San Mateo Rizal Local Youth Development Office

13/06/2026

𝐏𝐚𝐚𝐧𝐨 𝐦𝐨 𝐢𝐬𝐢𝐧𝐚𝐬𝐚𝐛𝐮𝐡𝐚𝐲 𝐚𝐧𝐠 𝐩𝐚𝐠𝐢𝐠𝐢𝐧𝐠 𝐦𝐚𝐤𝐚-𝐃𝐢𝐲𝐨𝐬 𝐚𝐭 𝐦𝐚𝐤𝐚𝐛𝐚𝐧𝐬𝐚?

𝐏𝐚𝐚𝐧𝐨 𝐦𝐨 𝐢𝐬𝐢𝐧𝐚𝐬𝐚𝐛𝐮𝐡𝐚𝐲 𝐚𝐧𝐠 𝐩𝐚𝐠𝐢𝐠𝐢𝐧𝐠 𝐦𝐚𝐤𝐚-𝐃𝐢𝐲𝐨𝐬 𝐚𝐭 𝐦𝐚𝐤𝐚𝐛𝐚𝐧𝐬𝐚?

Ang 𝐊𝐚𝐭𝐢𝐩𝐮𝐧𝐚𝐧 𝐅𝐨𝐫𝐦𝐚𝐭𝐢𝐨𝐧 𝐏𝐫𝐨𝐠𝐫𝐚𝐦: 𝐒𝐭𝐞𝐰𝐚𝐫𝐝𝐬𝐡𝐢𝐩 𝐢𝐧 𝐆𝐨𝐨𝐝 𝐂𝐢𝐭𝐢𝐳𝐞𝐧𝐬𝐡𝐢𝐩 ay isang inisyatibo na naglalayong palalimin ang pag-unawa sa mga isyung nasyonal at lokal na nakaaapekto sa ating mga komunidad. Sa pamamagitan ng faith-based at values-driven na pagkamamamayan, hinihikayat tayo nitong kilalanin ang pangangailangan ng sama-samang pagkilos sa gitna ng mga hamon ng araw-araw.

Halina’t makilahok sa isang makabuluhang pagtitipong puno ng diskusyon, repleksyon, at sama-samang pag-angkin ng responsibilidad para sa bayan.

📍 𝐒𝐚𝐚𝐧: Sangguniang Bayan Session Hall, 3rd Floor, Municipal Hall of San Mateo, Rizal
🗓️ 𝐊𝐚𝐢𝐥𝐚𝐧: June 20, 2026 | Registration: 9:00 AM | Program: 10:00 AM - 3:00 PM
✏️ 𝐑𝐞𝐠𝐢𝐬𝐭𝐫𝐚𝐭𝐢𝐨𝐧 𝐅𝐨𝐫𝐦: https://forms.gle/7vrcL1VQbfSnePf6A

Sama-sama tayong kumilos tungo sa konkretong pagbabago—mula sa mamamayan, para sa mamamayan.

Ang aktibidad na ito ay hatid sa inyo ng pagtutulungan ng San Mateo Local Youth Development Office at Kaya Natin! Movement for Good Governance and Ethical Leadership. Kitakits, kabataan!

12/06/2026

𝖥𝖨𝖭𝖠𝖭𝖢𝖨𝖠𝖫 𝖠𝖨𝖣 𝖣𝖨𝖲𝖳𝖱𝖨𝖡𝖴𝖳𝖨𝖮𝖭 𝖯𝖱𝖮𝖦𝖱𝖠𝖬 2026
“𝑻𝒖𝒍𝒐𝒏𝒈 𝑬𝒅𝒖𝒌𝒂𝒔𝒚𝒐𝒏 𝒑𝒂𝒓𝒂 𝒔𝒂 𝑲𝒊𝒏𝒂𝒃𝒖𝒌𝒂𝒔𝒂𝒏”

Isang magandang pagkakataon para sa ating mga masisipag at karapat-dapat na kabataang mag-aaral ng Barangay Gulod Malaya!

Bilang bahagi ng ating adhikain na suportahan ang edukasyon ng kabataan, inaanyayahan namin ang lahat ng Senior High School at College Students para sa School Year 2026–2027 na magsumite ng kanilang mga kinakailangang dokumento para sa compliance ng iSKolar Program.

📌 Mga Kinakailangang Dokumento:
✅ School ID
✅ Previous Grade Report / Report Card
✅ Certificate of Enrollment

📅 June 20, 2026
🕒 3:00 PM
📍 Marvi Hills Covered Court, Gulod Malaya, San Mateo, Rizal

📢 Mahalagang Paalala:

• Tanging 100 aplikante lamang ang tatanggapin para sa initial review ng programa.
• Ang unang 100 na makakapagsumite ng kumpletong requirements at makakapag-fill out ng Google Form ang magkakaroon ng pagkakataong ma-evaluate at maisama sa proseso ng pagpili ng mga benepisyaryo.
• Isang (1) miyembro lamang bawat pamilya ang maaaring maging benepisyaryo ng Financial Aid Program.

Narito ang link para sa pagsusumite ng inyong impormasyon:

https://forms.gle/cFQikFzRCfXASse16
https://forms.gle/cFQikFzRCfXASse16
https://forms.gle/cFQikFzRCfXASse16

Para sa karagdagang impormasyon o mga katanungan, maaari kayong magpadala ng mensahe kay SK John Marcel Abarra Committee Head on Education o Kahit kaninong miyembro ng konseho o sa aming opisyal na page.

Ang edukasyon ay isa sa pinakamahalagang puhunan para sa kinabukasan. Nawa'y makatulong ang programang ito sa inyong patuloy na pag-abot ng mga pangarap at mithiin sa buhay.

12/06/2026

𝙋𝙧𝙤𝙟𝙚𝙘𝙩 𝙎.𝙀.𝙍.𝙑.𝙀.

𝙋𝙧𝙤𝙟𝙚𝙘𝙩 𝙎.𝙀.𝙍.𝙑.𝙀.
4𝙩𝙝 𝙎𝙚𝙨𝙨𝙞𝙤𝙣 𝙛𝙤𝙧 𝙖 𝙂𝙧𝙚𝙖𝙩𝙚𝙧 𝙈𝙞𝙨𝙨𝙞𝙤𝙣!

All glory and thanksgiving to the Lord for sustaining and guiding us every step of the way!

Patuloy ang ating misyon na magbahagi ng pag-asa, pagmamahal, at mabuting balita sa ating komunidad.

Tara na, mga Ka-Youth Changers! SERVE na tayo!

Excited na kaming makasama kayong muli, mga bata at kabataan ng Sitio Tilagaan! Sama-sama nating ipagpatuloy ang pagbabago at paglilingkod para sa Diyos at sa kapwa.

12/06/2026

𝑨𝒏𝒈 𝒌𝒂𝒍𝒂𝒚𝒂𝒂𝒏 𝒂𝒚 𝒉𝒊𝒏𝒅𝒊 𝒍𝒂𝒎𝒂𝒏𝒈 𝒂𝒍𝒂𝒂𝒍𝒂 𝒏𝒈 𝒏𝒂𝒌𝒂𝒓𝒂𝒂𝒏, 𝒌𝒖𝒏𝒅𝒊 𝒊𝒔𝒂𝒏𝒈 𝒕𝒖𝒏𝒈𝒌𝒖𝒍𝒊𝒏𝒈 𝒂𝒓𝒂𝒘-𝒂𝒓𝒂𝒘 𝒊𝒔𝒊𝒏𝒂𝒔𝒂𝒃𝒖𝒉𝒂𝒚 𝒏𝒈 𝒌𝒂𝒃𝒂𝒕𝒂𝒂𝒏. ✨

Sa Ika-128 Araw ng Kalayaan ng Pilipinas, kaisa ang Model SK Network sa kabataang Pilipino na pinagpapatuloy ang adhikain ng ating mga bayani sa pagtataguyod ng tapat na pamumuno, makabuluhang paglilingkod, at mas malayang kinabukasan.

12/06/2026

𝙒𝙖𝙡𝙖𝙣𝙜 𝙗𝙖𝙩𝙖𝙣𝙜 𝙙𝙖𝙥𝙖𝙩 𝙢𝙖𝙢𝙞𝙡𝙞 𝙨𝙖 𝙥𝙖𝙜𝙞𝙩𝙖𝙣 𝙣𝙜 𝙥𝙖𝙜-𝙖𝙖𝙧𝙖𝙡 𝙖𝙩 𝙥𝙖𝙜𝙠𝙖𝙞𝙣.

Ngayong ika-12 ng Hunyo, sa paggunita ng World Day Against Child Labour, nananawagan ang CHR sa Estado at mga kinauukulang ahensya na paigtingin ang mga hakbang upang tuluyang wakasan ang child labour sa bansa, kabilang na ang pagtugon sa mga ugat nito. Karapatan ng bawat bata ang magkaroon ng dekalidad na edukasyon, lumaki nang ligtas, at mamuhay nang may dignidad—malaya sa pagsasamantala at mapanganib na paggawa.

Sama-sama nating wakasan ang child labour at tiyaking ang bawat bata ay malayang maging bata.

12/06/2026

🇵🇭 Maligayang Araw ng Kalayaan!

Ngayong Araw ng Kalayaan, ginugunita natin ang katapangan at sakripisyo ng mga Pilipinong nagbigay-daan para makamit ang kalayaang tinatamasa natin ngayon.

Higit pa sa pag-alala sa ating kasaysayan, ang tunay na diwa ng kalayaan ay naipapakita sa ating sama-samang pagkilos para sa kapakanan ng bawat Pilipino, lalo na ng mga higit na nangangailangan.

Kasama ng buong sambayanan, patuloy na isinusulong ng DSWD ang mga programang nagbibigay ng pag-asa, oportunidad at mas maayos na kinabukasan para sa lahat.

Sa ating pagkakaisa at pagmamahal sa bayan, sama-sama nating ipagpatuloy ang pagtataguyod ng isang malaya, makatarungan, at inklusibong Pilipinas.

❤️

12/06/2026

Mainit na pagbati para sa ating Ate Sammel, isang outgoing member ng Local Youth Development Council na nagsulong ng maraming youth-led policies at position papers para sa sektor ng kabataan. God bless sa iyong journey, Ate Sammel!

𝙆𝙖𝘽𝘼𝙂𝘼𝙉𝙄 𝙢𝙤 𝙠𝙖𝙢𝙞, 𝙎𝙚𝙫𝙞𝙡𝙡𝙖!

With pride, we congratulate 𝗠𝘀. 𝗦𝗮𝗺𝗺𝗲𝗹 𝗟𝗲𝗮𝗻𝗻𝗲 𝗦𝗲𝘃𝗶𝗹𝗹𝗮, Former SEB President, for being selected as one of the 50 fellows nationwide for the 𝟮𝟬𝟮𝟲 𝗕𝗔𝗚𝗔𝗡𝗜 𝗙𝗲𝗹𝗹𝗼𝘄𝘀𝗵𝗶𝗽 𝗦𝗜𝗕𝗢𝗟 𝗖𝗼𝗵𝗼𝗿𝘁. Your dedication to leadership and public service continues to inspire the SMMC community, Achiever! ✨

11/06/2026

TINGNAN | Project Ready to Serve: Capacity Building Activities for Sangguniang Kabataan Aspirants

📅 June 13–14, 2026
⏰ 8:00 AM – 5:00 PM
📍 Alfredo's Place, Marang St., Maly, San Mateo, Rizal

Matapos ang mahigit isang buwan ng online learning sessions, magkikita-kita na sa face-to-face activity ang mga kabataang nagnanais na mas maunawaan ang Sangguniang Kabataan at ang makabuluhang paglilingkod sa komunidad.

Layunin ng aktibidad na palalimin ang kaalaman ng mga kalahok hinggil sa pamumuno, transformative governance, community engagement, etikal na grassroots mobilization, self-awareness tungo sa pagiging public servant, at makabuluhang pakikilahok ng kabataan sa pagpapaunlad ng komunidad.

Makakasama rin sa programa ang mga resource speakers mula sa iba't ibang organisasyon at sektor na magbabahagi ng kanilang mga karanasan at pananaw sa pamumuno at paglilingkod publiko.

Naging bukas po ang programa sa lahat ng kabataang handang matuto at maglingkod, anuman ang kanilang kinabibilangang grupo o antas ng karanasan.

Narito po ang ilang paalala at anunsyo:

📌 May apat (4) pang natitirang slot para sa mga nais humabol. Maaaring magsumite ng liham ng pagnanais na makadalo at sumailalim sa online special sessions bilang bahagi ng paghahanda.

📌 Basahin po natin ang mga nakapaskil na paalala para sa mga kalahok.

📌 Kung sakali po na mayroon kayong mga katanungan o paglilinaw tungkol sa mga kalahok at sa proseso ng pagbuo ng listahan ng mga kalahok, huwag po kayong mag-atubiling magpadala ng mensahe sa ating page.

📌 Ang mga kalahok na may markang "*" ay may kakulangan sa online training ngunit nangakong dadalo at tatapusin ito pagkatapos ng aktibidad. Upang hindi masayang ang mga nakalaang slot para sa aktibidad na ito, pinayagan silang makasama sa pagsasanay kahit hindi pa nila nakukumpleto ang online training.

📌 Ang naging prayoridad po sa aktibad na ito ay ang mga kalahok na makakapagbigay ng buong oras para sa Sabado at Linggo. Pero kung sakali na mayroon pa pong slots, bibigyan po namin ng espasyo ang mga makakadalo lamang ng Sabado o Linggo lamang.

Maraming salamat sa lahat ng kabataang patuloy na nakikibahagi sa paghubog ng isang henerasyon ng mga lider na mahusay, matino, at may puso.

11/06/2026

📢 𝗖𝗔𝗟𝗟 𝗙𝗢𝗥 𝗗𝗢𝗡𝗔𝗧𝗜𝗢𝗡𝗦

Ang Pag-Asa sa Pagbasa ay isang proyekto ng Inklusibong Kabataan na naglalayong makatulong sa pagpapalakas ng kakayahan sa pagbasa at pagkatuto ng mga bata sa Pag-Asa Compound.

Sa kasalukuyan, kami ay humihingi ng monetary at in-kind donations upang masuportahan ang pagpapatuloy ng aming mga learning sessions. Ang inyong mga donasyon ay makatutulong sa pagbibigay ng pagkain para sa aming mga volunteer teachers at mga batang kalahok sa programa, gayundin sa paghahanda ng mga materyales at iba pang pangangailangan para sa mga susunod na sesyon.

Habang nagpapatuloy ang proyekto, napapansin naming dumarami rin ang mga batang lumalapit at nakikilahok sa aming mga aktibidad kahit hindi sila kabilang sa mga opisyal na kalahok ng programa. Dahil sa kanilang kagustuhang matuto at maging bahagi ng aming mga gawain, nagsagawa rin kami ng mga coloring at storytelling sessions upang mabigyan sila ng isang ligtas, masaya, at makabuluhang espasyo para sa pagkatuto. Para sa amin, walang batang dapat maiwan pagdating sa pagkakataong matuto at maramdaman na sila ay kabilang sa komunidad.

Ang bawat donasyong inyong ibibigay ay hindi lamang para sa isang araw na programa, kundi magiging bahagi ng patuloy na pagsuporta sa edukasyon at pagkatuto ng mga bata sa komunidad.

Anumang halaga o uri ng tulong ay lubos naming pinahahalagahan. Maraming salamat sa inyong pakikiisa sa pagtataguyod ng inklusibo at makabuluhang pagkatuto para sa kabataan ng Pag-Asa Compound. 💜

10/06/2026

Ang panghuli nating resource speaker reveal!

Pinakikilala natin ang ating huling partner organization para sa Project Ready to Serve: Capacity Building Activities for Sangguniang Kabataan Aspirants na gaganapin sa ika-13 at ika-14 ng Hunyo 2026—ang Hiraya!

Makakasama natin ang isang batikang development worker at abogado, si Atty. Carlo Africa, Executive Director ng Hiraya.

Si Atty. Carlo Africa ay may malawak na karanasan sa larangan ng electoral reforms at policy development sa pamamagitan ng Legal Network for Truthful Elections (LENTE), kung saan naging bahagi siya ng pagbuo ng mahahalagang polisiya tulad ng election system reforms at campaign finance regulations.

Sa kanyang sesyon, mas mapapalalim natin ang pag-unawa sa etikal at epektibong grassroots organizing upang maipakilala ng mga aspirant ang kanilang mga sarili at adbokasiya. Malaking tulong ito para sa mga kabataang nangangarap na magsilbi at lalahok sa eleksyon.

At ngayon, ang tanong natin sa mga SK aspirants na matagumpay na nakatapos ng online sessions: handa na ba kayo?

Kitakits po sa ating lahat, SK Aspirants!