Antonio "Tony" Teves

31/07/2026

Nag-abot na an yakatakutan ko. Ini na naman an presente na sitwasyon ngonian, lalo na kun mag-uuran, partikular sa ibong salog asin sa parteng wala. Masasakitan na naman an mga tugang ta, lalo na sa saindang ulualdaw na pagbuhay.

Nakaisip kita nin solusyon na mag-loan nin mga BRAND NEW na heavy equipment tanganing makaresponde d***s sa mga alog kaining sitwasyon asin mapapakinabangan lamang nin awat na panahon pero hinarang ini nin magkapirang miyembro kan SB. Dai ko masabutan kun habo ninda nin malinas na panggogobyerno o talagang nasanay sana sinda sa dati na pansamantala permi an solusyon. Igwa pa nganing nagrason na bako daa “urgent” an bagay na ini.

Masasabi pa daw na bako ini urgent? Nasanay siguro sa dati na hahalaton pa muna na magkaigwa nin problema bago mag-isip kung ano an gigibuhon. An mga tawo an gatios sa lambang desisyon ta bilang mga lingkod-bayan. Kaya hagad ko man na sa lambang pagdesisyon, isipon ta an karahayan nin gabos. Iyo an satuyang mandato.

28/07/2026

17/07/2026

An sakuyang mainit na pagpaabot nin pagbati sa satuyang Municipal Planning and Development Coordinator, Engr. Rudy T. Rodriguez.

An saimong higos asin dedikasyon an naging pundasyon kan pagtitiwala na ipinagkaloob sa saimo. Nagtitiwala ako na sa paagi kan saimong liderato, mas mapapagayon pa an pagpaplano asin pagpauswag kan satuyang banwaan para sa kapakanan kan gabos na San Migueleños.

Dasal ko man na taw'an pa kita nin halawig na panahon para mag-ibahan nganing marealisar an mga plano ta para sa satuyang namomotang banwaan. Congratulations, Sir Noy!

11/07/2026

Hagad ko man na, maski sa simpleng paagi na ini, mamati nin satong mga kaakian an suporta niyato. Good luck asin enjoy sa saindong liga!

11/07/2026

07/07/2026

04/07/2026

Nagpapasalamat po kita sa Provincial Engineering Office sa pagpasubri kan saindang heavy equipment tanganing maayos an nauyag na namang agihan papuntang Ibog Salog. Iniisip ko po an mga masunod na aldaw, lalo na kung mag-uran na naman asin magsarabay-sabay an pag-request nin asistensya sa heavy equipment kan ibang banwaan. Papano na naman daw an sitwasyon, huli ta dai man kita nin sadiring equipment sa LGU.

Siguradong iyo man ini an sitwasyon kan satong mga tugang sa parteng ilaya, partikular na sa mga barangay sa wala. Kun igwa kutana kitang sadiring mga kagamitan (equipment), marerespondehan ta nin direkta an mga alog sa siring kaining mga sitwasyon, tanganing dai na mag-agi sa mas dakulang kasakitan an satong mga konstituwentes.

Hihilingon ta po sa mga masunod na aldaw an satong sitwasyon. An gabos na paagi, ginigibo ta kuta tanganing dai masakitan an satong mga kahimanwa. Mag-iringat po kitang gabos, lalo na an mga namomogtak sa mga lugar na peligroso sa pagbaha asin sa pagtaas kan tubig.