NFA Laguna

04/08/2026

Kamakailan ay nagsagawa ng personal na pagbisita ang mga kawani ng NFA Laguna sa isang contracted miller sa lalawigan upang masubaybayan ang kasalukuyang milling operations bilang bahagi ng patuloy na monitoring ng mga operasyon ng ahensya.

Layunin ng pagbisita na masiguro na ang milling operations ay isinasagawa alinsunod sa itinakdang pamantayan ng NFA, partikular sa kalidad ng paggiling ng palay, tamang paghawak ng mga imbentaryo, at pagsunod sa mga alituntunin sa operasyon. Sinuri rin ang kondisyon ng milling facilities at ang kahandaan ng pasilidad upang matiyak ang episyente at tuloy-tuloy na produksyon ng de-kalidad na bigas.

Patuloy ang NFA Laguna sa mahigpit na pakikipag-ugnayan at regular na pagmomonitor sa mga contracted millers upang matiyak ang de-kalidad, at maaasahang serbisyo para sa kapakinabangan ng sambayanang Pilipino.

31/07/2026

Matagumpay na nakapag-isyu ang NFA Laguna ng well-milled rice sa DOLE sa ilalim ng programang Benteng Bigas, bilang bahagi ng inisyatiba ng pamahalaan na magbigay ng abot-kayang bigas para sa mga manggagawang Pilipino. Ang ipinamamahaging bigas ay makatutulong sa pagtugon sa kanilang pang-araw-araw na pangangailangan at sa pagpapagaan ng epekto ng patuloy na pagtaas ng presyo ng mga pangunahing bilihin.

Patuloy na nakikiisa ang NFA Laguna sa mga programa ng pamahalaan na naglalayong matiyak ang sapat at abot-kayang suplay ng bigas para sa mga Pilipino.

30/07/2026

29/07/2026

Pormal nang sinimulan ng NFA Laguna Branch Office ang milling operations sa pakikipagtulungan ng contracted miller sa lalawigan bilang bahagi ng patuloy na pagsisikap ng ahensya na mapanatili ang sapat at de-kalidad na suplay ng bigas para sa mga mamamayang Pilipino.

Ang operasyong ito ay isang mahalagang hakbang upang matiyak ang kahandaan ng ahensya sa pagtugon sa mga pangangailangan ng publiko, lalo na sa panahon ng mga kalamidad at iba pang emergency na sitwasyon. Kasabay nito, patuloy ding sinusuportahan ng NFA ang programa ng pamahalaan na maghatid ng abot-kaya at de-kalidad na bigas sa bawat Pilipino.

Patuloy na nagsisilbi ang NFA Laguna Branch Office para sa mas matatag na food security at mas mabilis na pagtugon sa pangangailangan ng mamamayan.

29/07/2026

Patuloy ang tapat at walang sawang paglilingkod para sa bayan at sa ating mga magsasaka. Sa ilalim ng pamumuno ni Pangulong Ferdinand “Bongbong” Marcos Jr. (BBM), mas pinalakas ang buffer stock ng NFA upang matiyak ang sapat na suplay ng bigas at higit na mapalakas ang seguridad sa pagkain ng bawat pamilyang Pilipino.

27/07/2026

Ang tanggapan ng National Food Authority ay patuloy na bumibili ng palay mula sa ating mga lokal na magsasaka.
Bukas ang aming tanggapan mula 𝐋𝐮𝐧𝐞𝐬 𝐡𝐚𝐧𝐠𝐠𝐚𝐧𝐠 𝐁𝐢𝐲𝐞𝐫𝐧𝐞𝐬..
Epektibo ngayong linggo, ang presyo ng tuyo at malinis na palay ay ₱ 𝟐𝟓.𝟎𝟎 𝐤𝐚𝐝𝐚 𝐤𝐢𝐥𝐨.
Para sa karagdagang impormasyon tungkol sa aming programa, maaari po kayong makipag-ugnayan o tumawag sa mga sumusunod na numero:
• 0954-421-0357
• (049) 562-3161
Maraming salamat po.

25/07/2026

Patuloy na naglilingkod ang mga kawani ng NFA Laguna upang matiyak ang maagap at epektibong pagtugon sa pangangailangan ng ating mga mamamayan.

Ngayong araw, matagumpay na nakapag-isyu ang GID Infanta Warehouse ng 500 bag ng well-milled rice para sa LGU Jomalig bilang bahagi ng relief assistance para sa mga residenteng naapektuhan ng El Niño.

Sa pamamagitan ng matatag na koordinasyon at pagtutulungan, nananatiling handa ang NFA Laguna sa paghahatid ng serbisyong may integridad, malasakit, at kahusayan.

24/07/2026

24/07/2026

Bagong Rice Processing System sa Lubao, Pampanga

Opisyal nang pinasinayaan ni Pangulong Ferdinand R. Marcos Jr. ang bagong Rice Processing System para sa mas maayos na post-harvest operations at dekalidad na bigas.