04/08/2026
OPISYAL NA PAHAYAG NG AUSOME JOSE SOCIETY SA PAKIKIBAKA PARA SA FRESNO CODE
Ang Ausome Jose Society ay mariing kinokondena ang mga malisyoso, mapanira, ill-motivated, at iresponsableng mga posts hinggil sa FRESNO Code at sa Ausome Jose Society.
Ang ating samahan ay kinokondena rin ang sistematiko at synchronized na pag-atake sa Ausome Jose Society at pamunuan nito ng mga troll.
Hindi sa iisang papel makikita ang totoong kuwento.
Inaanyayahan natin ang publiko, ang mga journos, at stakeholders na tingnan at silipin ang mga minutes ng lahat ng LSB meetings, mga opisyal na liham ng Ausome Jose Society sa kinauukulan, at iba pa.
Dito ninyo makikita kung sino ang tunay na may ginawa at nagsulong para sa pondo ng FRESNO CODE.
Ang pondong ito ay hindi para pagkakitaan o para sa pansariling kapakinabangan ng Ausome Jose Society, kundi para sa mga pamilya at kanilang mga anak na lubos na nangangailangan ng tulong para sa therapy at iba pang intervention programs upang mapabuti ang kanilang kalagayan.
Bilang tagapagsulong ng INCLUSIVITY at isang NON-PARTISAN na NGO, bukas ang Ausome Jose Society na makiisa at makipagtulungan sa anumang gawain o effort, kanino man galing, pribado man o gobyerno, dahil ito naman talaga ang ating adbokasiya.
Kaya naman nakakalungkot na pati ang collaboration ng Ausome kasama ang IBP Nueva Ecija kay Cong. Salvador noong tayo ay nagsulong ng mga pambansang panukalang batas para sa mga PWD bilang bahagi ng National Disability Rights Week ay ginamitan ng troll farm para masamain, dungisan, siraan, at bastusin ang ginagawa ng ating samahan, hindi lamang para sa mga neurodivergent, kundi para sa lahat ng may kapansanan.
Naniniwala ang Ausome Jose Society na ang ating track record ang pinakamatibay na ebidensya ng ating layunin at ating mga ginagawa.
Ang Ausome Jose Society ay nabuo, gumagalaw, at nakipagdaupang-palad sa neurodivergent community sa mga panahong hindi tayo nakikita, ang boses ay hindi naririnig, at walang pampamahalaang polisiya para sa atin.
May iba mang naratibo o kuwento, hindi maitatanggi ang buong katotohanan sapagkat ang tunay na resibo, hindi papel kundi mga naramdamang serbisyo.
Kaya't patuloy tayong maninindigan para sa ating mabuting hangarin at pangarap na tunay na inklusyon.
