Sangguniang Kabataan ng Brgy.Santisimo Rosario

Sangguniang Kabataan ng Brgy.Santisimo Rosario “Samahan ng Kabataan,Sandigan ng Kinabukasan”

LINGGO NG KABATAAN 2026 💙✨🗓️August 22,2026Matagumpay na naisagawa ng buong Sangguniang Kabataan ng Barangay Santisimo Ro...
26/08/2026

LINGGO NG KABATAAN 2026 💙✨
🗓️August 22,2026

Matagumpay na naisagawa ng buong Sangguniang Kabataan ng Barangay Santisimo Rosario, sa pangunguna ni SK Chairperson Hon. Kenneth Andrei L. Punzalan, kasama ang mga SK Kagawad, SK Secretary, at SK Treasurer, ang pagdiriwang ng Linggo ng Kabataan 2026.

Ang pagdiriwang na ito ay naglalayong bigyang-halaga ang mahalagang papel ng kabataan sa ating barangay, gayundin ang pagbibigay sa kanila ng pagkakataong matuto, makilahok, maipakita ang kanilang mga kakayahan, at higit na mapalakas ang pagkakaisa at pakikipagkapwa.

Naging mas makabuluhan ang programa sa pamamagitan ng aktibong pakikiisa ng ating mga kabataan at ng mga taong patuloy na sumusuporta sa mga programa ng Sangguniang Kabataan.

Taos-puso rin po tayong nagpapasalamat kay Ma’am Lourdes Coronado sa pagtanggap sa aming imbitasyon bilang Resource Speaker at sa pagbabahagi ng kanyang kaalaman at oras para sa ating mga kabataan.

Isang malaking pasasalamat din po sa ating Guest Speaker, ang butihing Bokal ng Ikatlong Distrito ng Lalawigan ng Laguna, Hon. Angelica Jones Alarva, na sa kabila ng kanyang abalang iskedyul ay naglaan pa rin ng oras upang makadalo at makasama ang ating mga kabataan. Maraming salamat po sa inyong presensya at mensaheng nagbibigay-inspirasyon sa ating kabataan.

Nagpapasalamat din po tayo sa ating Punong Barangay, Hon. Maximo B. Castillo, sa pagbibigay ng kanyang makabuluhang mensahe at patuloy na suporta sa mga programa at proyekto para sa ating kabataan.

Sa bawat kabataang nakiisa at nakibahagi, maraming salamat! Patuloy nating ipakita na ang kabataan ay aktibo, may kakayahan, at may malasakit sa ating komunidad.
Mabuhay ang kabataan ng Barangay Santisimo Rosario! 💙�Mabuhay ang Linggo ng Kabataan 2026! 🎉

Gawad Tagumpay 2026🎓📅 August 8, 2026Financial Assistance and Recognition Program for Class of 2026 Latin Honor Graduates...
26/08/2026

Gawad Tagumpay 2026🎓
📅 August 8, 2026

Financial Assistance and Recognition Program for Class of 2026 Latin Honor Graduates and 2026 Board Passers

Bilang bahagi ng pagdiriwang ng Linggo ng Kabataan 2026, matagumpay na naisagawa ng buong Sangguniang Kabataan ng Barangay Santisimo Rosario, sa pangunguna ni SK Chairperson Hon. Kenneth Andrei L. Punzalan, at sa inisyatibo ni SK Councilor Hon. Elena M. Cortez, Committee on Education, ang Gawad Tagumpay 2026.

Layunin ng programang ito na kilalanin at bigyang-halaga ang sipag, tiyaga, dedikasyon, at tagumpay ng ating mga Class of 2026 Latin Honor Graduates at Board Passers.

Ang kanilang tagumpay ay nagsisilbing inspirasyon sa kapwa kabataan na patuloy na mangarap, magsikap, at abutin ang kanilang mga mithiin. Nawa’y magsilbi itong paalala na ang bawat pagsisikap at pagtitiyaga ay may magandang bunga.

Congratulations, mga kabataan ng Santisimo Rosario!🎓🏆
Ang inyong tagumpay ay tagumpay ng ating buong barangay.

Santisimo Vs San Lucas II🏀Matagumpay na nasungkit ng Team Santisimo Rosario ang pangalawang panalo matapos talunin ang S...
12/08/2026

Santisimo Vs San Lucas II🏀

Matagumpay na nasungkit ng Team Santisimo Rosario ang pangalawang panalo matapos talunin ang San Lucas II sa ginanap na Inter-Barangay 25 Under Matira Matibay Basketball Tournament sa St. Therese Montessori School.

Congratulations, Team Santisimo Rosario! Tuloy ang laban! 🏆

READY KA NA BA SA PINAKA-EXCITING NA TEAM BUILDING NG TAON?Hindi ito ordinaryong gathering, ito ay isang araw na puno ng...
06/08/2026

READY KA NA BA SA PINAKA-EXCITING NA TEAM BUILDING NG TAON?

Hindi ito ordinaryong gathering, ito ay isang araw na puno ng fun games, exciting challenges, teamwork, bagong kaibigan, at unforgettable memories!

Bilang bahagi ng LINGGO NG KABATAAN 2026, inaanyayahan namin ang lahat ng kabataang handang makisaya, makiisa, at ipakita ang tunay na lakas ng kabataan!

KAILAN: August 22 2026 9:00am to 5:00PM
SAAN: Glory and Grace Resort Brgy. Santisimo Rosario San Pablo City
SINO: 15-30 years old na residente ng Brgy. Santisimo Rosario

FIRST 100 YOUTH PARTICIPANTS ONLY!
✅ REGISTER NOW!
📌 Sagutan ang Google Form para makasama:
https://forms.gle/GWMpJsSJEgCsEpWc7
https://forms.gle/GWMpJsSJEgCsEpWc7
https://forms.gle/GWMpJsSJEgCsEpWc7

Invite your friends, barkada, classmates, at buong tropa!
Mas masaya kapag sama-sama!

Isang araw ng tawanan, hamunan, pagkakaisa, at leadership ang naghihintay sa'yo.
Ikaw ba ang susunod na magiging bahagi nito?

Santisimo Vs Guadalupe 1 🏀Matagumpay na nasungkit ng Team Santisimo Rosario ang unang panalo matapos talunin ang Guadalu...
28/07/2026

Santisimo Vs Guadalupe 1 🏀

Matagumpay na nasungkit ng Team Santisimo Rosario ang unang panalo matapos talunin ang Guadalupe 1 sa ginanap na Inter-Barangay 25 Under Matira Matibay Basketball Tournament sa St. Therese Montessori School.

Congratulations, Team Santisimo Rosario! Tuloy ang laban! 🏆

🎓 GAWAD TAGUMPAY 2026 🏅Sipag. Husay. Tagumpay.Bilang pagkilala sa dedikasyon at natatanging tagumpay ng ating mga kabata...
19/07/2026

🎓 GAWAD TAGUMPAY 2026 🏅

Sipag. Husay. Tagumpay.

Bilang pagkilala sa dedikasyon at natatanging tagumpay ng ating mga kabataan, ang Sangguniang Kabataan ng Barangay Santisimo Rosario ay naglulunsad ng Gawad Tagumpay 2026: Financial Assistance and Recognition Program para sa mga Class of 2026 Latin Honor Graduates at 2026 Board Exam Passers.

Kung ikaw ay kwalipikado, inaanyayahan ka naming magpasa ng iyong aplikasyon sa pamamagitan ng Google Form at kumpletuhin ang mga kinakailangang requirements.

📌 Application Deadline: July 26, 2026 (Sunday)

🔗 Google Form:
https://forms.gle/fD3nrvAx2AzaiTCo7 https://forms.gle/fD3nrvAx2AzaiTCo7 https://forms.gle/fD3nrvAx2AzaiTCo7

📩 Para sa mga katanungan o paglilinaw, huwag mag-atubiling mag-message sa opisyal na page o sa mga opisyal ng Sangguniang Kabataan ng Barangay Santisimo Rosario.

Patuloy nating ipagdiwang at suportahan ang sipag, husay, at tagumpay ng kabataang Santisimo Rosario!



ISANG MATAGUMPAY NA SK ARNIS OPEN TOURNAMENT! ⚔️🇵🇭Matagumpay na naisagawa ng buong Sangguniang Kabataan ng Barangay Sant...
12/07/2026

ISANG MATAGUMPAY NA SK ARNIS OPEN TOURNAMENT! ⚔️🇵🇭

Matagumpay na naisagawa ng buong Sangguniang Kabataan ng Barangay Santisimo Rosario sa Pangunguna ni SK Chairperson Kgg. Kenneth Andrei L. Punzalan ang SK Arnis Open Tournament, na dinaluhan ng mga atleta mula sa iba't ibang paaralan sa Lungsod ng San Pablo maging sa mga karatig bayan.

Sa kabila ng hindi magandang panahon, ipinakita ng bawat kalahok ang kanilang dedikasyon, disiplina, at tunay na diwa ng sportsmanship. Ang inyong pakikiisa at pagmamahal sa ating pambansang martial art ang naging susi sa tagumpay ng paligsahang ito.

Taos-puso rin kaming nagpapasalamat kay Coach Jonathan Bruto sa kanyang dedikasyon at pagiging katuwang ng Sangguniang Kabataan sa matagumpay na pagpaplano at pagsasagawa ng tournament.

Lubos din ang aming pasasalamat sa Sangguniang Barangay ng Barangay Santisimo Rosario, sa pangunguna ni Punong Barangay Kgg. Maximo B. Castillo, sa kanilang patuloy na suporta at tiwala sa bawat programa at aktibidad ng Sangguniang Kabataan.

Maraming salamat din sa ating mga coaches, referees, judges, volunteers, mga magulang, at sa lahat ng mga tumulong at sumuporta upang maging matagumpay ang event na ito. Ang tagumpay ng programang ito ay bunga ng ating pagkakaisa, pagtutulungan, at iisang layunin na mapaunlad ang ating kabataan sa pamamagitan ng isport.

Binabati namin ang lahat ng mga nagwagi at ang bawat kalahok na buong puso at may dangal na lumaban. Nawa'y magsilbing inspirasyon ang paligsahang ito upang lalo pa nating isulong ang Arnis at patuloy na hubugin ang mga kabataang may disiplina, respeto, at pagmamahal sa bayan.
Maraming salamat po sa inyong lahat. Hanggang sa muli!



🦟 DENGUE AWARENESS MONTH 2026 🏫Bilang pakikiisa sa pagdiriwang ng Dengue Awareness Month, dumalo sina SK Chairperson Hon...
10/07/2026

🦟 DENGUE AWARENESS MONTH 2026 🏫

Bilang pakikiisa sa pagdiriwang ng Dengue Awareness Month, dumalo sina SK Chairperson Hon. Kenneth Andrei L. Punzalan at Barangay Councilor, Committee on Health Hon. Aiza Banayo sa programang isinagawa ng City Health Office na may temang:

"Barangay at Eskwelahan Ko, Dengue-Free Dapat Ito!"

Ang nasabing programa ay ginanap sa LGU Hotel, Barangay San Jose, San Pablo City, at dinaluhan ng mga kinatawan mula sa iba't ibang barangay sa Lungsod ng San Pablo upang higit pang mapalawak ang kaalaman at mapalakas ang kampanya laban sa dengue.

Patuloy nating isabuhay ang disiplina sa pagpapanatiling malinis ng ating kapaligiran, pag-aalis ng mga lugar na maaaring pamahayan ng lamok, at pagsunod sa mga hakbang sa pag-iwas sa dengue. Sa pamamagitan ng pagkakaisa at aktibong pakikilahok ng bawat isa, makakamit natin ang isang ligtas, malinis, at dengue-free na Barangay Santisimo Rosario.

Address

Brgy. Santisimo Rosario
San Pablo City
4000

Opening Hours

Monday 9am - 4pm
Tuesday 9am - 4pm
Wednesday 9am - 4pm
Thursday 9am - 4pm
Friday 9am - 4pm
Saturday 9am - 4pm

Website

Alerts

Be the first to know and let us send you an email when Sangguniang Kabataan ng Brgy.Santisimo Rosario posts news and promotions. Your email address will not be used for any other purpose, and you can unsubscribe at any time.

Shortcuts

Share

Category