Guitnangbayan II Public Information Office

01/06/2026

📢‼️

Sa Pilipinas, ang videoke na maingay (lalo na gabi) ay sakop ng Anti-Noise Ordinance ng bawat barangay / city at hindi siya “bawal ang videoke mismo,” kundi bawal ang sobrang ingay lalo na sa tahimik na oras.

📌 Paano ito pinapatupad sa barangay

Base sa mga karaniwang ordinansa at practice sa LGU:

* 🕙 Quiet hours: kadalasan 10:00 PM hanggang 6:00 AM
* 🔊 Bawal ang videoke / karaoke kung:
* Sobrang lakas at naririnig sa kapitbahay
* Nakaabot sa oras ng “quiet hours”
* Nakakaistorbo ng tulog, trabaho, o pahinga ng ibang tao

📌 Sa legal basis:

* Civil Code (Nuisance) – bawal ang ingay na nakakaistorbo ng peace of mind
* Revised Penal Code Art. 155 (Alarms and Scandals) – puwedeng violation kapag sobrang ingay lalo sa gabi
* Local Government Code – nagbibigay kapangyarihan sa barangay maglabas ng anti-noise ordinance

⚖️ Simple explanation

👉 Hindi bawal mag-videoke
❌ Pero bawal yung:

* “todo volume” sa gabi
* tuloy-tuloy hanggang madaling araw
* walang konsiderasyon sa kapitbahay

🏡 Ano puwede gawin kapag maingay?

1. Unang reklamo sa barangay
2. Pag di tumigil → tanod / barangay action
3. Paulit-ulit → puwedeng i-record sa blotter at patawan ng penalty
4. Worst case → puwedeng i-escalate sa city/PNP kung grabe na

01/06/2026

📢👀

PABATID | Kasalang Bayan 2026

Ready, June brides?

Sa pagtutulungan ng Office of the Mayor at ng ating Local Civil Registry (LCR), gaganapin ngayong Hunyo 2026 ang ating Kasalang Bayan. Inaanyayahan ang mga magsing-irog na nais nang maikasal na magtungo sa tanggapan ng ating LCR upang makapagpalista na para rito.

Magtungo lamang sa opisina ng LCR sa 3rd floor ng munisipyo, mula alas-7 ng umaga hanggang alas-6 ng gabi, upang makapapagpalista at makapagsumite ng mga sumusunod na kakailanganing dokumento:

📌 𝗔𝗹𝗶𝗻𝘀𝘂𝗻𝗼𝗱 𝘀𝗮 𝗔𝗿𝘁𝗶𝗰𝗹𝗲 𝟯𝟰, 𝗽𝗮𝗿𝗮 𝘀𝗮 𝗺𝗴𝗮 𝗻𝗮𝗴𝘀𝗮𝘀𝗮𝗺𝗮 𝗻𝗮 𝗻𝗴 𝗹𝗶𝗺𝗮 (𝟱) 𝘁𝗮𝗼𝗻 𝗼 𝗵𝗶𝗴𝗶𝘁 𝗽𝗮, 𝗺𝗮𝘆 𝗲𝗱𝗮𝗱 𝗻𝗮 𝟮𝟱 𝘁𝗮𝗼𝗻𝗴 𝗴𝘂𝗹𝗮𝗻𝗴 𝗽𝗮𝘁𝗮𝗮𝘀 𝗮𝘁 𝗺𝗮𝘆 𝗮𝗻𝗮𝗸 𝗻𝗮𝗻𝗴 𝟱 𝘁𝗮𝗼𝗻 𝗽𝗮𝘁𝗮𝗮𝘀:
- PSA birth certificate ng aplikante at birth certificates ng mga anak
- Cenomar
- Affidavit of Cohabitation
- Residence certificate, cedula, o government ID

📌 𝗣𝗮𝗿𝗮 𝘀𝗮 𝗺𝗴𝗮 𝗻𝗮𝘀𝗮 𝗲𝗱𝗮𝗱 𝟭𝟴-𝟮𝟱 𝘁𝗮𝗼𝗻𝗴 𝗴𝘂𝗹𝗮𝗻𝗴, 𝗶𝘁𝗼 𝗮𝗻𝗴 𝗺𝗴𝗮 𝗸𝗮𝗸𝗮𝗶𝗹𝗮𝗻𝗴𝗮𝗻𝗶𝗻 𝗽𝗮𝗿𝗮 𝘀𝗮 𝗺𝗮𝗿𝗿𝗶𝗮𝗴𝗲 𝗹𝗶𝗰𝗲𝗻𝘀𝗲:
- PSA birth certificate ng mga aplikante
- Cenomar
- Cedula
- Parental Consent na pipirmahan sa opisina ng ating LCR ng kahit isang magulang lamang (para sa mga ikakasal na nasa 18-20 taong gulang)
- Parental Advice na pipirmahan sa opisina ng ating LCR ng parehong magulang (para naman sa mga ikakasal na nasa 21-25 taong gulang)
- Kahit isang (1) valid ID ng magulang na pipirma ng parental consent/parental advice
- Pre-marriage orientation / Counseling certificate

Sakaling may katanungan, makipag-ugnayan at magtungo lamang sa tanggapan ng ating Local Civil Registry, ikatlong palapag (3rd flr.) ng munisipyo, Brgy. Guitnang Bayan I.

01/06/2026

𝐅𝐋𝐀𝐆 𝐂𝐄𝐑𝐄𝐌𝐎𝐍𝐘 | 𝐉𝐔𝐍𝐄 𝟏, 𝟐𝟎𝟐𝟔 🇵🇭

Sa unang Lunes ng buwan, muling isinagawa ng Barangay Guitnangbayan-II ang lingguhang Flag Ceremony bilang pagsisimula ng panibagong linggo ng tapat at mahusay na paglilingkod sa ating mga kabarangay.

Dinaluhan ito ng mga miyembro ng Barangay Council at mga empleyado ng barangay bilang pagpapakita ng pagkakaisa, disiplina, at patuloy na dedikasyon sa pagtupad ng kanilang tungkulin para sa kapakanan ng komunidad.

Nawa’y magsilbi itong paalala ng ating sama-samang layunin na maghatid ng serbisyong may malasakit, integridad, at pananagutan para sa ikauunlad ng Barangay Guitnangbayan-II. 🇵🇭❤️

19/05/2026

PABATID | Serbisyolink: Pinagsamang Lakas ng Gobyerno para sa Manggagawa

Muling inihahandog ng San Mateo Rizal Public Employment Service Office sa ating mga kababayan ang one-stop-shop para sa kanilang mga pre-employment requirements! Halina’t magtungo sa ating Municipal Stadium bukas, ika-20 ng Mayo hanggang Huwebes, ika-21 ng Mayo 2026 para sa “Serbisyolink: Pinagsamang Lakas ng Gobyerno para sa Manggagawa” Pre-employment Requirements One-Stop-Shop!

Mula alas-8 ng umaga hanggang alas-3 ng hapon ay tatanggap dito ng mga nais kumuha, magparehistro, o may nais ayusin sa mga sumusunod:

📍 Social Security System (SSS)
📍 Government Service Insurance System (GSIS)
📍 Philippine Statistics Authority (PSA)
📍 PhilHealth
📍 Pag-IBIG Fund
📍 Bureau of Internal Revenue (BIR)

Para sa 𝗸𝘂𝗺𝗽𝗹𝗲𝘁𝗼𝗻𝗴 𝗹𝗶𝘀𝘁𝗮𝗵𝗮𝗻 ng kanilang mga serbisyo, tingnan lamang ang mga larawan sa ibaba.

🔴 MAHALAGANG PAALALA:

‼️ Sa ika-20 ng Mayo 2026 lamang available ang mga serbisyo ng Philhealth
‼️ Sa ika-21 ng Mayo 2026 lamang available ang mga serbisyo ng GSIS

19/05/2026

🚨 𝐅𝐎𝐆𝐆𝐈𝐍𝐆 𝐎𝐏𝐄𝐑𝐀𝐓𝐈𝐎𝐍 | 𝐌𝐀𝐘 𝟐𝟎, 𝟐𝟎𝟐𝟔 🚨

Magkakaroon po ng fogging operation bukas, May 20, 2026, simula 8:00 AM sa Diaz Compound at Constantino Compound.

Pinapaalalahanan po ang lahat na pansamantalang isara ang mga bintana at pintuan habang isinasagawa ang fogging upang masiguro ang kaligtasan ng bawat isa.

Maraming salamat po sa inyong pakikiisa at kooperasyon para sa mas malinis at ligtas na komunidad. 🦟

19/05/2026

𝐅𝐋𝐀𝐆 𝐂𝐄𝐑𝐄𝐌𝐎𝐍𝐘 | 𝐌𝐚𝐲𝐨 𝟏𝟖, 𝟐𝟎𝟐𝟔 🇵🇭

Muling sinimulan ng mga empleyado ng barangay, kasama ang ating mga bisita, ang flag ceremony na regular na isinasagawa tuwing Lunes sa pangunguna ng ating Barangay Council. Ito ay nagsisilbing hudyat ng panibagong linggo ng tapat at maayos na paglilingkod para sa ating mga kabarangay—na may malasakit, pusong handang tumulong, at may ngiti sa ating mga labi sa bawat paglilingkod. ❤️

15/05/2026

ANUNSIYO TRAPIKO | Prusisyon ng Via Lucis

Bilang pagdiriwang ng Via Lucis o Sambayanang Daan ng Muling Pagkabuhay ni Hesus, magsasagawa ng prusisyon ang National Shrine and Parish of Our Lady of Aranzazu (NSPOLA) bukas, ika-16 ng Mayo 2026 mula alas-7 hanggang alas-9 ng gabi. Magsisimula ito sa National Shrine and Parish of Our Lady of Aranzazu at babagtasin nito ang kahabaan ng Kahabaan ng General Luna sa Brgy. Sta. Ana, Brgy. Ampid II, Brgy. Guitnang Bayan I, at pabalik ng NSPOLA.

Pansamantalang ipapatupad ang STOP-AND-GO TRAFFIC SCHEME sa kahabaan ng mga kalsadang dadaanan ng prusisyon. Para sa kaligtasan ng lahat, inaabisuhan ang mga motorista na magdahan-dahan at bigyang daan ang mga kasama sa prusisyon.

Asahan ang pagbigat ng daloy ng trapiko. Maraming salamat sa inyong pag-unawa.

12/05/2026

PABATID | National ID Services sa San Mateo Municipal Hall

Kababayan, halina’t kumuha ng National ID! Sakaling mayroon na kayong existing application, maaari ring kumustahin ang status nito!

Tara na sa lobby sa unang palapag ng munisipyo at magtungo sa PSA PhilSys booth na handang gumabay sa inyo. Patuloy lang dito sa pagtanggap ng mga aplikasyon at katanungan/update ukol sa inyong National ID simula ngayong araw, mula alas-8 ng umaga hanggang alas-5 ng hapon.

Narito ang mga dokumentong dapat dalhin sa pagpunta:

𝟬-𝟰 𝘆𝗲𝗮𝗿𝘀 𝗼𝗹𝗱
- Original copy of Birth Certificate (LCR/PSA)
- Baptismal Certificate
- Vaccine/Immunization Card (Baby Book)

𝟱-𝟭𝟳 𝘆𝗲𝗮𝗿𝘀 𝗼𝗹𝗱
- Original copy of Birth Certificate (LCR/PSA)
- School ID

𝟭𝟴 𝘆𝗲𝗮𝗿𝘀 𝗼𝗹𝗱 𝗽𝗮𝘁𝗮𝗮𝘀
- One (1) primary ID
UMID
Driver’s License
Passport
- Original copy of Birth Certificate (LCR/PSA)
- Dalawang (2) secondary IDs
NBI Clearance
Police Clearance
UMID (SSS/GSIS)
Old SSS ID
PhilHealth
Voter’s ID/Original Voter’s Certification
Tax Identification ID issued by BIR (TIN ID)
PRC License
Barangay ID
4Ps ID
Pag-IBIG Loyalty Card
Senior/PWD ID
Iba pang valid ID na may kumpletong detalye

Magparehistro na, kababayan!




Publicity material courtesy of PSA-PhilSys

11/05/2026

📢👀

PABATID | Anti-rabies vaccination at Free Deworming sa Municipal Agriculture Office

Mayroong anti-rabies vaccination para sa ating mga alagang hayop bukas ng Martes, ika-12 ng Mayo 2026, sa Municipal Agriculture Office, Nursery Rd., Brgy. Sta. Ana. Nagkakahalaga ito ng P100 kung unang beses pa lamang kayong magpapabakuna.

Bukod sa anti-rabies vaccine ay mayroon na rin ditong LIBRENG DEWORMING o pagpupurga para sa inyong mga fur babies.

MGA DAPAT TANDAAN:

Bago mabakunahan
1. Mga alagang hayop na nasa edad 3 buwan pataas lamang ang mga maaaring pabakunahan.
2. Walang sakit at hindi matamlay.
3. Hindi nakakagat sa loob ng 14 araw.
4. Hindi buntis.
5. Paliguan muna ang inyong mga alaga bago magtungo sa bakunahan.

Pagkatapos mabakunahan
1. Huwag paliguan ang inyong mga alaga sa loob ng 5 araw.
2. Huwag silang hayaang mapagod upang hindi sila mabinat.
3. Itago ang pet certificate na syang magsisilbing record para sa taunang pagbabakuna.

Hinihikayat natin ang mga may alagang aso’t pusa na samantalahin ang pagkakataon na ito para masiguro ang kalusugan nila.

11/05/2026

𝐅𝐋𝐀𝐆 𝐂𝐄𝐑𝐄𝐌𝐎𝐍𝐘 | 𝐌𝐀𝐘 𝟏𝟏, 𝟐𝟎𝟐𝟔 🇵🇭

Sa ikalawang Lunes ng buwan ng Mayo, muling nagtipon ang mga kawani ng Barangay Guitnangbayan II kasama ang ating mga minamahal na Senior Citizens upang simulan ang linggo sa pamamagitan ng flag ceremony—isang simbolo ng pagkakaisa, paggalang, at sama-samang paglilingkod para sa komunidad.

Kasabay ng seremonya ay ang pagpapakita ng suporta at pagpapahalaga sa ating mga nakatatanda na patuloy na nagbibigay inspirasyon sa komunidad sa pamamagitan ng kanilang karanasan at pakikiisa sa mga gawain ng barangay.

Patuloy tayong maglingkod para sa mas maayos at mas progresibong Barangay Guitnangbayan II.