝐈𝐍𝐄

Ang Occidental Mindoro Police Provincial Office sa pamumuno ni PCOL TIMOTEO L. ESPIRITU, JR. – Provincial Director ay nagbigay ng babala at magpapaigtingin pa ang kampanya laban sa lumalaganap na online banking fraud at iba’t ibang uri ng financial scams na patuloy na nagiging banta sa seguridad ng pananalapi ng publiko.

Sa patuloy na pag-usbong ng digital transactions, dumarami rin ang mga manloloko na gumagamit ng makabagong paraan tulad ng phishing links, fake bank alerts, social media scams, at investment fraud upang makuha ang sensitibong impormasyon ng mga biktima gaya ng OTP, passwords, at bank details.

Narito ang mga karaniwang modus ng mga scammer:

• 𝐏𝐡𝐢𝐬𝐡𝐢𝐧𝐠 𝐌𝐞𝐬𝐬𝐚𝐠𝐞𝐬 – Mga text, email, o chat na nagpapanggap na mula sa bangko at humihingi ng personal na impormasyon
• 𝐅𝐚𝐤𝐞 𝐁𝐚𝐧𝐤 𝐂𝐚𝐥𝐥𝐬 – Tawag mula sa nagpapakilalang bank representative upang makuha ang OTP o account details
• 𝐈𝐧𝐯𝐞𝐬𝐭𝐦𝐞𝐧𝐭 𝐒𝐜𝐚𝐦 – Pangakong mabilis at malaking kita kapalit ng maliit na puhunan
• 𝐀𝐜𝐜𝐨𝐮𝐧𝐭 𝐓𝐚𝐤𝐞𝐨𝐯𝐞𝐫 – Pag-hack ng social media o bank accounts upang manghingi ng pera sa mga contact ng biktima

Bilang pag-iingat, ang publiko ay mahigpit na pinapayuhan na:
• 𝗛𝘂𝘄𝗮𝗴 𝗸𝗮𝗶𝗹𝗮𝗻𝗺𝗮𝗻 𝗶𝗯𝗶𝗴𝗮𝘆 𝗮𝗻𝗴 𝗢𝗧𝗣, 𝗣𝗜𝗡, 𝗮𝘁 𝗽𝗮𝘀𝘀𝘄𝗼𝗿𝗱
• 𝗜𝘄𝗮𝘀𝗮𝗻 𝗮𝗻𝗴 𝗽𝗮𝗴-𝗰𝗹𝗶𝗰𝗸 𝗻𝗴 𝗸𝗮𝗵𝗶𝗻𝗮-𝗵𝗶𝗻𝗮𝗹𝗮𝗻𝗴 𝗹𝗶𝗻𝗸𝘀
• 𝗦𝗶𝗴𝘂𝗿𝗮𝗱𝘂𝗵𝗶𝗻𝗴 𝗹𝗲𝗵𝗶𝘁𝗶𝗺𝗼 𝗮𝗻𝗴 𝘄𝗲𝗯𝘀𝗶𝘁𝗲 𝗼 𝗮𝗽𝗽 𝗯𝗮𝗴𝗼 𝗺𝗮𝗴-𝗹𝗼𝗴𝗶𝗻
• 𝗚𝘂𝗺𝗮𝗺𝗶𝘁 𝗹𝗮𝗺𝗮𝗻𝗴 𝗻𝗴 𝗼𝗽𝗶𝘀𝘆𝗮𝗹 𝗮𝘁 𝘀𝗲𝗰𝘂𝗿𝗲 𝗻𝗮 𝗯𝗮𝗻𝗸𝗶𝗻𝗴 𝗽𝗹𝗮𝘁𝗳𝗼𝗿𝗺𝘀
• 𝗜-𝗿𝗲𝗽𝗼𝗿𝘁 𝗮𝗴𝗮𝗱 𝗮𝗻𝗴 𝗮𝗻𝘂𝗺𝗮𝗻𝗴 𝗸𝗮𝗵𝗶𝗻𝗮-𝗵𝗶𝗻𝗮𝗹𝗮𝗻𝗴 𝘁𝗿𝗮𝗻𝘀𝗮𝗸𝘀𝘆𝗼𝗻

Patuloy kami sa pakikipagtulungan sa PNP Anti-Cybercrime Group upang mapalakas ang information drive at maprotektahan ang mamamayan laban sa cyber-enabled financial crimes.

“Ang pagiging mapanuri at maingat sa bawat online transaction ang pinakamabisang proteksyon laban sa panlilinlang. Huwag basta magtiwala—laging mag-verify.”

25/03/2026

𝐄𝐍𝐂𝐎𝐔𝐍𝐓𝐄𝐑 𝐒𝐀 𝐏𝐀𝐆𝐈𝐓𝐀𝐍 𝐍𝐆 𝐓𝐑𝐎𝐏𝐀 𝐍𝐆 𝐏𝐀𝐌𝐀𝐇𝐀𝐋𝐀𝐀𝐍 𝐀𝐓 𝐂𝐓𝐆 𝐒𝐀 𝐒𝐀𝐍 𝐉𝐎𝐒𝐄, 𝐎𝐂𝐂𝐈𝐃𝐄𝐍𝐓𝐀𝐋 𝐌𝐈𝐍𝐃𝐎𝐑𝐎

Naganap ang isang engkuwentro sa pagitan ng tropa ng pamahalaan at hinihinalang miyembro ng Communist Terrorist Group (CTG) sa Sitio Danlog, Barangay Monteclaro, San Jose, Occidental Mindoro noong umaga ng Marso 24, 2026.

Batay sa ulat, bandang 6:38 ng umaga nang makasagupa ng composite platoon mula sa 68th Infantry Battalion, Philippine Army ang hindi matukoy na bilang ng CTG sa nasabing lugar.

Bandang 6:51 ng umaga, natanggap ng Intelligence personnel ng San Jose Municipal Police Station (MPS) ang impormasyon ukol sa nagaganap na engkuwentro mula sa intelligence operatives ng 68th Infantry Battalion. Agad namang ipinaalam sa Provincial Tactical Operations Center (PTOC) ang insidente at ipinatupad ang seal-off plan upang kaagad na maharang ang mga tumakas na miyembro ng Communist Terrorist Group.

Inatasan din ang mga yunit ng pulisya na magsagawa ng inspeksyon sa mga ospital sa kanilang nasasakupan upang matukoy kung may mga indibidwal na posibleng nasugatan at magpapagamot kaugnay ng engkuwentro.

Ayon sa ulat ng militar, tumagal ng humigit-kumulang labinglimang (15) minuto ang palitan ng putok bago umatras ang mga kalaban patungong hilagang direksyon. Wala namang naitalang nasugatan o nasawi sa hanay ng pamahalaan, habang hinihinalang may tinamong kaswalti sa panig ng kalaban batay sa mga bakas ng dugo na nakita sa kanilang pinagtataguan.

Isang (1) backpack at iba pang personal na kagamitan ang naiwan at narekober sa pinangyarihan ng insidente.

Samantala, nagsagawa ng koordinasyon ang San Jose MPS sa Provincial Explosives and Canine Unit (PECU) at Provincial Forensic Unit para sa crime scene processing. Patuloy ang isinasagawang masusing imbestigasyon kaugnay ng insidente.

Tiniyak ng Occidental Mindoro Police Provincial Office sa pamumuno ni PCOL TIMOTEO L ESPIRITU, JR – Provincial Director, ang kanilang patuloy na pakikipag-ugnayan sa Armed Forces of the Philippines upang mapanatili ang kapayapaan at kaayusan sa lalawigan.

25/03/2026

𝐂𝐘𝐁𝐄𝐑𝐒𝐄𝐂𝐔𝐑𝐈𝐓𝐘 𝐀𝐃𝐕𝐈𝐒𝐎𝐑𝐘: 𝐌𝐀𝐆-𝐈𝐍𝐆𝐀𝐓 𝐒𝐀 𝐈𝐍𝐕𝐄𝐒𝐓𝐌𝐄𝐍𝐓 𝐒𝐂𝐀𝐌

Nagbabala ang Occidental Mindoro Police Provincial Office sa publiko laban sa patuloy na paglaganap ng online investment scams na nagdudulot ng malaking pinsala sa pinaghirapang pera ng mga mamamayan.

Batay sa datos ng Philippine National Police, daan-daang kaso ng investment scam ang naitala sa nakaraang taon, kung saan karaniwang ginagamit ng mga manloloko ang pangakong “malaking kita” upang makahikayat ng mga biktima.

Ayon dito, ang mga scammer ay gumagamit ng iba’t ibang paraan upang linlangin ang publiko:

• 𝐒𝐞𝐭𝐮𝐩 – Gumagamit ng kapani-paniwalang presentasyon, videos, o patotoo upang magmukhang lehitimo ang kanilang alok.
• 𝐌𝐚𝐥𝐚𝐤𝐢𝐧𝐠 𝐏𝐚𝐧𝐠𝐚𝐤𝐨 – Nangangako ng mataas at garantisadong kita kahit walang panganib, na isang malinaw na red flag.
• 𝐏𝐚𝐢𝐧 (𝐏𝐚𝐧𝐥𝐢𝐥𝐢𝐧𝐥𝐚𝐧𝐠 𝐬𝐚 𝐒𝐢𝐦𝐮𝐥𝐚) – Hinihikayat ang maliit na puhunan at minsan ay pinapayagan ang paunang withdrawal upang makuha ang tiwala ng biktima.
• 𝐏𝐚𝐧𝐚𝐧𝐚𝐤𝐨𝐭 𝐨 𝐏𝐫𝐞𝐬𝐬𝐮𝐫𝐞 – Pinipilit ang agarang pagdedesisyon upang hindi na makapag-isip nang mabuti ang biktima.
• 𝐏𝐚𝐠𝐭𝐚𝐤𝐚𝐬 – Bigla na lamang nawawala ang scammer at hindi na ma-withdraw ang pera ng biktima.

Binigyang-diin ni PCOL TIMOTEO L ESPIRITU, JR – Provincial Director ng Occidental Mindoro PPO, na ang mga lehitimong investment ay hindi nagbibigay ng garantisadong mataas na kita sa maikling panahon.

Hinihikayat din ang publiko na beripikahin muna ang kumpanya o platform bago mag-invest at huwag basta-basta magbahagi ng personal o financial information online.

Pinapaalalahanan ang lahat na maging mapanuri at agad i-report sa pinakamalapit na himpilan ng pulisya o sa PNP Anti-Cybercrime Group ang anumang kahina-hinalang transaksyon.

“Ang kaalaman at pagiging mapagmatyag ang pinakamabisang sandata laban sa panlilinlang,” ayon kay PCOL ESPIRITU, JR.

Patuloy ang Occidental Mindoro PPO sa pagpapaigting ng kampanya kontra cybercrime upang maprotektahan ang bawat mamamayan laban sa mga mapanlinlang na modus online.

24/03/2026

𝐎𝐜𝐜𝐢𝐝𝐞𝐧𝐭𝐚𝐥 𝐌𝐢𝐧𝐝𝐨𝐫𝐨 𝐏𝐏𝐎, 𝐘𝐆𝐌 𝐒𝐭𝐫𝐞𝐧𝐠𝐭𝐡𝐞𝐧 𝐂𝐨𝐦𝐦𝐮𝐧𝐢𝐭𝐲 𝐓𝐡𝐫𝐨𝐮𝐠𝐡 𝟓-𝐃𝐚𝐲 𝐇𝐮𝐦𝐚𝐧𝐢𝐭𝐚𝐫𝐢𝐚𝐧 𝐄𝐟𝐟𝐨𝐫𝐭

The Occidental Mindoro Police Provincial Office, in partnership with Yahweh Global Mission, delivered vital services in a 5-day humanitarian mission aimed at uplifting communities and delivering essential services across selected areas in Occidental Mindoro.

The collaborative effort yielded significant accomplishments, benefiting thousands of individuals through various outreach programs:

• 610 beneficiaries received free eyeglasses, improving vision and daily quality of life;
• 1,160 individuals, including children, were served during the feeding activities;
• 145 individuals received food packs through relief distribution;
• 510 individuals availed of free health check-ups and medicines; and
• 145 participants completed the training seminar on “Resilience Under the Rig: Wellness, Mental Health & Human Development”, promoting mental well-being and personal development.

This mission reflects the strong commitment of both organizations to community service, inclusivity, and sustainable development. Through collective efforts, the initiative addressed immediate needs while also empowering individuals with knowledge and support systems for long-term resilience.

The Occidental Mindoro PPO reaffirmed its dedication not only to maintaining peace and order but also to actively engaging in community development programs that enhance the well-being of the people. Meanwhile, Yahweh Global Mission expressed its continued support for collaborative initiatives that bring meaningful and lasting impact to grassroots communities.

This successful partnership stands as a testament to the power of unity, compassion, and shared purpose in building stronger and healthier communities.

24/03/2026

📣 𝐏𝐔𝐁𝐋𝐈𝐂 𝐀𝐃𝐕𝐈𝐒𝐎𝐑𝐘

The public is hereby informed of an ongoing armed encounter between government troops and alleged Communist Terrorist Group (CTG) that occurred on March 24, 2026, at around 7:16 AM in the vicinity between Brgy. Monteclaro and Brgy. Naibuan, San Jose, Occidental Mindoro.

In line with this, the Occidental Mindoro PNP has implemented immediate security measures, including the activation of the SEAL-OFF Plan, intensified checkpoint operations, and close coordination with other law enforcement and military units.

🚨 For Public Safety:
• Avoid traveling to or near the affected areas until the situation is declared safe
• Remain vigilant and report any suspicious persons or activities
• Follow instructions from authorities and cooperating agencies
• Seek immediate assistance from nearby police stations if necessary

Authorities are continuously conducting clearing operations and monitoring the situation to ensure the safety and security of our communities.

Further updates will be provided as developments unfold.

📞 For emergencies, please contact your nearest police station.

Stay alert. Stay safe.

PIO - Occidental Mindoro Police Provincial Office

29/03/2026

28/03/2026

27/03/2026

25/03/2026

25/03/2026

25/03/2026

24/03/2026

24/03/2026

Address

Website

Alerts

Shortcuts

Share

Category