Sangguniang Kabataan ng Barangay Calwit

02/06/2026

♻️SK PROJECT 2026: PAMAMAHAGI NG MGA BASURAHAN♻️

Bilang bahagi ng patuloy na pagsusulong ng kalinisan, kaayusan, at pangangalaga sa kapaligiran, matagumpay na isinagawa ng Sangguniang Kabataan ng Barangay Calwit ang SK Project 2026: Pamamahagi ng mga Basurahan.

Layunin ng proyektong ito na makapagbigay ng mga basurahan sa mga piling institusyon at lugar sa barangay upang higit na mapalakas ang wastong pamamahala ng basura at mahikayat ang bawat mamamayan na makiisa sa pagpapanatili ng kalinisan ng ating komunidad. Sa pamamagitan ng simpleng hakbang na ito, inaasahang mababawasan ang hindi wastong pagtatapon ng basura at mapananatiling malinis, ligtas, at maayos ang ating kapaligiran.

Ang proyektong ito ay patunay ng dedikasyon ng Sangguniang Kabataan sa pagtataguyod ng mga programang may positibong epekto sa komunidad. Higit pa sa pamamahagi ng mga kagamitan, layunin nitong mapalawak ang kamalayan ng bawat isa sa kahalagahan ng disiplina, responsibilidad, at aktibong pakikilahok sa pangangalaga ng kalikasan.

Taos-pusong nagpapasalamat ang Sangguniang Kabataan ng Barangay Calwit sa lahat ng mga institusyon, organisasyon, at mamamayang nakiisa at sumuporta sa proyektong ito. Nawa’y magsilbi itong inspirasyon upang sama-sama nating mapanatili ang isang malinis, maayos, at luntiang barangay para sa kapakinabangan ng kasalukuyan at ng mga susunod na henerasyon.

“Ang kalinisan ng komunidad ay bunga ng sama-samang pananagutan at pagkakaisa ng bawat mamamayan.”








@ Kabataan ng Barangay Calwit

30/05/2026

14/05/2026

𝐋𝐔𝐙𝐎𝐍 𝐆𝐑𝐈𝐃 𝐀𝐋𝐄𝐑𝐓 𝐒𝐓𝐀𝐓𝐔𝐒❗️

Naka RED ALERT at YELLOW ALERT po sa Luzon grid ngayong araw May 14, 2026 dahil mayroong 17 power plants ang bumagsak dahil sa kakulangan sa suplay ng kuryente. Ito po ay maaaring magsanhi ng rotational brownouts ANUMANG ORAS sa iba't ibang bahagi ng Luzon ngayong araw.

Red Alert
4:00PM-10:00PM

Yellow Alert
3:00PM-4:00PM
10:00PM-11:00PM

Ipinababatid na ito po ay hindi kontrolado ng QUEZELCO 1.
Ang oras ng biglaang pagkawala ng serbisyo ng kuryente ay DEPENDE po sa isasagawang manual load dropping ng NGCP.

Ang Manual Load Dropping (MLD) o rotational power interruption ay isang sitwasyon na kung saan ina-allocate at dinidistribute ang limitadong supply ng kuryente sa iba't -ibang lugar. Ang limitadong supply ay bunsod ng kakaunting produce ng kuryente at malaking demand mula sa mga konsyumer. Dahil dito, may mga lugar ang ini-ischedule upang magkaroon ng pansamantalang interruption sa supply ng kuryente.

Ang NGCP o National Grid Corporation of the Philippines ay ang system operator na nagbibigay ng update sa kalagayang hinggil sa supply at demand ng kuryente sa grid. Ito ay naatasang mag-abiso sa mga distribution utilities at electric cooperatives kagaya ng QUEZELCO 1.

Ang prosesong ito ay ginagawa upang masiguro ang system ay stable sa kabila ng limitadong supply.

10/05/2026

𝑴𝒂𝒚 10, 2026

𝑴𝒂𝒍𝒊𝒈𝒂𝒚𝒂𝒏𝒈 𝑨𝒓𝒂𝒘 𝒏𝒈 𝒎𝒈𝒂 𝑰𝒏𝒂!
𝑷𝒂𝒈𝒃𝒂𝒕𝒊 𝒎𝒖𝒍𝒂 𝒔𝒂 𝑺𝒂𝒏𝒈𝒈𝒖𝒏𝒊𝒂𝒏𝒈 𝑲𝒂𝒃𝒂𝒕𝒂𝒂𝒏 𝒏𝒈 𝑪𝒂𝒍𝒘𝒊𝒕

Pagpupugay sa lahat ng mga ina na ang sakripisyo, pagmamahal, at walang sawang pag-aaruga ay tunay na hindi matatawaran. Ang inyong pagod at dedikasyon para sa pamilya ay nagsisilbing inspirasyon at haligi ng bawat tahanan.

Kayo ang unang gumagabay at humuhubog sa mga kabataan upang lumaki na may mabuting asal, respeto, at pagmamahal sa kapwa. Sa inyong mga kamay nagsisimula ang matibay na pundasyon ng isang maayos at responsableng henerasyon.

Sa espesyal na araw na ito, taos-puso naming pinasasalamatan ang inyong walang kapantay na pagmamahal at sakripisyo. Nawa’y patuloy kayong pagpalain ng mabuting kalusugan, lakas, at kasiyahan.

Maligayang Araw ng mga Ina! 🌷💖
— Sangguniang Kabataan ng Calwit

03/05/2026

Happy 87th Founding Anniversary, Brgy. Calwit!

Ang okasyong ito ay isang mahalagang pagkakataon upang ating balikan at pahalagahan ang kasaysayan ng ating barangay—mula sa mga panahong hindi pa ito ganap na naitatag hanggang sa pagsisikap ng mga taong naging daan upang maitayo ang Brgy. Calwit.

Mahalaga ang ganitong paggunita, lalo na para sa kabataan, upang hindi tuluyang makalimutan ang ating pinagmulan. Sa pamamagitan nito, naipapasa natin sa susunod na henerasyon ang pagpapahalaga sa kasaysayan at pagkakakilanlan ng ating komunidad.

Ang Sangguniang Kabataan ng Calwit ay kaisa sa pagdiriwang na ito, na may layuning higit pang maitanim sa puso at isipan ng mga kabataan ang tunay na diwa ng pagkakatatag ng ating barangay.

Mabuhay ang Brgy. Calwit! 🎉

09/04/2026

𝐀𝐛𝐫𝐢𝐥 𝟗 𝟐𝟎𝟐𝟔.

𝐀𝐫𝐚𝐰 𝐧𝐠 𝐊𝐚𝐠𝐢𝐭𝐢𝐧𝐠𝐚𝐧

Isang araw ng paggunita sa katapangan, sakripisyo, at di-matatawarang paglilingkod ng ating mga bayani para sa kalayaan ng bayan.

Sa modernong panahon, ang kabataan ang siyang ilaw at pag-asa ng ating bansa.
Ang tunay na kabayanihan ay hindi lamang nasusukat sa digmaan, kundi sa araw-araw na pagpili ng tama, pagmamalasakit sa kapwa, at pagtupad sa ating responsibilidad bilang mamamayan.

Nawa’y magsilbing inspirasyon sa bawat kabataan ang diwa ng kagitingan — maging matatag sa harap ng hamon, matapang sa pagtatanggol ng tama at makatarungan, at masigasig sa paglilingkod sa bayan.

Sa ganitong paraan, ang alaala at legasiya ng ating mga bayani ay patuloy na mabubuhay, at ang kanilang diwa ay mamamayani sa puso ng bawat Pilipino. 🇵🇭

04/04/2026

April 5, 2026

Happy Easter Sunday!

Ang muling pagkabuhay ni Hesus ay nagpapaalala sa atin ng Kanyang walang hanggang pagmamahal, sakripisyo, at pagtupad sa Kanyang pangako para sa sangkatauhan. Ito ang sagisag ng bagong pag-asa, matibay na pananampalataya, at panibagong simula.

Sa paggunita natin ngayong Mahal na Araw, nawa’y manatili sa ating puso ang tunay na diwa ng Kanyang pagkabuhay—ang magmahalan, magpatawad, at magkaisa bilang iisang pamilya sa Diyos.

Maraming salamat sa Poong Maykapal sa Kanyang walang sawang biyaya at patnubay. Nawa’y pagpalain Niya ang bawat isa ng masaganang buhay, kapayapaan, at matatag na pananampalataya.

Nawa’y yakapin ng Kanyang pag-ibig ang buong mundo at maghari ang pagkakaisa at kabutihan sa ating lahat.

24/03/2026

March 21, 2026

Ginanap ng Sangguniang Kabataan ng Calwit ang KK Assembly, na may layuning makapagbigay-ulat sa mga kabataan ng barangay upang kanilang malaman kung paano ginagamit at saan inilalaan ang pondo ng SK.

Lubos din kaming nagpapasalamat sa naging katuwang natin mula sa 4th Platoon, 2nd QPMFC, sa kanilang presensya at sa pagbibigay-kaalaman, lalo na sa ating mga kabataan sa barangay.

Isang taos-pusong pasasalamat din kay Hon. Vicvic Reyes, na palagiang sumusuporta sa Sangguniang Kabataan, lalo na sa kanyang ipinagkaloob na mga papremyo para sa raffle gaya ng bigas at ilang appliances. Ang inyong patuloy na suporta sa amin ay napakalaking tulong.

Gayundin, nagpapasalamat kami sa lahat ng kabataan ng barangay na naging bahagi ng programa at naglaan ng kanilang oras, pati na rin sa Sangguniang Barangay ng Calwit sa kanilang walang sawang suporta.

24/03/2026

📢 PAANYAYA SA BARANGAY ASSEMBLY

Inaanyayahan po ang lahat ng mamamayan ng Barangay Calwit na dumalo sa gaganaping 1st Semester Barangay Assembly ng Sangguniang Barangay.

🗓 Petsa: Marso 29 (Linggo)
⏰ Oras: 2:00 ng hapon
📍 Lugar: Barangay Hall ng Calwit.

Ang Barangay Assembly ay isang mahalagang pagtitipon kung saan ang bawat mamamayan ay may boses—isang pagkakataon upang magtanong, makialam, at makibahagi sa mga usaping may kinalaman sa pamamahala ng ating barangay.

Dito rin ilalahad ang ulat sa paggamit ng pondo at ang kasalukuyang kalagayan ng mga proyekto at programa ng ating pamahalaang barangay.

Hinihikayat po ang lahat na makiisa at maging aktibong kabahagi sa pagpapaunlad ng ating komunidad.

“Nagkakaisang mamamayan, susi sa maayos, tapat, at maunlad na barangay.”

“Ang kaunlaran ng barangay ay nagsisimula sa aktibong mamamayan.”

Ang inyong presensya ay mahalaga. Sama-sama nating buuin ang mas maayos at mas maunlad na Barangay Calwit!

15/02/2026

Congratulations Christine Baraquiel Miss GMTISAT 2026 👑